Morgunblaðið - 27.11.2003, Blaðsíða 20
Húsadýragarður | Fulltrúar áhugahóps
um uppbyggingu húsdýragarðs á Blönduósi
sóttu nú í haust fund fjárlaganefndar og
greindu frá áformum sín-
um. Útbúin hefur verið
viðskiptaáætlun um verk-
efnið sem gerir ráð fyrir
að innan fimm ára verði
kominn upp veglegur hús-
dýragarður og ævintýra-
þorp sunnan megin
Blöndu sem laði að íbúa
svæðisins og þá fjölmörgu
ferðamenn sem aka um þjóðveg 1 yfir sum-
artímann, segir á heimasíðu sveitarfélagsins.
Fyrir aðra umræðu um fjárlaga-
frumvarpið leggur fjárlaganefnd til að þrjár
milljónir króna renni til uppbyggingar hús-
dýragarðs á Blönduósi.
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Ber vel í veiði | Á veiðiárinu 2003, eða
frá 1. sept. 2002 til ágústloka 2003, tókst
alls að ná 17 refum og 49 minkum í Að-
aldælahreppi að því er fram kemur á
heimasíðu
hreppsins. Þar
kemur fram að
Vilhjálmur á
Sílalæk hefur
séð um að
koma þessum
skepnum fyrir
kattarnef, bæði
hér í sveit og
víðar, og segir
hann að þarna
megi sjá að
raunfækkun
hefur orðið á
minkum und-
anfarin ár en
veiðiárið 2002 veiddist 61 minkur og 2001
voru það 73 dýr. Tala veiddra refa er sú
sama veiðiárin 2003 og 2002 eða 17, en
2001 voru veidd 10 dýr. Árin 1996–2000
voru aðeins veidd 5 dýr, þannig að aukn-
ingin er talsverð.
Fram kemur einnig að ekki er staðið
jafn skipulega að útrýmingu músa enda
ekki eins skæðar í náttúrunni og refir og
minkar og því engar tölur til um veiðar á
þeim. Hafi borið allnokkuð á músum nú í
haust og þær sumstaðar verið til tals-
verðra leiðinda. „Enda með eindæmum
forvitnar og tilbúnar að bragða rækilega á
hlutunum hvort sem um er að ræða fóð-
urbætispoka, bíláklæði, rafmagnssnúrur
eða annað sem við tvífætlingarnir viljum
hafa í upprunalegu ástandi!“ eins og segir
á heimasíðunni.
Úr
bæjarlífinu
HÉÐAN OG ÞAÐAN
ALLS heimsóttu um3.200 gestir sýn-ingu Sauðfjárset-
ursins á Sævangi á
Ströndum í sumar er leið
og voru gestir heldur fleiri
en árið áður. Flestir komu
þegar hátíðisdagar voru
haldnir í tengslum við sýn-
inguna, t.d. sumarhátíð í
júlí og á meistaramót í
hrútadómum og drátt-
arvéladag í ágúst. Spurn-
ingakeppni sem haldin var
í ársbyrjun var einnig vin-
sæl meðal heimamanna.
Þegar hefur verið mótuð
atburðadagskrá fyrir
Sauðfjársetur frá febrúar
á næsta ári og fram í
ágúst. Dagskrána ásamt
margvíslegum upplýs-
ingum um starfsemina er
að finna á heimasíðu Sauð-
fjárseturs.
Sauðfjársetur
Fagridalur | Hin árvissa
jólavillibráðarskemmtun
var haldin í Leikskálum í
Vík í Mýrdal um síðustu
helgi. Það er Stangveiði-
félagið Stakkur ásamt
Víkurskála sem sá um há-
tíðina.
Stangveiðifélagið
Stakkur gefur árlega
peninga til styrktar ein-
hverjum málefnum sem
þarfnast hjálpar í Mýr-
dalnum. Að þessu sinni
styrkti Stakkur slökkvi-
liðið í Vík, körfuboltalið
Drangs og Björgunar-
sveitinaVíkverja.
Á myndinni eru Haf-
steinn Jóhannesson, Ein-
ar Bárðarson og Sig-
urgeir Már Jensson.
Morgunblaðið/Jónas Erlendsson
Stakkur í jólaskapi
Jón Jens Kristjánssonyrkir um fund á tóft-um á Reykjaseli,
tengdum Hrafnkelssögu.
Af fyrirganginum hafi
mátt ráða að Hrafnkell
byggi þar enn með öllum
húsbúnaði, en raunin hafi
verið sú að með góðum
vilja hafi mátt greina
ójöfnu á sléttri grund.
Austfirskum fréttum er illt að trúa
og eflaust laug þessu vondur deli
að Hrafnkell sé ekki hættur að búa
hann er víst staddur að Reykjaseli.
En hann er hættur þar öllu rápi
úti stendur hann niðurgróinn
kvalinn af látlausu kíkisglápi
að koma auga á hrossaþjófinn.
Hrökk hann þó við einn haustdag blíðan
hark var í nánd og óp og söngur
þetta kom nær og þagnaði síðan
það voru menn að fara í göngur.
Bar þá í skyndi að bæjartröðum
sem beygðu þar inn um grýtta meli
þá benti einn úr þeirra röðum
nú, þarna er bærinn að Reykjaseli.
Þó voru leiðir þessar kunnar
og þarna var margur sögurækinn.
þeir héldu’að hann stæði heldur sunnar
og hinum megin við bæjarlækinn.
Tóftir á Reykjaseli
pebl@mbl.is
Egilsstaðir | Í eina tíð tóku
krakkarnir í Grunnskólanum á
Egilsstöðum með sér skauta í
skólann, því um árabil var
íþróttavöllurinn framan við
skólann ruddur og gert þar
skautasvell sem ganga mátti að
sem vísu meðan frost héldust.
Nú hefur þetta verið aflagt,
en í staðinn skreppa krakkarnir
í Lómatjarnargarðinn, skrúð-
garð bæjarins, þar sem tjörnina
hafði sléttlagt í vikunni í 6 stiga
frosti. Þau renndu sér þar á
stígvélunum og duttu mátulega
oft á rassinn með skrækjum og
hlátrasköllum. Hafa svo sjálf-
sagt hlaupið heim að heimta
skautana ofan úr hillu, því spáð
er ágætis skautaveðri næstu
dagana.
Morgunblaðið/Steinunn Ásmundsdóttir
Skautað á stígvélunum
Í skrúð-
garðinum
Hafnarfjörður | Regnbogabörn, Íþrótta-
bandalag Hafnarfjarðar og Hafnarfjarðar-
bær hafa gefið út forvarnarbækling gegn
einelti í íþrótta- og æskulýðsstarfi, sem
ætlunin er að dreifa í íþróttahúsum og
sundstöðum í Hafnarfirði.
Bæklingurinn ber heitið Tökum á því
einn, tveir og þrír og er prentaður í 2.000
eintökum. Í bæklingnum er fjallað um ein-
elti í íþróttum, hvar það verður, hvernig
það fer fram, almenn einkenni, hverjir eru
teknir fyrir og hverjir taka fyrir. Einnig er
fjallað um viðbrögð þolenda og afleiðingar,
segir Jón Páll Hallgrímsson, ráðgjafi hjá
Regnbogabörnum.
Einelti í íþróttum er vandamál sem þarf
að taka á, og ætlunin er að fylgja bækl-
ingnum eftir næstu daga og vikur með því
að ræða við þjálfara, sundkennara og aðra
sem vinna með börnum og unglingum, seg-
ir Geir Bjarnason, forvarnarfulltrúi Hafn-
arfjarðar.
Geir segir þá sem vinna með börnunum
þurfa að koma boðskapnum áfram til
barnanna, og segir boðskapinn vera að
þjálfarar í íþróttum hafi meira hlutverk en
bara að kenna börnunum að vera góð í
íþróttum.
Samstarf
gegn einelti
í íþróttum
Morgunblaðið/Eggert
Sameiginlegt átak: Guðmundur Rúnar
Árnason, formaður forvarnarnefndar
Hafnarfjarðar, kynnti útgáfu bæklingsins.
Akureyri | Menningarmálanefnd Akureyr-
arbæjar fjallaði nýlega um tillögur um
samstarfsverkefni Listahátíðar í Reykja-
vík og Akureyrarbæjar. Fyrir liggur að
Seamus Heaney kemur til Akureyrar, uppi
eru hugmyndir um að til Akueyrar komi
frönsk djasshljómsveit og fleira er í deigl-
unni. Þá er ákveðið að Listasafnið á Ak-
ureyri verður þátttakandi í Listahátíð.
Menningarmálanefnd samþykkti að
áfram yrði unnið að þessum hugmyndum
og gengið yrði frá samstarfssamningi við
Listahátíðina.
Samstarf við
Listahátíð
♦ ♦ ♦
Skráning skuldabréfa
í Kauphöll Íslands
300.000.000 kr.
Stykkishólmsbær - 1. flokkur 2003
Stykkishólmsbær, kt. 620269-7009, Hafnargötu 3, 340 Stykkishólmi, gefur út
skuldabréf að nafnvirði kr. 300.000.000. Skuldabréfin eru til 15 ára og bera fasta
5,0% ársvexti. Bréfin eru bundin vísitölu neysluverðs og breytist höfuðstóll þeirra á
hverjum gjalddaga í samræmi við hana. Höfuðstól skuldarinnar ber svo að endur-
greiða með 15 jöfnum og árlegum afborgunum, fyrst 1. september 2004 og síðast
1. september 2018. Vexti ber einnig að greiða á sömu gjalddögum og afborganir.
Auðkenni flokksins í Kauphöll Íslands verður STY 03 1 og mun Kauphöllin taka
bréfin til skráningar hinn 1. desember 2003.
Umsjónaraðili sölu skuldabréfanna og skráningar í Kauphöll Íslands er Verðbréfa-
stofan hf., kt. 621096-3039, Suðurlandsbraut 18, 108 Reykjavík. Skráningarlýsing-
una og þau gögn sem vísað er til í henni má nálgast hjá Verðbréfastofunni hf., Suð-
urlandsbraut 18, 108 Reykjavík. Einnig er hægt að nálgast skráningarlýsinguna
á vef Verðbréfastofunnar hf. www.vbs.is.