Morgunblaðið - 12.08.2003, Blaðsíða 48

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 12. ÁGÚST 2003 VERÐ Í LAUSASÖLU 190 KR. MEÐ VSK.
• Lágmúla
• Sporhömrum Grafarvogi
• Sta›arbergi Hafnarfir›i
Opi› allan sólarhringinn í:
• Akureyri
DÚNTEKJA á landsvísu hefur verið
undir meðallagi í ár, að mati Jónasar
Helgasonar, bónda í Æðey á Ísa-
fjarðardjúpi. Árni Snæbjörnsson
hlunnindaráðunautur segir dún-
tekjuna vera eins og í „meðalári í
skásta falli“. Þeir segja votviðri hafa
haft slæm áhrif á dúntekjuna sums
staðar en annars staðar vantaði fugl,
sem líklega má skýra með því að æti
hafi verið af skornum skammti. Vot-
viðri hefur aftur á móti þau áhrif að
dúnninn er rýrari og nýtingin því
ekki eins góð.
„Ástandið hefur verið misjafnt
eftir landshlutum,“ segir Jónas.
„Það var vætusamara um austan- og
norðaustanvert landið en annars
staðar og eins bar á því í vor að það
virtist vanta fugl sums staðar.“
Þurrviðri á Suður- og Vesturlandi
stuðlaði að betri dúnnýtingu á því
svæði.
Árni segir að í vor hafi æðarvarpið
virst í góðu lagi eftir mildan vetur.
„Það sem var einkennilegt var að
það teygðist á varpinu fram eftir öllu
vori og það dreifðist á óvenju langan
tíma.“ Árni segir þetta hafa þýtt að
margir hafi náð meðalvarpi en aðrir
ekki. „Margir tala um færri egg í
hreiðrum og þetta er mikil vís-
bending um að fuglinn hafi ekki haft
nægjanlegt æti.“
Æðarfugl lifir helst á loðnu og
sandsíli, kröftugu fæði sem fitar
hann áður en varp hefst.
„Árið í heild er að öllum líkindum
slakara en venjulega,“ segir Jónas.
„Maður hefur heyrt um staði þar
sem er umtalsverð rýrnun, jafnvel
upp í helming eða meira, en það eru
undantekningar.“
Árni segir að ekki komi endanlega
í ljós hvernig tekist hefur að safna
dún í sumar fyrr en undir lok ársins.
Árlega er safnað um 3.000 kílóum
af hreinum æðardún á Íslandi, sem
mestmegnis er seldur til Japan og
Þýskalands. Um 400 bændur víða
um land tína æðardún á sumri
hverju. Verðið fyrir dúninn er nú
sæmilegt, að sögn Árna. Samkvæmt
hagtölum í fyrra skilaði sala á æðar-
dún um 200 milljónum í gjaldeyri.
Æðardúntekjan í ár er nokkuð misjöfn milli landshluta
Votviðri hefur skemmt fyrir
Morgunblaðið/Arnaldur
LÖGREGLUMENN í Reykjavík
urðu fyrir þeirri óvenjulegu reynslu
um helgina að vera boðið hass til
kaups. Sölumaðurinn og félagi hans
voru snarlega handteknir.
Málavextir eru þeir að óeinkennis-
klæddir lögreglumenn voru á ferð í
miðborginni og höfðu afskipti af
manni vegna upplýsinga um að hann
væri að selja fíkniefni. Með honum
var annar maður sem þekkti ekki
lögreglumennina, tók upp poka af
hassi og bauð þeim til kaups.
Þá handtók lögreglan mann sem
reyndi að komast undan með ætluð
fíkniefni uppi í sér. Hann komst
nokkra metra en missti þá efnin.
Bauð lög-
reglunni
hass
VEGFARENDUR um Miklubraut geta þessa
dagana horft á stærsta sjónvarpsskjá sem settur
hefur verið upp hér á landi. Skjárinn, sem er um
40 fermetrar á stærð, er þar sem áður var ljósa-
peruskilti Kringlunnar og snýr að gatnamótum
Kringlumýrarbrautar og Miklubrautar. Skjár-
inn verður á Kringlunni til 19. ágúst og þar má
meðal annars sjá kynningar um menningarnótt
og Reykjavíkurmaraþon auk auglýsinga og
skemmtiefnis. Skjárinn er í eigu ensks fyrirtækis
sem sérhæfir sig í að setja upp slíka skjái tengda
ýmsum viðburðum.
Einnig verður settur upp 10 fermetra sjón-
varpsskjár inni í Kringlunni sjálfri sem sýnir
sama efni.
Morgunblaðið/Kristinn
Stærsti sjónvarpsskjár á Íslandi við Kringluna
UNGUR ökumaður vélhjóls slasað-
ist alvarlega þegar hann lenti í
árekstri við jeppabifreið á Sprengi-
sandsleið síðdegis í gær. Maðurinn,
sem er íslenskur, missti talsvert af
blóði og var flogið með hann til að-
hlynningar á Landspítala – háskóla-
sjúkrahús í Fossvogi með þyrlu
Landhelgisgæslunnar, TF-SIF.
Þyrlan var kölluð út um hálfsex-
leytið, rétt eftir að TF-LÍF lenti í
Reykjavík eftir sjúkraflug frá
Öræfasveit.
Að sögn lögreglu á Hvolsvelli, sem
fór á vettvang ásamt sjúkrabíl og
lækni frá Hvolsvelli, rákust hjólið og
jeppinn saman á blindhæð. Vegurinn
var nýheflaður og nokkuð breiður.
Jeppanum var ekið til norðurs og
ökumaður hjólsins var á suðurleið
ásamt fimm félögum sínum sem voru
að koma úr nokkurra daga ferð um
hálendið á skráðum torfæruhjólum.
Ökumaður jeppans var einn á ferð og
sakaði hann ekki.
Ökumaður vélhjólsins fór í aðgerð
á Landspítalanum í gærkvöld og
samkvæmt upplýsingum læknis á
slysadeild var hann ekki úr lífs-
hættu. Hlaut hann opin lær- og upp-
handleggsbrot og fleiri alvarlega
áverka. Sökum blóðmissis missti
hann meðvitund á leið frá slysstað.
Árekstur á blindhæð
á Sprengisandsleið
DB



 










   
 

 

 


 


 
   
 

   
 ! " 
# 
   

  










  
Ökumaður
vélhjóls
slasaðist
alvarlega
FYRIRHUGAÐAR hvalveiðar
Íslendinga í vísindaskyni komu til
umræðu á fundi Árna M. Mathiesen
sjávarútvegsráðherra með Franz
Fischler, sjávarútvegs- og land-
búnaðarstjóra framkvæmdastjórnar
Evrópusambandsins (ESB), um
helgina.
Árni sagði við Morgunblaðið að
Fischler hefði ekki komið á framfæri
neinum formlegum mótmælum frá
ESB við hvalveiðunum en fréttir þess
efnis birtust í sænskum fjölmiðlum í
gær. Sagði hann viðræðurnar hafa
farið fram á mjög vinsamlegum nót-
um.
Í tilkynningu frá framkvæmda-
stjórn ESB er minnt á að hvalveiðar
og verslun með hvalaafurðir séu
bannaðar innan Evrópusambandsins.
Haft er eftir Fischler að hvalveiðar
séu afar viðkvæmt málefni hvað
varðar almenningsálit innan ESB.
Allar hvalategundir séu verndaðar,
samkvæmt aðallöggjöf Evrópu um
verndun náttúrulegs kjörlendis og
villts dýralífs. Aðildarríki ESB hafi
skuldbundið sig til þess að koma á fót
ströngu verndarkerfi í því skyni að
tryggja hagstæðan verndarstuðul.
„Við gætum því ekki stundað hval-
veiðar ef við værum í Evrópusam-
bandinu, samkvæmt því sem fram
kom á fundinum með Fischler.“
Franz Fischler ræddi um áformaðar hvalveiðar Íslendinga
Hvalveiðar bann-
aðar innan ESB
 Stjórnarskrárbinding/24
ÞYRLUÁHÖFN Landhelgisgæsl-
unnar var kölluð út í þriðja sinn í
gærkvöld vegna hestamanns er datt
af baki í Hítardal í Borgarfirði og
slasaðist alvarlega. Var hann að
koma ásamt fleirum úr reiðtúr vest-
an úr Dölum er óhappið átti sér stað
um áttaleytið. Þurftu félagar hans að
ríða nokkurn spöl niður dalinn til að
komast í símsamband og kalla eftir
hjálp. Lögregla, sjúkrabíll og læknir
lögðu af stað frá Borgarnesi og TF-
SIF frá Reykjavík. Var þyrlan
komin til baka um tíuleytið og lenti
hún við Landspítalann. Samkvæmt
upplýsingum læknis hlaut hesta-
maðurinn, sem er um sextugt, alvar-
lega áverka á hálsi og mænuskaða.
Þyrluflug eftir hesta-
manni í Borgarfirði
BYGGINGAFYRIRTÆKIÐ Flott
hús ehf. hyggst reisa einingahús frá
Slóveníu við götuna Lækjarvað í
Norðlingaholti. Byggingartækni-
fræðingurinn Björgmundur Guð-
mundsson áformar að fyrstu íbúðirn-
ar verði afhentar strax um áramótin.
Hann segir að mikil hagræðing sé af
þessu fyrirkomulagi, enda segir
hann bæði um vandaða og ódýra
vöru að ræða auk þess sem húsin séu
afar fljótleg í byggingu.
Slóvensk einingahús
í Norðlingaholti
 Einingahús frá/15