Pressan - 13.02.1992, Blaðsíða 31

FIMMTUDAGUR PRESSAN 13. FEBRÚAR 1992
31
ÚR LANDBÚNAÐARRÁÐGJÖF í t
FRAMKVÆMDASTJÓRINN
ÁRNI BEN., BÚFRÆÐINGUR,
SVEPPARÆKTANDI OG
FRAMKVÆMDASTJÓRI
SYKURMOLANNA í VIÐTALI
Andlitið ljómar þegar hann
fer að segja mér frá veru sinni
á Hólsfjöllunum við búskap
og skepnuhirðingu. Síðan lá
leiðin út á Melrakkasléttuna
þar sem hann sinnti bústörf-
um auk þess að veita bænd-
um á svæðinu ráðgjöf um allt
sem sneri að ræktun og land-
búnaði í víðustu merkingu
þess orðs. Hann menntaði sig
í landbúnaðar og ræktunar-
störfum og hefur ekki síðan
sleppt hendinni af skóflunni
og plöntunurri sem eru hans
ær og kýr þótt mestur tíminn
síðastliðin fimm ár hafi farið í
aldeilis ólíka iðju. Síðustu ár-
in hefur hann starfað sem
framkvæmdastjóri Sykur-
molanna og hefur sjálfsagt
ekki alltaf verið eins afslapp-
aður og rólegur og þegar
hann settist niður til að segja
dálítið af sjálfum sér og því
sem umboðsmaður frægrar
hljómsveitar þarf að snúast í.
Hann heitir Árni Bene-
diktsson, og er bróðir söngv-
arans Einars Arnar Sykur-
mola. Hann hefur víða komið
við og bjó um árabil erlendis
þar sem hann greip í eitt og
annað sem til féll.
En það hefur ekki farið
mikið fyrir honum sem um-
boðsmanni Sykurmolanna,
hann er huldumaðurinn sem
vinnur á bak við tjöldin og
vill helst ekkert tala um ann-
að en landbúnaðarmál.
„Krakkarnir í hljómsveit-
inni eru alveg fullfær um að
koma fram í fjölmiðlum. Mitt
verk er að framkvæma þeirra
ákvarðanir. Ég er bara eins
og framkvæmdastjóri hjá
venjulegu fyrirtæki. En það
sem kannski er mikilvægast í
mínu starfi hjá þeim er að
fylgjast með og fylgja eftir að
þeirra óskir og séu fram-
kvæmdar. Það getur stund-
um verið erfitt því Sykurmol-
arnir gera oft sérstakar kröf-
ur og eru hörð á því að þeim
sé fylgt eftir.“
Eru Sykurmolarnir
kannski eins og sumar súper-
stjörnurnar sem gera þaö
stundum ad leik sínum aö
setja fram kröfur sem eru svo
sérkennilegar aö illmögulegt
er aö framkvœma þœr og
nœla sér þannig í athygli fjöl-
miölanna?
„Nei það gera þeir alls
ekki. En það er nauðsynlegt
að átta sig á því að Sykurmol-
arnir eru að fást við listsköp-
un, það er útgangspunktur-
inn í þeirra verki. Þeir setja
hvorki fram fáránlegar né
furðulegar kröfur, þeir eru
ekki að stríða við neina stór-
stjörnukomplexa. Þetta fólk
leggur metnað í það sem það
er að gera og þess vegna vilja
þau sjálf ráða því hvernig
hlutirnir ganga fyrir sig. Það
er ekki síst fyrir þessar
ákveðnu skoðanir sem ég
virði þau, því umfram allt
bera þau virðingu fyrir því
sem þau eru að gera."
En er ekki starf umboös-
mannsins oftar en ekki aö
sinna hlutverki sáttasemjar-
ans?
„Jú það má kannski segja
að ég sé einhvers konar milli-
göngumaður á milli þeirra og
fyrirtækjanna sem gefa út
músikina þeirra. Stundum
getur þetta orðið dálítið snú-
ið en þetta hefur allt gengið
upp til þessa."
Arni er ekki óvanur því að
koma fram opinberlega þó
ekki hafi borið mikið á hon-
um í tengslum við Sykurmol-
ana og hann er ekki alveg
laus við að hafa reynt fyrir sér
á listabrautinni enda ekki
langt að sækja hæfileikana.
„Eg lék nú nokkuð á sviði
hér á árum áður og var held
ég dálítil barneistjarna að
minnsta kosti um tíma. En ég
er alveg búin að afgreiða leik-
listaráráttuna. Þetta var
ágætis kafli í minni bernsku,
ég tók þetta alveg út þá og nú
vil ég bara verja lífinu á ann-
an hátt. Og það hafa alveg
verið hreinar línur í tónlist-
inni. Eftir að Einar byrjaði að
fást við músikina sá ég þann
kost vænstan að einbeita mér
að einhverju öðru.“
SVEITAMAÐUR
AF GUÐS NÁÐ
En hvað varð þess valdandi
að borgarbarnið sem komið
var með tærnar inn i leikhús
og átti sjálfssagt fyrir hönd-
um frama á því sviði tók sig til
og fór í búfræðinám?
„Ég ætla nú ekkert að segja
um framann sem hugsanlega
beið mín í leiklistinni," segir
hann og brosir sínu blíðasta.
„En þetta með búfræðinámið
og áhugann á búskap, þá hef
ég frá því ég man fyrst eftir
mér haft mikinn áhuga á
hrossum og var strax í æsku
búinn að lesa allt sem ég
komst yfir í þeim efnum. Mér
fannst mikið tilgangsleysi
ríkjandi í Reykjavík á þeim
PRESSUMYND/SPESSI
árum þegar ég Vcu- unglingur
og ég hafði ekki áhuga á að
verða einn af þeim sem lykju
bara við sitt stúdentspróf og
fengju síðan ekkert að gera á
eftir. Mig langaði að fara ein-
hverja aðra leið og fór í
bændaskóla og áhugi minn á
landbúnaðarmálum varð enn
meiri. Og eitt leiðir af öðru og
áður en ég vissi af var ég
komin á kaf í örveruflóru
jarðvegsins og hef unað mér
þar vel síðan. Og örveruflór-
an er náttúrlega upphafið að
öllu, ekki satt.“
' Árni hélt áfram námi og
leiðin lá til Danmerkur þar
s.em hann tók fyrir ræktunar-
tækni sem sérgrein með meg-
ináherslu á örveruflóru jarð-
vegsins. Þegar Árni kom
heim gerðist hann sauðfjár-
bóndi á Hólsfjöllum en flutti
síðar út á Melrakkasléttu þar
sem hann sinnti jafnframt
störfum landbúnaðarráðu-
nautar.
En hvernig lagöist í borgar-
barniö á búa á svona af-
skekktum stööum úti landi,
var þetta dýrmœt reynsla?
„Já, og ég sakna þess mjög
að vera ekki þarna ennþá. Ég
myndi mjög gjarnan vilja fara
aftur þarna norður, ef ein-
hver möguleiki væri á því.
Nafnið Kópasker hljómar
kannski fáránlega í eyrum
sumra en þegar maður býr á
svona stað þá skilur maður út
á hvað lífið gengur, og hvern-
ig lífsbaráttan er. Maður er
með puttann á púlsi tilver-
unnar eins og einhver spakur
maður hefur sagt.“
SVEPPARÆKT
Eflir aö Árni flutti aftur
suöur og tók aö sér aö stjórna
fyrirtœki Sykurmolanna hef-
ur hann í stopulum frítíma
fengist viö margskonar til-
raunir og nýjungar í rœktun-
armálum og fengiö bœöi
skammir og lof fyrir. En hvaö
er þaö sem þú ert aö bauka
viö?
„Ég hef verið að baxa við
að koma upp nýrri búgrein í
landbúnaði og hef fengið til
þess styrki frá opinberum að-
ilum. Það má segja að þetta
gangi helst út á það að rækta
ákveðna gerð af sveppum til
að gera fyrst og fremst trjá-
rækt auðveldari hér á landi.
Þetta hefur að mestu verið
áhugamál hjá mér hingað til
en draumurinn er að byggja
þetta þannig upp að ég geti í
framtíðinni sinnt þessu af al-
vöru og byggt framtíð mína á
þessari ræktun.“
Hann segir að hvað sem
öllu brambolti Sykurmol-
anna líði sé draumurinn að
verða bóndi og þá helst kúa-
bóndi. Hann er ekki par hrif-
inn af því hvernig yfirvöld
hafa staðið að því að aðstoða
þá sem eru að glíma við sum-
ar nýjungar í landbúnaðar-
málum en segir að margir
sýni þessum tilraunum sínum
áhuga og skilning þó ýmsir
þeirra sem helst ættu að
skilja tilgang svona þróunar-
vinnu sýni þessu tómlæti og
skilningsleysi. Hann færist
allur í aukana þegar þessi
mál ber á góma og honum
finnst að illa hafi verið farið
með marga sem eru að fást
við þessa hluti og sér sjálfur
fram á að þurfa að standa í
málaferlum til að fá leiðrétt-
ingu sinna mála.
„Ég er að þessu vegna
brennandi áhuga á því að
hægt sé að gera ræktun í
þessu landi mögulega og að
menn opni augu sín fyrir
ýmsum tækifærum sem eru
ónýtt í dag. Menn verða að
„Nafnið Kópasker hljómar
kannski fáránlega í eyrum
sumra en þegar maður býr
á svona stað þá skilur
maður út á hvað lífið
gengur, og hvernig
lífsbaráttan er.“
leyfa einstaklingsframtakinu
að njóta sín í stað þess að
kæfa allt í skrifræði og mið-
stýringu."
EKKI VEGNA
VONARINNAR UM
FRÆGÐ OG FÉ
Hann segist ekki í vafa um
að margir vildu gefa hægri
hönd sína fyrir að komast í þá
aðstöðu sem hann er í með
því að vera framkvæmdar-
stjóri Sykurmolanna.
„Ég er ekki í nokkrum vafa
um að sérþekking mín á þess-
um bransa er orðin mikil en
ég myndi aldrei vilja notfæra
mér þessa þekkingu fyrir
aðra en Sykurmolana."
Og hvers vegna ekki?
„Fyrir það fyrsta hef ég tak-
markaðan áhuga á þessum
bransa. Ég hef aftur á móti
áhuga á listsköpun og það
veldur ekki síst að ég hef
áhuga og nýt þess að vinna
fyrir Sykurmolana. Þeirra
músik er fyrir mér fyrst og
fremst listsköpun, og að hafa
verið með þeim í gegnum
súrt og sætt hefur gefið mér
mjög mikið. En hvað sem því
líður þykir mér ekki mikið til
músikbransans koma, þó
hann geti verið áhugaverður
að ýmsu leyti og gaman hafi
verið að kynnast honum. En
þetta er ekki starf sem ég vil
vera í til frambúðar."
Árni segir að framundan
séu spennandi tímar hjá Syk-
urmolunum og árangurinn
sem náðst hefur núna aðeins
þrem vikum eftir útkomu
smáskífu hljómsveitarinnar
sé hreint frábær eins og flest
það sem Sykurmolarnir geri.
„En það er dálítið skrítið að
vinna að þessu því ég er jafn-
an að vinna að hlutum langt
fram í tímann sem ég veit að
koma til með að gerast og
skipta miklu máli fyrir gengi
hljómsveitarinnar. En ég er
ekki í þeirri aðstöðu að tala
um það eða að opinbera það,
því það er ekki mitt hlutverk
að vera í einhverri spádóma-
mennsku í fjölmiðlum."
Eru Sykurmolarnir aö
veröa aö súperstjörnum?
„Fyrir mér hafa þeir alltaf
verið súperstjörnur. En hvort
þeir eru að verða það fyrir
umheiminum, er álíka líklegt
og að ísland verði allt skós'
vaxið áður en ég ge»pa gol-
unni.“
Björn Ej/Hafberg