Morgunblaðið - 02.04.2004, Blaðsíða 8

FRÉTTIR
8 FÖSTUDAGUR 2. APRÍL 2004 MORGUNBLAÐIÐ
Gjafakort er…
…góð lausn að fermingargjöf
Gjafakort Kinglunnar fást á
þjónustu-borðinu á 1. hæð við
Hagkaup. Þau gilda í öllum
verslunum Kringlunnar*
og fást í fjórum verðflokkum:
10.000 kr., 5.000 kr., 2.500 kr.
og 1.000 kr.
*Gildir ekki í VÍNBÚÐINNI.
Ræningjar og rumpulýður, hvort viljið þið vera hálshöggvin eða hengd?
Léttsveitin fer á kreik
Afskaplega
heitar konur
Léttsveitin er einnþessara bráð-hressu kvennakóra
sem starfað hafa hér á
landi síðustu árin. Þessi
kór, Léttsveitin, verður
tíu ára á næsta ári, en
hugar fyrst að meira að-
kallandi málum sem eru
t.d. árlegir vortónleikar
kórsins í Austurbæ á
morgun, laugardaginn 3.
apríl, en þá verða tvennir
tónleikar, aðrir sem hefj-
ast klukkan 5 og þeir síð-
ari sem hefjast klukkan 8.
Mun vera fast að því upp-
selt á þá báða, að sögn Jó-
hönnu V. Þórhallsdóttur,
altsöngkonu, stofnanda
Léttsveitarinnar og söng-
kennara til fjölda ára, sem
svaraði nokkrum spurn-
ingum sem Morgunblaðið
lagði fyrir hana í vikunni. Sam-
talið og svör Jóhönnu fara hér á
eftir.
Fyrst væri gaman að heyra
eitthvað um tilurð og forsögu
þessa kórs, Jóhanna…
„Léttsveitin var stofnuð 1995
og hef ég verið stjórnandi hennar
frá upphafi. Sveitin var hluti af
þessu stóra kvennakórabatteríi
sem þarna ruddi sér til rúms,
Kvennakór Reykjavíkur, Gospel
systur, Vox Femine, Léttsveitin
og Senjoríturnar. Hver þessara
kóra var skipaður um og yfir
hundrað konum og þetta var allt
undir sama hatti. Þetta varð allt
of stórt og ábyrgðin á fáum ein-
staklingum svo það má segja að
það hafi orðið að brjóta þetta upp
í einingar og það varð því úr að
brjóta þetta upp í einingar. End-
anleg slit urðu síðan fyrir fjórum
árum. Léttsveitin er því sjálf-
stæður kór og verður tíu ára á
næsta ári.“
Léttsveitin, eitthvað hlýtur að
felast í nafninu, fyrir hvað stend-
ur það eiginlega?
„Það getur staðið fyrir ýmis-
legt í sjálfu sér, kannski ekki síst
almennt geðslag kórsins. En tón-
listarvalið er kannski það aug-
ljósa, en við leggjum sérstaka
áherslu á rythmíska og léttari
sveiflutónlist. Við eigum það svo
sem til að taka Verdi og Bizet
inni á milli ef okkur dettur það til
hugar, en almennt er það léttleik-
inn, við leggjum áherslu á
skemmtigildi dagskráa okkar og
tökum gjarnan dansspor með.“
Og nú er komið að vortónleik-
um. Væntanlega stendur eitthvað
fjölbreytt og skemmtilegt fyrir
dyrum?
„Já, nú er komið að þeim, í
Austurbæ á morgun eins og kom-
ið hefur fram. Við verðum að
vanda með hljómsveit með okkur
þar sem þau Aðalheiður Þor-
steinsdóttir, píanóleikari og út-
setjari okkar, Tómas R. Einars-
son kontrabassaleikari og hinn
finnski Matti Kallio harmonikku-
leikari munu að öðrum ólöstuðum
skipa stór hlutverk. Við verðum
með ítalska Napólítón-
list, óperur og óperett-
ur í bland við suðrænu
latínósveifluna okkar
hefðbundnu og svo
fáum við meira að
segja íslensk lög og
þjóðlög.“
Og sviðsframkoman verður
væntanlega í samræmi við ann-
að?
„Já. Ekki spurning. Þetta eru
um 120 konur af öllum stærðum
og gerðum, frá 25 ára til sextugs
og úr öllum þjóðfélagsstigum. Og
þetta eru afskaplega heitar konur
og verða heitklæddar á tónleik-
unum, í svona kamparí, koníaks-
og rauðvínsrauðum kjólum. Síðan
er það meira um tónleikana að
segja að við erum með einsöngv-
ara með okkur, Signý Sæmunds-
dóttur sópran og Þorgeir J.
Andrésson tenór.“
Bíddu við … karl með kvenna-
kór?
„Já, það er dásamlegt að hafa
karla með okkur. Þeir hita líka
upp tónleikana. Karlar eru nauð-
synlegir. Til dæmis hann Tómas
okkar, hann er orðinn fastagestur
og fékk meira að segja að vera
með í uppskriftabókinni okkar,
og fer að sjálfsögðu með okkur í
söngferðir til útlanda.“
Ef þetta er svona gaman, kom-
ast þá ekki færri að en vilja í
þennan kór?
„Jú, því miður er það rétt.
Þetta er gríðarlega skemmtilegt,
margar nefndir og margþætt fé-
lagsstarf samhliða söngnum. Við
förum um land allt og til útlanda,
höfum víða komið við, allt frá
Bolungarvík til Spánar og alls
staðar er jafn gaman að koma,
kynnast fólki og syngja fyrir það.
En fyrir vikið er mjög sótt í þetta
til okkar. Ég hef ekki getað sett
auglýsingu eftir nýjum félögum í
tvö eða þrjú ár, þetta er svo gam-
an að ég losna ekki við þær sem
fyrir eru. Þær vilja
ekki fara.“
Tíu ára afmæli er
aðeins einu sinni, eitt-
hvað stendur líklega til
á afmælisárinu 2005?
„Það er óhætt að
segja það, en kannski ekki rétti
tíminn til að segja mikið frá því.
Við skulum láta duga að segja að
við erum áttaðar á því sem fram-
undan er og erum farnar að taka
til hendinni við skipulagningu.
Það má þó koma fram, að tón-
skáld hafa verið kölluð til og ræst
út, því nú skal semja sérstaklega
fyrir okkur í tilefni afmælisins.“
Jóhanna V. Þórhallsdóttir

Jóhanna V. Þórhallsdóttir er
fædd í Reykjavík 1957. Eftir
stúdentspróf frá Mennta-
skólanum við Hamrahlíð tók við
söngnám í Söngskóla Sig-
ursveins, Royal Northern Coll-
ege of Music í Manchester Eng-
landi og hjá einkakennurum í
Lundúnum, Vínarborg og Firo-
enzuola á Ítalíu. Var alkomin
heim 1993 og hefur unnið sem
söngvari og söngkennari allar
götur síðan. Stofnaði Léttsveit-
ina 1995 og auk þess að stjórna
henni, stýrir hún m.a. barna- og
unglingakórum Bústaðakirkju,
en þeir eru fimm talsins. Jó-
hanna á tvö börn og heita þau
Hildigunnur og Guðmundur Þór-
ir.
Ég losna ekki
við þær sem
fyrir eru, þær
vilja ekki fara
HÉRAÐSDÓMUR Reykjavíkur
hefur sýknað íslenska ríkið af
tveggja milljóna króna miskabóta-
kröfu karlmanns vegna setu í gæslu-
varðhaldi í rúman mánuð vegna
hrottalegrar líkamsárásar við
Skeljagranda í ágúst árið 2002.
Tveir synir mannsins voru síðar
dæmdir fyrir árásina en að mati hér-
aðsdóms voru engin efni til að ætla
annað en að lögmæt skilyrði og
nægilegt tilefni hafi verið til vistunar
mannsins í gæsluvarðhaldi.
Málið dæmdi Sigurður H. Stefáns-
son héraðsdómari. Fyrir stefnanda
flutti málið Hilmar Ingimundarson
hrl. og fyrir ríkið Guðrún M. Árna-
dóttir hrl.
Nægilegt
tilefni til
gæsluvarðhalds
GÖNGUBRÚIN yfir Fúlukvísl við
Þverbrekknamúla á Kili gjöreyði-
lagðist í miklu flóði í Fúlukvísl fyrir
skemmstu. Skammt frá brúnni er
skáli Ferðafélags Íslands og við
hann eru tjaldstæði sem sluppu ekki
við flóðið því áin ruddi ísjökum upp á
tjaldstæðið en skálinn sjálfur slapp.
Talið er að klakastífla hafi myndast í
ánni og hafi hún rutt sig með látum í
síðustu leysingum.
Þetta er þriðja brúin yfir Fúlu-
kvísl á 18 árum sem eyðileggst, en
fysta brúin var byggð árið 1982. Hún
brotnaði vegna snjóþyngsla á fyrsta
vetri og var þá brúarlaust í eitt ár.
Næsta brú entist í 9 ár en snjórinn
sligaði hana eins og þá fyrri. Enn var
byggð ný brú sem Valdimar R.
Valdimarsson hannaði fyrir F.Í. árið
1995 og að þessu sinni var brúargólf-
ið hækkað um 2 metra til að draga úr
álagi snjós.
Valdimar sagði mikilvægt að kom-
ast á vettvang sem fyrst til að mæla
hæð flóðbylgjunnar og leggja drög
að smíði nýrrar brúar fyrir sumarið
hvort sem um yrði að ræða bráða-
birgðabrú eða varanlega, því stór-
hættulegt væri fyrir göngufólk að
vaða Fúlukvísl að sumri til.
Göngubrúin yfir Fúlukvísl heyrir nú sögunni til eftir flóðið í ánni.
Þriðja brúin
sem eyðileggst
á 18 árum
♦♦♦