Morgunblaðið - 20.10.2003, Blaðsíða 36
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 20. OKTÓBER 2003 VERÐ Í LAUSASÖLU 190 KR. MEÐ VSK.
ELRIGREIPUR fannst í Kverkinni undir
Eyjafjöllum um síðustu helgi og er þetta í
fyrsta sinn, sem fugl af þessari tegund
finnst í Evrópu.
Yann Kolbeinsson, líffræðinemi við Há-
skóla Íslands og ritari Flækingsfugla-
nefndar, segir að spörfuglar af greipaætt
séu eingöngu í Ameríku. Latneska heitið á
elrigreip er empidonax alnorum, en Yann
segir að 12 tegundir séu til af empinonax í
N-Ameríku og fleiri tegundir sunnar.
„Þetta eru sárasjaldgæfir fuglar hérna
austanhafs,“ segir hann og vísar til þess
að áður hafi aðeins tveir fuglar af þessari
tegund fundist í Evrópu og báðir á Íslandi.
Elrigreipurinn náðist í mistnet. Segir
Yann að tvær aðrar tegundir séu mjög ná-
skyldar honum. Ekki sé hægt að greina
tegundirnar í sundur nema á söngnum en
eftir miklar mælingar á fuglinum hafi
menn komist að hinu sanna. Þá hafi fugl-
inum verið sleppt.
Yann segir að fyrrnefndir fuglar hafi
komið til landsins með kröppum lægðum
frá austurströnd Norður-Ameríku, en í
liðinni viku hafi fundist sex amerískir
fuglar hér á landi. Deltaþyrill, farþröstur
og sedrustoppa hafi fundist í Vest-
mannaeyjum og séu þetta allt sárasjald-
gæfir fuglar í Evrópu. Áður hafi fundist
þrjár sedrustoppur í Evrópu, þrír far-
þrestir á Íslandi og fjórir deltaþyrlar á Ís-
landi. Þá hafi einn sjaldgæfur fugl fundist
við Eyrarbakka. Að sögn Yanns eiga þess-
ir fuglar sér litlar lífslíkur hér á landi á
þessum árstíma.
Ljósmynd/Yann Kolbeinsson
Elrigreipur
undir Eyja-
fjöllum
SYNGI, syngi svanir mínir, svo hann Hlini
vakni, segir í ævintýrinu. Þar var þó ekki um
jafn marga svani að ræða og á myndinni sem
er tekin skammt frá Markarfljóti, en nú safn-
ast svanir saman á vötnum og bíða eftir hag-
stæðum vindum til brottfarar til heitari landa.
Morgunblaðið/RAX
Svanir á Suðurlandi í ferðahug
SAMKVÆMT nýrri ársskýrslu
umboðsmanns Alþingis voru 292
mál afgreidd hjá embættinu á síð-
asta ári og skráð mál voru 280,
þar af sjö frumkvæðismál um-
boðsmanns. Fjölgar skráðum
málum um 13% milli ára en af-
greiddum málum fækkar lítillega,
voru 303 árið 2001.
Tryggvi Gunnarsson umboðs-
maður segist í ársskýrslu sinni
hafa lagt mikla áherslu á að stytta
afgreiðslutíma kvartana sem hon-
um berast, þannig að niðurstaða
liggi fyrir innan sex mánaða frá
því að kvörtun kemur í hús. Fram
kemur í ársskýrslunni að 18%
þeirra kvartana sem bárust emb-
ættinu í fyrra lutu að töfum hjá
stjórnvöldum við afgreiðslu máls.
Árið 2001 var þetta hlutfall 20%.
Í síðustu ársskýrslu var frá því
greint að árin 2000 og 2001 bárust
umboðsmanni svör stjórnvalda í
45% tilvika innan þriggja mánaða
frá því að hann sendi þangað fyr-
irspurnir og 65% innan tveggja
mánaða. Segir umboðsmaður að á
þessu hafi verið unnin bragarbót
síðasta vetur af hálfu stjórnvalda.
Enn séu þó dæmi um að stjórn-
völd taki sér „óhóflega langan
tíma“ til að svara erindum og það
þrátt fyrir ítrekanir.
„Í slíkum tilvikum verður mér
erfiðara um vik að standa við það
markmið mitt að ljúka afgreiðslu
á viðkomandi kvörtun innan sex
mánaða frá því að hún barst mér.
Kemur þar einnig til að af hálfu
umboðsmanns er því fylgt að gefa
þeim sem borið hefur fram kvört-
un tækifæri til að gera athuga-
semdir við svör stjórnvalda áður
en málið er til lykta leitt. Ég mun
á árinu 2003 leggja áherslu á að
þau stjórnvöld sem enn draga of
lengi að svara erindum mínum
bæti úr því,“ segir umboðsmaður.
Brýnt að auka fræðslu um
stjórnsýslulögin
Fram kemur í ársskýrslunni að
enn skorti á að stjórnvöld hafi í
kjölfar lögfestingar stjórnsýslu-
laganna fyrir nærri tíu árum farið
yfir vinnulag og verkferla á sínu
sviði. Finnst umboðsmanni enn
ganga of hægt að stjórnvöld geri
almennar ráðstafanir til að færa
starfshætti sína til samræmis við
kröfur stjórnsýslulaganna. Brýnt
sé að auka fræðslu fyrir starfsfólk
stjórnsýslunnar um þær stjórn-
sýslureglur sem þeim beri að
fylgja við úrlausn mála.
Umboðsmaður Alþingis afgreiddi tæplega 300 mál á síðasta ári
Stjórnvöld enn „óhóflega
lengi“ að svara erindum
!
" !#
$
%
&
!"
#$!%
&%%
!!
'(! )
* !"
% '+ %
ATVINNULEYSI meðal fé-
lagsmanna í Verslunarmannafélagi
Reykjavíkur hefur ekki minnkað
frá því í febrúar, þvert á þróunina
almennt á landsvísu. Atvinnuleysi á
landinu öllu hefur minnkað jafnt og
þétt frá febrúar þegar það var 4,1%
af mannafla á vinnumarkaði í 2,7% í
september. Hlutfall atvinnulausra
félaga í VR hefur hins vegar haldist
svipað á tímabilinu eða um og yfir
6% af þeim sem greiða félagsgjöld.
„Sá samdráttur og stöðnun sem
verið hefur undanfarið hefur náð
dýpra en menn reiknuðu með,“ seg-
ir Gunnar Páll Pálsson, formaður
VR. Hann bendir á að dregið hafi úr
atvinnuleysi víða á landinu, m.a.
vegna átaksverkefna þar sem
ákveðið var að flýta verkefnum s.s. í
vegagerð og víðar auk stóriðjufram-
kvæmdanna fyrir austan, en þar sé
fyrst og fremst um karlastörf í
verktakaiðnaði að ræða. „Það er lít-
ið farið að skila sér inn í verslunar-
og þjónustustörf og þaðan af síður í
kvennastörfin,“ segir Gunnar Páll.
Í febrúar sl. var 1.161 félagsmað-
ur í VR á skrá hjá úthlutunarnefnd
atvinnuleysisbóta en í síðasta mán-
uði voru atvinnulausir félagsmenn
VR 1.201. Er það félaginu áhyggju-
efni að uppsveiflan í efnahagslífinu
undanfarna mánuði hafi ekki skilað
starfsfólki í verslun og þjónustu á
höfuðborgarsvæðinu ávinningi.
Lítið dregur úr atvinnu-
leysi meðal félaga í VR KVEIKT var í tveimur bílum á Ak-ureyri í gærmorgun. Um var að
ræða Toyotu Landcruiser sem stóð
við Eyrarlandsveg og Mazda-
fólksbifreið við Þórunnarstræti.
Báðar þessar bifreiðir voru komn-
ar nokkuð til ára sinna. Lögregla
telur ljóst að um sama aðila hafi
verið að ræða en viðkomandi hafði
farið inn í bifreiðirnar ólæstar og
kveikt í þeim.
Seinna um daginn var tvítugur
piltur handtekinn og viðurkenndi
að hafa kveikt í bílunum og telst
málið upplýst.
Kveikt í bílum
á Akureyri
EITT af haustverkum veiðiréttarhafa víða
um land er að fanga fisk í ánum sem not-
aðar er til undaneldis. Félagar í Stangveiði-
félaginu Stakk í Vík og landeigendur við
Vatnsá drógu net upp eftir ánni um helgina.
Vatnsá, sem rennur úr Heiðarvatni í Mýr-
dal, er tær lindará og í henni eru víða mjög
fallegir veiðistaðir. Vel gekk að draga netin
og fékkst góður fiskur sem verður notaður
til kreistingar, en á næstu árum er fyrir-
hugað að auka mikið seiðasleppingar í
Vatnsá. Þess vegna er nauðsynlegt að ná í
sem mest af klakfiski úr henni. Töluvert var
af fiski í ánni, bæði lax og sjóbirtingur, og
eru því líkur til að ræktunaráformin gangi
eftir.
Veiða klak-
fisk í Vatnsá
Morgunblaðið/Jónas Erlendsson
Vigfús Páll Auðbertsson, Björn Ægir
Hjörleifsson, Ívar Guðnason og Þórhallur
Sæmundsson á klakfisksveiðum í Vatnsá.