Pressan - 08.12.1988, Blaðsíða 12
12
Fimmtudagur 8. desember 1988
Rœður hjartað eða heilinn ferðinni hjá dagskrárgerðarmönnum?
„ég reyni stundum
að spila mig út úr
þunga skapinu með
léttri tónlist44
■■■
ENDURSPEGLA EINKALIF
OG ÞJÓDFÉLA GSSTEMMNINGU
EFTIR ÁSGEIR TÓMASSON MYND: MAGNÚS REYNIR
Daginn sem einn Ijósvíkingurinn okkar varð
pabbi í fyrsta sinn lét hann hlustendur aldeilis
heyra þad. Fyrst í þættinum sungu Ellý og Vil-
hjálmur Hvers vegna er hvert lítið barn svo lítið?
Fljótlega á eftir fylgdi Paul Anka og She’s Having
My Baby. Síðar komu Raggi Bjarna og Ég var lítið
barn og lék mér við ströndina, The Who og The
Kids Are Alright, Ann Linnet og Barndommens
gade og þannig mætti lengi telja. Úrillur hlustandi
hringdi og spurði hver and... gengi á, hvort útvarps-
maðurinn væri nýorðinn pabbi eða hvað! „Já,“
svaraði hinn alveg steinhissa. „Hvernig vissirðu
það?“
„Ég reyni auðvitað að láta hugar-
ástandið ekki hafa áhril’ á hvaða
tónlist ég vel og leik,“ segir Óskar
Páll Sveinsson á rás tvö. „Stundum
get ég þó ekki annað. Þá reyni ég að
spila mig ýt úr þunga skapinu með
léttustu og fjörugustu tónlistinni
sem ég finn. Ég forðast þá eins og
heitan eldinn að leika eitthvað
þungt. Það myndi hreinlega Ieggja
mig í rúmið.
Síðan snýst dæmið við þegar
skapið er gott. Þá legg ég í að leika
rólegu lögin með tregablöndnu
textunum án þess að hika.“
Óskar Páll segist verða var við að
hlustendur noti tónlistina ekki
síður sem stemmningargjafa en
hann sjálfur.
„Ég man eftir simtali sem ég l'ékk
á mánudagsmorguninn var,“ segir
hann. „Þá hringdu nokkrir mánu-
dagsfúlir starfsmenn Meitilsins og
báðu endilegá um að l'á að heyra
eitthvert hressilegt gítarrokk til að
vekja sig, Bryan Adams eða eitt-
hvað slíkt. Þá verður maöur nú líka
aldeilis var við ástfangna fólkið á
næturvöktum rásar tvö. í öllu falli
veit maður hvaö er i uppsiglingu
þegar óskalögin eru róleg blúslög
með John Mayall, helst með tíu
mínútna gítarsólóum!"
VEÐRIÐ HEFUR ÁHRIF
„Ég læt skapið sem ég er í hverju
sinni aldrei hafa áhrif á hvaða tón-
list ég vel,“ segir Anna Þorláks,
sem til skamms tíma var dagskrár-
gerðarmaður á Bylgjunni. „Sé ég í
ástarsorg stekk ég ekki í Randy
Crawford-bunkann og leik allt það
tregablandnasta með henni. Ég skil
hugarástandið miklu frekar eftir
heima."
Það er hins vegar veðrið sem hef-
ur áhrif á lagalista.Önnu.
„Ef það rignir eða himinninn er
fremur þungbúinn gríp ég til fjör-
ugustu tónlistarinnar sem ég
þekki,“ segir hún. „í góðu veðri vel
ég hins vegar mun meira af rólegri
tónlist en venjulega. Reyni með
öðrum orðum að skapa mótvægi
við veðrið hverju sinni. — Annars
er það nú kannski næsta lag á
undan sem ræður mestu um það
sem ég spila næst,“ segir Anna
Þorláks.
MÁNUDAGS- OG
FÖSTUDAGSLÖG
Þorgeir Ástvaldsson, morgun-
ntaður Stjörnunnar, segir ávallt
vera um einhverja endurspeglun að
ræða, hvort heldur talmál eða tón-
list eigi í hlut. „Maður er alltaf að
kljást við sjálfan sig og reyna að
láta sér íinnast öðruvísi en ástandið
er í raun og veru,“ segir hann. „Ég
er það snemma á ferðinni með mína
dagskrá að meira að segja draumar
mínir hafa áhrif á hvaða tónlist ég
vel til flutnings.“
Oft er talað um að dagskrárgerð-
armenn tónlistarstöðvanna'1 velji
öðruvísi tónlist á föstudögum en á
mánudögum. Þorgeir kannast við
það.
„Jú, jú, við höfum oft fengið að
heyra þetta. En staðreyndin er sú að
stemmningin er allt önnur í þjóð-
lífinu á mánudögum en föstudög-
um. Vinnuþjökuð þjóð, eins og við
(slendingar erum, hlakkar vita-
skuld til tveggja daga hvíldar og þá
hleypur galsi í mannskapinn. Þessi
galsi hlýtur að smitast jafnt til
þeirra sem saga timbur alla vikuna
og hinna sem velja og leika tónlist.
Auðvitað hlýtur útvarpsstöðin að
anda með hlustendum sínurn, ef svo
má að orði komast. Til dæmis þykir
flestum best að hlusta á þægilega
og rólega tónlist á sunnudags-
morgnum. Hresst rokk á hins vegar
betur upp á pallborðið á fimmtu-
dags- eða föstudagskvöldum. Dag-
skrárgerðarmenn hljóta að taka
mið af því.“
Þorgeir Ástvaldsson vekur hlust-
endur alla jafna með þægilegri,
miðaldra eða gamalli dægurtónlist
á morgnana og læðir að einu og
einu nýju sem stingur ekki mikið í
stúf við það sem fyrir er. Einn
föstudagsmorgun fyrir nokkrum
vikum var hins vegar allt á útopnu
hjá honum. Morguninn eftir að
Linda Pétursdóttir var valin Ungfrú
heimur. Tilviljun?
„Nei, nei,“ svarar Þorgeir. „Sig-
ur hennar var sannkallað ljós í
myrkrinu þessa dagana. Fréttirnar
næstu daga á undan höfðu verið
sérstaklega dökkar. Halli þjóðar-
búsins orðinn milljarðar, forsætis-
ráðherra kvað þjóðina gjaldþrota
og svo framvegis. Síðan kom sigur
Lindu eins og svolítil rós mitt í öllu
illgresinu og auðvitað fylltist dag-
skrárgerðarmaðurinn gleði og til-
hlökkun vegna þess að það voru þó
ekki allar fréttir svartar þrátt fyrir
allt.“
OG AD LOKUM
var það dagskrárgerðarmaðurinn
sem var að missa kærustuna sína til
nokkurra mánaða námsdvalar á er-
lendri grund. Þar sem hún sat í rút-
unni á leið út á flugvöll heyrði hún
sinn heittelskaða spila I’m Leaving
on a Jet-Plane og fleiri trega-
blandna söngva sem hjartað hafði
greinilega tekið þátt í að velja með
heilanum. Hún tók rútuna til
baka. ■
Að kyssast eða ekki
Veistu hver á heimsmet í koss-
um? Það er hann James Whale frá
Tyne, sem er nyrst á Englandi.
Hann kyssti 4.000 stelpur á átta
klukkustundum.
Það má hins vegar ekki alls
staöar kyssast á almannafæri. T.d.
ekki I Bahrein, þar sem kærustu-
par var dæmt til að greiða 14 þús-
und króna sekt fyrir þetta ósæmi-
lega athæfi. Eða I Rússlandi, þar
sem dómari skipaði pari (í hegn-
ingarskyni) að faðmast og kyssast
I tvær klukkustundir á dag á járn-
brautarstöð I Moskvu — og hélt
náttúrlega að þau yrðu að athlægi.
Raunin varð þó önnur, þvf fólkið á
brautarstöðinni fagnaði kærustu-
parinu einmitt óspart.
Lifa örvherrtir skemur
en betur?
í nýlegri bandarískri könnun
kemur fram að örvhent fólk deyr
að meðaltali sex eða sjö mánuð-
um fyrr en þeir rétthentu. Ein af
ástæðunum fyrir þessum mun er
talin sú, aö örvhentir lendi fremur
I alls kyns slysum við notkun véla,.
sem ætlaðareru „venjulegu" fólki.
En í þessari rannsókn kom einn-
ig fram að óvenjulega hátt hlutfall
af örvhentum manneskjum nær
langt í lífinu. Fólk f þeim hópi er
t.d. Leonardo da Vinci, Alexander
mikli, Július Caesarog tennisleik-
ararnir John McEnroe, Jimmy
Connors og Martina Navratilova.
Samkvæmt rannsókninni er örv-
hent fólk um fjórtán prósent af
mannkyninu.
Eykur salt á astM?
Læknir nokkur f Birmingham
telur sig hafa sannað að salt-
neysla auki vanlíöan sjúklinga
með astmakast. í kjölfar þessarar
niöurstöðu hófu margir spftalar
rannsókn á málinu og virðist út-
koman alls staðar hin sama: Sjúkl-
ingar, sem borða saltan mat á
meðan á kasti stendur, finna fyrir
auknum öndunarerfiðleikum.
Áfengi er kjartMtyrkjMhii
Enn einu sinni birtast tölur, sem
sýna að hófleg drykkja getur verið
heilsusamleg. Árið 1976 var hafin
rannsókn á 120 þúsund hjúkrunar-
fræðingum i Bandaríkjunum og
niöurstöður sýna að hætta á
hjartasjúkdómum minnkar um allt
að helming hjá þeim, sem drekka
þrjár til átján einingar af áfengi á
viku. (Liklega vegna þess að
áfengisneyslan hjálpar viökom-
andi aö slaka á.)
Átján einingar af áfengi sam-
svara tvéimur glösum af léttvlni á
hverju kvöldi, auk tveggja gin-
sjússa einu sinni I viku. Ein áfeng-
iseining er t.d. eitt bjórglas, eitt
glas af léttvíni, eitt sérrí- eða púrt-
vinsglas eða „einn einfaldur" af
sterkari gerðinni.