Morgunblaðið - 09.06.2004, Blaðsíða 1

STOFNAÐ 1913 156. TBL. 92. ÁRG. MIÐVIKUDAGUR 9. JÚNÍ 2004 PRENTSMIÐJA ÁRVAKURS HF. mbl.is
Tjaldað til
tjáningar
Heimilda- og stuttmyndahátíð
að hefjast í Reykjavík | Fólk
Englendingar
í útlegð
Enginn heimamaður stýrir
bestu liðum Englands | Íþróttir
Bílar í dag
Virðulegir bílar á sýningu í Höllinni

Nýjung í tryggingum
Fleiri tor-
færuhjól
Aukin sala hjá Hyundai
UNGUR Nýsjálendingur, Fraser
Ray, hefur líklega sett heimsmet í
að senda SMS-skeyti, 80.012 á ein-
um mánuði, að sögn netsíðu Jyl-
landsposten í Danmörku.
Ray gerði fátt annað en senda
vinum og kunningjum skeyti allan
sólarhringinn í maímánuði en efnið
var alltaf eins: „Hæ, hvernig líður
þér?“ Ástæðan var þó ekki sú að
hann hefði áhyggjur af líðan þeirra
heldur var hann gramur yfir
stefnubreytingu hjá Telecom
Corp., farsímafyrirtækinu sem
hann skiptir við.
Viðskiptavinir þess hafa hingað
til aðeins þurft að borga sem svar-
ar um 270 íslenskum krónum á
mánuði fyrir ótakmarkaðan fjölda
SMS-sendinga en senn verður
breyting á og krafist aukagjalds ef
fólk sendir meira en þúsund skeyti
á mánuði.
Ray hafði staðið í þeirri mein-
ingu að núgildandi skilmálum yrði
ekki breytt fyrr en í fyrsta lagi
árið 2010.
„Hæ, hvernig líður þér?“
ÞING verður kallað saman 5. júlí til að und-
irbúa atkvæðagreiðslu um fjölmiðlalögin, að
því er Davíð Oddsson forsætisráðherra sagði
við blaðamenn í gær. Sagði hann að á þinginu
yrði kjördagur ákveðinn sem og fyrirkomu-
lag kosninganna. „Við höfum ekki endanlega
ákveðið kjördaginn en við væntum þess að
það geti orðið fyrripart í ágústmánuði. Það
yrði erfitt að bíða með það mikið lengur
vegna stjórnarskrár,“ sagði Davíð.
Forystumenn stjórnarflokkanna og stjórn-
arandstöðuflokkanna funduðu í gær um fjöl-
miðlamálið og sleit forsætisráðherra fundin-
um þegar rúmar 15 mínútur voru liðnar af
honum. Sagðist hann hafa gert það eftir að
Ögmundur Jónasson, þingflokksformaður
VG, hefði farið að setja skilyrði „sem ætti að
vinna eftir, um hvað mætti gera og hvað
mætti ekki gera,“ útskýrði Davíð.
Ögmundur Jónasson segist ekki sjá betur
en að forsvarsmenn ríkisstjórnarinnar séu að
setja hér alla stjórnsýslu og stjórnskipan í
fullkomið uppnám. „Það er dapurlegt að þeir
vilja ekki taka í útrétta hönd okkar um að
setjast sameiginlega yfir málið og reyna að
ná samkomulagi um alla þætti þess strax á
frumstigi umræðna,“ sagði Ögmundur.
Nefndin ætlar að vinna hratt
Fjórir hæstaréttarlögmenn hafa verið
skipaðir í starfshóp ríkisstjórnarinnar sem
undirbúa á lagasetningu um tilhögun þjóð-
aratkvæðagreiðslunnar. Karl Axelsson, lekt-
or við lagadeild HÍ, formaður hópsins, sagði
eftir fyrsta fundinn í gærkvöld að engar efn-
islegar ákvarðanir hefðu verið teknar, en
nefndarmenn legðu áherslu á að vinna hratt.
„Við erum að meta stjórnskipunarreglur, en
þetta snýst ekki eingöngu um það hvort setja
megi efnisleg skilyrði um þátttöku og fjölda.
Við þurfum að gera einhverjar tillögur um
það hvernig kosningalöggjöfin eigi að vera úr
garði gerð.“ Karl sagði einnig að skoða þyrfti
hvort eðlilegt væri að aukinn meirihluta
þyrfti til þess að lögunum yrði hnekkt.
Morgunblaðið/ÞÖK
Forsvarsmenn stjórnarandstöðuflokkanna
ræða við fréttamenn í gærmorgun.
Þing kallað
saman 5. júlí
 Segir ekki/Miðopna
ÖRYGGISRÁÐ Sameinuðu þjóðanna sam-
þykkti í gær einum rómi tillögu Bandaríkja-
manna og Breta um framtíð Íraks og fullveldi
bráðabirgðastjórnarinnar sem þar tekur form-
lega við 30. júní. Talið er að með samþykktinni
hafi hernámsveldin unnið mikinn, pólitískan sig-
ur og jafnframt að stigið hafi verið stórt skref í
þá átt að lægja deilur vegna Íraksstríðsins.
Stefnt er að því að lýðræðislega kjörin stjórn
taki við í Írak í árslok 2005. Hernáminu lýkur
formlega um næstu mánaðamót, erlenda liðið
verður framvegis kallað fjölþjóðlegt lið og hefur
umboð frá SÞ til að gæta öryggis. Umboðið
rennur út í árslok 2005 en þá er stefnt að því að
búið verði að samþykkja nýja stjórnarskrá og
rétt kjörin stjórn taki við völdum.
ungu fyrir Íraka sjálfa heldur allt svæðið og
þannig fyrir alla heimsbyggðina,“ sagði Blair.
Ágreiningur hefur verið í nokkrar vikur um
orðalag ályktunarinnar og hún verið endurskoð-
uð fjórum sinnum en öll 15 ríkin í ráðinu greiddu
atkvæði með henni. Frakkar og fleiri þjóðir
höfðu látið í ljós efasemdir um að Írakar fengju
raunverulegt fullveldi; hernámsveldin myndu
þegar upp væri staðið fara sínu fram.
Bandaríkjamenn voru ófúsir að láta Íraks-
stjórn hafa neitunarvald gagnvart einstökum
aðgerðum erlenda herliðsins. Fundin var sú
málamiðlun að Bandaríkjamenn mega beita „öll-
um ráðum“ til að berja niður uppreisnir en þeir
heita að ráðfæra sig við öryggisráð Íraks áður
en „viðkvæmar“ aðgerðir komi til framkvæmda.
George W. Bush Bandaríkjaforseti fagnaði
mjög niðurstöðunni og sama gerði Tony Blair,
forsætisráðherra Bretlands, sem sagði að hún
markaði þáttaskil. „Við viljum nú öll slá striki yf-
ir gamlar deilur og sameinast um að Írak verði
nútímalegt, lýðræðislegt ríki, að Írak sem búi
við stöðugleika verði afl til góðs, ekki einvörð-
Eining um Írakstillögu
hjá SÞ markar þáttaskil
Öll 15 ríki öryggis-
ráðsins samþykktu
tillögu Bandaríkja-
manna og Breta
Sameinuðu þjóðunum. AP, AFP.
PELÍKANI og sjómenn við Flagler-strönd í Flórída héldu áfram sínu daglega amstri í gærmorgun þótt
Venus leyfði sér að skyggja ofurlítið á sólina. Stjörnufræðingar kalla þetta sjaldgæfa fyrirbæri þvergöngu
Venusar. Síðast fór hún fyrir sólu árið 1882. Ástarstjarnan er örlítið minni en jörðin og nær sólu./4
AP
Ósnortnir af Venusi
STJÓRNVÖLD í Zimbabwe
tilkynntu í gær, að allt rækt-
arland yrði þjóðnýtt og einka-
eign afnumin.
Allt land, þar á meðal þær
5.000 bújarðir, sem teknar hafa
verið af hvítum mönnum og af-
hentar svörtum, verður ríkis-
eign en síðan leigt til 99 ára.
Um 200.000 blökkumanna
búa nú á því landi, sem tekið
hefur verið af hvítum bændum,
en John Nkomo ráðherra, sem
fer með þessi mál, segir, að rík-
isstjórnin ætli hvorki „að eyða
fé né tíma“ í dómsmál vegna
eignaupptökunnar.
Landtakan og ónóg úrkoma
hafa valdið því, að landbúnað-
arframleiðslan í Zimbabwe hef-
ur hrunið og leitt til mikils
skorts á öllum sviðum. Þeir,
sem tóku við jörðum hvítu
bændanna, hafa hvorki haft
fjármagn né þekkingu til að
reka þær og hagfræðingar
segja, að þjóðnýtingin muni
gera út af við þá litlu, erlendu
fjárfestingu, sem er í Zimb-
abwe, og leiða til enn meiri
eymdar.
Allt land í
Zimbabwe
þjóðnýtt
Harare. AP.