Morgunblaðið - 17.04.2004, Blaðsíða 6

FRÉTTIR
6 LAUGARDAGUR 17. APRÍL 2004 MORGUNBLAÐIÐ
„ÞETTA er stórkostleg sýning,“
sagði Davíð Oddsson forsætisráð-
herra, eftir að hann og eiginkona
hans, Ástríður Thorarensen, höfðu
skoðað yfirlitssýningu á verkum
Dieter Roth, en hún er sett upp á
tveimur stöðum í New York, Mus-
eum of Modern Art og listastofn-
uninni PS1.
Dieter Roth fæddist í Sviss árið
1930 og lést 1998. Eins og glögg-
lega kemur í ljós á sýningunum
varð Ísland mikill áhrifavaldur í lífi
Roths, en hann kvæntist árið 1956
Sigríði Björnsdóttur og eignuðust
þau þrjú börn. Allar götur síðan var
Roth með annan fótinn á Íslandi og
sér þess víða stað í gríðarlega um-
fangsmiklu og tilraunakenndu lífs-
verki hans, teikningum, grafík, tón-
list, bókverkum, myndböndum og
skúlptúrum.
Yfirlitssýningin á verkum Dieter
Roth hefur fengið afar lofsamlega
umfjöllum í bandarískum fjöl-
miðlum. Í New York Times var tal-
að um að Roth væri annar tveggja
risa þýskrar eftirstríðsáralistar,
samhliða Josef Beuys.
Forsætisráðherrann og fylgd-
arlið hans skoðaði sýningarnar í
fylgd sýningarstjóranna. „Þetta er
mjög áhrifarík uppsetning á verk-
um Dieter Roth. Maður er eiginlega
í hálfgerðu losti eftir að hafa geng-
ið í gegnum lífssögu hans hér.“
Morgunblaðið/Einar Falur
Davíð Oddsson og Ástríður Thorarensen skoða verkið Grosser Teepich sem Dieter Roth vann með veflistakonunni
Ingrid Wiener á árunum 1984–86. Verkið er á yfirlitssýningu á verkum listamannsins í Museum of Modern Art.
„Stórkostleg sýning“
DAVÍÐ Oddsson forsætisráðherra
kynnti sér starfsemi Ferðamálaráðs
Íslands í Norður-Ameríku, í heim-
sókn á skrifstofu þess í New York.
Ferðamálaráð deilir húsnæði með
sambærilegum stofnunum hinna
Norðurlandanna, og þar tóku Einar
Gústavsson framkvæmdastjóri og
Pétur Ómar Ágústsson markaðs-
stjóri, auk Magnúsar Oddssonar, for-
stjóra Ferðamálaráðs, á móti ráð-
herranum.
Í máli Einars kom fram að Ferða-
málaráð og Icelandair hefðu náið
samstarf um markaðssetningu Ís-
lands sem ferðamannalands í Banda-
ríkjunum, og hefði átak síðustu miss-
era, „Iceland Naturally“, þegar skilað
mjög góðum árangri. Gengur það út á
að sameina boðskap allra þeirra aðila
sem áður voru að reyna að vekja at-
hygli á Íslandi sem viðkomustað.
Árið 2003 var 120 bandarískum
blaðamönnum boðið til Íslands en
fjallað var yfir 300 sinnum um landið í
bandarískum fjölmiðlum á árinu. „Við
erum í tísku og höfum verið það síð-
ustu fjögur, fimm árin,“ sagði Einar.
Nærri 25.000 fyrirspurnir berast
skifstofu Ferðamálaráðs í New York
á hverju ári og vakti Einar sérstaka
athygli á því að þrátt fyrir að þetta
væri sameiginleg skrifstofa allra
Norðurlandanna væru langflestar
fyrirspurnanna um Ísland. Það væri
mikilvægt að fjölga bandarískum
ferðamönnum, engir aðrir ferðamenn
skildu eins miklar tekjur eftir í land-
inu.
Ísland sagt
í tísku hjá
Bandaríkja-
mönnum
FÉLAGSMENN í Verzlunar-
mannafélagi Reykjavíkur (VR) hófu
í gær að kjósa um kjarasamning VR
við Félag íslenskra stórkaupmanna
á Netinu (FÍS) en um 10% fé-
lagsmanna í VR starfa samkvæmt
samningnum. Gunnar Páll Pálsson,
formaður VR, segist telja að þetta sé
fyrsta kosningin um kjarasamning á
Netinu hér á landi og hún slái tóninn
fyrir það sem koma skal.
„Við sjáum fram á það að ef við
myndum viðhafa póstatkvæða-
greiðslu þyrftum við að senda þrjú
umslög með atkvæðaseðli, skýring-
arblaði og kostnaður á hvern fé-
lagsmann væri 400–500 krónur. Fé-
lagsmenn í VR eru rúmlega tuttugu
þúsund þannig að slík kosning myndi
kosta um tíu milljónir. Þannig að við
erum að gera þetta í hagræðingar-
skyni,“ segir Gunnar Páll.
Félagsmenn í VR sem þiggja laun
samkvæmt samningi VR og FÍS
fengu sent lykilorð í pósti og geta
síðan kosið með því að fara inn á vef
VR, www.vr.is, fyrir 23. apríl.
Fyrsta
rafræna
kosningin
um kjara-
samning
ÞAÐ blés hressilega á fjórtándu hæð í fyrstu
turnbyggingunni af þremur sem einkenna
munu 101 Skuggahverfi sem óðum er að rísa
í miðborg Reykjavíkur. Uppsteypu fyrsta
áfanga er lokið og var tímamótunum fagnað
með heitu kakói og kleinum í glampandi sól-
skini og hávaða roki í annarri af tveimur
þakíbúðum í turninum í gær.
Að sögn Einars I. Halldórssonar, fram-
kvæmdastjóra 101 Skuggahverfis, hefur sala
á íbúðum gengið samkvæmt væntingum og
hafa 35 íbúðir af 79 í fyrsta áfanga þegar
verið seldar.
„Það hefur gengið eftir okkar væntingum
og reyndar heldur betur en við reiknuðum
með. Það er nokkuð í að íbúðirnar verði af-
hentar og nú þegar húsið er uppsteypt fer
aðalsölutíminn í hönd,“ segir hann.
Fyrsta skóflustungan var tekin 15. mars í
fyrra og er áformað að afhenda fyrstu íbúð-
irnar í lok september á þessu ári. Að sögn
Einars hefur talsvert verið selt af stærstu
íbúðunum og þeim minnstu og nokkrar íbúð-
ir í milliflokki.
Stærsta einkaframkvæmd
í miðborginni
Forsvarsmenn framkvæmdarinnar segja
uppbyggingu 101 Skugghverfis vera stærstu
einkaframkvæmd í miðborginni. Alls verði
250 íbúðir í hverfinu fullbyggðu sem muni
leiða til 30% íbúafjölgunar í miðborginni eða
sem nemur 800 nýjum íbúum.
„Þetta mun hjálpa verulega til við að
hleypa lífi í miðborgina. Hér er verið að
vinna brautryðjendastarf og sama þróun hef-
ur verið að eiga sér stað annars staðar í mið-
borgum í Evrópu,“ segir Einar.
Sem dæmi um byggingarstærðir fóru alls
um 9.000 fermetrar af steypu og 1.100 tonn
af járni í fyrsta áfangann. Grunnflötur bygg-
inganna verður 35.000 fermetrar auk 8.400
fermetra bílageymslu. Heildarkostnaður við
verkið er áætlaður um sex milljarðar króna.
Stærð íbúðanna er frá 69-280 fermetra og
kosta þær frá 14,5 milljónum, til 50-60
milljóna króna, dýrustu þakíbúðirnar.
Framkvæmdir við húsið eru í höndum
Eyktar en Eignamiðlun og Húsakaup annast
sölu íbúðanna. Kynning stendur nú yfir á 101
Skuggahverfi í Kringlunni við verslun
ÁTVR.
Tæpur helmingur af 79 íbúðum í fyrsta áfanga 101 Skuggahverfis í Reykjavík seldur
Fyrstu íbúðirnar af-
hentar í september
Morgunblaðið/Ásdís
Einar I. Halldórsson, framkvæmdastjóri 101 Skuggahverfis, rekur sögu framkvæmdanna.
SIV Friðleifsdóttir umhverfisráð-
herra kynnti í ríkisstjórn í gær til-
lögur minkanefndarinnar svonefndu.
Nefndin leggur m.a. til að frá næstu
áramótum verði sett lög til næstu
sex ára um aðgerðir gegn útbreiðslu
minks, bæði með rannsóknum og
veiðum, í því skyni að afla þekkingar
um hvort og þá hvernig hægt sé að
stuðla að útrýmingu minks í ís-
lenskri náttúru. Áætlaður kostnaður
við verkefnið á tímabilinu 2005–2010
er metinn á 600 til 700 milljónir.
Minkanefndin var ekki einhuga og
skilaði fulltrúi Náttúrufræðistofnun-
ar Íslands séráliti.
Siv Friðleifsdóttir segir að þar
sem um sé að ræða mjög viðamiklar
tillögur, sem feli bæði í sér lagafrum-
varp og mikil fjárútgjöld, hafi rík-
isstjórnin að sinni tillögu ákveðið að
setja á fót nefnd sem mun yfirfara
þessar tillögur og sjá hvernig verður
hægt að koma þessum málum í fram-
kvæmd.
Í niðurstöðum nefndarinnar kem-
ur fram að mat á stofnstærð minks
liggi ekki fyrir, þótt ljóst sé að út-
breiðsla minks sé mikil og að hann sé
að finna um allt land. Nú sé álitið að
stofnstærð minks geti verið allt að 35
þúsund dýr að hausti.
Nefndin leggur til að hafnar verði
veiðar á mink í útrýmingarskyni á
völdu svæði, vel afmörkuðu, sem
hægt verði að verja. Hafa Vestfirðir
ásamt Dalabyggð verið nefndir þar
sérstaklega.
Í tillögum nefndarinnar segir jafn-
framt að frá því að skipulegar að-
gerðir hófust 1957 hafi 900 milljón-
um króna verið varið til minkaveiða á
núverandi verðlagi, þar af um 200
milljónum á síðustu fimm árum. Ár-
leg veiði hafi verið á bilinu 6–7 þús-
und dýr og tekist hafi að halda af-
mörkuðum svæðum nær
minklausum með stöðugri veiði.
Gagnrýnt af
Náttúrufræðistofnun
Þá leggur nefndin til að ábyrgð á
veiðum verði færð frá sveitarfélög-
um yfir til ríkisins enda ljóst að til-
tölulega fá sveitarfélög standi undir
meginkostnaði við minkaveiðarnar
vegna þeirra hlunninda sem þar sé
að finna og annarra náttúrulegra
verðmæta. Ekki var fullkomin sam-
staða í nefndinni og skilaði Guð-
mundur A. Guðmundsson, fulltrúi
Náttúrufræðistofnunar, séráliti.
Hann telur m.a. að vegna skorts á
upplýsingum um stærð minkastofns-
ins sé óverjandi að fara út í auknar
veiðar með tilheyrandi kostnaði, án
undangenginna rannsókna. Telur
Guðmundur að það hafi verið óþarft
og óráðlegt að setja sér lög. Það sé
stefna meirihluta nefndarinnar að
hefjast handa við aðgerðir sem muni
kosta mörg hundruð milljónir króna,
án þess að nokkrar líkur séu á að
þær beri tilætlaðan árangur. „Nátt-
úrufræðistofnun er mótfallin því að
ráðist verði í þessar afar dýru tilraun
til útrýmingar minks á Íslandi sem
áætlunin er að ráðast í án viðhlítandi
þekkingar á stofnstærð og núver-
andi veiðiálagi,“ segir m.a. í álitinu.
Ný lög um aðgerðir gegn mink
Annarri nefnd verður falið að skoða
tillögur minkanefndarinnar
♦♦♦
ÍSLANDSFLUG hefur ákveðið að
halda áfram flugi til Sauðárkróks. Í
tilkynningu frá félaginu segir að
ákvörðunin sé tekin vegna mikilla
viðbragða við áformum um að hætta
flugi þangað í maí næstkomandi.
Unnið sé hörðum höndum á mörg-
um vígstöðvum að framtíðarlausn
flugsins til Sauðárkróks og í trausti
þess að sú lausn verði fundin næsta
haust sé þessi ákvörðun tekin. Ís-
landsflug hefur í vetur flogið átta
sinnum í viku til Sauðárkróks og ætl-
ar að hafa fimm ferðir í viku í sumar.
Bergþór Ólason, aðstoðarmaður
samgönguráðherra, segir þessi tíð-
indi frá Íslandsflugi vera fagnaðar-
efni. Ákvörðun félagsins gefi sam-
gönguráðuneytinu rýmri tíma til að
vinna að lausn málsins til framtíðar.
Engin niðurstaða sé komin hjá ráðu-
neytinu um hvort og hvernig sam-
gönguyfirvöld geti stutt við áætlun-
arflug til Sauðárkróks. Vonandi
náist það fyrir næsta haust.
Íslandsflug
heldur áfram
að fljúga til
Sauðárkróks