Morgunblaðið - 10.11.2003, Blaðsíða 10

FRÉTTIR
10 MÁNUDAGUR 10. NÓVEMBER 2003 MORGUNBLAÐIÐ
STEINGRÍMUR J. Sigfússon var
endurkjörinn formaður Vinstrihreyf-
ingarinnar – græns framboðs á lands-
fundi VG um helgina, en hann var einn í
kjöri. Katrín Jakobsdóttir var kjörin
varaformaður VG. Hlaut hún 119 atkvæði
í atkvæðagreiðslu á fundinum í gær en
Steingrímur Ólafsson hlaut 30 atkvæði.
Allt fram á síðustu stundu leit út fyrir að
Katrín yrði sjálfkjörin. Uppstill-
ingarnefnd landsfundarins mælti með
henni í embættið. Björgvin Leifsson,
fulltrúi á landsfundinum, stakk hins
vegar upp á Steingrími Ólafssyni rétt
eftir að uppstillingarnefnd hafði kynnt
sínar tillögur síðdegis í gær. Var því
kosið á milli þeirra Katrínar og Stein-
gríms. Katrín sagði m.a. þegar úrslitin
lágu fyrir að hún myndi leggja sig alla
fram um að koma málefnum VG á fram-
færi og tryggja að málefnastaðan yrði
„ávallt sterk, skýr, til vinstri og græn“.
Hún sagði einnig fyrir kjörið að hún teldi
að VG ætti mikil sóknarfæri og ósótt
fylgi.
Uppstillingarnefnd lagði einnig til að
Drífa Snædal yrði ritari VG og Tryggvi
Friðjónsson gjaldkeri. Engin mót-
framboð bárust og voru þau því sjálf-
kjörin.
Katrín tekur við varaformennskunni af
Svanhildi Kaaber, sem ekki gaf kost á
sér áfram, og Drífa tekur við ritarastarf-
inu af Kristínu Halldórsdóttur, sem gaf
heldur ekki kost á sér aftur. Tryggvi
heldur hins vegar áfram sem gjaldkeri
VG.
Steingrímur J. Sigfússon
endurkjörinn formaður VG
Katrín
varafor-
maður og
Drífa ritari
LANDSFUNDUR Vinstri hreyfingarinn-
ar - græns framboðs samþykkti um
helgina að senda baráttukveðjur til flokks-
systkina sinna í færeyska Þjóðveldis-
flokknum. Lýsti fundurinn yfir fyllsta
stuðningi við baráttu flokksins fyrir sjálf-
stæði Færeyinga. Tórbjörn Jacobsen,
þingmaður á færeyska lögþinginu og
fulltrúi Þjóðveldisflokksins hélt einmitt er-
indi á landsfundi VG á laugardag.
Jacobsen fjallaði m.a. um þá ósk Fær-
eyinga að gerast fullgildir aðilar að Norð-
urlandaráði. Sagði hann að á á nýliðnu
þingi Norðurlandaráðs í Ósló hefðu Danir
notað dönsku stjórnarskrána til þess að
koma í veg fyrir að Færeyingar gætu
fengið slíka fullgilda aðild. Þar hefðu Ís-
lendingar einnig látið undan þrýstingi
Dana og ekki stutt ósk Færeyinga. Jacob-
sen hrósaði þó Steingrími fyrir að hafa
ávallt stutt sjálfstæðisbaráttu Færeyinga
opinberlega og óskir þeirra um fullgilda
aðild að Norðurlandaráði.
Styður baráttu
Þjóðveldis-
flokksins
fyrir sjálfstæði
Færeyja
STEINGRÍMUR J. Sigfússon,
formaður Vinstrihreyfingarinnar
–græns framboðs, sagði undir lok
landsfundar flokksins í Hvera-
gerði síðdegis í gær að þátttaka
ungs fólks hefði sett sterkan svip
á fundinn. Hann sagði að unga
fólkið hefði tekið virkan þátt í
störfum fundarins og skipað sér í
forystusveit flokksins með mjög
markverðum hætti. „Ég held að
allir hljóti að viðurkenna að það
er mikill styrkur í því.“
Steingrímur sagði aukinheldur
að landsfundurinn hefði verið
langstærsti og öflugasti fundur
VG til þessa. Sagði hann að fund-
urinn hefði verið tvöfalt stærri en
landsfundur flokksins fyrir fjór-
um árum. „Hér voru að staðaldri
milli 200 og 250 fundargestir. Allt
í allt hafa því komið við sögu á
fundinum milli 250 og 300
manns.“
Femínískur flokkur
Steingrímur sagði um málefna-
vinnu fundarins, að þar hefði ver-
ið unnið gríðarlega mikið verk.
Hvert einasta mál hefði hlotið af-
greiðslu. „Við þurftum ekki að ýta
neinu út af borðinu sökum tíma-
leysis.“ Hann sagði að á fundinum
hefði VG skerpt á áherslum sín-
um á ýmsum sviðum og ljóst væri
að flokkurinn væri ekki að fylgja
öðrum inn á miðjuna eða til
hægri. „Þá tókum við mikilvæga
ákvörðun um að hefja endurskoð-
un á stefnuyfirlýsingu VG og fella
þar inn í og styrkja áherslur
kvenfrelsis eða femínísma og al-
þjóðahyggju.“ Bætti hann því við
að VG væri þar með fyrsti flokk-
urinn, fyrir utan Kvennalistann á
sínum tíma, sem skilgreindi sig
sem femínískan flokk. „Og í raun
og veru hefur alþjóðahyggja ekki
heldur verið ofarlega á blaði í
áherslum flokka.“ Með alþjóða-
hyggju er Steingrímur m.a. að
vísa til samstöðu með sjálfstæð-
isbaráttu þjóða og þjóðarbrota,
mannréttindabaráttu og baráttu
fyrir jöfnuði og félagslegu rétt-
læti í heiminum.
Steingrímur J. Sigfússon við lok landsfundar Vinstrihreyfingarinnar
Þátttaka ungs
fólks setti
svip á fundinn
Morgunblaðið/Sverrir
Yfir 200 manns sóttu landsfund Vinstrihreyfingarinnar á Hótel Örk.
Samþykkt var á fundinum að skil-
greina VG sem femínískan flokk
Í EINNI af fjölmörgum ályktun-
um landsfundar Vinstrihreyfing-
arinnar – græns framboðs, sem
fram fór í Hveragerði um helgina,
segir m.a. að reynslan sýni að
heilbrigðisþjónusta sem rekin sé
af samfélaginu sé markvissari og
hagkvæmari en heilbrigðisþjón-
usta sem rekin sé á markaðsfors-
endum. „Þar sem heilbrigðisþjón-
ustan hefur verið markaðsvædd
hefur það leitt til aukins kostn-
aðar og félagslegrar mismunun-
ar,“ segir í ályktuninni. Þar hvet-
ur VG ennfremur til þess að átak
verði gert til að efla og treysta
heilbrigðisþjónustuna í landinu.
„Markið verði sett á að útrýma
biðlistum og laga þær brotalamir
sem er að finna í kerfinu.“
Í ályktun um menntamál er
skýrsla menntamálaráðherra um
styttingu náms til stúdentsprófs
gagnrýnd harðlega. Segir í álykt-
uninni að skýrslan sé einhliða og
illa ígrunduð. „Hún gerir ráð fyrir
að gengisfella nám til stúdents-
prófs með því að skerða náms-
tíma. Engin fagleg rök styðja
þessar hugmyndir sem lykta af
sparnaði ríkisins. Stytting náms-
ins vinnur gegn gildandi skóla-
stefnu, gerir námið fábreyttara,
minnkar val nemenda og gerir
skólana einsleita. Þá er dregið úr
sveigjanleika framhaldsskólans
sem nú gerir ráð fyrir að nem-
endur geti tekið námið á þremur
til fimm árum.“
Í ályktuninni er skólagjöldum
við opinbera háskóla jafnframt
hafnað og sagt að kostnaður við
öfluga ríkisháskóla megi ekki
lenda á nemendum. Þá er ítrekuð
sú skoðun að leikskólar verði
gjaldfrjálsir. Er lagt til að ríkið
og sveitarfélögin fari í sameigin-
legt átaksverkefni í þeim efnum.
Dregin til ábyrgðar
Landsfundurinn ályktaði einn-
ig um varnarliðið á Keflavíkur-
flugvelli. Segir í ályktun um þau
málefni að fundurinn fagni því að
útlit sé fyrir að dregið verði úr
umsvifum Bandaríkjahers á Ís-
landi. „Við eigum að nota þetta
sögulega tækifæri til að segja upp
herstöðvarsamningnum frá 1951
og loka NATO-herstöðinni á Mið-
nesi fyrir fullt og allt,“ segir m.a.
Þá segir að umræðan síðustu
mánuði hafi sýnt að breytingar á
herstöðinni væru óhjákvæmi-
legar. „Þær þurfa að taka mið af
hagsmunum íslensku þjóðarinnar
en ekki bandarískra hernaðaryf-
irvalda. Draga verður Banda-
ríkjastjórn til ábyrgðar fyrir
þeirri eyðileggingu sem herinn
hefur valdið á umhverfi og nátt-
úru. Íslenskum stjórnvöldum er
skylt að sjá til þess að herinn
hreinsi eftir sig í samræmi við ítr-
ustu kröfur.“ Ennfremur segir að
herstöðin hafi komið í veg fyrir
fjölbreytta og heilbrigða at-
vinnuþróun á Suðurnesjum, rétt
eins og herstöðvar geri um allan
heim. Er því bætt við að við brott-
för hersins beri að nýta þá mögu-
leika til atvinnulífs sem skapist á
Suðurnesjum.
Atvinnuleysisbætur
hækki
Fundurinn ályktaði einnig um
kjör starfsmanna við Kárahnjúka.
„Í ljósi framferðis verktakafyrir-
tækja við Kárahnjúka telur VG
brýnt að fram fari endurskoðun á
lögum til að tryggja að erlendir
starfsmenn sem koma á vegum
starfsmannaleigna til starfa á Ís-
landi njóti sömu réttinda og kjara
og Íslendingar á vinnumarkaði.
Jafnframt verði ákvæðum laga
um atvinnuleyfi erlendra starfs-
manna, sem ekki hafa fengið var-
anlegt atvinnuleyfi, breytt á þann
veg að leyfi verði bundið einstak-
lingi en ekki atvinnurekanda.“
Þá tók fundurinn undir kröfur
ASÍ, BSRB og annarra samtaka
launafólks um að ríkisstjórnin
hverfi frá áformum sínum að
skerða atvinnuleysisbætur. „VG
mun af alefli beita sér gegn þess-
um áformum ríkisstjórnarinnar
og krefst þess jafnframt að at-
vinnuleysisbætur verði stórhækk-
aðar.“
Fákeppni í atvinnulífinu
Í ályktun fundarins um at-
vinnulíf segir að fákeppni og ein-
okun sé orðið einkennandi fyrir
íslenskt atvinnulíf. „Þetta á við í
sjávarútvegi, matvöruverslun,
tryggingum, fjármálamarkaði og
í fjölmiðlum. Landsfundur VG
lýsir fullri ábyrgð á hendur rík-
isstjórnum Sjálfstæðisflokks og
Framsóknarflokks sem með stór-
felldri einkavæðingu hafa staðið
að þessari þróun. Í ljós hefur
komið að í skjóli ólöglegs samráðs
hefur íslenskur almenningur ver-
ið féflettur á grófan hátt. Eign-
arhald örfárra einstaklinga á
stórum hluta atvinnulífs þjóðar-
innar er ógnun við lýðræðið í
landinu.“
Segir ennfremur að ríkisvald-
inu beri að bregðast við þessari
þróun með því að styrkja samtök
neytenda og opinberar eftirlits-
stofnanir. Framar öllu beri þó að
hverfa af braut einkavæðingar.
Hækkun
lægstu launa
Að lokum má nefna ályktun um
launajafnrétti en þar segir m.a. að
mismunun hópa í launum sé
möguleg í skjóli launaleyndar. Því
beri að afnema hana sem fyrst.
Mikilvægt sé í því sambandi að
trúnaðarmenn hafi aðgang að
launaupplýsingum.
Ennfremur segir að þar sem
konur séu „oftar á strípuðum
launum“ en karlar sé mikilvægt
að hækka lægstu laun í barátt-
unni fyrir afnámi kynbundins
launamunar. Þess má að síðustu
geta að fundurinn samþykkti til-
lögu um að markið verði sett á 150
þúsund kr. lágmarkslaun í kom-
andi kjarasamningum.
Skýrsla ráðherra um styttingu
framhaldsskólanáms gagnrýnd
Átak verði gert til að efla
heilbrigðisþjónustuna
„MÉR finnst að sjálfsögðu eðlilegt að menn
velti þessum málum fyrir sér hér á landi eins
og annars staðar,“ segir Ari Edwald, fram-
kvæmdastjóri Samtaka atvinnulífsins, er
bornar voru undir hann hugmyndir ASÍ um
að hafin verði umræða um svonefnda sam-
félagslega ábyrgð fyrirtækja. Fram kom í
blaðinu í gær að hafin er vinna á vettvangi
ASÍ að heildstæðri stefnu í atvinnu- og efna-
hagsmálum.
„Það er mikið um það rætt um þessar
mundir í nágrannalöndunum og einnig er far-
ið að bera á því hér á landi að einhverju leyti,
að öll þróun í efnahagslegri uppbyggingu
þurfi að vera sjálfbær, ekki bara í umhverf-
islegum skilningi heldur líka í félagslegum og
efnahagslegum skilningi,“ segir Ari.
Umræða erlendis snýst yfirleitt
um stór fjölþjóðleg fyrirtæki
„Mér finnst mjög mikilvægt að hafa með
þessa efnahagslegu vídd, því menn mega ekki
missa sjónar á því að mikilvægsta ábyrgð fyr-
irtækjanna er að skila viðunandi rekstrarár-
angri og að sjálfsögðu að virða öll lög og regl-
ur sem gilda um starfsemina,“ segir Ari.
,,Það getur verið erfitt að lögfesta óljósar
kröfur á hendur fyrirtækjum um góða hegðun
og mitt mat er að aðhald samfélagsins sé í
raun mikið gagnvart fyrirtækjum. Það er dýrt
að misstíga sig gagnvart almenningi og skaða
ímynd sína.
Umræðan erlendis, um samfélagslega
ábyrgð fyrirtækja sérstaklega, snýst að miklu
leyti um ábyrgð gagnvart aðstæðum þess
starfsfólks sem vinnur fyrir fyrirtækin utan
heimalands, t.d. starfsfólk birgja á Indlandi
og víðar. Sú umræða fjallar þess vegna yf-
irleitt um mjög stór fjölþjóðleg fyrirtæki.
Hvað starfsumhverfi fyrirækja t.d. í Evr-
ópu sjálfri varðar, virðist mér að umræðan
snúist stöðugt meira um að sveigjanleikinn sé
ekki nægur, sem komi niður á hagvexti, at-
vinnusköpun og lífkjarabótum,“ segir hann.
Framkvæmdastjóri SA um hugmyndir ASÍ um samfélagslega ábyrgð fyrirtækja
Eðlilegt að menn velti þessum málum fyrir sér
♦ ♦ ♦