Morgunblaðið - 09.07.2003, Blaðsíða 18

AKUREYRI
18 MIÐVIKUDAGUR 9. JÚLÍ 2003 MORGUNBLAÐIÐ
ÚTSALAN
HEFST
í DAG KL. 10
Krónunni, 2. hæð, sími 462 3505, Hafnarstræti 97, 600 Akureyri.
Verið velkomin
TVEIR bræður á þrítugsaldri hafa
verið dæmdir í tveggja mánaða
fangelsi, skilorðsbundið til þriggja
ára í Héraðsdómi Norðurlands
eystra en þeir voru ákærðir fyrir
líkamsárás.
Bræðurnir voru ákærðir fyrir að
hafa ráðist að manni í húsi á Þórs-
höfn í júlí árið 2001, slegið hann
niður og sparkað í hann liggjandi
með þeim afleiðingum að hann
hlaut margvísleg meiðsl af.
Samkvæmi var í húsinu og
áfengi haft um hönd. Annar mann-
anna neitaði við alla meðferð máls-
ins sök, en kvaðst hafa verið undir
áhrifum áfengis.
Bróðir hans bar við minnisleysi
sökum ofurölvunar. Tveir piltar
aðrir voru ákærðir í málinu, en
þeirra þáttur skilinn frá máli
bræðranna og lauk því með játn-
ingardómi. Þykir dómnum, með
skýlausri játningu hinna tveggja
sem og trúverðugum framburði
vitna sem lýstu barsmíðum bræðr-
anna skilmerkilega fyrir dómi ekki
varhugavert að telja sannað að
bræðurnir hafi gerst sekir um þá
háttsemi þeim þeim var gefin að
sök.
Við ákvörðun refsingar var litið
til þess að líkamsárásin var fólsku-
leg, tilefnislaus og framin í félagi
við aðra. Eftir atvikum með hlið-
sjón af ungum aldri þótti fært að
skilorðsbinda refsinguna. Var
bræðrunum gert að greiða sakar-
kostnað.
Dæmdir vegna fólskulegrar árásar
FISKIDAGURINN mikli verður
haldinn í þriðja sinn á Dalvík í næsta
mánuði, eða 9. ágúst.
Yfir 20 þúsund manns sóttu Dal-
víkinga heim þegar efnt hefur verið
til fiskidags.
Gert er ráð fyrir að gestir nú
verði enn fleiri en í fyrra en í boði
verður fjölbreytt dagskrá og marg-
víslegar uppákomur, en dagurinn
verður með svipuðu sniði og á liðn-
um árum. Brottfluttir
Dalvíkingar hafa notað tækifæri
og flykkst á heimaslóðir og því oft
fagnaðarfundir er menn hittast eftir
langan aðskilnað.
Landsmönnum öllum er boðið í
mat þar sem fjöldinn allur af góm-
sætum fiskréttum er í boði, nýir rétt-
ir í bland við aðra sem notið hafa
vinsælda á fyrri fiskidögum. Yf-
irkokkur verður sem fyrr Úlfar Ey-
steinsson á veitingastaðnum Þremur
frökkum. Maturinn sem gestum
býðst að snæða er þeim að kostn-
aðarlausu, og þá kostar ekkert að
tjalda á tjaldsvæðinu á Dalvík
Fiskverkendur á Dalvík standa að
þessum degi en framkvæmdastjóri
er Júlíus Júlíusson.
Fiskidagurinn mikli í þriðja sinn
Gert ráð fyrir enn fleiri gestum
UM síðustu helgi var haldin
Skeljahátíð í Hrísey, þar sem fólk
gat komist á sjóinn, séð hvernig
ræktunin fer fram og smakkað á
framleiðslunni. Að hátíðinni stóðu
Norðurskel, veitingahúsið Brekka,
Hríseyingur og Hríseyjarhreppur.
Víðir Björnsson, framkvæmda-
stjóri Norðurskeljar, sagði í sam-
tali við Morgunblaðið að hátíðin
hefði tekist vonum framar.
„Viðbrögðin sem við fengum
voru alveg frábær, því við reikn-
uðum með um 50 gestum, en raun-
in varð sú að um 500 manns
mættu á svæðið. Við vorum að
halda þessa hátíð í fyrsta skipti en
hugmyndin er sú að halda hana
tvisvar á ári, bæði yfir veturinn og
sumarið. Það var ferðamála-
fulltrúinn í Hrísey, hún Hjördís
Ýr, sem kom hátíðinni á og á hún
miklar þakkir skildar fyrir það.
Bláskelin er ný vara á Íslandi og
því þurfum við virkilega að kynna
hana. Við buðum öllum þingmönn-
um Norðlendinga og ég varð mjög
ánægður með að Valgerður Sverr-
isdóttir mætti en hún hefur virki-
lega stutt við bakið á okkur og er
búin að standa sig alveg gríðar-
lega vel. Þá á ég ekki við að hún
sé að dæla í okkur peningum held-
ur bara það að fá móralskan
stuðning, það smitar svo út frá sér
að einhver hafi trú á því sem við
erum að gera. Aðrir ráðamenn
hafa ekki verið jafn skilningsríkir
í okkar garð,“ sagði Víðir.
Magnús Gehringer, formaður
Sambands íslenskra kræklinga-
ræktenda, sagði við Morgunblaðið
að svona hátíð skipti miklu fyrir
þá sem eru að rækta skel í dag.
„Þetta er góð leið til að sýna ráða-
mönnum þjóðarinnar að þetta sé
hægt. Við erum ekki búnir að
festa okkur í sessi sem atvinnu-
grein og en vildum helst fá að
starfa í eðlilegu rekstrarumhverfi.
Við erum ekki að fara fram á að
geta byggt greinina upp á styrkj-
um. Það er búið að sýna fram á að
bláskelsræktun er möguleg hér á
landi, en hversu arðbær greinin
kemur til með að vera mun tíminn
leiða í ljós. Eins og staðan er í
dag lítur þetta út fyrir að vera
arðbær og spennandi atvinnu-
grein. Ef við fáum samskonar
rekstrarskilyrði og menn sem eru
í laxeldi eða þorskeldi, þá verðum
við mjög sáttir. Að sjálfsögðu þarf
maður að vera svolítið geggjaður
til að standa í þessu. Ef menn
vilja græða þá eru til margar mun
auðveldari leiðir til að verða ríkur.
Á hinn bóginn er fátt skemmti-
legra en að byggja upp ræktunina
og sigrast á aðsteðjandi vanda-
málum,“ sagði Magnús.
Víðir sagði að hann væri einnig
í þorskeldi og þar væru menn á
byrjunarreit. „Í bláskelinni erum
við komnir með gæða fram-
leiðsluvöru, á meðan við erum al-
gjörlega á byrjunarreit í þorsk-
eldinu. Verð á mörkuðum hefur
tvöfaldast á síðustu árum og
það er skortur á vörunni í út-
löndum, sérstaklega vegna
mengunar á þeim slóðum. Við
verðum að gera okkur grein
fyrir því að starfsgreinin sjálf
er átta hundruð ára gömul og
því er þetta engin tískubóla.
Menn verða að horfa á þetta
sem verulega mikla möguleika
í tekjuöflun á íslensku sjávar-
fangi. Við vitum það allstaðar
að úr heiminum að kvótar eiga
ekki eftir að aukast og því
verðum við að fara að nýta
fleiri kvikindi sem eru í sjón-
um,“ sagði Víðir.
1.000 tonn árið 2007
Í dag er Norðurskel að
framleiða 20 tonn af bláskel á
ári en áætlanir gera ráð fyrir
að árið 2007 verði framleiðslan
orðin 1.000 tonn. Áætlanir
tveggja annarra fyrirtækja á
Austfjörðum annarsvegar og
hinsvegar á Vestfjörðum eru mjög
svipaðar.
„Þessar áætlanir eru mjög raun-
hæfar. Ræktunarskilyrði eru góð,
það eina sem hamlar er skortur á
fjármagni. Með því að halda þessa
hátíð vildum við koma ráðamönn-
um þjóðarinnar í skilning um að
þetta væri grein sem hægt væri
að stunda hér við land og að við
værum með vöru sem stenst allan
samanburð,“ sagði Víðir.
„Innanlandsmarkaður kemur
ekki til með að taka endalaust við,
svo við stefnum á útflutning og þá
á fullunninni vöru. Bandaríkja-
markaður stækkar hvað hraðast
svo við stefnum á hann en horfum
einnig til Evrópu. Mengun strand-
svæða í Evrópu er orðið virkilegt
vandamál, það hefur orðið að færa
ræktunina alltaf norðar og norðar.
Við erum búnir að ganga í gegn-
um 6 mánaða ferli í sambandi við
rannsóknir á mengun í Eyjafirð-
inum. Guðjón Atli hjá Rannsókn-
arstofnun fiskiðnaðarins sagði við
okkur að útkoman úr rannsókn-
unum væri það góð að hún væri
okkar vegabréf inn á Evrópu-
markað. Við erum með frábæra
vöru og holdfyllingin sem við fáum
hér á landi er meiri en annars-
staðar. Það skiptir einnig gríðar-
lega miklu máli að skelin hér á
landi er mjög falleg í útliti og því
getum við selt hana heila,“
sagði Víðir.
„Við höfum unnið að því að
losna við alla þá byrjunarörð-
ugleika sem fylgja nýjum
greinum. Við gátum ekki yfir-
fært þekkingu beint erlendis
frá hingað, því munur á að-
stæðum er svo gríðarlegur.
Þetta er búið að vera mikið
puð og lærdómur, en helsta
vandamálið var að hanna burð-
arvirkin sem línurnar eru fest-
ar í fyrir íslenskar aðstæður.
Ræktunin er sjálfbær því nátt-
úran sér okkur fyrir lirfunum
og fæðunni, við þurfum bara
að sjá skeljunum fyrir bú-
svæði,“ sagði Víðir.
Víðir er einnig með ferða-
mannaþjónustu þar sem hann
býður meðal annars upp á að
fara með ferðamenn út að lín-
unum og býður upp á skel,
sem kokkar af veitingahúsinu
Friðriki V elda. „Við höfum
verið að fara með erlenda hópa
meðal annars frá Danmörku og
Frakklandi. Frakkarnir misstu
andlitið þegar við tókum skelina
um borð, settum hana beint í pott
og borðuðum. Úti þarf hún að fara
í gegnum hreinsistöðvar vegna
mengunar og þeir sögðu að ef við
gerðum þetta úti þá yrðum við
vart til frásagnar. Við höfum feng-
ið pantanir frá nokkrum veitinga-
húsum í Kaupmannahöfn sem
vildu fá skel tvisvar í viku senda
með Grænlandsflugi. Það er verið
að rækta 100.000 tonn í Danmörku
en þeim fannst skelin hjá okkur
það góð að þeir vildu kaupa hana
á hvaða verði sem er,“ sagði Víðir.
Skeljahátíð í Hrísey
Bjuggust við 50
gestum en 500
mættu á svæðið
Boðið var upp á margskonar veislurétti úr Bláskel og þurfti fólk að standa í röð til að komast að kræsingunum.
Það voru margir sem nýttu sér þann möguleika að sigla út að svæðinu þar
sem skelin er ræktuð til að skoða aðstæður.
Valgerður var ein af mörgum sem smökkuðu
Bláskel og hér er Víðir að útlista fyrir henni
framleiðsluna.