Morgunblaðið - 25.08.2003, Blaðsíða 25
FRÉTTIR
MORGUNBLAÐIÐ MÁNUDAGUR 25. ÁGÚST 2003 25
RAÐAUGLÝSINGAR
BÁTAR SKIP
Til sölu
Ferðamálasjóður auglýsir til sölu vélskipið
Andreu # 2241, 38 tonna stálskip, smíðað í
Svíþjóð 1956, skráð sem farþegaskip til sjó-
stangveiði með meiru.
Frekari upplýsingar eru veittar hjá Ferðamála-
sjóði, Borgartúni 21 í Reykjavík, eða
í síma 540 7510.
Ferðamálasjóður.
NÚ ER kornakur Egilsstaðabænda orðinn bleik-
ur, eins og sagt var forðum í Njálu um kornakr-
ana í Fljótshlíðinni á dögum Gunnars og Njáls.
Milli kornaxa skjóta upp kollinum þau Hrafn-
kell og Bryndís Sigurgeirsbörn. Mikil gróð-
ursæld hefur verið um allt land í sumar.
Morgunblaðið/Sigurður Aðalsteinsson
Börn á vappi um bleika kornakrana
Egilsstöðum. Morgunblaðið.
TUTTUGU OG EIN ferða-
skrifstofa í Evrópu hefur sent
frá sér yfirlýsingu þar sem
þær taka afstöðu gegn hval-
veiðum á Íslandi. Ferðaskrif-
stofurnar eru víðs vegar um
Evrópu og árlega koma marg-
ir ferðamenn til Íslands á
þeirra vegum. Að því er fram
kemur í yfirlýsingunni er
hvalaskoðun oft hápunktur Ís-
landsferða viðskiptavina ferða-
skrifstofanna en í nýlegri
skýrslu kemur fram að 62.050
ferðamenn hafi farið í hvala-
skoðun á Íslandi árið 2002.
Meiri hluti þessa fólks er út-
lendingar og í sömu skýrslu er
því spáð að árið 2007 fari á
milli 80.000 og 106.000 manns í
hvalaskoðun á Íslandi.
Geta haft hörmuleg áhrif
Ferðaskrifstofurnar lýsa yf-
ir áhyggjum af því að Íslend-
ingar hefji hvalveiðar og
benda á að margir ferðamenn
væru líklegir til að endurskoða
og jafnvel hætta við ferðalög
til Íslands.
Þess vegna hvetja ferða-
skrifstofurnar íslensk stjórn-
völd til að endurskoða áætl-
anir um hvalveiðar þar sem
þær geta haft hörmuleg áhrif,
ekki eingöngu á hvalina sem
eru veiddir heldur jafnframt á
blómstrandi hvalaskoðunarút-
gerð og íslenskt efnahagslíf í
heild sinni.
Ferðaskrif-
stofur í
Evrópu
mótmæla
hvalveiðum
ÍSLENSKA Lionshreyfingin er
mjög sterk og hefur unnið frábært
starf í þágu samfélagsins og hinna
þurfandi,“ segir dr. Tae-Sup Lee,
forseti alþjóðahreyfingar Lions,
sem lauk þriggja daga heimsókn
sinni til Íslands sl.
föstudag. „Miðað við
höfðatölu er íslenska
Lionshreyfingin öflug-
asta hreyfingin í ver-
öldinni og ég er mjög
ánægður með starf
hennar.“ Um 4.500 fé-
lagar eru í Lionshreyf-
ingunni í 88 klúbbum
um land allt. Á heims-
vísu eru 1,4 milljónir
meðlima í Lions í 191
þjóðlandi. Fyrstu 70
árin var einungis um
karlaklúbb að ræða en
árið 1987 var hreyfing-
in opnuð fyrir konum.
„Við þurfum að fjölga
Lionsmeðlimum til að
sinna þurfandi fólki og
viljum fjölga klúbbum í því augna-
miði,“ sagði dr Lee. „Ég legg
áherslu á að fá fleiri konur til liðs
við okkur, enda hef ég komist að því
að þær eru stundum duglegri en
karlmennirnir. Konur eru 52% af
jarðarbúum en aðeins 13% meðlima
Lions eru konur. Ég vildi sjá þetta
hlutfall hækka uppi í 25%.“
Barátta gegn augnsjúkdómum
Lions starfar að fjölda góðgerð-
armála, en hreyfingin er þó hvað
þekktust fyrir baráttu sína gegn
augnsjúkdómum. Fyrir tilverknað
Lions hafa verið gerðar 3,3 millj-
ónir augnskurðaðgerða á fólki með
ský á auga, þar af 2,5 milljónir að-
gerða í Kína síðastliðin sex ár.
Næstu fjögur árin er stefnt að því
að greiða fyrir 2 millj-
ónir aðgerða þar í
landi. Einnig er verið
að reisa spítala í
N-Kóreu fyrir augn-
sjúklinga fyrir fé sem
Lions hefur safnað.
„Við erum líka á kafi í
verkefnum sem lúta að
því að sigrast á augn-
sjúkdómum tugmillj-
óna manna í Afríku og
S-Ameríku s.s. ár-
blindu og egypsku
augnkvefi.“ Gríðar-
legum fjármunum er
varið til þessara verk-
efna og má nefna að
um 300 milljónir
bandaríkjadala eru í
sjóði Lions til lækn-
ingar á augnsjúkdómum.
Dr. Lee leggur einnig áherslu á
þjónustu Lions við götubörn víða
um heim og menntun ungs fólks til
að fyrirbyggja að það leiðist út í
fíkniefnaneyslu. „Við förum þangað
sem okkar er þörf og meðlimir
Lions verja tíma, fé og orku í að
hjálpa hinum þurfandi.“
Næstu landssöfnun Lions á Ís-
landi, sem jafnframt er sú fyrsta
síðan 1998, verður hleypt af stokk-
unum fyrstu helgina í apríl 2004
með sölu á Rauðu fjöðrinni.
Forseti alþjóðahreyfingar Lions
í heimsókn á Íslandi
Íslenska Lions-
hreyfingin sú öfl-
ugasta í veröldinni
Dr. Tae-Sup Lee,
forseti alþjóðahreyf-
ingar Lions.
VEIÐI með maðki hefur snar-
hækkað veiðitölur í nokkrum ám
að undanförnu, t.d. Langá á Mýr-
um og Laxá í Kjós. Til dæmis
veiddust 345 laxar í Langá á einni
viku, frá 14. ágúst til 21. ágúst, en
inni í því tímabili var fyrsta mað-
kveiðihollið eftir flugutímann.
Svipaða sveiflu var að sjá í Kjós-
inni, en í lok vikunnar voru komnir
1.334 laxar úr Laxá og 1.319 úr
Langá. Báðar eiga eftir að hækka
verulega, því mikill lax er í þeim
og enn ber á göngum. Þá hefur
Selá í Vopnafirði bæst í hóp þeirra
áa sem gefið hafa yfir 1.000 laxa
og aðeins mínútuspursmál hvenær
Hofsá bætist einnig við. Lengra er
hins vegar í Grímsá sem hefur gef-
ið um 800 laxa.
Álftá góð
Dagur Garðarsson, einn leigu-
taka Álftár á Mýrum, sagði allan
ágúst og síðustu daga júlí alla hafa
verið góða í ánni, en vissulega
hefði veiðin verið stirð framan af
júlí vegna hita og þurrka. „Það var
holl sem lenti t.d. í því síðastliðinn
mánudag að áin óx og varð mó-
rauð. Ekkert veiddist þá, en aftur
á móti 13 laxar á stangirnar tvær á
seinni deginum og flestir þeirra
voru nýgengnir. Þá voru menn í
einn dag fyrir skemmstu með 12
laxa og tveggja daga holl þar á
undan með 11 laxa. Það eru komn-
ir um 150 laxar á land og auk þess
um 120 birtingar. Tölur sjóbirt-
inga hjá hverju holli fara stig-
hækkandi. Það stefnir í góðan
endasprett í Álftá,“ sagði Dagur.
Straumfjarðará betri
Veiði í Straumfjarðará er betri í
sumar heldur en í fyrra þrátt fyrir
erfiða daga í júlí. Að sögn Katr-
ínar Ævarsdóttur, bústýru í veiði-
húsinu í Dal, voru í lok síðustu
viku komnir 243 laxar á land, en í
fyrra veiddust 232 laxar og þótti
gott. Að sögn Katrínar sjá menn
mikinn lax um alla á og eru nýir
fiskar enn að skila sér úr hafi.
Rúmlega 300 sjóbleikjur og
nokkrir tugir urriða, auk tveggja
laxa, hafa veiðst í Hrollleifsdalsá í
Skagafirði í sumar. Veiðin fór ró-
lega af stað, jókst jafnt og þétt í
júlí og um mánaðamótin voru
nokkur holl að veiða mikið af
bleikju. Síðan hefur veiðin dofnað
nokkuð, en þó alltaf komið skot og
skot. Hópur sem var í ánni í vik-
unni fékk 16 bleikjur, nokkrar
þeirra 2-3 punda, en engin var ný-
gengin. Skrýtin tilviljun, að lax-
arnir tveir veiddust sama daginn,
ekki þó í sama hyl.
Maðkveið-
in hækkar
tölurnar
Sigurður Garðarsson með 15 punda hæng sem veiddist í Kríugrjóti í Skógá.
ERU
ÞEIR AÐ
FÁ’ANN?