Morgunblaðið - 16.02.2004, Side 24

24 MÁNUDAGUR 16. FEBRÚAR 2004 MORGUNBLAÐIÐ
Andleg leiðsögn, miðlun, tarot,
spilaspá, draumaráðningar og
huglækningar. Er við frá hádegi
til kl. 2.00 eftir miðnætti.
Hanna, s. 908 6040.
Andleg leiðsögn, miðlun, tarot,
spilaspá, draumaráðningar og
huglækningar. Er við frá hádegi
til kl. 2.00 eftir miðnætti.
Hanna, s. 908 6040.
Merktu gæludýrið Hundamerki
- kattamerki, margir litir. Kr. 990
með áletrun (t.d. nafn og sími).
Fannar verðlaunagripir,
Smiðjuvegi 6, Kóp., s. 551 6488.
Fjórhjólaferðir
í Haukadalsskógi
www.atvtours.is
Símar 892 0566 og 892 4810.
Þorratilboð: Tveggja manna her-
bergi með morgunverði kr. 5.900.
Hótel Vík, Síðumúla 19,
s. 588 5588, www.hotelvik.is
Hafið Bláa
Útsýnis- og veitingastaður við
ósa Ölfusár.
www.hafidblaa.is, sími 483 1000.
Crépes-frönsku pönnukökurnar
Vinsælar með ýmsum fyllingum,
t.d. skinku, grænmeti eða karrý-
hrísgrjónum með rækjum. HEIL
MÁLTÍÐ AÐEINS 690!
CAFÉ SÓL, Smáratorgi hjá
Rúmfatalager/Lyfju/Bónus.
Vantar þig orku? Viltu losna við
aukakílóin? Bókaðu tíma.
Frí heilsuskýrsla og frábært eftir-
fylgni. 3ja ára reynsla.
Guðbjörg, sjálfstæður dreifing-
araðili Herbalife, sími 698 2269.
Perurnar skipta máli. Við notum
eingöngu Philips hágæðaperur.
Smart sólbaðstofa.
Jóga og slökun í Bókasafni
Kópavogs. Mjúkar orkuaukandi
æfingar. Námskeið og einkatím-
ar. Slökun og hvíld, þú átt það
skilið. Kennari Kolbrún Þórðar-
dóttir hjfr., s. 861 6317.
hjukrunogheilsa@mmedia.is.
Byrjendatímar í Astanga Jóga
í jógastöðinni Heilsubót, mjög
kröftugar jógaæfingar. Guðmund-
ur kennir. Uppl. í síma 588 5711.
veffang: www.yogaheilsa.is
Harmonika - Saxófónn. Ítölsk
harmonika, dömustærð. 7 skipt-
ingar, næstum óspiluð. Verð 55
þ. Saxófónn Bundy2Selmer kr. 48
þ. Uppl. í síma 694 3636.
Skrifstofustólar í úrvali.
Við erum sérfræðingar í stólum.
E G Skrifstofuhúsgögn,
Ármúla 22, sími 533 5900
www.skrifstofa.is
Skrifstofuhúsgögn í úrvali
Skoðið úrvalið og leitið tilboða.
E G Skrifstofuhúsgögn,
Ármúla 22, sími 533 5900
www.skrifstofa.is
Átthagar - leiguíbúðir - NÝTT
3ja herb. Berjavellir í Hafnarfirði.
Stórglæsilegar nýjar fullbúnar 3ja
herb. íbúðir með öllum þægind-
um, öll heimilistæki, lýsing, gard-
ínur o.fl. fylgja. Kíkið á vef okkar
www.atthagar.is.
Búslóðageymsla og búslóða-
flutningar, píanó- og flyglaflutn-
ingar. Gerum tilboð hvert á land
sem er. Uppl. í s. 822 9500.
HESTAR
STÓÐHESTAHLUTAFÉLÖG er
hið nýja eignarform á mörgum stóð-
hestum í dag og leysir það að líkind-
um af hólmi hlutverk hrossaræktar-
sambandanna með tíð og tíma. Í það
minnsta er stöðugt minna um að sam-
böndin séu að kaupa hesta og gera út.
Segja má að hlutafélagaformið henti
mun betur því þar safnast saman
áhugamenn um einstaka hesta.
Gæfa og gjörvileiki
Hlutafélagið um Þrist er ungur fé-
lagsskapur sem stofnaður var á vor-
dögum síðasta árs en eigi að síður
hafa verið haldnir þrír fundir hjá fé-
laginu og var ekki annað að sjá en
mikil spenna og eftirvænting ríki
meðal félagsmanna um framgang
hestins á næstu árum en hann er að-
eins sex vetra gamall og því í raun
óskrifað blað sem kynbótahestur þótt
hesturinn sjálfur hafi vakið mikla at-
hygli fyrir gott tölt og fagra fram-
göngu en löngum hefur það verið svo
að sitt er hvað gæfa eða gjörvuleiki.
Fyrir fundinum var einkum tvennt
sem ákveða þurfti. Annars vegar
hvort stefna ætti með hestinn í dóm á
vori komandi og ef til vill á landsmót í
framhaldinu eða hvort halda ætti hon-
um til hlés frá kynbótadómum en
sýna hann þess í stað í reiðhallasýn-
ingum og öðrum viðburðum. Einnig
þurfti að ákveða þjálfara fyrir grip-
inn. Á spjallfundi félagsins í haust
kom í ljós að meginþorri fundar-
manna virtist á því að Þórður Þor-
geirsson yrði fenginn í verkið en
Brynjar Vilmundarson, ræktandi
hestsins, var á öndverðum meiði.
Hann vildi hafa hestinn heima í Feti
og láta aðaltamningamann sinn, Guð-
mund Björgvinsson, sem gert hefur
hlé á Danmerkurdvöl sinni, sjá um
þjálfun hestsins í vetur.
Þristur áfram heima
Nokkur spenna ríkti fyrir og á
fundinum varðandi þessa ákvörðun
og mátti heyra á málflutningi Brynj-
ars að hann lagði afar ríka áherslu á
að Þristur yrði ekki „að heiman“ í vet-
ur og greinilegt að þetta málefni
snerti viðkvæma strengi í brjósti
Fetsbóndans. Nánast allir aðrir sem
til máls tóku voru á því að senda ætti
hestinn til Þórðar og leit málið því
ekki vel út fyrir Brynjar. Í leynilegri
atkvæðagreiðslu varð niðurstaðan
hins vegar sú að Þristur færi hvergi
og Guðmundur Björgvinsson fengi
þann heiður að þjálfa hestinn í vetur.
Þar með var það ljóst hver væri sterki
maðurinn í Þristsfélaginu. Mála-
fylgjumanninum Brynjari hafði tekist
með málflutningi sínum að fá meiri-
hlutann á sitt band.
Þórður Þorgeirsson sem á tvo hluti
í hestinum og sat fundinn tók niður-
stöðunni vel og brá sér að fundi lokn-
um niður á Fet og óskaði Guðmundi
til hamingju með að fá hestinn til
þjálfunar. Ekki var annað að heyra en
fundarmenn væru sáttir með niður-
stöðuna enda tveir góðir kostir í boði.
Að lokinni atkvæðagreiðslunni var
áfram haldið með fundarstörfin og
næst rætt hvort stefna ætti með hest-
inn á landsmót. Þar voru flestir á því
að haga ætti þjálfun hestsins í vetur á
þann veg að hægt væri að sýna hann í
vor og var samþykkt tillaga þess efnis
með þeim fyrirvara að skömmu fyrir
sýningar myndi stjórn félagsins meta
stöðu hestsins og þá endanlega
ákveðið hvort farið yrði með hann í
dóm. Ef það verður gert verður tekin
ákvörðun í framhaldinu hvort mætt
verður með hann á landsmót náttúr-
lega að því tilskildu að hann nái til-
hlýðilegri lágmarkseinkunn. Brynjar
sagði í þessari umræðu að ef hann
ætti hestinn einn myndi hann ekki
fara með hann í dóm þetta árið heldur
bíða eitt til tvö ár. Fram kom að
möguleikar til að sýna Þrist á lands-
móti væru ekki einvörðungu bundnir
við kynbótadóm og var í því sambandi
bent á bæði tölt- og gæðingakeppni
og einnig sagðist Brynjar aðspurður
stefna á að vera með ræktunarbús-
sýningu á mótinu og þar væri einnig
hægt að sýna hestinn.
Þá var rætt um verð á folatollum
hjá Þristi og fóru fundarmenn á gott
flug framan af þeirri umræðu en
skynsemisröddum tókst að fá menn
til að tylla sér niður fast. Ekkert verð
var ákveðið enda sú ákvörðun vænt-
anlega tekin á aðalfundi félagsins sem
haldinn verður á vordögum. Á síðasta
ári seldi félagið 20 tolla til rekstrar á
hestinum en á fundarmönnum var nú
að heyra að áhugi væri á að jafnvel
fækka þeim eitthvað. Á síðasta ári
voru yfir hundrað hryssur fyljaðar
með sæði úr klárnum og þykir hlut-
höfum greinilega ástæða til að gæta
hófs í dreifingu erfðaefnis úr honum.
Tollurinn var seldur á 50 þúsund í
fyrra og má gera ráð fyrir eftir því
sem fram kom í umræðunni að verðið
verði hækkað eitthvað. Ákvörðun um
verð og fjölda mun bíða aðalfundar.
Þá kom fram fyrirspurn um það
hvort ekki verði mögulegt að vera
með Þrist í girðingu á Vestur- eða
Norðurlandi eitt gangmál á ári til að
koma til móts við hluthafa í þessum
landshlutum. Ákveðinn vilji fundar-
manna var á því að hesturinn yrði allt-
af hafður á sama stað sem er þá vænt-
anlega hans heimaslóðir. Slíkur
háttur hefði, að sögn Brynjars, verið
hafður á með föður Þrists, Orra frá
Þúfu, og gefist vel. Það stuðlaði að
tryggari fyljun þegar stóðhestur
þekkti allar kringumstæður og einnig
hinu að þá er hægt að taka hryssur
jafnt og þétt úr girðingunni eftir því
sem þær fyljast og bæta nýjum inn.
Virðist því allt stefna í að Þristur
verði um ókomna tíð í Feti allt árið.
Þá kom fram fyrirspurn um það
hvort hluthafar fengju að koma aftur
með hryssu að ári ef fyljun misheppn-
ast og vitnaði Brynjar þar í Orra-
félagið þar sem hluthafar hefðu feng-
ið að koma með nýja hryssu. Er þetta
enn ein ákvörðunin sem félagið á eftir
að taka.
Ekki lágu fyrir tölur um kostnað
við rekstur Þrists á nýliðnu ári en
Brynjar gat þess að hann hafi ekki
enn rukkað félagið fyrir umönnun
hestsins en hann hyggist byrja á því
frá áramótum.
Áhætta og hagnaðarvon
En hvers vegna kaupa menn sér
hlut í stóðhesti? Flestir hluthafar í
Þristi eru hrossaræktendur misjafn-
lega stórtækir eins og gefur að skilja.
Þeirra tilgangur er að sjálfsögðu sá
að tryggja sér öruggan aðgang að
hestinum en svo eru nokkrir sem
kaupa sér hlut í því augnamiði að
hagnast eitthvað og fer þá sjálfsagt
saman hagnaðarvon og einnig
skemmtan því það mátti greinilega
sjá á mannskapnum sem þarna
fundaði að öllum fannst gaman að
taka þátt í að byggja upp vonir í
kringum Þrist. Vafalaust er hægt að
gera margt gáfulegra en að fjárfesta í
stóðhesti. Mjög getur brugðið til
beggja vona með hagnaðinn og snýst
það þá fyrst og fremst um það hvort
viðkomandi hestur slær í gegn og
verður vinsæll. Þótt allt líti vel út hjá
Þristi enn sem komið er er langur
vegur frá því að öruggt sé að hann
verði góður og eftirsóttur kynbóta-
hestur. Hann er núna á sjötta vetri og
málin fara ekki að skýrast fyrr en eft-
ir svona fjögur ár þegar ætla má að
nokkur fjöldi afkvæma verði taminn
undan honum. Áhættuþættirnir eru
margir á þessari leið og því óhætt að
fullyrða að þetta sé ekki gáfulegasti
möguleikinn til góðra fjárfestingar.
Hesturinn getur slasast eða drepist af
ýmsum orsökum, orðið ófrjór eða
bara alls ekki sá ræktunarstólpi sem
menn ætluðu.
Það var á landsmótinu á Vind-
heimamelum 2002 sem Þristur vann
hug og hjörtu margra mótsgesta.
Hann þótti óvenju fallegur og vel upp
settur töltari. Hans skjótti litur telst
honum væntanlega til tekna því skjótt
þykir vænlegur litur til sölu í dag. Þá
hefur hann fram til þessa sýnt óvenju
mikla frjósemi og má ætla að þessir
tveir kostir eigi eftir að hjálpa til í
hinni miklu vinsældakeppni stóðhest-
anna. Eitt meginverkefni félagsins
um Þrist næstu árin er að taka skyn-
samlegar ákvarðanir sem tryggja
áframhaldandi vinsældir hans. En
það mun hins vegar duga skammt ef
hann reynist ekki vel sem kynbóta-
hestur, um það snýst málið í stóð-
hestafélögunum.
Aronsmenn líta til landsmóts
Ætla má af því sem hér er lýst að
nokkuð svipað sé í öðrum félögum og
verður spennandi að fylgjast með
ákvarðanatökum þessara félaga á
næstum vikum. Verður til dæmis
stefnt með Aron frá Strandarhöfða á
landsmót?
Að sögn Gunnars Jóhannssonar í
Árbæ, sem er einn eigenda hans, er
hann nú í þjálfun hjá Kristjóni Krist-
jánssyni í Kvistum sem mun vænt-
anlega þjálfa hann fram á vor en ekki
hefur verið tekin ákvörðun um það
hver muni sýna hann í dómi í vor.
Taldi Gunnar nokkuð víst að þar yrði
leitað til manna eins og Þórðar Þor-
geirssonar, Daníels Jónssonar, Er-
lings Erlingssonar eða jafnvel heims-
meistarans í tölti, Jóhanns R.
Skúlasonar. Skipuð var fimm manna
nefnd á fundi sem nýlega var haldinn í
félaginu og mun hún ákveða hver
verður fyrir valinu. Kvaðst Gunnar
gera ráð fyrir að hestur eins og Aron
fari ekki á biðlista hjá sýningarmönn-
um komist fyrirvaralítið að.
Ekki hefur verið fundað hjá félag-
inu um Sæ frá Bakkakoti en Hafliði
Halldórsson í Ármóti sagði nokkuð
líklegt að stefnt yrði með hann í A-
flokk gæðinga á landsmótinu og nú
væri hann að bíða eftir svari frá Sæð-
ingastöðinni í Gunnarsholti um það
hvort yrði hægt að koma honum í
sæðingar í vor því hann gerði ráð fyrir
mikilli aðsókn í hestinn í vor og dæm-
ið gengi hreinlega ekki upp öðruvísi ef
hann fer á landsmót. Hafliði taldi út-
litið gott hjá Sæ, byrjað væri að temja
undan honum og gerði hann ráð fyrir
að eitthvað af afkvæmum hans kæmu
fram á landsmótinu.
Fyrir liggur svo hjá félaginu um Óð
frá Brún ákvarðanataka um sýningu
til heiðursverðlauna á landsmótinu en
hann hefur nú þegar náð þeim mörk-
um sem þarf til og má ætla að á næsta
fundi í félaginu verði tekin ákvörðun
þar um.
Hlutafélög um stóðhesta njóta vaxandi vinsælda
Grunnur lagð-
ur að frægð
og frama kyn-
bótahestanna
Auk þess sem keppnistímabilið er að hefjast
má reikna með holskeflu stóðhestafunda á
næstu vikum og mánuðum þar sem eig-
endur stóðhestanna taka mikilvægar
ákvarðanir. Valdimar Kristinsson sat einn
slíkan fund nýlega þar sem eigendur Þrists
frá Feti tóku veigamiklar ákvarðanir og
lögðu grunn að öðrum.
Morgunblaðið/Vakri
Guðmundur Björgvinsson sýndi hluthöfum í Þristsfélaginu klárinn sem
nýbúið var að taka inn og leist mönnum vel á í upphafi þjálfunartímabils.