Pressan - 15.06.1989, Blaðsíða 9

Fimmtudagur 15. júní 1989
9
Stjörnu-Eiríkur skrifarbók
um Davíð Oddsson
— / óþökk borgarstjórans
__________EFTIR: PÁL VILHJÁLMSSON — MYNDIR: EINAR QLASON_
Á sumrin eru smíðaðar metsölubækur. í
fyrra skrifaði rithöfundur metsölubók um
forsetann og í sumar skrifar blaðamaður
um borgarstjórann. Það ber þó ó milli að
forsetinn vildi en borgarstjórinn vill ekki.
„Þetta er pöntunarverk," segir
Eiríkur Jónsson, áður blaðamaður
á DV og fréttastjóri Stjörnunnar,
um bókina sem hann er að leggja
síðustu hönd á. Vinnuheitið á bók-
inni er „Beysi kemur í bæinn”, en
Beysi er gælunafn litla Davíðs sem
kom frá Selfossi og varð borgar-
stjóri í Reykjavík.
Eiríkur hafði samband við Davíð
áður en hann hóf vinnu við bókina.
„Það var gott í honum hljóðið þeg-
ar ég bar undir hann hugmyndina.
Davíð gaf mér vilyrði um að ræða
við mig á seinna stigi, meðal annars
til að fylla upp í eyður í sögunni,”
segir Eiríkur.
Önundur Björnsson, forleggjari
bókarinnar, segir þá Eirík hafa
ákveðið að ráðast í ritun Davíðs-
sögu eftir nokkra umræðu um
heppilegt söguefni. „Ég hefði helst
af öllu viljað að Davíð samþykkti
að vinna með Eiríki. En ég læt höf-
undinum eftir að dæma um hvort
hann heldur áfram þegar Davíð
dregur samþykki sitt tilbaka,” segir
Önundur og bætir við að það sé í
samræmi við þá vinnureglu sem
hann hafi tamið sér sem útgefandi.
Að sögn Eiríks sneri Davíð blað-
inu við og á seinni fundi þeirra
mæltist hann til þess að ekki yrði
skrifuð bók um sig þetta ungan.
„Davíð vildi að ég biði í nokkra ára-
tugi með bókina,” segir Eiríkur
sem gat ekki fallist á þá málaleitan.
„Ég var kominn langt á veg með
bókina og of seint að hætta við. Ef
Davíð hefði strax á okkar fyrsta
fundi Iagst gegn hugmyndinni hefði
ég líklega látið þar við sitja.”
Sjálfstæðari vinnubrögð
Éiríkur var fenginn til bókar-
skrifa skömmu eftir að hann hætti
á útvarpsstöðinni Stjörnunni „með
brambolti” eins og hann sjálfur
segir. Eiríkur var rekinn af Stjörn-
unni eftir að skarst í odda með hon-
um og eigendum stöðvarinnar. Það
stendur löngum styr um Eirík enda
hirðir maðurinn ekki unt hefðir og
hikar ekki við að taka stórt upp í
sig.
Blaðlesendur muna eftir drama-
tískum fyrirsögnum í DV eins og
„Alblóðugureyðnisjúklingur ræðst
inn á barnaheimili” og útvarps-
hlustendur eftir leikrænum og svör-
ugum fréttatímum Stjörnunnar
undir stjórn Eiríks.
Þegar Eiríkur tekur að sér að
skrifa bók um Davíð ætlar hann sér
ekki að feta sömu slóð og margir
ævisagnaskríbentar síðustu ára.
Formúlan er sú að viðmælendur
mala laust og fast inn á segulband
sem skrifarinn raðar svo niður á
blað.
„Þetta átti aldrei að verða við-
talsbók við Davíð þar sem hann tal-
aði inn á segulband. Ég vinn bókina
sjálfstætt og heimildarmenn mínir
skipta tugum,” segir Eirikur.
Hann talar um að þau vinnu-
brögð sem hann notar við bókina
tíðkist erlendis og þess sé skammt
að bíða að þau verði tekin upp hér
á landi. („Hvað er búið að skrifa
margar bækur um Frank Sinatra án
samráðs við hann sjálfan?”)
Hraðsoðin sölubók
„Þetta er bara blaðamennska. Ég
get ekki séð neitt óeðlilegt við það
að nota vinnubrögð blaðamanna
þegar maður sernur bók. Ég var
heldur ekki sammála því á sínum
tíma að fréttaskrif í dagblöð ættu
að mótast af fréttum Moggans eða
fréttir í útvarpi að vera eins og þær
í Ríkisútvarpinu.”
Eiríkur dregur ekki dul á að hann
er að skrifa hraðsoðna sölubók.
Með Davíð á skjónum og Jesúm fyrir ofan. Eiríkur Jónsson við vinnu sína
Bókin er að mestu unnin á fjórum
eða fimm mánuðum og kemur út
fyrir næstu jól. „Ég er ekki að
skrifa fyrir Davíð sjálfan, fjöl-
skyldu hans eða vini. Bókin er fyrir
fólkið í landinu sem þekkir hann
ekki.”
Og hvers vegna ætti „fólkið í
landinu” að vera áhugasamt um
borgarstjórann í Reykjavík? Jú, Ei-
ríkur hefur svarið á reiðum
höndum.
„Nánast allir sem ég talaði við,
hvort heldur stuðningsmenn eða
andstæðingar, voru á einu máli um
að Davíð eigi eftir að taka foryst-
una í stærsta stjórnmálaflokki
landsins. Þetta er sá ntaður sem
þjóðin getur átt von á að muni gína
yfir pólitíkinni hér næstu áratug-
ina.”
„Hetjusaga ungs manns"
Eiríkur vill taka af öll tvímæli um
að hann sé að skrifa andófsrit gegn
Davíð. „Ég er ekki að skrifa gegn
Davíð, alls ekki. Þetta er nokkurs
konar hetjusaga ungs manns sem
náð hefur langt.”
Sagan „Beysi kemur í bæinn”
hefst þar sem Davíð litli kemur í
heiminn. Hann fæðist í Reykjavík,
flyst sem ungabarn austur á Selfoss,
en þar átti heima jafnaldri hans og
flokksbróðir, Steini Páls. Davíð
snýr aftur til höfuðborgarinnar sex
ára gamall, gengur í skóla, stjórnar
gamanþætti i útvarpinu og álpast
inn á fund hjá Sjálfstæðis-
flokknum.
Sagan er rakin með hjálp heim-
ildarmanna úr ýmsum áttum. Ei-
ríkur Segir fólk nánast undantekn-
ingarlaust hafa tekið erindinu vel.
Þó skiptust nánustu stuðnings-
menn Davíðs í tvo hópa.
„Vinir og samverkamenn sem
standa Davíð næst, svokölluð
skjaldborg Davíðs, höfðu samband
við hann áður en þeir féllust á við-
tal við mig. Mér skilst að Davíð hafi
sagt þeim að bókin sé ekki unnin
nteð hans samþykki. Hann fór ekki
fram á að menn neituðu að tala við
mig, enda varð það að samkomu-
lagi okkar á ntilli að Davíð legði
ekki stein í götu mína.
Flestir úr stuðningsmannaliði
Davíðs féllust á að ræða við mig en
þó voru þeir nokkrir sem neituðu.
Ég held það hafi verið betri vinir
Davíðs sem svöruðu mér en hinir
sem neituðu,” segir Eiríkur.
Davið Oddsson:
— EREINDREGIÐÁMÓTI BÓKINNI
„Eiríkur kom til mín á skrifstofuna og sagðist ætla að skrifa
bók um mig. Ég sagðist ekki vilja að skrifuð yrði bók um mig,
ég er ungur maður. Það mætti kannski ræða það þegar ég
væri orðinn sextugur, ef einhver hefði ennþó óhuga ó mér,"
segir Davíð Oddsson borgarstjóri um framtak Eiríks Jónsson-
ar.
,,Ég sagðist svo sem ekki geta komið í veg fyrir að hann
skrifaði bókina, en mér eróskiljanlegtað hann skuli túlka þau
orð sem vilyrði fyrir samstarfi. í seinna skiptið sem ég hitti Ei-
rík bað ég hann eindregið að hætta við bókina og í framhaldi
skrifaði ég honum bréf sama efnis/' segir Davíð, sem nýlega
hefur fengið tvö önnur tilboð um skróningu ævisögunnar og
hafnað baðum.
„Ef Eiríkur er ókveðinn í að halda þessu ófram er ekkert við
því að gera," svarar Davíð spurningu um hvort hann hyggist
grípa til einhverra róðstafana til að hindra útkomu bókarinn-
ar.
— pv