Morgunblaðið - 10.06.2003, Síða 15

ERLENT
MORGUNBLAÐIÐ ÞRIÐJUDAGUR 10. JÚNÍ 2003 15
w
w
w
.js
h.
is
ÞAÐ SEM ER GRÆNT*
VERÐUR EKKI RAUTT
*LITURINN HVERFUR
EN VÖRNIN EKKI.
AÐ öllum líkindum mun losun
gróðurhúsalofttegunda aukast í
iðnríkjum heims á næstu árum
þrátt fyrir alþjóðasáttmála á
borð við Kyoto-bókun Samein-
uðu þjóðanna (SÞ) um viðbrögð
vegna hækkandi hitastigs í and-
rúmsloftinu. Þessar niðurstöður,
sem koma fram í nýrri skýrslu
SÞ, voru gerðar opinberar á
ráðstefnu 190 aðildarríkja sam-
takanna um breytingar í lofts-
lagi sem haldin var í Þýskalandi
nýverið. Þar voru ræddar ítar-
legar áætlanir um að draga úr
losun gróðurhúsaloftegunda.
Þetta kom fram á fréttavef
BBC.
Talin aukast um 10%
Í skýrslunni er því spáð að
með sama áframhaldi muni los-
un gróðurhúsalofttegunda hafa
aukist um 10% í iðnríkjum
heims 2010. Þá kemur fram að
árið 2000 hafi þróuðum ríkjum
heims tekist að ná einu af fyrstu
markmiðum Kyoto-bókunarinn-
ar, þ.e. að minnka losun gróð-
urhúsalofttegunda í magn sam-
bærilegt því sem losað var 1990.
Þrátt fyrir að þessu markmiði
hafi verið náð jókst losun veru-
lega í ríkjum á borð við Banda-
ríkin og Ástralíu sem hafa neit-
að að fullgilda sáttmálann.
Jafnframt hafa ríki eins og
Kanada og Japan, sem þegar
hafa fullgilt Kyoto-bókunina,
séð í gegnum fingur sér með að
þar fari losun gróðurhúsaloft-
tegunda vaxandi. Enn fremur er
því lýst í skýrslunni að nú þegar
efnahagur í ríkjum Austur-Evr-
ópu er farinn að vænkast og að-
ildarríki SÞ spá því að losunin
aukist líti ekki út fyrir að fram-
tíðarmarkmiðum Kyoto-bókun-
arinnar verði náð. „Þessar nið-
urstöður sýna svo ekki verður
um villst að öflugrar og meira
skapandi stefnu er þörf,“ sagði
Joke Waller-Hunt, fram-
kvæmdastjóri ráðstefnunnar.
Beðið eftir Rússum
Þrátt fyrir að Kyoto-sáttmál-
inn, sem var undirritaður árið
1997, sé farinn að hafa áhrif á
aðgerðir ríkja heims gegn
hækkandi hitastigi í andrúms-
loftinu hefur hann enn ekki ver-
ið gerður fullgildur af að
minnsta kosti 55 aðildarríkjum
SÞ en það er nauðsynlegt til að
hann verði að alþjóðalögum.
Þess er nú beðið að Rússar full-
gildi sáttmálann. Hann mun þá
verða að lögum sem gerir harð-
ari aðgerðir gegn losun gróð-
urhúsalofttegunda í heiminum
mögulegar.
Losun gróð-
urhúsaloft-
tegunda eykst STJÓRNVÖLD í Norður-Kóreusögðust í gær ætla að koma sér uppkjarnavopnum ef Bandaríkjamenn
létu ekki af „fjandsamlegri stefnu
sinni“ gagnvart landinu. Er þetta í
fyrsta sinn sem kommúnistastjórnin
í Norður-Kóreu viðurkennir opin-
berlega að hún hyggist framleiða
kjarnavopn.
Talsmaður George W. Bush
Bandaríkjaforseta áréttaði í gær
kröfuna um að Norður-Kóreumenn
hættu þróun kjarnavopna og sagði
að almenningi í Norður-Kóreu staf-
aði mest hætta af stjórninni í Pyong-
yang.
Norður-kóreska fréttastofan
KCNA sagði að með því að koma sér
upp kjarnavopnum gæti stjórnin
minnkað fjárframlögin til hersins
verulega og notað féð til að bæta lífs-
kjörin í landinu.
Stjórnin kvaðst vera tilbúin að
hætta við að framleiða kjarnavopn ef
Bandaríkjamenn breyttu stefnu
sinni. „En haldi Bandaríkjamenn
áfram að ógna Norður-Kóreu með
kjarnavopnum í stað þess að láta af
fjandsamlegri stefnu sinni gagnvart
stjórninni í Pyongyang á hún einskis
annars úrkosti en að byggja upp
kjarnorkuherafla,“ sagði í frétt
KCNA. N-Kóreumenn hafa sakað
Bandaríkjastjórn um að vera að und-
irbúa fyrirbyggjandi árás á landið.
Fréttastofan sagði að markmiðið
væri ekki að ógna öðrum ríkjum,
heldur að auka öryggi landsins með
fælingarstefnu, minnka hefðbundna
heraflann og nota féð sem sparast til
að bæta lífskjör almennings.
Norður-Kórea
Kveðst ætla
að framleiða
kjarnavopn
Seoul. AFP, AP.