Morgunblaðið - 29.12.2003, Blaðsíða 10

FRÉTTIR
10 MÁNUDAGUR 29. DESEMBER 2003 MORGUNBLAÐIÐ
UNGIR jafnaðarmenn (UJ), ung-
liðahreyfing Samfylkingarinnar,
hafa sent frá sér tvær fréttatilkynn-
ingar varðandi málefni SPRON. UJ
biðja embættis- og stjórnmálamenn
í röðum stofnfjáreigenda í SPRON
að afsala sér og skila öllum hugs-
anlegum gróða af sölu SPRON um-
fram eðlilega vexti og verðbætur.
Jafnframt óska ungir jafnaðarmenn
eftir að fá aðgang að lista yfir stofn-
fjáreigendur í SPRON.
Í fréttatilkynningu UJ segir: „Það
er hvorki í samræmi við lög né
ríkjandi siðferði á Íslandi að fólk
hagnist á því persónulega að gegna
opinberum embættum. Fólk sem
trúað er fyrir slíkum hlutverkum
gegnir þeim sem fulltrúar almenn-
ings og allur gróði eða annar ávinn-
ingur sem því áskotnast vegna þess-
ara hlutverka skal skilast aftur í
sameiginlega sjóði fólksins í landinu.
Komið hefur fram að í röðum
þeirra sem vegna stöðu sinnar hefur
verið boðið að gerast stofnfjáreig-
endur í SPRON eru m.a. fyrrver-
andi borgarstjórar í Reykjavík,
borgarfulltrúar, alþingismenn og
ýmsir embættismenn. Afar mikil-
vægt er að það fólk sem gegnt hefur
þessum embættum geri nú hreint
fyrir dyrum sínum og skýri hvernig
því gafst kostur á að kaupa stofn-
fjárhluti í SPRON á nafnverði þegar
allur almenningur átti þess ekki
kost.
Taka skal fram að hluti stofnfjár-
eigenda hefur eignast hluti í Spari-
sjóðnum vegna persónulegs fram-
lags til hans s.s. vegna sölu á
fyrirtækjum til hans, starfa fyrir
hann eða annars slíks. Við þessu
amast Ungir jafnaðarmenn ekki sér-
staklega en fagna því að rekstrar-
formi Sparisjóðsins verði nú breytt.
Ungt fólk í Samfylkingunni
treystir því að okkar ágætu kjörnu
fulltrúar, sem þáðu boð stjórnar
SPRON um að kaupa stofnfé á nafn-
verði, sjái að sér nú þegar ljóst er að
hægt verður að selja þessi hluti á
margföldu kaupverði. Það ætti að
vera öllum morgunljóst að þeir geta
með engu móti selt hluti sína á
genginu 5,5 og ætlast til að geta
stungið mismuninum í vasann. Slíkt
væri andstætt almennu siðferði og
því opna og gagnsæja samfélagi sem
samstaða hefur verið um að skapa á
Íslandi.
Einnig er mikilvægt að þeir skýri
hvernig þeim datt í hug að þiggja
slíkt boð í upphafi, enda hljóti þeim
að hafa verið ljóst að það væri lagt
fram vegna stöðu þeirra í þjónustu
við almenning.“
Óskað eftir lista yfir
stofnfjáreigendur
Í tilkynningu frá í gær óska ungir
jafnaðarmenn eftir því að fá aðgang
að lista yfir stofnfjáreigendur í
SPRON. Í tilkynningu frá UJ segir:
„Ungt fólk í Samfylkingunni hefur
áhuga á að komast að því hvaða
stjórnmálamenn eru á þeim lista.
Hyggjast ungir jafnaðarmenn því
næst spyrja stjórnmálamennina
hvernig þeir hafi komist yfir stofn-
féð og hvort þeim finnist verjandi
siðferðislega að hagnast á sölu þess.
Ungir jafnaðarmenn óska eftir að
fá aðgang að listanum strax á mánu-
dag enda er afar brýnt að viðskipti
þungavigtarfólks í íslenskri pólitík
með stofnfé í SPRON séu dregin
fram í dagsljósið. Best væri þó ef
stjórnmála- og embættismenn með-
al stofnfjáreigendanna kæmu sjálfir
fram og skýrðu frá málinu.“
Ungir jafnaðarmenn álykta um málefni SPRON
Vilja fá nöfn stofnfjáreigenda
Fólk í opinberum
embættum afsali
sér gróða af sölu
SPRON
gekk fram fyrir Dyrhólaey og síð-
an upp á eyna og fram að vita.
Dyrhólaey er einn af þessum stöð-
um á landinu sem eru fallegir á
hvaða árstíma sem er og nutu
menn þar veðurblíðu og útiveru. Á
myndinni eru Einar Hjörleifur
Ólafsson, Hugborg Hjörleifsdóttir,
Ragnhildur Jónsdóttir og Sigrún
Guðmundsdóttir á vesturbrún
Dyrhólaeyjar á jóladag og suður-
ströndin í fjarska.
JÓLADAGUR var mjög fallegur í
Mýrdalnum, yfir jörðinni var lag
af fallegum jólasnjó og logn og
stillt veður var úti. Því var upp-
lagt að fá sér gönguferð eftir all-
an jólamatinn. Hópur Mýrdælinga
Morgunblaðið/Jónas Erlendsson
Jólaganga á Dyrhólaey
Mýrdalur. Morgunblaðið.
ÓLAFUR Jensson,
fyrrum bæjarverk-
fræðingur Kópavogs-
bæjar og fyrrverandi
yfirverkfræðingur
Landsvirkjunar, lést á
Landspítala – háskóla-
sjúkrahúsi 24. desem-
ber sl., 81 árs að aldri.
Ólafur fæddist 17.
ágúst 1922 á Bolungar-
vík, sonur Jens E.
Níelssonar barnakenn-
ara og Elínar Guð-
mundsdóttur. Hann
kvæntist Margréti
Ólafsdóttur, f. 19. októ-
ber 1920, hinn 29. maí 1948. Þau
eignuðust tvö börn, Björgu og Ara.
Ólafur lauk stúdentsprófi frá
Menntaskólanum í Reykjavík 1943,
fyrri hluta verkfræðiprófs frá Há-
skóla Íslands 1945 og lokaprófi í
byggingarverkfræði í Danmörku ár-
ið 1948.
Ólafur var verkfræðingur hjá Al-
menna byggingarfélaginu 1948–51
og fulltrúi í fjármálaráðuneytinu
1951–54. Árið 1954 stofnaði hann
ásamt öðrum Verkleg-
ar framkvæmdir hf. og
var hann framkvæmda-
stjóri þar til 1964. Ólaf-
ur var bæjarverkfræð-
ingur í Kópavogi
1964–71, rak eigin verk-
fræðistofu 1972–75 og
var verkfræðingur hjá
Rafmagnsveitum ríkis-
ins, og síðar Lands-
virkjun, frá 1975–82.
Ólafur starfaði lengi
með samtökum fram-
sóknarmanna í Reykja-
vík, Kópavogi og
Reykjaneskjördæmi,
og starfaði í miðstjórn flokksins.
Hann var bæjarfulltrúi og formaður
bæjarráðs Kópavogs 1962–70 og for-
seti bæjarstjórnar 1962–63. Ólafur
yfirgaf Framsóknarflokkinn ásamt
„Möðruvellingunum“ svokölluðu og
gekk í Samtök frjálslyndra og vinstri
manna 1974.
Ólafur var formaður Lionsklúbbs
Kópavogs 1960–61 og var í umdæm-
isstjórn 1962–63 og var í fulltrúaráði
Samvinnutrygginga frá 1964.
ÓLAFUR JENSSON
Andlát
ÞORSTEINN Gísla-
son, málarameistari og
fyrrverandi kaupmað-
ur, lést á Landspítala –
háskólasjúkrahúsi í
Fossvogi 25. desember
sl., 90 ára að aldri.
Þorsteinn fæddist í
Reykjavík 1. október
1913, sonur hjónanna
Gísla Þorsteinssonar
skipstjóra og Steinunn-
ar Pétursdóttur. Þor-
steinn kvæntist Elínu
Sigurðardóttur árið
1942 og eignuðust þau
þrjár dætur, og átti
hann eina dóttur af fyrra hjónabandi.
Þorsteinn lauk málarameistara-
prófi árið 1933, og hélt svo til Dan-
merkur og sérhæfði sig í húsgagna-
lökkun. Eftir að hann kom heim
opnaði hann húsgagnaverkstæði og
verslun á Vesturgötunni. Einnig vann
hann sem málarameistari á Keflavík-
urflugvelli. Síðar opnaði
hann verslunina Mál-
arameistarann og hóf
innflutning á málningu.
Hann lét af störfum fyr-
ir þremur árum.
Þorsteinn hóf að æfa
hnefaleika tíu ára gam-
all og varð Íslands-
meistari aðeins fjórtán
ára. Hann var oft kall-
aður Steini box. Þegar
hann var við nám í Dan-
mörku öðlaðist hann
kennsluréttindi í grein-
inni og árið 1935 stofn-
aði hann Hnefaleika-
skóla Þorsteins Gíslasonar í
ÍR-húsinu, og starfrækti hann þang-
að til hnefaleikar voru bannaðir hér á
landi. Einnig þjálfaði hann á þessum
árum háskólastúdenta, menntaskóla-
nema, marga alþingismenn og ráð-
herra og gaf út bók um hnefaleika ár-
ið 1948.
ÞORSTEINN
GÍSLASON
FORSTJÓRI Tryggingastofnunar
(TR) hefur nú svarað bréfi Félags
eldri borgara (FEB) og telur hann
stofnunina ekki geta orðið við er-
indi FEB þar sem stofnunin fari
ekki með lagasetningarvald.
Í erindi eldri borgara var bent á
að samkvæmt dómi Hæstaréttar sé
ljóst að skerðing á bótum vegna
tekna maka standist ekki ákvæði
stjórnarskrár þegar kemur að ör-
yrkjum, og segja þeir að sama eigi
að gilda um aldraða. Einnig var í
bréfinu skorað á TR að hlutast til
um leiðréttingu vegna skerðingar-
reglna fyrir greiðslu tekjutrygging-
ar ellilífeyrisþega árin 1999 og
2000.
Afrit af bréfi FEB til forstjóra
TR var sent til heilbrigðisráðherra,
en engin svör hafa enn borist frá
ráðherra. Stjórn FEB sendi honum
því bréfið formlega 21. nóvember sl.
Þar skorar stjórnin á hann að
hlutast til um leiðréttinguna, eftir
atvikum með lagafrumvarpi á Al-
þingi. Enn hefur ekkert svar borist
við því bréfi.
TR verður ekki
við erindi Félags
eldri borgara
Ráðherra hefur ekki svarað bréfi FEB
Forstjóri TR svarar eldri borgurum
ÞAÐ hefur margborgað sig fyr-
ir Alcan í Straumsvík að flytja
inn svokallað umbræðsluál,
breyta því í verðmætari afurð
og selja aftur úr landi. Fram
kom í Morgunblaðinu á laugar-
dag að þessi innflutningur hefði
verið 14 þúsund tonn á árinu,
um 40% meira en reiknað var
með í upphafi ársins.
Að sögn Hrannars Péturs-
sonar, upplýsingafulltrúa Alc-
an, er þessari tegund áls breytt
í barra, eða völsunarbarra, sem
er meginafurð álversins af um
200 vörutegundum. „Við erum
að fá miklu betra verð fyrir
þessa afurð en það sem kostar
að flytja hráefnið inn,“ segir
Hrannar.
Borgar sig að
flytja inn um-
bræðsluál
OLÍUSKIPIÐ Keilir, sem er í eigu
Olíudreifingar, siglir eftir áramót
undir færeysku flaggi. Í tilkynningu
frá Olíudreifingu segir að þetta hafi
í för með sér fjárhagslegan ávinn-
ing fyrir útgerðina. Helmingur
áhafnarinnar verður skipaður átta
til tíu íslenskum sjómönnum á hér-
lendum kjarasamningum, sem
munu skipta með sér fjórum til
fimm stöðum um borð.
Olíudreifing segir fjárhagslegan
ávinning vera tvískiptan. Annars
vegar með endurgreiðslu tekju-
skatts áhafnar til útgerðarinnar og
hins vegar að útgerðin sé ekki
bundin af þjóðerni skipverja.
Rekstrarumhverfið sem Færeying-
ar hafi skapað útgerðum kaupskipa,
sem sigla undir færeyskum fána,
hafi leitt til þess að nú séu 17 kaup-
skip skráð þar í landi.
Alþjóðlegt umhverfi
Um 40% af starfstíma Keilis fer í
strandflutninga við Ísland, að öðru
leyti er skipið í verkefnum erlendis
og í flutningi milli landa. Segir Olíu-
dreifing skipið því starfa í alþjóð-
legu umhverfi þar sem útgerðir í
nær öllum löndum Evrópusam-
bandsins njóti skattaívilnana í sínu
skráningarlandi og sveigjanleika
um samsetningu áhafna sinna
skipa.
„Útgerð Keilis lýtur sömu lög-
málum og þeir sem á þessum mark-
aði starfa og þarf því á sama
rekstrarumhverfi að halda. Olíu-
dreifingu er því nauðugur einn sá
kostur að færa útgerð Keilis úr
landi ef mögulegt á að vera fyrir ís-
lenska eigendur að halda rekstri
skipsins áfram,“ segir ennfremur í
tilkynningu Olíudreifingar.
Íslenskt olíuskip verð-
ur skráð í Færeyjum
ELDUR kviknaði í sjónvarpstæki í
húsi á Sauðárkróki um kl. 20 á laug-
ardagskvöld. Enginn var heima þeg-
ar eldurinn kviknaði, en miklar
skemmdir urðu á húsi og innbúi.
Húsráðandi varð var við eldinn
þegar hann kom heim og kallaði til
slökkvilið. Ekki var mikill eldur, en
íbúðin var full af reyk og mikið tjón
af hans völdum.
Kviknaði
í sjónvarpi