Morgunblaðið - 27.11.2003, Qupperneq 4

FRÉTTIR
4 FIMMTUDAGUR 27. NÓVEMBER 2003 MORGUNBLAÐIÐ
amazon.co.uk
ÚTVARPSRÁÐ samþykkti á
fundi sínum í fyrradag að fela yf-
irmönnum ríkisútvarpsins að
móta reglur til að leggja fyrir út-
varpsráð um að fréttir og frétta-
tengt efni í dagskrá útvarps og
sjónvarps verði undir stjórn
fréttasviðs.
Gunnlaugur Sævar Gunnlaugs-
son, formaður útvarpsráðs, segir
að það þurfi að vera á hreinu hver
beri ábyrgð á efninu og sá sé til-
gangurinn með samþykktinni. „Ef
það eru fréttir í Speglinum þá eiga
þær að vera á ábyrgð fréttastjór-
ans,“ segir hann og bætir við að
mótun reglnanna ætti ekki að
taka langan tíma.
Fjórir fulltrúar Sjálfstæðis-
flokks og Framsóknarflokks sam-
þykktu tillöguna í útvarpsráði en
þrír fulltrúar Samfylkingarinnar
og Frjálslynda flokksins voru á
móti.
Svanfríður Jónasdóttir segir að
tillagan sé að mörgu leyti afar
óljós og þarfnist frekari skilgrein-
inga. Til dæmis þurfi að velta fyrir
sér hvað fréttaefni merki í því
samhengi sem það sé í tillögunni
vegna þess að túlka megi tillöguna
þannig að nánast allir starfsmenn
sem komi nálægt fréttaefni sópist
undir fréttasvið Ríkisútvarpsins.
„Ég hef áhyggjur af því að með
þessu sé verið að koma í veg fyrir
þann fjölbreytileika sem hefur
verið aðal útvarpsins þar sem
stefnan sé að koma á ákveðinni
stýringu,“ segir hún. „Stýringu
sem sé í rauninni í andstöðu við
það hlutverk Ríkisútvarpsins að
bjóða upp á fjölbreytta dagskrá
og vera þannig þjóðarútvarp.“
Allar fréttir verði und-
ir stjórn fréttasviðs
13 ÁREKSTRAR urðu í höfuð-
borginni í gær, tveimur færri en
deginum áður. Undanfarna daga
hefur fjöldi árekstra verið langt
yfir meðaltali, sem er 11 árekstrar
á dag, en þó hefur þeim fækkað
undanfarna þrjá daga, úr 26 á
mánudag í 15 á þriðjudag og í 13 í
gær.
Að sögn varðstjóra lögreglunnar
virðist því sem ökumenn séu að
venjast hálkunni sem kom skyndi-
lega í upphafi vikunnar. Ekki urðu
slys á fólki í þessum árekstrum.
Hins vegar fótbrotnuðu tveir
gangandi vegfarendur er þeir
duttu í hálku og voru þeir fluttir á
slysadeild.
Þrettán
árekstrar í
Reykjavík
í gær
„ÉG held að komið sé að gullald-
arárum miðborgarinnar,“ sagði
Ingibjörg Pálmadóttir eftir að Þró-
unarfélag miðborgarinnar hafði
verðlaunað hana fyrir framlag
hennar til þróunar og uppbyggingar
í miðborg Reykjavíkur í Iðnó í gær.
Ingibjörg er hönnuður og eigandi
101 Hótel við Hverfisgötu, sem hún
opnaði í mars sem leið.
„Óvenju margir komu til álita
þegar farið var að huga að þessari
viðurkenningu,“ sagði Jakob H.
Magnússon, formaður Þróun-
arfélags miðborgarinnar. „Í ár hafa
til dæmis tekið til starfa ný hótel í
miðborginni og önnur eru í bygg-
ingu. Eitt þessara nýju hótela sker
sig þó úr að ýmsu leyti. Þar hefur
gamalli byggingu verið gerbreytt og
hún tekin til annarra nota en áður
var, en þó er húsið í raun óbreytt að
utan – nema hvað það er mun fal-
legra en áður. Mikil vandvirkni og
smekkvísi er aðalsmerki þessara
breytinga og greinilegt að hvergi
hefur verið til sparað að hanna
fyrsta flokks gististað. Höfundurinn
hefur svo sannarlega lagt sál sína í
verkið – og útkoman er glæsileg.“
Jakob sagði að svona hótel mætti
kalla lífsstílshótel þar sem þau tækju
mið af lífsstíl nútímafólks á ferð og
flugi. Það hefði tekið Ingibjörgu sex
ár að láta drauminn rætast og hún
hafi lagt sitt af mörkum til að efla
miðborgina.
Þróunarfélag miðborgarinnar er
hagsmunasamtök kaupmanna og
veitingamanna, íbúa og annarra
þeirra sem hagsmuna eiga að gæta í
miðborginni. Viðurkenningin var nú
veitt í 12. sinn og fékk Ingibjörg
verðlaunagrip eftir Kolbrúnu Björg-
ólfsdóttur, leirlistamann, Koggu, en
Magnús Kjartansson, myndlist-
armaður og eiginmaður hennar,
myndskreytti gripinn. Fyrri verð-
launahafar eru Minjavernd vegna
Bernhöftstorfunnar, Kaffi París,
Hótel Borg, Iðnnemasambandið og
Félagsíbúðir iðnnema vegna Bjarna-
borgar, Verslunin Sautján, Gerpir
ehf., Vöruveltan vegna Barónsfjóss-
ins, Spaksmannsspjarir, Topshop,
Sandholt bakarí og Gullsmiðja og
listmunahús Ófeigs.
Morgunblaðið/Kristinn
Ingibjörg Pálmadóttir með viðurkenninguna í Iðnó í gær. Jakob H. Magnússon, formaður Þróunarfélags miðborg-
arinnar, er til vinstri og Einar Örn Stefánsson, framkvæmdastjóri félagsins, til hægri.
Ingibjörg Pálmadóttir verðlaunuð fyrir 101 Hótel
Segir komið að gullaldar-
árum miðborgarinnar
Í GÆR voru 100 ár liðin frá fæðingu
Thors Thors, fyrsta sendiherra Ís-
lands í Bandaríkjunum og hjá Sam-
einuðu þjóðunum. Þessa var minnst
með athöfn í hátíðasal Háskóla Ís-
lands þar sem dr. Þór Whitehead
flutti fyrirlestur um ævi Thors, en
Íslensk-ameríska félagið, Háskóli
Íslands og Félag Sameinuðu þjóð-
anna á Íslandi stóðu fyrir athöfninni.
Sonur Thors, Thor Thors yngri, kom
hingað til lands í tilefni af þessum
áfanga. Einar Benediktsson sendi-
herra flutti inngangsorð.
Einar sagði við það tækifæri að fátt
heiðraði minningu Thors betur en
sjóður sem stofnaður var í hans nafni
til að styrkja íslenska námsmenn til
náms í Bandaríkjunum og Banda-
ríkjamenn til náms hér á landi.
„Það er okkar skoðun að styrkir úr
Thors Thors sjóðnum hafi í senn verið
metnaðarfullum nemendum til góðrar
aðstoðar og til eflingar menningar-
tengsla landanna. Það er mikils vert
að svo skuli heiðruð minning Thors.“
Þríþættur ferill
Dr. Þór Whitehead rakti ævi og
störf Thors Thors. Thor fæddist í
Reykjavík 26. nóvember 1903 og lauk
stúdentsprófi frá Menntaskólanum í
Reykjavík 1922. Hann lauk svo lög-
fræðiprófi með hæstu einkunn 1926,
og stundaði framhaldsnám í Cam-
bridge og París í framhaldi af því.
Thor var fyrsti íslenski sendiherrann
í Bandaríkjunum, og síðar sendiherra
hjá Sameinuðu þjóðunum.
„Ferill Thors Thors var þríþættur.
Hann var framkvæmdamaður í ís-
lensku atvinnulífi og útflutningi,
stjórnmálamaður, og loks stjórnarer-
indreki. Á öllum þessum sviðum skar-
aði hann framúr, vann þjóð sinni og
samfélagi þjóðanna gagn og skildi eft-
ir sig spor sem ekki hafa út máðst,“
sagði Þór.
Morgunblaðið/Sverrir
Vel fór á með Thor Thors yngri (t.v.), Ármanni Snævarr, fyrrum rektor HÍ,
og Sigurði Helgasyni, fyrrum forstjóra Flugleiða, við athöfnina í gær.
Aldarminning Thors Thors í Háskóla Íslands í gær
„Skildi eftir sig spor
sem ekki hafa út máðst“
FULLTRÚAR Samkeppnisstofnun-
ar áttu ekki óformleg samtöl við full-
trúa Skeljungs eða Olís um mögu-
legan ávinning af samvinnu við
rannsókn á meintu verðsamráði olíu-
fyrirtækjanna, segir Guðmundur Sig-
urðsson, forstöðumaður samkeppnis-
sviðs. Samstarf þessara aðila
byggðist á formlegu samkomulagi um
að fyrirtækin aðstoðuðu Samkeppn-
isstofnun við rannsókn málsins. Þá
gæti samkeppnisráð tekið mið af því
samstarfi við ákvörðun hugsanlegra
stjórnvaldssekta, yrðu fyrirtækin
fundin sek um brot á samkeppnislög-
um.
Guðmundur segir að verið sé að
leggja lokahönd á seinni hluta rann-
sóknar Samkeppnisstofnunar á
meintu verðsamráði olíufélaganna.
Skýrslan verði send fyrirtækjunum á
næstunni svo að þau geti komið með
athugasemdir. Í fyrri skýrslunni, sem
sagt hefur verið frá í fjölmiðlum, var
fjallað um tiltekin atriði í rekstri fé-
laganna eins og útboðsmál. Guð-
mundur segir seinni hluta frumathug-
unarinnar tengjast verðlagsmálum,
markaðsskiptingu og samrekstri ým-
is konar.
Fundaði með Olíufélaginu
Samkvæmt heimildum Morgun-
blaðsins sat forstöðumaður sam-
keppnissviðs óformlegan fund með
tveimur stjórnarmönnum og lögfræð-
ingi Olíufélagsins Esso á Grand hóteli
í lok febrúar á síðasta ári. Eftir þann
fund var það skilningur forsvars-
manna Olíufélagsins að starfsmönn-
um fyrirtækisins yrði hlíft við lög-
reglurannsókn ef unnið væri með
Samkeppnisstofnun að rannsókn
málsins. Einnig var rætt um að Sam-
keppnisstofnun myndi ekki skipta sér
af eignarhaldi Olíufélagsins í Olís og
fyrirkomulagi olíudreifingar. Guð-
mundur vill ekki tjá sig um önnur
samskipti við forsvarsmenn íslensku
olíufélaganna en þau formlegu.
Í kjölfar fundarins var gert form-
legt samkomulag um samstarf með
bréfi Olíufélagsins til Samkeppnis-
stofnunar 1. mars 2002, sem síðan var
svarað eftir umfjöllun í samkeppnis-
ráði. Skeljungur og Olís gerðu sams
konar samning seinna á árinu.
Forsvarsmenn Olíufélagsins telja
samkeppnisyfirvöld hafa gengið á
svig við sameiginlegan skilning þeirra
á því hver framgangur rannsóknar-
innar ætti að vera. Stofnunin hafi haft
frumkvæði að því í sumar að benda
ríkislögreglustjóra á meint brot fyr-
irtækisins og starfsmanna á sam-
keppnislögum. Samkvæmt heimild-
um Morgunblaðsins skipti það
Olíufélagsmenn máli á hvaða forsend-
um upplýsingar voru veittar. Vildu
þeir slá skjaldborg um starfsmenn
sína um leið og þeir voru hvattir til að
vinna með samkeppnisyfirvöldum.
Samkeppnisstofnun lýkur frum-
athugun á meintu verðsamráði
Allt samstarf við
Olís og Skeljung
var formlegt