Pressan - 18.07.1991, Qupperneq 26

26
FIMMTUDAGUR PRESSAN 18. JÚLl' 1991
LISTAPÓSTURINN
ALLTAF fréttist af fleiri út-
gáfubókum næstu vertíðar.
Nú mun ljóst að systkinin El-
ísabet Jökulsdóttir og 111-
ugi Jökulsson verða bæði á
ferðinni með skáldskap. El-
ísabet gefur út smásagna-
safnið Rúm eru hættuleg en
Illugi sendir frá sér skáldsög-
una Fógetavald. Elísabet
hefur áður gefið út ljóðabók-
ina Dans í lokuðu herbergi
auk þess sem hún skrifaði
leikritið Eidhestur á ís sem
sett var upp sem gestasýning
í Borgarleikhúsi. Illugi hefur
gefið út nokkrar bækur og í
fyrra kom út barnabók eftir
hann. Að henni slepptri er
Fógetavald hins vegar fyrsta
skáldsaga Illuga ...
Á HAUSTDÖGUM verða
tvær stórar yfirlitssýningar í
Listasafni íslands. Sú fyrri
verður opnuð í september-
byrjun, á verkum Guðmund-
ar Thorsteinssonar, betur
þekktur sem Muggur. í okt-
óber verður svo haldin sýn-
ing á verkum Sigurðar Guð-
mundssonar sem lengi hef-
ur verið búsettur í Hollandi
og er einn af okkar þekktustu
myndlistarmönnum ...
I HAUST verður frumsýnt
nýtt leikrit Sveinbjörns I.
Baldvinssonar hjá Leikfé-
lagi Reykjavíkur. Helstu hlut-
verk verða í höndum Krist-
jáns Franklíns Magnúsar,
Sigrúnar Eddu Björnsdótt-
ur, Aldísar Baldvinsdótt-
ur, Soffíu Jakobsdóttur og
Péturs Einarssonar. Svein-
björn mun nú vera að endur-
vinna leikritið en það verður
væntanlega tekið til sýningar
í október. Það má svo deila
um hvort nafnið gefur fyrir-
heit um mikil dramatísk átök:
Leikritið heitir Þétting ...
„Þetta er ekki klámmynd!“
Auglýst eftir fimm feitlögnum konum t kvikmynd
,,Nei, ég vil taka það skýrt
fram að þetta er ekki klám-
mynd," sagði Júlíus Kemp,
leikstjóri myndarinnar Vegg-
fóður — erótísk ástarsaga.
Um síðustu helgi auglýsti
Kvikmyndafélag íslands hf.
eftir leikurum í mörg hlut-
verk og kenndi margra grasa.
Meðal annars: Donni góð-
legur karl, Uggi hommi,
Andrea sem þarf að koma
nakin fram, Drottning sem
kemur fram á leðurfötum,
miðaldra Kótilettukarl, tvær
berbrjósta stúlkur (með lögu-
leg brjóst, eins og segir í aug-
lýsingunni) og síðast en ekki
síst er óskað eftir fimm feit-
lögnum konum á aldrinum
40—70 ára. I
Júlíus Kemp skrifaði hand-
ritið með Jóhanni Sigmars-
syni, sem er aðstoðarleik-
stjóri. Veggfóður verður
kvikmynd í fullri lengd óg
kostnaður er áætlaður um 12
milljónir. Kvikmyndafélag ís-
lands hf. hefur enga styrki
fengið (og ekki um þá sótt) og
Júlíus kvað myndina fjár-
magnaða með lánum. Allt að
25.000 áhorfendum þarf til
þess að standa undir kostn-
aði.
Þegar er búið að ráða í fjög-
ur aðalhlutverk myndarinn-
ar, Stein Ránar Magnússon,
Baltasar Kormák, Ingibjörgu
Stefánsdóttur og stórmeistar-
ann Flosa Ólafsson.
En ef Veggfóður er ekki
klámmynd, hvers vegna er
allt þetta fólk þá að striplast á
filmunni? Júlíus hafði svör á
reiðum höndum: „Stúlkan
sem þarf að koma nakin fram
á einfaldlega að vera módel í
myndlistarskóla. Svo er
þarna smá ,,sadó“-atriði að
vísu þar sem leðurfötin eru
nptuð.“
Þegar PRESSAN talaði við
Júlíus höfðu ekki borist um-
sóknir um kvikmyndaleik frá
fimm feitlögnum konum.
„Það verður spennandi að sjá
hverju auglýsingin skilar."
Júlíus vildi ekki tjá sig mik-
ið um efni myndarinnar um-
fram það sem kemur fram í
titli hennar. Já, vel á minnst:
Hvernig getur erótísk ástar-
saga heitið Veggfóður!
„Já, það er nú stóra spurn-
ingin," sagði leikstjórinn.
Júlíus Kemp leikstjóri.
Guömundur og Tinna
giftast á málverkasýningu
Á laugardaginn klukkan
tvö opnar Guðmundur Rún-
ar Láðvíksson fyrstu einka-
sýningu sína í Hafnarborg í
Hafnarfirði. Klukkutíma síð-
ar mun brúðarmarsinn duna
í jazzaðri útfœrslu þegar
Guðmundur gengur að eiga
Tinnu Rut Njálsdóttur. Þessi
atburður er einsdœmi hér-
lendis en þess er skemmst að
minnast þegar fatafellan
Cicciolina og sá heimsfrœgi
Jeff Koons giftust við opnun
sýningar hans um daginn. Sá
sýning var helguð ástarleikj-
um skötuhjúanna en því er
ekki til að dreifa í Hafnarfirði
á laugardaginn.
Sýning Guðmundar nefnist
Slóð — myndir í land og sam-
anstendur af níu verkum sem
mynda eina heild. Sýninguna
vann hann með hliðsjón af
sýningarrýminu í Hafnar-
borg og notar margs konar
efnivið: vörður, kompásnálar,
ljósmyndir og fleira sem
myndar slóðina. Guðmundur
er fæddur árið 1954 og út-
skrifaðist úr Myndlista- og
handíðaskóla íslands nú í vor.
í samtali við PRESSUNA
kvað Guðmundur giftinguna
vera hluta sýningarinnar.
Hins vegar þvertók hann fyr-
ir að hjónabandinu lyki um
leið og sýningunni.
TÍMARIT
Tímarit Máls og menningar 2/91
TMM er skringilegt rit.
Nýjasta heftið spannar allt
frá stórmerkilegum köflum
úr óbirtri sjátfsævisögu
Þórbergs Þórðarsonar til
kynlegrar hérbeinsupp-
suðu um leðurblökumann-
inn Batman. Þá virðist
hending ráða hvaða ljóð
eru valin til birtingar, ef
miðað er við máttlítinn
kveðskap þeirra Baldurs A.
Kristinssonar og Péturs
Hafsteins Lárussonar.
Helgi Sigurðsson fylgir
nokkrum köflum úr sjálf-
sævisögu Þórbergs úr hlaði
með þeim orðum að hún
hafi aldrei verið gefin út
vegna þess meðal annars
að höfundur hafi átt eftir að
slípa hana talsvert til. Auk
þess skarist efnið nokkuð
við aðrar bækur meistar-
ans. Aðdáendur Þórbergs
munu tæpast taka þessar
skýringar gildar, nú þegar
búið er að koma þeim á
bragðið. Þórbergur er
mesti stílisti aldarinnar og
það hlýtur að vera hægt að
gefa út valda kafla úr hand-
ritinu.
Sigurður Ingólfsson skrif-
ar um Batman og er grein
hans ágætt dæmi um það
þegar stíil er í engu sam-
ræmi við efni. Engu er lík-
ara en hann sé að skrifa um
skáld sem fóstraði haustið í
hjarta sér, en ekki mein-
lausa og grunnhyggna
teiknimyndafígúru. Ekki
verður annað séð en þessi
grein fari erindisleysu til
flestra lesenda.
Árni Sigurjónsson, rit-
stjóri TMM, tekur viðtal við
Þórarin Eldjárn og fara þeir
vítt yfir. Fróðlegast er að
lesa um vinnubrögð Þórar-
ins og viðhorf hans til
skáldskapar. Þar hefði
gjarnan mátt fara ítarlegar
í saumana.
Stefán Steinsson læknir á
bráðskemmtilega sögu í
TMM. Hann er einn frum-
Iegasti höfundur sem fram
hefur komið í mörg ár,
snarpur stílisti sem kann þá
list að segja fráleita sögu á
algerlega hispurslausan
hátt.
Nokkrir erlendir höfund-
ar eru að vanda kynntir í
TMM; þar hlýtur George
Perec að vekja mesta at-
hygli. Pétur Gunnarsson
segir stuttlega frá Perec og
þýðir auk þess hluta úr
skáldsögu hans. Perec var
franskur og vann sér meðal
annars til frægðar að skrifa
langa skáldsögu án þess að
e kæmi fyrir í textanum; en
það er algengasti sérhljóði
franskrar tungu. Nú mun
Perecs ekki fyrst og fremst
minnst sem furðufugls
heldur sem merkilegs nýj-
ungamanns í seinni tíma
frönskum bókmenntum.
TMM er talsvert tætings-
legt að þessu sinni en ætti
náttúrlega að verða met-
sölurit út á kaflana hans
Þórbergs. En kíki meistar-
inn ofan af astralplani sínu
mun honum tæpast þykja
að hann sé í mjög andrík-
um félagsskap þegar leður-
blökumaðurinn Batman er
annars vegar. Líklega hefði
TMM gott af dálitlum
skammti af TNT.
Hrafn Jökulsson