Morgunblaðið - 09.07.2003, Blaðsíða 20

LANDIÐ
20 MIÐVIKUDAGUR 9. JÚLÍ 2003 MORGUNBLAÐIÐ
ELDRI borgarar frá Akranesi og
næsta nágrenni brugðu sér fyrir
skömmu í sumarferð um Snæfells-
nes. Um sjötíu manns tóku þátt í
ferðinni og átti fararstjórn Skúla
Alexanderssonar fyrrverandi al-
þingismanns ekki minnstan þátt í
því. Þeir elstu voru rúmlega ní-
ræðir og gáfu hinum yngri ekkert
eftir í áhuga og atorku. Hádegis-
verður var snæddur á Hellnum, en
þar sem enginn staður þar tekur á
móti svona stórum hópi í einu,
skipti hópurinn sér milli Gisti-
heimilisins Brekkubæjar og Fjöru-
hússins.
Jökullinn stærri en hún hélt
Einn af þátttakendum í ferðinni
var Sigurrós Indriðadóttir, en hún
fæddist einmitt í Brekkubæ fyrir
nákvæmlega 75 árum, eða 29. júní
árið 1928. Reyndar bjó hún þar
ekki nema fyrsta aldursár sitt, en
þá fluttu foreldrar hennar að
Stóra-Kambi í Breiðuvík. Þar bjó
Sigurrós fram til ársins 1950 er
hún fluttist að Leirá í Borgarfirði,
en kom þó oft að Hellnum því afi
hennar og amma bjuggu að Laug-
arbrekku.
Aðspurð hvers hún minntist
mest úr náttúrunni sagði Sigurrós
að hún hefði ekki haft sterk tengsl
við náttúruna á Hellnum, en Hest-
urinn í Breiðuvík hefði alltaf verið
hennar fjall, enda hljóp hún þar
um allt á eftir kindum sem krakki.
Að heiman fór Sigurrós ekki í
fyrsta sinn fyrr en á fermingar-
aldri og þá gerði hún sér fyrst
grein fyrir því hversu stór Jökull-
inn var. Frá hennar sjónarhorni á
Stóra-Kambi virtist Jökullinn ekki
svo miklu stærri en önnur fjöll í
kringum hann, en í fermingar-
fræðslunni á Staðastað sá hún
greinilega hvernig hann gnæfði
yfir þau.
Eldri borgarar af
Skaganum í sumarferð
Hellnum
Morgunblaðið/Guðrún G. Bergmann
Hluti hóps eldri borgara frá Akranesi og næsta nágrennis sem fór í skemmtilega sumarferð um Snæfellsnes.
Sigurrós Indriðadóttir fæddist á
Brekkubæ þann 29. júní 1928.
KVENFÉLAGIÐ Hringurinn í
Stykkishólmi og tveir velunnarar
fjallkonunnar tóku höndum saman í
upphafi síðasta vetrar um að gefa
íbúum Stykkishólms nýjan faldbún-
ing til notkunar fyrir fjallkonuna 17.
júní og við önnur hátíðleg tækifæri.
Vinnan við búninginn tók u.þ.b. hálft
ár og var unnin af heimamanni. Bún-
ingurinn var svo notaður í fyrsta
skipti núna 17. júní í blíðskaparveðri.
Fyrst til að skrýðast búningnum var
„fjallkonan“ Sigrún Jónsdóttir.
Vakti búningurinn mikla hrifningu
allra enda er hann einstaklega fal-
legur og vel gerður. Kyrtillinn er
blár, tvískiptur, fagurlega útsaum-
aður og með hvítri blæju. Silfrið
samanstendur af höfuðdjásni,
brjóstnál og sprotabelti. Reynt var
að hafa búninginn sem upprunaleg-
astan og var farið að einu og öllu eftir
lýsingum Sigurðar Guðmundssonar
frá 19. öld.
Bæjarstjóri, Óli Jón Gunnarsson,
tók við gjöfinni og þakkaði. Hún mun
fylgja Hólmurum um ókomin ár.
Stykkishólmsbær fær nýjan
fjallkonubúning að gjöf
Stykkishólmur
Morgunblaðið/Gunnlaugur Árnason
Kristborg Haraldsdóttir, formaður
Kvenfélagsins Hringsins, afhendir
Óla Jóni Gunnarssyni bæjarstjóra
Fjallkonubúninginn.
GRÓSKA í hvers konar jarðar-
gróðri hefur verið mikil í þeirri úr-
valssprettutíð sem verið hefur á
undanförum vikum. Það á ekki hvað
síst við um grænmeti sem ræktað er
meira af hér um slóðir en annarstað-
ar á landinu. Margar tegundir eru
þegar komnar á markað sem er með
allra fyrsta móti. Segja garðyrkju-
bændur að uppskeruhorfur séu afar
góðar ef svo haldi sem horfi. Þá er
uppskera á inniræktuðu grænmeti
einnig mjög góð. Margir bændur
eru búnir með fyrri slátt á túnum
sínum og styttist þar til farið verður
að slá öðru sinni. Það má sannarlega
segja að tíðarfarið leiki við lands-
menn.
Morgunblaðið/Sigurður Sigmundsson
Ragnhildur Þórarinsdóttir á Flúðum sker blómkál ásamt aðstoðarfólki.
Mikið af íslensku græn-
meti komið á markað
Hrunamannahreppur
NÝR gistiskáli Ferðafélags fjarða-
manna var vígður sl. sunnudag og
var félagsmönnum, velunnurum og
styrktaraðilum skálans boðið til
vígslunnar.
Það var sr. Sigurður Rúnar Ragn-
arsson, sóknarprestur í Neskaup-
stað, sem vígði skálann. Við hæfi
þótti að láta skálann heita Karlsstaði,
enda stendur hann í landi Karlsstaða
í Vöðlavík. Margmenni var við vígsl-
una og var þröng á þingi í hinum nýja
og glæsilega skála, sem annars er
mjög rúmgóður gönguskáli.
Að sögn Ínu D. Gísladóttur, for-
manns Ferðafélags fjarðamanna,
hefur þetta verið „… mikið og
skemmtileg ævintýri sem búið er að
standa yfir í langan tíma.“ Margir
hafa lagt hönd á plóg og má segja að
um 100 manns hafi komið að verkinu
á einn eða annan hátt. „Meira að
segja skaparinn hefur aðstoðað með
því að lyfta skýjunum fyrir okkur
þegar á þurfti að halda“ sagði Ína.
Bygging skálans hefur að miklu
leyti farið fram í sjálfboðavinnu, en
byggingafyrirtækið Nestak hafði
umsjón með verkinu. Þá voru margir
sem styrktu verkið á einn eða annan
hátt með vinnuframlagi, peninga-
gjöfum eða annarri aðhlynningu.
Stærstu styrktaraðilar voru Fjalla-
sjóður, Pokasjóður, sveitarfélagið
Fjarðabyggð og fyrirtæki og stofn-
anir í Fjarðabyggð.
Morgunblaðið/Kristín
Formaður Ferðafélags fjarðamanna, Ína Dagbjört Gísladóttir, þakkaði
byggingarnefndarmönnunum, Bjarna Aðalsteinssyni, Rúnari Jóhannssyni,
Laufeyju Sveinsdóttur og Jónu Katrínu Aradóttur, vel unnið starf.
Karlsstaðir í
Vöðlavík vígðir
Neskaupsstaður
SUNNUDAGINN 6. júlí var haldið
upp á það á Stokkseyri að Stokks-
eyringafélagið í Reykjavík og ná-
grenni er 60 ára á þessu ári en það
var stofnað 21. nóvember 1943.
Í tilefni af þessum merku tíma-
mótum og að nú hefur verið lokið
við endurbyggingu Þuríðarbúðar
sem er eftirlíking af gamalli ver-
búð sem sá mikli kvenskörungur
Þuríður Einarsdóttir, oftast kölluð
Þuríður formaður átti, þá ákvað
félagið að gefa mjög glæsilegt
upplýsingaskilti sem sett hefur
verið upp við búðina. Þar er í
stórum dráttum sagt frá Þuríði
formanni og sjósókn hennar og
einnig frá verbúðarlífinu á dögum
áraskipanna.
Það voru þeir Einar Jósteinsson,
formaður félagsins, og Einar
Njálsson, bæjarstjóri sveitarfé-
lagsins Árborgar, sem afhjúpuðu
skiltið. Að því loknu hélt Einar
Njálsson smátölu þar sem hann
lýsti endurbyggingu búðarinnar
og svo opnaði Einar Jósteinsson
búðina aftur formlega.
Síðan var haldið í íþróttahúsið
þar sem Ungmennafélag Stokks-
eyrar og kvenfélag Stokkseyrar
buðu upp á afmæliskaffi. Þar voru
einnig fluttar ræður og meðal
þeirra sem töluðu var Þorvaldur
Sæmundsson sem flutti kvæði sem
hann hefur ort um Þuríði for-
mann.
Stokkseyringafélagið 60 ára
Stokkseyri
Morgunblaðið/Gísli Gíslason