Morgunblaðið - 25.08.2003, Blaðsíða 36

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 25. ÁGÚST 2003 VERÐ Í LAUSASÖLU 190 KR. MEÐ VSK.
Áskriftarsími 881 2060
Í FORMI
REF hefur fjölgað mikið við Mý-
vatn og annars staðar á landinu
síðustu misseri og hafa Mývetn-
ingar áhyggjur af þróuninni. Í
áratugi hefur lágfótu verið haldið
í skefjum í Skútustaðahreppi
með ítarlegri grenjaleit. Fram á
síðasta ár var árleg veiði í
hreppnum um 50 dýr og ástand í
jafnvægi. En á þessu ári hafa
verið unnin 90 dýr í 14 grenjum,
þar af 24 fullorðnar tófur. Það er
til marks um aukna ásókn að
kominn er skolli í greni sem mjög
langt er síðan lagt hefur verið í.
Áki Ármann Jónsson, for-
stöðumaður veiðistjórnunarsviðs
Umhverfisstofnunar, segir að
stofn tófunnar sé nú í uppsveiflu
og það sé eðlilegt í lífríkinu.
Hann segir ekki svara kostnaði
að leggja í miklar aðgerðir vegna
stofnstækkunarinnar, enda hafi
refaveiðar hingað til miðað að því
að takmarka tjón en ekki stjórna
stofnstærð.
Inga Þór Yngvasyni á Skútu-
stöðum, sem er aðal refa- og
minkaveiðimaður sveitarinnar,
líst ekki á þá þróun sem nú er að
verða. Hann telur stefnu þá sem
veiðistjóraembættið rekur al-
ranga og meginorsök þess hvern-
ig komið er með fjölgun refa á Ís-
landi. Hann bendir á að refur er
a.m.k. fimmfalt stærra dýr en
minkur og lifir hér langmest á
fugli. Hann heggur því afar stór
skörð í fuglastofna og er þar mun
stórtækari nú heldur en minkur-
inn að mati Inga Þórs. Hann
bendir einnig á að hlutverk veiði-
stjóra hafi áður verið að hemja
varg en sé nú aðallega farið að
snúast um að þjónusta veiðimenn
með veiðikortum og afla þannig
rekstrartekna.
Á árinu 2002 var kostnaður við
eyðingu vargs í Mývatnssveit 4,5
milljónir króna sem eru 10 þús-
und krónur á hvern íbúa. Þar af
greiddi ríkissjóður tæpar 700
þúsund eða 16%. Það liggur fyrir
að kostnaður mun hækka mikið á
þessu ári vegna fjölgunar í stofni.
Uppsveifla í stofninum
Komið hefur fram í Morgun-
blaðinu fyrr í sumar, að refa-
skyttur teldu tófuna hafa fjölgað
sér mikið. Í viðtali við Keran
Stueland Ólason, í Breiðuvík í
Vestur–Barðastrandarsýslu,
kom fram að hann hafi veitt 120
tófur sem af er árinu, en í með-
alári hafi hann áður veitt um 70.
Áki Ármann Jónsson, for-
stöðumaður veiðistjórnunarsviðs
Umhverfisstofnunar, segir að
stofn tófunnar sé nú í uppsveiflu
og það sé eðlilegt í lífríkinu.
„Sveiflan náði hámarki að okkar
mati vestast á landinu nú í sumar
og er jafnvel farið að fækka þar
aftur. Nú leitar sveiflan austur
yfir landið og gerum við ráð fyrir
að hún fari yfir á næstu fimm til
tíu árum,“ segir Áki.
Ref hefur fjölgað mjög
við Mývatn undanfarið
Ljósmynd/Daníel Bergmann
 Melrakki/6
KR-INGAR höfðu betur gegn Fylki, 4:0, uppgjöri
efstu liðanna í Landsbankadeild karla í knatt-
spyrnu á KR-vellinum í gærkvöld. KR-ingarnir
eru þar með komnir í vænlega stöðu í baráttunni
við Fylkismenn um Íslandsmeistaratitilinn en þeg-
ar þremur umferðum er ólokið hefur vesturbæj-
arliðið fjögurra stiga forskot og fátt sem bendir
til annars en að titllinn hafni í höndum KR-inga
annað árið í röð. Á þessari skemmtilegu mynd
þar sem leikmenn beita öllum brögðum til að ná
til boltans eru KR-ingarnir Bjarki Gunnlaugsson
og Veigar Páll Gunnarsson í baráttu við Sverri
Sverrisson og Björn Viðar Ásbjörnsson.
Morgunblaðið/Jim Smart
Vænleg staða Vesturbæinga
 Íþróttir/2, 3, 6
LÖGREGLAN í Reykjavík elti
uppi sextán ára ökumann grun-
aðan um ölvun við akstur
snemma í gærmorgun. Hafði
ökumaðurinn ekki sinnt stöðv-
unarmerkjum lögreglu er hún
ætlaði að kanna ástand hans.
Keyrði ökumaðurinn öfugu
megin eftir Snorrabrautinni,
yfir gatnamót og áfram upp
Bústaðaveg. Skammt frá Litlu-
hlíð lenti hann í árekstri við
jeppa sem kom úr gagnstæðri
átt. Sá jeppi fór útaf en öku-
maður hans slapp, að sögn lög-
reglu, án teljandi meiðsla.
Áfram hélt hins vegar öku-
maðurinn ungi niður eftir
Litluhlíð, þrátt fyrir að eitt
dekkið á bílnum hafi farið und-
an við áreksturinn, að sögn lög-
reglu. Skömmu síðar stoppaði
bíllinn og ökumaðurinn hljóp
úr bílnum. Lögreglumönnunum
tókst hins vegar að hlaupa
hann uppi. Var hann handtek-
inn og fluttur í fangageymslu.
Bíll ökumannsins er í eigu fjöl-
skyldu hans.
16 ára öku-
maður
reyndi að
stinga af
SPRENGJA úr síðari heimsstyrjöld fannst vest-
an við Siglufjörð, í Hafnarhyrnu, fyrir skömmu.
Guðmundur Lárusson á Siglufirði gekk fram á
torkennilegan
hlut, sem
reyndist vera
sprengja.
Hann segir
sprengjuna
liggja í um
600 metra
hæð í fjallinu.
Sigurður
Ásgrímsson,
sprengju-
sérfræðingur hjá sprengjudeild Landhelgisgæsl-
unnar, segir sprengjuna stórhættulega og munu
menn frá Landhelgisgæslunni fara á staðinn og
eyða henni hið snarasta. Sigurður segir sprengj-
una vera svonefndan breskan tveggja tommu
Mostar, sem notaður hafi verið við æfingar
breska setuliðsins um 1940. Margar sprengjur af
þessu tagi hafi fundist hér á landi eftir æfingar
hersins.
Landhelgisgæslan brýnir fyrir almenningi og
sjómönnum að láta strax vita ef torkennilegir
hlutir af þessu tagi koma í leitirnar. Mikilvægt
er að snerta hvorki né hreyfa hlutinn, því hann
gæti sprungið þá og þegar.
Ljósmynd/Guðmundur Lárusson
Fann sprengju
í Hafnarhyrnu
Stórhættuleg að sögn
sprengjusérfræðings
♦ ♦ ♦
KONA í Kópavogi ók í gær fram
á lundapysju á Kársnesbrautinni.
„Án umhugsunar stoppaði ég
bifreiðina, enda búin að heyra
kvöldfréttir um aðra pysju á
Reykjavíkursvæðinu. Eftir nokk-
urn eltingarleik náði ég litla
greyinu, fór með hana niður í
fjöru og sleppti henni út í sjó. Ég
prísaði mig sæla fyrir að hafa
verið einu sinni í Vestmannaeyj-
um á pysjutímanum sem barn,
því sú reynsla kom sér mjög vel í
þetta sinn,“ sagði konan.
Lundapysja
í Kópavogi