Morgunblaðið - 29.12.2003, Blaðsíða 17

LISTIR
MORGUNBLAÐIÐ MÁNUDAGUR 29. DESEMBER 2003 17
Hulduhlíð - 2ja herb. Rúmgóð 66
fm 2ja herbergja íbúð á 2. hæð í litlu fjölbýli með
sérinngangi. Stórt svefnherbergi, baðherbergi
m/kari, sérþvottahús, geymsla sem nú er notuð
sem svefnherbergi, ágæt stofa og eldhús með
borðkrók og fallegri innréttingu. Góð staðsetning,
stutt í skóla og leikskóla. Íbúðin er í leigu og af-
hendist í maí 2004.
Verð kr. 10,5 m.
Íbúð í Álafosskvos 108 fm 3ja her-
bergja íbúð, ásamt 107 fm kjallara, í Álafosskvos-
inni. Íbúðin skiptist í forstofu, borðstofu, hjóna-
herbergi, eldhús, stofu, baðherbergi og barnaher-
bergi. Kjallari er í löku ástandi og þarfnast endur-
bóta. Íbúðin stendur á fallegum stað, rétt við
Varmána. Þetta er sérstök eign með mikla mögu-
leika.
Verð kr. 13,9 m

Dalatangi - einbýli m/aukaíb.
361 fm einbýlishús á 2 hæðum ásamt 52,5 fm bíl-
skúr, með möguleika á aukaíbúð. Aðalhæðin er
155 fm auk bílskúrs og skiptist í eldhús, stofu,
sjónvarpshol, 4-5 svefnherb., baðherb., gestasal-
erni og þvottahús. Kjallarinn er 207 fm með sér-
inngangi og 4 herbergjum, baðherbergi m/sturtu,
stofu og stórri geymslu. Steypt bílaplan og ver-
önd með heitum potti.
Verð kr. 33,5 m.
Fálkahöfði - parhús m/bílskúr
Sérlega glæsilegt 160 fm parhús á einni hæð með
bílskúr á fallegum stað. 3 góð svefnherbergi, bað-
herbergi, flísalagt í hólf gólf, eldhús með glæsi-
legri kirsuberjainnréttingu, stór stofa með arni,
sólstofa og gestasalerni m/sturtu, þvottahús og
30 fm innbyggður bílskúr. Rauð eik og flísar á
gólfum og innfelld halogenljós í loftum. Falleg
eign á vinsælum stað.
Verð kr. 24,5 m.
Grenibyggð - parhús m/bílsk.
Erum með 140,4 fm parhús á einni hæð með bíl-
skúr innst í botnlanga í gróinni götu í Mosfellsbæ.
Íbúðin skiptist í 2 góð svefnherbergi, vinnuher-
bergi, flísalagt baðherbergi m/baðkari og sturtu,
eldhús m/góðum borðkrók og stóra og bjarta
stofu/sólstofu. Rúmg. bílskúr og hellulagt bílaplan
m/snjóbræðslu.
Verð kr. 18,5 m.
Hlíðarás - einbýli/tvíbýli Stórt og
mikið 407 fm einbýlishús á tveimur hæðum með
tvöföldum bílskúr. Fallegt einbýli í botnlanga við
óbyggt svæði með gríðarmiklu útsýni yfir Mos-
fellsbæ. Hugmyndir eru um að skipta húsinu í
tvær 150 fm íbúðir auk 44 fm bílskúrs og kjallara
undir bílskúr.
Verð 29,5 m. - Áhv. 16,0 m.
Jörfagrund - endaraðhús 145
fm endaraðhús ásamt 31 fm innbyggðum bílskúr
á stórri hornlóð með miklu útsýni á Kjalarnesi. Í
íbúðinni eru 3 mjög stór svefnherbergi, baðher-
bergi m/kari, sérþvottahús, stór og björt stofa og
gott eldhús með borðkrók. Stór og mikil lóð er af-
girt með góðri girðingu, timburverönd er við stofu
og eldhús.
Verð kr. 16,9 m.- Áhv. 8,5 m. í húsbr.
Súluhöfði - efri hæð í 2býli Er-
um með 181,7 fm íbúð á 2 hæðum í tvíbýlishúsi
ásamt 41 fm bílskúr innst í botnlanga við golfvöll-
inn í Mosfellsbæ. Á aðalhæð er gert ráð fyrir
stofu, eldhúsi, borðstofu, 2 svefnherbergjum,
baðherbergi, þvottahúsi og geymslu og á neðri
hæð eru tvö svefnherbergi og sjónvarpshol. Hús-
ið er í byggingu í dag, tæplega tilbúið til innrétt-
inga og selst í því ástandi.
Verð kr. 21,9 m.
Nýjar íbúðir fyrir 50 ára og
eldri
Erum með í sölu 4 hæða lyftuhús með 20 íbúðum
fyrir 50 ára og eldri í Klapparhlíð í Mosfellsbæ.
Sérinngangur er í hverja íbúð af svalagangi með
glerskermun. Innangengt er í bílageymslu með 16
bílastæðum. Húsið er einangrað að utan og klætt
með bárumálmklæðningu og harðvið. 2ja her-
bergja íbúðir 90 fm, verð frá kr. 13,3 m. 3ja her-
bergja íbúðir 107-120 fm, verð frá kr. 15,4 m.
Íbúðirnar verða afhentar í september 2004.
Skeljatangi - 4ra herb.
*NÝTT Á SKRÁ* Vorum að fá 4ra her-
bergja, 94 fm Permaform-íbúð á 2.
hæð í litlu fjórbýli við Skeljatanga. Flís-
ar á stofu, eldhúsi, baðherbergi,
þvottahúsi og forstofu, en eikarplast-
parket á hjónaherbergi og 2 barnaher-
bergjum. Frábær staðsetning, stutt í
skóla og leikskóla. Íbúðin getur verið til
afhendingar mjög fljótlega.
Verð kr. 14,2 m.
Markholt - 3ja herb.
*NÝTT Á SKRÁ* Vorum að fá 81 fm 3ja
herbergja íbúð í eldra fjórbýlishúsi við
Markholt í Mosfellsbæ. Íbúðin skiptist í
tvö góð svefnherbergi, stofu, eldhús
með fallegri U-laga viðarinnrétt., flísa-
lagt baðherbergi m/sturtu og rúmgott
þvottahús og geymslu. Þetta er rúm-
góð og björt íbúð á góðu verði.
Verð kr. 10,8 m - áhv. 8,3 m.
Flugumýri - atvinnuhúsnæði
Erum með í sölu snyrtilegt iðnaðarhús-
næði við Flugumýri í Mosfellsbæ. Hús-
ið er samtals 545 fm, þar af 301 fm
vinnslusalur með 5-7 m lofthæð, 3 inn-
keyrsludyr, (4 m x 4,5 m). Mögulegt er
að stækka vinnslusalinn um ca 300 fm.
Samtengt vinnslusalnum er 244 fm skrifstofu- og starfsmannabygging á 2 hæð-
um. Mjög gott útipláss er við húsið. Húsið afhendist tilbúið að utan, vinnslusalur er
fullbúinn en skrifstofuálma er tilbúin undir tréverk.
Verð kr. 33.400.000.
Tígulsteinn - einbýli
*NÝTT Á SKRÁ* 181 fm einbýlishús
með tvöföldum bílskúr við jaðar
byggðar rétt við Reyki í Mosfellsbæ.
Húsið er 131 fm á einni hæð með 4
svefnherbergjum, góðri stofu og opnu
eldhúsi. 50 fm bílskúr við hlið íbúðar-
húss, sem eftir er að fullklára. Húsið
stendur á 1.000 fm eignarlóð rétt við
bakka Varmár.
Verð kr. 19,8 m. - áhv. 6,3 m.
Við hjá Fasteignasölu
Mosfellsbæjar viljum óska
þér og fjölskyldu þinni
farsældar
á komandi ári,
um leið og við þökkum
viðskiptin á árinu
sem er að líða.
Hildur, Einar Páll og Lína
ÁRIÐ 1982 kom út Rangvellingabók. Tveggja
binda rit í samantekt Valgeirs Sigurðssonar í
Þingmúla. Þótti það verk afar vel unnið. Í fram-
haldi af því tók Valgeir að sér að efna til jarða-
lýsinga og ábúendatals fyrir fleiri svæði í Rang-
árvallasýslu. Vann hann að því í níu ár ásamt
öðrum störfum, þar til hann féll frá árið 1994. Þá
hafði hann safnað geysimiklum gögnum, en ekki
voru þau tilbúin til útgáfu. Þá tók Ragnar Böðv-
arsson upp merki hins fallna foringja ásamt að-
stoðarmönnum sínum. Undir ritstjórn hans kom
út árið 1999 mikið og gott rit um jarðir og bú-
endur í Austur-Landeyjum, Landeyingabók.
Síðan hefur verið haldið ötullega áfram og nú er
nýútkomið ritið Landmannabók um Land-
sveitina. Hún er ámóta stór og sú fyrri og með
sama sniði. Frávikin eru helst þau, að á eftir
Inngangi ritstjórans, þar sem gerð er glögg
grein fyrir tilhögun verksins, kemur alllöng rit-
gerð, Ágrip af sögu Landsveitar eftir Ófeig pró-
fast Vigfússon. Sú ritgerð birtist upphaflega í
Óðni árið 1934 og var tileinkuð Eyjólfi Guð-
mundssyni í Hvammi á 50 ára oddvitaafmæli
hans. Það er mætavel skrifuð ritgerð eins og
vænta mátti.
Að því búnu hefst aðalefni bókar, jarðir og
ábúendur þeirra. Eru bújarðirnar tilgreindar í
stafrófsröð og telst mér til að þær nálgist sjö
tugi. Eru það allar jarðir, höfuðból, kot og hjá-
leigur, sem einhvern tíma hefur verið búið á.
Ekki er nema hluti þeirra í byggð nú. Getið er
jarðarstærðar, landamerkja, eignarhalds o.fl.
og ábúendur eru tilnefndir svo langt aftur sem
heimildir hrökkva til. Gerð er grein fyrir bú-
setutíma hvers ábúanda, þeir eru rækilega ætt-
færðir og greint er frá börnum þeirra. Allt virð-
ist þetta vera unnið af hinni mestu vandvirkni
og ártöl dyggilega tilgreind. Mikill fjöldi mynda
er í ritinu, bæði nýjar og gamlar.
Aftan við jarða- og búendatal eru kaflar svo
sem kaflinn Um einstakar ættfærslur. Eru það
einkum leiðréttingar við villur í öðrum ritum.
Þá er forvitnilegur kafli um bæjanöfn í Land-
sveit. Aðallega eru það skýringar á nöfnum,
sem vandskýrð þykja. Þann kafla hefur Svavar
Sigmundsson, forstöðumaður Örnefnastofnun-
ar, samið. Þá eru birt þrjú Ljóð úr Landsveit.
Skrá er yfir hreppsnefndir í Landmannahreppi
1874–1993. Nokkur rithandarsýnishorn eru
birt. Skrá er yfir heimavarnarlið Levetzovs frá
1788. Mannfjöldatafla í Landmannahreppi,
1703–1990 er hér saman tekin af Þorgilsi Jón-
assyni. Svipmyndir úr Landsveit eru á nokkr-
um blaðsíðum. Þá er heimildaskrá og loks
nafnaskrá. Hún er gríðarlöng. Telst mér til að
þar séu taldir ekki færri en talsvert á tíunda
þúsund einstaklingar. Sýnir það vel umfang
þessarar bókar.
Þeir sem ekki þekkja til vinnu af því tagi, sem
liggur að baki bók sem þessari, gera sér varla
grein fyrir um hversu óhemjumikið starf er að
ræða. Oft getur verið löng leit að einu nafni eða
ártali. Því eiga þeir sannarlega hrós skilið, sem
eiga til þá elju og þolinmæði sem bók eins og
þessi útheimtir. Sé sú vinna samviskusamlega
af hendi leyst, eins og mér virðist hér vera raun
á, er um ómetanlega heimildasöfnun að ræða.
Bók þessi er myndarlega og vel útgefin og
sómir sér vel við hlið hinna fyrri.
Búendur í Landsveit
BÆKUR
Ábúendatal
Valgeir Sigurðsson tók saman. Viðbætur unnu:
Ragnar Böðvarsson, Þorgils Jónasson og Ingólfur
Sigurðsson. Ritstjóri: Ragnar Böðvarsson. Útgef.:
Rangárþing ytra, Hellu, 2003, 516 bls.
LANDMANNABÓK. LANDSVEIT
Sigurjón Björnsson
ÞRJÚ ár eru liðin síðan síðasta bindi af Skag-
firskum æviskrám kom út. Það sem nú birtist er
fimmta bókin fyrir tímabilið 1910–1950. Áður
höfðu komið út fjögur bindi fyrir tímabilið 1890–
1910 og sjö bindi fyrir 1850–1890. Er þetta því
sextánda bindi Skagfirskra æviskráa.
Að þessu sinni eru 95 æviþættir í bók. Áður
höfðu komið 423 æviþættir fyrir þetta tímabil.
Þarna eru því samankomnir á sjötta hundrað
æviþættir Skagfirðinga, sem héldu heimili á um-
ræddu tímabili. Höfundar þáttanna 95 eru alls
21, en mikinn meirihluta hafa þrír menn samið,
Gísli Víðir Björnsson, Hjalti Pálsson og Árni
Gunnarsson. Þeir eiga samtals sjötíu þætti.
Skagfirskar æviskrár eru sérstæðar að því
leyti að þær eru í rauninni stuttar ævisögur við-
komandi einstaklinga. Fyrir utan venjulegar
ættfræðiupplýsingar er æviferillinn rakinn og
persónunni yfirleitt lýst. Ýmis sérstök atvik eru
tilgreind, vísur eru gjarnan látnar fljóta með,
smásögur sagðar og sagt frá óvenjulegum til-
svörum og viðbrögðum, ef svo ber undir.
Þegar til þess er litið að hér ræðir um fólk,
sem stofnað hafði heimili árið 1910 – það elsta –
og það sem nýstofnað hafði heimili árið 1950 –
það yngsta – er sjáanlegt að þessar æviskrár
spanna meginhluta síðustu aldar, þó að aðal-
þunginn hvíli á fyrri hluta hennar. Á sjötta
hundrað æviþættir (og einstaklingarnir eru mun
fleiri, því að flestir hafa átt maka) úr einu héraði
er ekki lítið safn og því áreiðanlega réttmætt að
líta á það sem traustan þverskurð mannlífs á
þessum slóðum. Og hvað segir þá þessi þver-
skurður okkur? Hann segir okkur vissulega
margt. Hér mætum við mikilli fátækt alþýðu
manna, miklu striti, miklum barnafjölda, mikl-
um barnadauða og margra fullorðinna varð æv-
in stutt. Fyrri hluti aldarinnar var tími „hvíta
dauðans“. Hér er órækur vitnsisburður um þau
miklu skörð, sem hann hjó í fylkingar mannlífs.
Þetta var líka tími lungnabólgunnar, sem lagði
marga hrausta menn að velli langt fyrir aldur
fram. Ég hygg að vart verði fundin traustari
saga kynslóðanna sem voru fullvaxta á fyrri
helmingi tuttugustu aldarinnar en sú sem hér er
skráð milli spjalda.
Skagfirskar æviskrár eru vandað rit. Þeir
sem þættina skrifa eru yfirleitt vel ritfærir,
sumir ágætlega. Lesturinn verður því auðveldur
og á köflum skemmtilegur, því að þrátt fyrir
margan mótbyr hefur sitthvað skemmtilegt
gerst í Skagafirði. Æviskrárnar eru því fjarri
því að vera eingöngu uppflettirit, þó að auðvitað
sé safnið allt kjörið til slíks brúks.
Ég fæ ekki betur séð en hér sé vel að verki
staðið líkt og í fyrri bókum. Þættirnir fylgja
ákveðnu skipulagi. Tilvísanir eru í önnur bindi
safnsins og um skyldleika einstaklinga innan
bókarinnar. Heimildaskrá og skrá yfir rit þar
sem meiri vitneskju er að fá er í lok hvers þátt-
ar.
Í bókarlok er skrá um helstu heimildir, bæði
prentuð rit, óprentuð rit og heimildamenn. Þá er
að lokum mannanafnaskrá.
Skagfirðingar
á liðinni öld
BÆKUR
Æviþættir
Tímabilið 1910–1950, V. bindi. Umsjón og ritstjórn:
Hjalti Pálsson frá Hofi. Sögufélag Skagfirðinga,
Sauðárkróki, 2003, 319 bls.
SKAGFIRSKAR ÆVISKRÁR
Sigurjón Björnsson