Morgunblaðið - 29.08.2003, Blaðsíða 38

38 FÖSTUDAGUR 29. ÁGÚST 2003 MORGUNBLAÐIÐ






 
 
 
 
    



 
     
   
 


    

 
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
STUNDUM er sagt: Alla langar til að
lifa lengi, en enginn vill verða gamall.
Frægur leikari var spurður hvern-
ig honum fyndist að eldast: „Tjaa! Ég
væri bara asskoti óheiðarlegur ef ég
segði ekki strax að mér þætti það
hundleiðinlegt … það er bara svo
gaman að lifa að mér leiðist nær aldr-
ei.“
Nokkrir aldraðir hafa ritað í Morg-
unblaðið í vor og sumar og kvartað yf-
ir ýmsu sem betur mætti fara. Ég
fagna því. Algjör nauðsyn að vera
gagnrýninn fram í rauðan dauðann.
Eftirlaunaþegar eiga stöðugt að láta
frá sér heyra og ekki missa móðinn –
meðan kynslóðir lifa. Elsta kynslóðin
hefur svo sannarlega séð það svart-
ara – og haldið samt áfram að byggja
upp og líta raunsæjum, björtum aug-
um fram á veginn!
Árið 2002 voru um 9.514 Íslending-
ar á leiðinni að hætta launavinnu, þ.e.
á aldrinum 65–69 ára. Árið 2010 er
áætlað að þeir verði nálægt 11.149 og
árið 2030 um 18.225! (Ekki eru þó allir
á vinnumarkaði á þessu aldursskeiði).
Ef þessir tugir þúsunda lifa lengi
verða þeir gamlir. Hjá því verður ekki
komist.
Margir spyrja: Er hægt að undir-
búa efri árin svo að við getum notið
þeirra í ríkum mæli? Já! þúsundir
hafa þegar gert það og rannsóknir
sýna að þeir sem undirbúa sig njóta
efri áranna í mun ríkara mæli en hinir
sem gera það illa eða ekkert. Sumir
nenna því bara ekki. Aðrir segja að
lífið haldi áfram af sjálfu sér og enn
aðrir telja það hreinasta óþarfa. Öll-
um leyfist að vera latir og hafa sínar
skoðanir.
Flestir eru sammála um að góður
undirbúningur að flóknu ferðalagi sé
nauðsynlegur til þess að unaður ferð-
arinnar verði sem mestur. Sumt er
hægt að spá í fyrirfram, annað ekki.
Við vitum ekki nákvæmlega um hæg-
fara, líkamlegar öldrunarbreytingar,
en þekkjum nokkrar leiðir til að
hægja á þeim og milda gengi þeirra.
Við vitum alrei fyrirfram hvaða sjúk-
dóma við fáum (erum á varðbergi
gagvart ættlægum og arfgengum
sjúkdómum), en við þekkjum ótal
leiðir til að styrkja heilsuna og ónæm-
iskerfið. Reglur um bætur almanna-
trygginga eru flóknar og reglugerðir
lífeyrissjóða stundum torskildar, en
Það er hægt að fá góðar skýringar á
þeim og þannig mætti lengi telja.
Fyrir nokkru sagði nemandi á
starfslokanámskeiði: Þið hafið spurt
fleiri spurninga en ég get svarað á
næstu árum! Var það kannski til-
gangurinn?
Já, það er engin einföld, patent
lausn til við góðri elli. Í bókinni Lífs-
orku (ÞSG), bók um lífsstíl, starfslok
og góða heilsu, segir Skjaldbakan:
„Ég hef heyrt um margar frábærar
brúntertuuppskriftir – En aldrei
heyrt um uppskrift að góðri elli.“
Allir þurfa að finna eigin lífsstíl og
farveg. Ef ég yrði neyddur til að
svara hver væri lokaniðurstaða bók-
arinnar Lífsorku að góðum efri árum
og mætti aðeins nota þrjú orð myndi
ég stamandi segja: Létt lund og
virkni.
Létta, jákvæða lundin hjálpar okk-
ur yfir erfiða hjalla, hún gleður okkur
og aðra og skapar jákvætt andrúms-
loft. Létt lund veitir okkur lífsorku og
kraft til að lifa frá degi til dags. Sá
sem er virkur til hugar og handar
heldur frumum líkamans gangandi í
góðu formi!
Manninum er gefið í vöggugjöf að
geta horft til framtíðar. Sá sem hefur
heillandi takmark og áhugamál
hlakkar alltaf til, ímyndunaraflið og
sköpunarþráin ólgar og svellur. Sá
sem lifir lengi verður gamall. Stönd-
um saman í leit mannsins að bættu lífi
og betri heilsu. Við eigum samleið.
ÞÓRIR S. GUÐBERGSSON,
Látraströnd 7,
170 Seltjarnarnesi.
Að verða eða
verða ekki gamall
– að gefnu tilefni
Frá Þóri S. Guðbergssyni
LOFTLEIÐIR, Flugfélag Íslands og
síðan Flugleiðir eru án vafa frumherj-
ar alls sem kalla má atvinnuflug á Ís-
landi. Dugnaður og framsýni Flug-
leiðamanna er að mínu mati
aðdáunarverð, vægt til orða tekið.
Hugsið ykkur að okkar Flugleiðir
fljúga til Bandaríkjanna 3 til 4 sinnum
alla daga, en til dæmis SAS fer 2 sinn-
um í viku frá Kaupmannahöfn, 1 sinni
í viku frá Osló og Helsinki og 2 sinn-
um í viku frá Stokkhólmi, og því er
það að mjög margir Norðurlandabúar
fljúga með Flugleiðum. Ég held að við
getum verið mjög stolt af Flugleiðum.
Það er líka kraftur í Flugleiðamönn-
um í Evrópufluginu, og til dæmis
Kaupmannahöfn og London hafa
ávallt verið mjög ábatasamar flugleið-
ir. Á síðari árum hafa svokölluð lág-
gjaldafélög sótt inn á bestu leiðir
Flugleiða og eru engar veitingar um
borð, nema vatn og brauð og gos-
drykkir. Á sama tíma bjóða Flugleiðir
upp á góðan mat og aðrar veitingar og
flogið er með nýjum glæsilegum flug-
vélum með þrautþjálfuðum flug-
mönnum. Ég mun aldrei bjóða minni
konu eða kærustu upp á annað. Flug-
leiðir eiga ávallt að ráða gjaldskrá
sinni, en ekki stofnun sem er dragbít-
ur á atvinnustarfsemi.
VILHJÁLMUR SIGURÐSSON,
Njálsgötu 48a,
101 Reykjavík.
Við getum verið stolt
af Flugleiðum
Frá Vilhjálmi Sigurðssyni