Morgunblaðið - 27.04.2004, Síða 21

MORGUNBLAÐIÐ ÞRIÐJUDAGUR 27. APRÍL 2004 21
Jón Einarsson er sonur hinnar landsfræguÁstu Erlingsdóttur og hann hefurstundað grasalækningar ásamt tveimur
systkinum sínum frá því þau tóku við starfi
móður sinnar fyrir 16 árum. Hann gerði sér
lítið fyrir um páskana og tók svarta beltið í
karate og lét ekki aftra sér að hann er 45 ára,
en fyrir vikið er hann í hópi þeirra elstu sem
hafa tekið slíka gráðu hér á landi í þessari jap-
önsku bardagalist. „Þegar ég var um þrítugt
var sonur minn sjö ára og hann fór þá í karate
hjá Þórshamri. Við vorum nokkrir pabbar sem
fylgdum sonum okkar á æfingar og formaður
félagsins suðaði í okkur að prófa sjálfir, en það
tók heilt ár að fá okkur til þess, en ég sé ekki
eftir því og hef stundað þetta síðan.“
Jón segir karate vera mjög góða líkamsrækt
og auk þess lærist þar margt annað sem nýtist
í daglegu lífi. „Karate eflir sjálfstraust og aga
og eykur einbeitingu. Eins eflir það líkamlegt
jafnvægi og samhæfi hreyfinga. Fyrir nú utan
hvað félagsskapurinn er góður í Þórshamri,
þar er enginn heragi, heldur er allt gert á
mannlegum nótum. Eitt af því góða við þessa
íþrótt er að þar er ekkert kynslóðabil og hægt
er að byrja á hvaða aldri sem er í karate.
Þarna eru krakkar frá sex ára til fólks á sjö-
tugsaldri, og konur jafnt sem karlar.“
Jón hefur stundað karate í 15 ár og æfir að
jafnaði þrisvar í viku. „Karate er lífsstíll sem
hentar mér mjög vel með grasalæknastarfinu
en ég er líka nuddari.“
Jón leggur áherslu á að starf hans sem
grasalæknir snúist ekki aðeins um að nota
jurtir. „Þetta snýst um að vera í heildrænum
aðgerðum. Ég ráðlegg fólki með fæðu og
bendi því á að stunda einhverja hreyfingu sem
hentar því og vissulega mæli ég stundum með
karate fyrir viðskiptavini mína. Konur sem
eru komnar á miðjan aldur kæra sig til dæmis
sumar ekkert um að vera í pallahoppi á lík-
amsræktarstöðvum. Karate hentar þeim því
oft vel og ég veit um tvær konur sem eru
komnar yfir fimmtugt og eru með brúna belt-
ið.“
Gott fyrir ofvirk börn
Í karate eru engar barsmíðar, þar verða
keppendur að hafa fulla stjórn á sjálfum sér og
mega ekki meiða andstæðinginn. Því eru
hverfandi líkur á að verða fyrir hnjaski eða lík-
amsmeiðslum.
Jón segir karate nýtast mjög vel bæði í
barna- og unglingastarfi. „Ég hef heyrt að
karate sé mjög gott fyrir ofvirk börn því þau
fá svo mikla útrás fyrir orkuna en um leið læra
þau að aga sig og einbeita sér.“
Jón tók sér hvíld í fjögur ár frá karate en
kom aftur inn með fullum krafti fyrir tveimur
árum, sem endaði svo á því að hann fékk að
taka svartabeltisgráðuna, þegar yfirþjálfari
Evrópu í shotokan karate kom hingað til
lands.
Yfirleitt tekur um sex ár að fá svarta beltið
miðað við að stöðugt sé æft, en ekki má taka
það fyrr en sextán ára aldri er náð. En hvers
vegna tók Jón ekki fyrr gráðuna í svarta belt-
inu?
„Af því ég var ekki í karate til að fá beltin.
Það skipti mig engu máli, því beltið gerir mig
ekki endilega að betri karatemanni. En maður
þarf vissulega einhverntíma að komast í mark
og að taka svarta beltið er ákveðinn áfangi og
ég ákvað að láta reyna á það núna.“
 LÍKAMSRÆKT | Karate eflir sjálfstraust og aga og eykur einbeitingu
Grasalæknir með
svarta beltið í karate
Morgunblaðið/Jim Smart
Jón Einarsson: Í fullum skrúða með svarta beltið en Jón segir að karate efli líkamlegt jafnvægi
og samhæfi hreyfingar. Varnarstaðan sem hann beitir hér heitir Shutouke. khk@mbl.is
KARATE er bardagaíþrótt upprunnin á
japönsku eyjunni Okinawa þar sem
eyjaskeggjar æfðu sjálfsvörn undir
áhrifum frá kínverskum bardagalistum.
Í aldaraðir höfðu Kínverjar lagt stund á
sínar eigin bardagalistir. Angar af þess-
um listum bárust til Okinawa og blönd-
uðust þær við hinar ýmsu bardagalistir
sem stundaðar voru á eyjunni svo úr
urðu mismunandi staðbundin afbrigði
sem kennd voru við sínar borgir eða
bæi.
Á thorshamar.is
segir um karate:
Í KARATE eru beltin ellefu, að meðtöldu
fyrsta svarta beltinu (fyrsta dan), en
hægt er að taka tíu gráður í svörtu belti
líka, en hinn venjulegi karate-iðkandi
fer yfirleitt ekki hærra en í fjórða dan.
Röð beltanna er:

Hvíta beltið

Gula beltið

Appelsínugula beltið

Rauða beltið

Græna beltið

Bláa beltið

Fjólubláa beltið

Brúnu beltin (þrjú)

Svarta beltið
Kossar eru góðir fyrir lík-ama og sál. Þeir lækkablóðþrýsting, stoppa hiksta
og stuðla að betri tannheilsu. Auk
þess verður fólk sem kyssir sjaldn-
ar veikt, það er skapbetra og fær
færri maga-, blöðru- og blóðsýk-
ingar samkvæmt frétt í Pravda.
En þetta er aðeins brot af þeim
ávinningi sem kossar hafa í för
með sér. Því er jafnframt haldið
fram að við notum um 30 vöðva í
andlitinu þegar við kyssum og við
það eykst blóðrásin í andlitinu
sem gerir meira fyrir útlitið en
öll fínu og dýru undrakremin,
segir í fréttinni. Auðvitað
skiptir líka máli fyrir þá
sem hugsa um línurnar
að við hvern innilegan
koss eyðum við 12
hitaeiningum. Svo
auka kossar magn end-
orfíns í líkamanum, ham-
ingjuhormónsins sem virk-
ar bæði upplífgandi og róandi.
Þá eru kossar gott ráð við streitu
því þeir lækka blóðþrýsting, og
kólesteról og losa spennu úr lík-
amanum.
Við kossa eykst framleiðsla á
munnvatni. Í munnvatninu er
kalsíum og fosfór sem kemur í veg
fyrir tannskemmdir. En í því er
líka að finna bakteríur. Um 80%
þeirra eru eins í öllu fólki en um
20% mismunandi. Bakteríurnar
virka hvetjandi á ónæmiskerfið
sem verður betur í stakk búið til
að ráða niðurlögum ýmissa sjúk-
dóma og sýkinga sem hugsanlega
herja á okkur.
 HEILSA
Reuters
Kossar: Við notum um 30 vöðva í
andlitinu þegar við kyssum og við
það eykst blóðrásin í andlitinu sem
gerir meira fyrir útlitið en öll fínu
og dýru undrakremin.
Kossar allra
meina bót
Á vefmiðli BBC segir frá ný-legum kanadískum rann-sóknum sem sýna að bíl-
stjórar sem hlusta á háværa
tónlist þegar þeir keyra, dragi
með því verulega úr viðbragðstíma
sínum og einbeitingu og geti þar
af leiðandi valdið slysum á sér og
öðrum í umferðinni. Niðurstöð-
urnar sýndu að því hærri sem tón-
listin væri og þvíhraðari sem takt-
urinn væri, þeim mun meiri hætta
væri á ferðum. Það virðist því ekki
skipta máli hvort fólk hlustar und-
ir stýri á klassíska óperu, rokk eða
rave, heldur er það fyrst og fremst
hraði taktsins og hljóðstyrkur sem
skiptir máli. Fullyrt er að ef tón-
listin fari yfir 60 slög (beats) á
mínútu, valdi það örari hjartslætti
og hærri blóðþrýstingi og þegar
tónlist er hærri en 95 desibil,
dragi hún úr færni bílstjóra.
Sannindi þess efnis að tónlist í
eyrum bílstjóra dragi úr færni
þeirra við akstur eru ekki ný af
nálinni. Eldri rannsókn hefur t.d
sýnt að bílstjórar eru tvöfalt lík-
legri til að fara yfir á rauðu ljósi ef
þeir hlusta á tónlist yfirleitt á
meðan þeir keyra.
Viðbrögð almennings við þess-
um rannsóknum eru aftur á móti
misjöfn, sumum finnst tímabært
að benda fólki á óþolandi truflun
háværrar tónlistar á meðan öðrum
finnst fráleitt að ræna fólk þeirri
ánægju sem tónlist undir stýri
veitir. Aðdáendur þungarokks
segja ekki hægt að hlusta á slíka
tónlist nema mjög hátt. Enn aðrir
lýsa undrun sinni á því að vísinda-
legar rannsóknir þurfi til að fá
fólk til að taka ábyrgð á eigin
gerðum.
 RANNSÓKN
Hávær tónlist varasöm í umferðinni
khk@mbl.is
Morgunblaðið/Sverrir
Akstur: Bílstjórar eru tvöfalt líklegri til að fara yfir á rauðu ljósi ef þeir hlusta á tónlist á meðan þeir keyra.
DAGLEGT LÍF