Morgunblaðið - 10.12.2003, Síða 25

DAGLEGT LÍF
MORGUNBLAÐIÐ MIÐVIKUDAGUR 10. DESEMBER 2003 25
Hefðbundið skólastarf íleikskólanum Granda-borg var brotið upp ínóvemberbyrjun og í
tvær vikur var eingöngu unnið með
þemað „fiskar, fjaran og hafið“. Að
sögn Guðrúnar Maríu Harð-
ardóttur, leikskólastjóra á Granda-
borg, hefur áður verið unnið með
ákveðin þemaefni í stuttan tíma í
senn sem hefur bæði reynst
skemmtilegt og gefandi. Kappkost-
að hefur verið að velja verkefni,
sem tengjast íslensku þjóðlífi og má
í því sambandi nefna íslenskar þul-
ur, ævintýri, tröll og álfa. Mark-
miðið með þemavikunum fyrir utan
að brjóta upp hefðbundið starf er að
börnin kynnist menningu og arf-
leifð, að börn og starfsmenn vinni
saman óháð aldri og staðsetningu í
húsinu og að gera starfið fjölbreytt-
ara.
Undirbúningur hófst með ferða-
lagi í Hampiðjuna, þangað sem sótt
var fiskinet, sem hengt var í loftið
og niður með veggjum í salnum, líkt
og um neðansjávarveröld væri
að ræða. Elstu börnin
fóru í vettvangsferð
á Nátt-
úru-
gripasafn-
ið og sáu
ýmsa
furðufiska.
Börnin fóru einnig í
vettvangsferðir í fjöruna þar sem
þau söfnuðu skeljum og öðru því
sem þar finnst og hengdu neðan í
netið.
Fiskabúr úr pappadiskum
Fiskar voru mótaðir úr pappa-
massa, málaðir í öllum regnbogans
litum og hengdir upp. Farið var í
fiskbúð og keyptur karfi, sem börn-
in máluðu og gerðu þrykkimynd á
lakaléreft. Myndir þessar voru síð-
an hengdar upp í öllum leikskól-
anum. Börnin gerðu neðansjáv-
arveröld á maskínupappír, sem varð
að „pappírsveggteppi“. Þar mátti
greina furðufiska, hafmeyjar og
undur hafsins.
Fiskabúr útbjuggu börnin úr ein-
nota pappadiskum, en einnig var
fengið að láni alvöru fiskabúr með
tveimur fiskum í. Þeir vöktu mikla
athygli og aðdáun barnanna og þau
voru fljót að nefna þá Gunnar og
Geir, í höfuðið á fiskunum tveimur í
laginu um fiskana. Á meðan á
þemadögunum stóð, var mikið sung-
ið og lesið um fiska, en verkefninu
lauk með því að bjóða foreldrum að
koma og sjá afraksturinn. Elstu
börnin fluttu stutt leikrit, sem þau
höfðu samið sjálf og í lokin sungu
allir saman nokkur lög, sem tengd-
ust hafinu og íbúum þess.

ÞEMADAGAR|Börn á Grandaborg kynntust hafinu og íbúum þess
Fiskar og furðuverur
join@mbl.is
Börnin: Fóru í vettvangsferðir í fjöru
þar sem þau söfnuðu t.d. skeljum.
AUGLÝSINGADEILD
netfang: augl@mbl.is eða sími 569 1111