Morgunblaðið - 10.11.2003, Blaðsíða 11
MINNSTAÐUR | VESTURLAND
MORGUNBLAÐIÐ MÁNUDAGUR 10. NÓVEMBER 2003 11
stjórnendur fyrirtækja og stofnana, sem bera ábyrgð á vernd
upplýsinga og að móta og innleiða stjórnkerfi upplýsingaöryggis,
starfsfólk sem gegnir lykilhlutverki í að innleiða stjórnkerfi
upplýsingaöryggis og vinna samkvæmt því,
tæknifólk sem kemur að tæknilegri útfærslu stjórnkerfisins,
ráðgjafa á sviði upplýsingaöryggis.
Markmið námskeiðsins er að þátttakendur geti gert grein fyrir
áherslum og uppbyggingu staðlanna ÍST ISO/IEC 17799 og
ÍST BS 7799-2 og þekki hvernig þeim er beitt við stjórnun
upplýsingaöryggis og mótun öryggisstefnu í fyrirtækjum og stofnunum.
Skráning og nánari upplýsingar á vef Staðlaráðs,
www.stadlar.is eða í síma 520 7150
Örugg meðferð upplýsinga
Stjórnun upplýsingaöryggis
samkvæmt ISO 17799
Námskeið 19. og 20. nóvember fyrir
Borgarnesi | Ellert B. Schram,
forseti ÍSÍ, afhjúpaði söguskilti í
Sandvík nýlega. Menningarnefnd
Borgarbyggðar lét gera skiltið,
sem er myndskreytt af Guðmundi
Sigurðssyni, fyrrverandi skóla-
stjóra.
Það er þriðja söguskiltið í Borg-
arnesi sem byggist á Egilssögu og
hefur að geyma upplýsingar um
þegar þeir félagar Þórður frá
Granastöðum og Egill háðu kapp
við Skallagrím í Sandvíkinni. Þeim
leik lauk þannig að Skallagrímur
banaði Þórði og gerði sig líklegan
til að láta Egil son sinn fara sömu
leið. Þorgerður Brák, ambátt
Skallagríms, skarst í leikinn og
bjargaði Agli en lét lífið í staðinn.
Ellert gat þess að knattleikir
þeir sem getið er um í Egilssögu
eru einnig þeir fyrstu íþrótta-
viðburðir sem getið er um á Ís-
landi og leiddi ennfremur að því
líkur að Þorgerður Brák hafi verið
fyrsti knattleiksdómari sögunnar.
Að sögn Páls Brynjarssonar,
bæjarstjóra, er þetta síðasta skilt-
ið sem samþykkt var að gera.
Telja má þó líklegt að fleiri þátt-
um úr Egilssögu verði komið á
framfæri með upplýsingaskiltum
og þá í samhengi við þá safnaupp-
byggingu sem stefnt er að í Brák-
arey.
Söguskilti um íþróttaleik
Á skiltinu er minnst fyrsta íþróttaviðburðar á Íslandi sem sögur fara af.
Akranesi | Á síðustu árum hafa þau Bragi
Þórðarson og Elín Þorvaldsdóttir, sem reka
Hörpuútgáfuna, smám saman dregið úr umsvif-
unum. Þau hafa selt húsnæði útgáfunnar við
Stekkjarholt og leigja nú mun minna húsnæði
við Kirkjubraut undir starfsemina. En Hörpu-
útgáfan á einnig stórt húsnæði í Reykjavík þar
sem rekið hefur verið útibú í áraraðir.
Kátir voru karlar
Samt koma enn út bækur á vegum Hörpuút-
gáfunnar og er nýjasta bókin eftir Braga sjálf-
an. Hún heitir Kátir karlar og fjallar um nokkra
menn sem settu skemmtilegan svip á lífið með
gamanmálum og skemmtiefni við ýmis tæki-
færi, þá Theódór Einarsson, Ragnar Jóhann-
esson, Ólaf Kristjánsson, Valgeir Runólfsson,
Sveinbjörn Beinteinsson, Guðmund Jónsson og
Ólaf Jónsson.
Bragi þekkti fimm þessara manna persónu-
lega og hitti þá oft, en frásögn af tveimur til við-
bótar er skráð eftir sögum samferðafólks.
Bragi segir að þessir menn hafi átt það sameig-
inlegt að hafa skemmt fólki á ýmsan hátt áður
en sjónvarpið kom til sögunnar. Þeir sömdu vís-
ur, revíur og leikþætti.
Sögur af þessum mönnum birtust upphaflega
í útvarpsþáttum sem Bragi var með síðastliðinn
vetur, en hann hefur í gegnum tíðna flutt um 50
útvarpsþætti með frásögnum af fólki og atburð-
um á Akranesi og í Borgarfirði frá árinu 1990.
Eftir að þættirnir voru fluttir fékk hann yf-
irleitt ógrynni af upphringingum og bréfum
með meiri upplýsingum.
„Mér fannst nauðsynlegt að koma þessu efni
á framfæri og þess vegna datt mér í hug að gefa
út bækur sem byggjast á þáttunum og þessum
viðbótarupplýsingum,“ sagði Bragi. „Kátir
karlar er þriðja bókin sem þannig verður til.
Hinar eru Æðrulaus mættu þau örlögum sínum
og Blöndukúturinn.“
„Hún er góð með hafragraut“
Bragi hefur lengi vel haldið til haga vísum og
frásögnum af fólki. „Allir áttu sína möppu sem
ég geymdi rétt hjá tölvunni minni. Margir þess-
ara manna og fleira fólk leit inn á skrifstofuna
mína og spurði hvort ég hefði heyrt þessa eða
hina vísuna. Til dæmis þessa eftir Ólaf Krist-
jánsson í Mýrarhúsum:
Hér er ýsa – gleðileg jól.
Hér er þorskur – heims um ból.
Þarna er skata – hrá og blaut,
hún er góð með hafragraut.
Síðan var farið með vísuna eða söguna og ég
skrifaði þetta allt hjá mér og stakk í viðeigandi
möppu. Þannig hefur efnið í útvarpsþættina og
síðan bækurnar orðið til. Enn á ég mikið efni
sem á eftir að vinna en ég geri aldrei nein plön
fyrirfram og lifi fyrir daginn í dag. Samt verð
ég að segja að það gleður mig hvað þessu hefur
verið vel tekið.“
Kátir karlar er 14. bókin sem Bragi skrifar
sjálfur, en auk áðurnefndra bóka skrifaði hann
bókaflokkana Borgfirska blöndu og Lífs-
reynslu.
„Ég hef alltaf verið bókaormur,“ segir Bragi.
„Ég byrjaði að vinna sem vélsetjari í Prent-
verki Akraness árið 1950 og var prentsmiðju-
stjóri á árinum 1964 til 1982, er ég seldi minn
hlut og hætti að vinna þar. Áhugi minn á bókum
minnkaði ekki við það að setja þær, því ég las
ógrynnin öll af bókum meðan ég var að því. Þar
á meðal Íslendingasögur með nútímastafsetn-
ingu, en þær hafði ég ekki lesið fyrr en ég setti
þær.“
Eftir að Bragi hætti hjá Prentverki Akraness
ákváðu þau Elín að setja upp bókabúð í hús-
næðinu við Stekkjarholt sem Elín stjórnaði í 10
ár og við hliðina rak Bragi jafnframt tölvudeild
og var sá eini sem seldi tölvur á Akranesi í
mörg ár. „Þetta var mikið ævintýri,“ segir
hann. „Ég upplifði stemmninguna hjá ungling-
unum á þessum árum þegar þeir voru að upp-
götva tölvurnar. Ég rak hana jafnhliða bókaút-
gáfunni og hún var opin aðeins tvo tíma á dag.“
Elín segir að vinnan í bókabúðinni hafi verið
draumastarf. Þar hafi hún notið sín og unnið
með góðu fólki.
Sá stelpu sem ég var skotinn í
Bragi og Elín eru rótgrónir Skagamenn og
segjast hafa mikinn metnað fyrir hönd bæj-
arfélagsins. Þau kynntust sem ung börn og
voru skólafélagar. Bragi lýsir á skemmtilegan
hátt áhuga sínum á Elínu í kaflanum Æsku-
minningar frá Akranesi í bókinni Æðrulaus
mættu þau örlögum sínum. Hann var þá 12 ára
gamall og sendill í Þórðarbúð: „Um leið og ég
fór framhjá Suðurgötu 27 (Kletti) leit ég þang-
að heim og sá þá stelpu, sem ég var svolítið
skotinn í, vera að hoppa í parís á stéttinni. Ég
var allaf vanur að líta þangað heim þegar ég fór
framhjá í þeirri von að stelpan væri þar. Og nú
var hún þarna að hoppa og pilsið flaksaðist í
golunni. Ég horfði dáleiddur á hana og gleymdi
bæði stund og stað. En um leið gætti ég ekki að
holunum í götunni. Hjólið lenti í einni þeirra og
við hnykkinn slettist olían um allan kassann. Ég
hrökk í harðan kút, blóðroðnaði og skammaðist
mín ógurlega. Þetta hafðist upp úr því að vera
að glápa á stelpuna. En það var sama sagan
með það hjá mér; ég gat aldrei látið það vera.“
Starfið alla tíð ákaflega skemmtilegt
Þau hjónin hafa nú starfað saman í bókaút-
gáfu frá 1960. Þau segja að um sextugt hafi þau
ákveðið að fara að njóta hins veraldlega af-
raksturs af mikilli vinnu sem þau höfðu lagt á
sig í gegnum árin.
„Við höfum verið heppin og okkur hefur
gengið mjög vel og notið aðstoðar barnanna
okkar, þeirra Bryndísar og Þorvaldar,“ segja
þau. Þrátt fyrir mikla vinnu segjast þau hafa
notið þess að vera í félagsstarfi. Þau hafa til
dæmis verið í skátunum frá barnsaldri, í Odd-
fellow og Bragi formaður bókasafnsstjórnar
Bókasafns Akraness og í stjórn Sögufélags
Borgarfjarðar.
„Núna erum við lögst í flakk,“ segir Elín.
„Við gefum bara út þær bækur sem okkur lang-
ar til og gerum yfirleitt það sem okkur langar
til að gera. Við erum nýkomin úr skemmtisigl-
ingu um Miðjarðarhaf.“ Þau segjast hafa verið
ákaflega lánsöm því það sé ekki sjálfgefið að
hafa góða heilsu á efri árum og geta notið þess
að vera saman og ferðast.
„Bókaútgáfan hefur verið mjög gefandi,“
segja þau bæði. „Þetta hefur alla tíð verið ákaf-
lega skemmtilegt starf.“
Morgunblaðið/Ásdís Haraldsdóttir
Samhent hjón: Elín Þorvaldsdóttir og Bragi Þórðarson í Hörpuútgáfunni.
asdish@mbl.is
Nú erum við lögst í flakk
Hörpuútgáfan á Akranesi er ein
af rótgrónustu bókaútgáfum á
landinu. Stofnendur hennar,
þau Bragi Þórðarson og Elín
Þorvaldsdóttir, hafa unnið lang-
an vinnudag á þeim rúmlega 40
árum sem útgáfan hefur starf-
að, enda eru bókatitlarnir orðn-
ir rúmlega 400. Þau sögðu
Ásdísi Haraldsdóttur að nú
væru þau lögst í flakk.
Morgunblaðið/Helga H. Ágústsd.
Búðardal | Þessi mynd er tekin af Hvammsfirði í
veðurblíðunni og má greinilega sjá eyjar
Breiðafjarðar speglast við sjóndeildarhringinn.
Kyrrlátt við fjörðinn