Morgunblaðið - 28.10.2003, Síða 11

FRÉTTIR
MORGUNBLAÐIÐ ÞRIÐJUDAGUR 28. OKTÓBER 2003 11
ATLANTSSKIP mun í nóvember
taka í notkun nýtt skip, M/V Rade-
plein, en það tekur við Evrópusigl-
ingum fyrirtækisins af BBC Swed-
en. M/V Radeplein, sem leggst að
hafnarbakka í Kópavogi í byrjun
nóvember, er mun stærra skip en
BBC Sweden. Í fréttatilkynningu
frá Atlantsskipum segir að ákvörð-
un um að taka í notkun stærra skip
sé í takt við þá aukningu sem hefur
verið í flutningum fyrirtækisins á
undanförnum mánuðum.
M/V Radeplein hefur áður verið í
þjónustu Atlantsskipa þegar það
var notað í Ameríkusiglingum fyr-
irtækisins. Fram kemur í frétta-
tilkynningu að góð reynslu hafi ver-
ið af skipinu og einnig sé skipið
stærra og kraftmeira til að standa
af sér íslenska veturinn.
Atlantsskip fær nýtt skip
SIV Friðleifsdóttir umhverfisráð-
herra segir að umræðan um það
hvernig bregðast eigi við auknum
ágangi ferðamanna sé vaxandi
meðal þjóða á norðurslóðum. „Það
er almennt áhyggjuefni, ekki bara
meðal umhverfisráðherra, heldur
meðal ýmissa aðila s.s. aðila í
ferðaþjónustunni, hvernig hægt er
að taka á móti auknum ferða-
mannastraumi án þess að viðkvæm
svæði hljóti skaða af,“ útskýrir
hún.
Bætir hún því við að náttúran sé
viðkvæmari eftir því sem norðar
dregur. „Þá er ljóst að ferðamenn
vilja ekki skoða svæði sem eru ónýt
eða eyðilögð vegna þess að búið er
að traðka þau niður. Það þarf því
að sýna fyrirhyggju í þessum mál-
um.“ Hún segir hægt að vernda
svæði með því t.d. að stýra fólki inn
á ákveðna stíga eða leiðir eða með
því takmarka aðgang að svæðum.
„Á Svalbarða er aðgangur að
svæði sem heitir Virgohöfn t.d.
takmarkaður, en þar fá einungis
tólf manns að fara í land í einu,“
segir hún. Ennfremur hefur svæðið
Grafnes á Svalbarða verið afgirt,
en þar er að sögn Sivjar viðkvæm-
ur gróður og ýmsar minjar t.d. um
gamla hvalveiðitímann.
„Á Íslandi höfum við reynt að
bregðast við auknum straumi
ferðamanna á svæðum eins og við
Geysi og Gullfoss og að hluta til á
Mývatnssvæðinu og við Dimmu-
borgir með því t.d. að bæta aðstöð-
una,“ segir hún, „en markmiðið er
að náttúran verði ekki fyrir skaða
vegna ágangs ferðamanna.“ Bendir
hún á í því sambandi að Geysi-
svæðið sé eitt af þeim fjórtán
svæðum sem hún vilji að verði frið-
uð á næstu fimm árum, eins og
fram kemur í drögum að náttúru-
verndaráætlun.
Vantar annan tekjustofn
Siv segir að um 300 milljónum
hafi á síðustu fjórum árum verið
varið sérstaklega til þessara mála
hér á landi, þ.e. til að bæta m.a.
göngustíga, merkingar, bílastæði
og salernisaðstöðu á fjölsóttum
ferðamannastöðum.
„Þrátt fyrir það vantar okkur
mun meira fjármagn til þessara
mála. Það er mín skoðun að við
þurfum að fá tekjur annars staðar
til að geta tekið á móti erlendum
og innlendum ferðamönnum á okk-
ar fallegu og viðkvæmu svæðum án
þess að þau bíði skaða af og verði
fyrir of miklum átroðningi. Ég hef
verið talsmaður þess að tekin verði
upp svokölluð gistináttagjöld, en
þau hafa verið tekin upp í mörgum
ríkjum, s.s. Þýskalandi, Frakk-
landi, víða á Spáni og í mörgum
ríkjum Bandaríkjanna.“ Hugmynd-
in um gistináttagjald gengur út á
að gjald verði innheimt af hverri
gistinótt. „Þetta er breiður tekju-
stofn sem myndi leggjast jafnt á
alla,“ útskýrir hún.
Siv segir að einnig væri hægt að
fara þá leið að innheimta aðgangs-
eyri á svæðunum sjálfum. „Sú leið
er líka fær en hún er þyngri í vöf-
um og gæfi minna af sér.“ Siv segir
að því fylgdi ákveðinn kostnaður að
standa í slíkri innheimtu, auk þess
gæti það þýtt að girða þyrfti
ákveðin svæði af. Siv segir að síð-
ustu að aðilar innan ferðaþjónust-
unnar hafi ekki náð samstöðu um
gistináttagjöldin. „En ég vona að
menn nái sátt um þá leið í framtíð-
inni, því hún yrði ferðaþjónustunni
í hag að mínu mati.“
Siv Friðleifsdóttir umhverfisráðherra
Aukin umræða um
ágang ferðamanna