Morgunblaðið - 09.07.2003, Blaðsíða 6

FRÉTTIR
6 MIÐVIKUDAGUR 9. JÚLÍ 2003 MORGUNBLAÐIÐ
OPNUN Héðinsfjarðarganga milli
Siglufjarðar og Ólafsfjarðar seinkar
um eitt ár frá því sem áður var
ákveðið. Áætlað er að byggingu
þeirra verði lokið haustið 2009 en
upphaflega átti þeim að vera lokið
árið 2008. Þetta næst með því að
stytta framkvæmdatímann. For-
ystumenn ríkisstjórnarinnar hittu
forsvarsmenn sveitarfélaganna á
norðanverðu Eyjafjarðarsvæðinu í
ráðherrabústaðnum í gær og til-
kynntu þeim þetta. Verður sveita-
stjórnunum afhent yfirlýsing ríkis-
stjórnarinnar á næstu dögum um
tilhögun framkvæmdanna þessu til
staðfestingar.
Bregðast við óánægju
„Niðurstaðan er sú að frestun á
því að göngin verði tekin í notkun
verður í raun aðeins rúmt ár en ekki
tvö ár,“ sagði Davíð Oddsson for-
sætisráðherra að loknum fundi. Með
þessu væri ríkisstjórnin að bregðast
við óánægju sem varð á Ólafsfirði
og Siglufirði og koma til móts við
málefnaleg sjónarmið. Menn hefðu
enga ástæðu til að ætla að af þessari
framkvæmd yrði ekki.
Halldór Ásgrímsson utanríkisráð-
herra sagði við sama tækifæri að
nýir samningar við verktaka yrðu
gerðir seint á árinu 2005 og haustið
2006 hæfust framkvæmdir við göng-
in. Áætluð verklok væru svo á
seinnihluta ársins 2009.
„Þetta er í raun í fyrsta skipti
sem ríkisstjórnin gefur út tímasetn-
ingu vegna þessara ganga. Það hef-
ur hún aldrei gert fyrr,“ sagði Hall-
dór.
Mildar áhrifin
Bæjarstjórarnir á Siglufirði og
Ólafsfirði, Guðmundur Guðlaugsson
og Stefanía Traustadóttir, sögðu
þessa ákvörðun milda áfallið sem
íbúar svæðisins urðu fyrir þegar
ákveðið var að fresta gerð gang-
anna. „Það er ekki hægt að vera
hamingjusamur því þetta er þrátt
fyrir allt frestun,“ sagði Stefanía.
Þau sögðust samt að sumu leyti
vera ánægð með fundinn með ráð-
herrunum.
„Stjórnvöld eru vissulega að
koma til móts við óskir íbúa á Eyja-
fjarðarsvæðinu öllu með þessu og
raunverulega þjóðarinnar allrar því
við höfum sýnt fram á að þarna er
um þjóðhagslega arðsama fram-
kvæmd að ræða og slíkum fram-
kvæmdum á ekki að fresta,“ sagði
Guðmundur.
Sturla Böðvarsson samgönguráð-
herra sagði að ríkisstjórnin bæri
ábyrgð á ríkisfjármálunum og stöðu
efnahagslífsins og því hefði upphaf-
lega verið tekin ákvörðun um frest-
un. Hann sagðist hafa skilning á
stöðu þeirra sem komu til fundar
við ráðherrana í gær.
Farið í smáframkvæmdir
Davíð sagði að til að undirstrika
að hér væri eingöngu um frestun að
ræða þá yrði farið í ýmsar smáfram-
kvæmdir sem væru hluti af borun
ganganna sjálfra. Brúargerð yrði
haldið áfram á Ólafsfirði og yfir
Fjarðará Siglufjarðarmegin. Jafn-
framt verður lögð háspennulína að
jarðgangamunnunum báðum megin.
Í Héðinsfirði verður byrjað að grafa
og hreinsa frá fjallinu svo bergið
verði orðið hreint þegar sprenging-
ar hefjast.
Gerð ganganna verður boðin út
aftur og býst Davíð við að fá hag-
stæðari tilboð en nú bárust í verkið.
Aðstæður geti verið gjörólíkar
haustið 2005 og minna um jarð-
vinnuframkvæmdir miðað við fram-
kvæmdatímann 2006.
Birkir J. Jónsson, alþingismaður
Framsóknarflokksins og Siglfirð-
ingur, segist vera ánægður með
stefnubreytingu ríkisstjórnarinnar
varðandi framkvæmdir við Héðins-
fjarðargöng. „Ég varð að sjálfsögðu
fyrir miklum vonbrigðum með fyrri
ákvörðun ríkisstjórnarinnar og var
henni algjörlega ósammála,“ segir
Birkir. Í ljósi þessa viðsnúnings hjá
ríkisstjórninni segir Birkir útlitið
mun bjartara en búast hafi mátt við.
„Ég tel stefnubreytinguna mikinn
varnarsigur fyrir íbúa við utanverð-
an Eyjafjörð. Ég tel að íbúar eigi að
standa með þessari ákvörðun og
treysta því að af henni verði og ég
er sannfærður um það. Með þeim
hætti er hagsmunum íbúanna best
borgið að mínu mati.“
Framkvæmdir við Héðinsfjarðargöng hefjast 2006 og lýkur 3 árum síðar
Gerð Héðinsfjarðarganga
seinkar um eitt ár en ekki tvö
Morgunblaðið/Golli
Davíð Oddsson forsætisráðherra, Halldór Ásgrímsson utanríkisráðherra, og Sturla Böðvarsson samgöngu-
ráðherra hittu fulltrúa í bæjarráðum Siglufjarðar og Ólafsfjarðar í ráðherrabústaðnum í gær.
Framkoman
fáránleg
BRYNJAR Sindri Sigurðarson,
fyrsti maður á lista Frjálslynda
flokksins í norðausturkjördæmi fyr-
ir síðustu kosningar, sem er búsett-
ur á Siglufirði, telur framkomu ráða-
manna við íbúa svæðisins fáránlega.
„Mér finnst það lámarkskrafa að
menn standi við orð sín, og það tel ég
ekki hafa verið gert hér. Rök ráða-
manna um að fresta framkvæmdum
nú til að draga úr þenslu standast
ekki að mínu mati, þar sem verktak-
ar hafa bent á að með því að seinka
framkvæmdum lendi þær á aðal
þenslutímabilinu í stað þess að fara í
gang núna.“
Brynjar segir stöðu mála á Siglu-
firði ekki góða. „Hér er enginn stöð-
ugleiki fyrir hendi, jafn mikilvægu
máli fyrir byggðina og þessu er
skyndilega seinkað um nokkur ár.
Fólki finnst það vera illa svikið.
Menn hafa séð fyrir sér miklar fram-
farir hér á Siglufirði, til dæmis fleiri
heimsóknir ferðamanna og samnýt-
ingu á þjónustu,“ sagði Brynjar.
ÚTFÖR Jóhannesar Geirs Jóns-
sonar, listmálara, fór fram í Dóm-
kirkjunni í gær, en hann lést 29.
júní síðastliðinn. Séra Hjálmar
Jónsson jarðsöng. Organisti var
Hörður Áskelsson og Einar Jó-
hannesson lék á klarinett. Jóhann
FriðgeirValdimarsson söng ein-
söng og Tónabræður sungu. Lík-
menn voru Einar Hákonarson, Sig-
urður Halldórsson, Geirlaug
Björnsdóttir, Óskar Magnússon
(sést ekki á myndinni), Stefán Örn
Stefánsson, Inga Lísa Middleton,
Haukur Jónsson og Sigurður Þórir
Sigurðsson.
Morgunblaðið/Golli
Útför Jóhannesar
Geirs Jónssonar
Slæm fram-
koma við íbúa
svæðisins
STEINGRÍMUR J. Sigfússon, for-
maður Vinstri-grænna, segir það al-
varlegt mál þegar ríkisstjórn ákveði
að hverfa frá samþykktum áætl-
unum alþingis. „Framkvæmdin var
komin á fjárlög og samgönguáætlun
og þess vegna tel ég að valdið til
þess að breyta áætlunum liggi hjá
alþingi. Ætti því frekar að líta á nýj-
ustu tíðindi sem tillögu ríkisstjórnar
um að ákvörðunum verði breytt.
Segir hann undarlegt að nú sé
borið við þensluáhrifum vegna fyrir-
hugaðra stóriðjuframkvæmda, þar
sem þingmenn Vinstri-grænna hafi
ítrekað spurt að því hvað yrði gert til
þess að sporna við áhrifum þenslu.
„Mér finnst þetta mikið hringl og af-
skaplega slæm framkoma við íbúa
svæðisins, þegar búið er að vekja
væntingar og vonir um að fram-
kvæmdir séu handan við hornið. Úr
því sem komið var þá tel ég að við
þessi loforð hefði átt að standa og
finnst mér menn setja niður við allt
þetta mál. Best hefði verið að aldrei
hefði verið farið af stað með þetta
hringl.“
Eins og að
klappa rot-
uðum manni
KRISTJÁN L. Möller, alþingis-
maður Samfylkingar, segir ákvörðun
ríkisstjórnarinnar enn vekja von-
brigði. „Ég hélt að ríkisstjórnin
myndi draga ákvörðun sína til baka,
enda ekki nema um tveir mánuðir
síðan fulltrúar ríkisstjórnarflokk-
anna riðu hér um héruð og sögðu að
ekkert gæti komið í veg fyrir fram-
kvæmdir nema þeir dyttu úr ríkis-
stjórn.
Á sínum tíma stóð í útboðsgögnum
að framkvæmdir hæfust í september
2004. Íslenskir aðalverktakar (ÍAV)
ætluðu sér að byrja strax og verkinu
hefði lokið árið 2006. Nú hefur verið
sett af stað ferli sem þýðir að göngin
verða tekin í notkun árið 2009, þrem-
ur árum seinna en ef tilboði ÍAV
hefði verið tekið. Verktími Vegagerð-
arinnar var mjög rúmur, tæp fjögur
ár. Nú ætlar ríkisstjórnin að nota
verktíma ÍAV og stytta verktíma
Vegagerðarinnar sem því nemur.“
Kristján telur ákvörðun ríkis-
stjórnarinnar svik og framferði ríkis-
stjórnarflokkanna að standa ekki við
gefin loforð fyrir kosningar vera
dæmi um loddarahátt. „Það hefur
ekkert breyst í efnahagsmálum frá
því að ríkisstjórnin heimilaði útboð
þar til að hún tók þessa vitleysis-
ákvörðun þann 1. júlí. Nýja ákvörð-
unin breytir því litlu og virkar á mig
eins og verið sé að klappa manni eftir
að hann hefur verið steinrotaður viku
fyrr.“
FARÞEGAR sem voru um borð
í Flugleiðavélinni, sem snúa
þurfti aftur til Faro í Portúgal í
gær, segja að mikill óþefur hafi
gosið upp í farþegarýminu
skömmu eftir flugtak. Þeir sem
sátu aftast í vélinni fengu verki
í höfuð og háls við að anda að
sér lyktinni. Að sögn farþega
sem Morgunblaðið ræddi við
greip þó nokkur hræðsla um sig
meðal farþega þegar reykjar-
lyktin fannst. Aðstoðarflugmað-
ur kom þá aftur í farþegarýmið
ásamt flugfreyjum og höfðu þau
handslökkvitæki við höndina.
Flugstjóri tilkynnti að ákveðið
hefði verið að snúa vélinni við
og lenda aftur í Faro. Alls var
vélin í um hálftíma í loftinu.
„Það var nú bara þannig að
við vorum búin að vera tæpar
tuttugu mínútur í lofti og flug-
freyjan var nýbúin að kynna ör-
yggisráðstafanir og slíkt. Þá
fannst torkennileg lykt í far-
þegarýminu. Aðstoðarflugmaður
skoðaði þetta og það var ákveðið
að snúa við. Þetta gekk mjög vel
og allir voru rólegir,“ segir einn
farþeganna. Farþegar sem
Morgunblaðið ræddi við báru
mikið lof á áhöfn vélarinnar og
sögðu að allt fas þeirra hefði
verið til þess fallið að róa far-
þegana og að mikil fagmennska
hefði einkennt viðbrögð þeirra.
Þegar vélin lenti aftur í Faro
var mikill viðbúnaður af hálfu
slökkvi- og sjúkraflutningaliðs
en vel gekk að koma farþegum
frá borði. Nokkrir farþeganna
urðu mjög hræddir en aðrir far-
þegar og starfsfólk Flugleiða og
flugvallarins komu þeim til að-
stoðar. Farþegarnir voru síðan
sendir í rútu á hótel skammt frá
vellinum þar sem tími gafst til
að hitta farþegana og fara yfir
málið. Einn viðmælandi Morg-
unblaðsins kvaðst hafa talið sig
heyra undarleg hljóð í vélinni
þegar hún hóf sig til lofts en
ekki vitað hvort sú tilfinning
væri á rökum byggð. Lyktin
hefði hins vegar verið mjög
römm og sagðist farþeginn ekki
hafa fengið svör við því hvort
reykurinn hefði verið hættuleg-
ur.
Vel fór um farþegana í gær-
kvöldi en áformað er að þeir
fljúgi aftur heim kl. 9 að staðar-
tíma í dag. Ef ekki hefur fengist
niðurstaða í hvað gerðist í vél-
inni í gær munu Flugleiðir
senda aðra vél til að ferja far-
þegana heim.
Farþegar í Flugleiðavél sem snúa
þurfti vegna reyks í farþegarými
Bera lof á við-
brögð áhafnar