Morgunblaðið - 09.06.2004, Blaðsíða 24

LISTIR
24 MIÐVIKUDAGUR 9. JÚNÍ 2004 MORGUNBLAÐIÐ
A4
/H
GM
FINNSKI karlakórinn Wasa Sång-
erille er hér á tónleikaferð og held-
ur tónleika í Langholtskirkju kl. 20
á fimmtudagskvöld. Á efnisskrá er
verkið Jónas – frelsari gegn vilja
sínum, sem skrifað er fyrir karlakór
og er blanda af kórsöng, einsöng,
tvísöng og hljóðfæraleik, ásamt
leiknum atriðum, upplestri og dansi.
Tónlistin er eftir Kaj-Erik Gust-
afsson við texta Lars Huldén, en
báðir eru þeir í fremstu röð
sænskumælandi listamanna hvor á
sínu sviði.
Í Wasa Sångerille eru 75 söng-
menn. Stjórnandi er Stefan Vikman,
en leikstjórn er í höndum Kristina
Hurmerinta. Auk þeirra taka þátt í
flutningum einsöngvararnir Mikael
Fagerholm, Susanne Westerlund og
Sören Lillkung. Henry Byskata
annast upplestur og um hljóðfæra-
leik sjá Annikka Konttori-
Gustafsson á píanó og orgel, og
Liisa Ruoho, sem leikur á flautu.
Kirkjudramað Jónas – frelsari
gegn vilja sínum er stærsta verk-
efni kórsins til þessa. Kórinn hóf
undirbúning að stóru „kirkju-
drama“ í lok níunda áratugarins. Til
verksins réð kórinn þá Lars Huldén
til að semja texta og Kaj-Erik Gust-
afsson til að semja tónlistina.
Fyrsta útgáfa verksins var tilbúin
árið 1988 en af ýmsum ástæðum
varð ekki úr flutningi fyrr en 2001
þegar kórinn tók það á efnisskrá
sína og flutti það síðan í Vasa í apríl
2002. Fram að þessu hafa um 3.000
manns séð verkið, bæði í Vasa,
Turku (Åbo) og Helsinki. Viðtökur
hafa jafnframt verið góðar hjá
gagnrýnendum.
Texti Lars Huldén byggist á Jón-
asarbók í Gamla testamenntinu sem
færð hefur verið í nýstárlegan bún-
ing. Meðal annars hefur ástarsögu
Jónasar og konu frá Ninive verið
bætt í frásögnina. Velt er upp ýms-
um mikilvægum málefnum, s.s.
ákafri leit mannsins að hamingju og
tilgangi lífsins og spurningunni um
hvort guðleg forsjá ráði lífi okkar.
Sameiginlegir tónleikar
Á föstudagskvöld kl. 20 í Selja-
kirkju verða sameiginlegir tónleikar
þeirra og Karlakórsins Stefnis. Kór-
arnir syngja á víxl, hvor í sínu lagi
og nokkur lög saman. Á efnisskrá
er fjöldi finnskra og íslenskra sí-
gildra kóralaga. Stjórnandi Stefnis
er Atli Guðlaugsson og undirleikari
er Sigurður Marteinsson.
Finnskir karlar flytja
söng- og leikverk
BLÁSARASVEIT belgískra land-
gönguliða, The Royal Symphonic
Band of the Belgian Guides, hefur
lokið upptökum á klarinettukonsert
Tryggva M. Baldvinssonar, í því
augnamiði að gefa hann út á geisla-
diski í sumar. Verkið var frumflutt í
Belgíu í fyrravetur af Sveinhildi
Torfadóttur og blásarasveit konung-
legu tónlistarakademíunnar í Gent
undir stjórn Tryggva, en hann skrif-
aði verkið að beiðni Sveinhildar fyrir
fyrri hluta meistaraprófs hennar frá
tónlistarakademíunni. Sveinhildur
flutti síðan verkið hérlendis á Myrk-
um músíkdögum í fyrra.
„Í síðustu viku var ég svo við æf-
ingar fyrir upptöku á þessum klarin-
ettukonsert, sem nú er lokið. Það var
belgísk áhöfn sem var á ferð að
þessu sinni, einleikarinn heitir Eddy
Vanoosthuyse og er vel þekktur í
Belgíu og víðar, en hann er einnig
kennari Sveinhildar við tónlistaraka-
demíuna. Dirk Brossé stjórnaði
konsertinum, en hann er þekktur
stjórnandi og tónskáld í Belgíu, og er
að slá í gegn um þessar mundir með
söngleik um Tinna.“
The Royal Symphonic Band of the
Belgian Guides telst til betri lúðra-
sveita í heiminum að sögn Tryggva.
„Þetta er frábær hljómsveit, sem er
alveg sambærileg við Vínarfílharm-
óníuna í lúðrasveitarheiminum. Þeir
eru ótrúlega góðir.“
Til stendur að gefa klarinettu-
konsertinn út á nótum hjá Gobelin-
útgáfunni í Hollandi, en Gobelin mun
gefa út upptökurnar á konsertinum
líka. „Þetta á sem sagt að verða
geisladiskur með blönduðum klarin-
ettukonsertum, þar á meðal mínum,
sem verður kynntur á klarinett-
ufestivali í Bandaríkjunum nú í sum-
ar. Það var Eddy Vanoosthuyse sem
hafði milligöngu um það að minn
konsert varð fyrir valinu, en ég geri
ráð fyrir að hann hafi kynnst kons-
ertinum gegn um Sveinhildi og fund-
ist hann flottur,“ segir Tryggvi.
Tryggvi hafði áður skrifað verk
fyrir Sveinhildi Torfadóttur, en það
var þegar hún útskrifaðist á Íslandi.
Þá samdi hann verkið Seið, sem
einnig hefur ílenst í Belgíu. „Einn
samnemandi Sveinhildar við kon-
unglegu tónlistarakademíuna kaus
að leika það á lokaprófi sínu síðasta
vor og nú hefur Eddy Vanoosthuyse
ráðist í að gefa það út, bæði á diski og
nótum, hjá Gobelin-útgáfunni einnig,
auk þess sem hann mun leiða það á
tónleikaferð um Kína í sumar.“
Klarinettan er að öðru leyti ekki á
dagskrá hjá Tryggva, en um þessar
mundir er hann að ljúka kórverki
fyrir Graduale Nobile. „En svo fer
ég fljótlega af stað með einleiksverk
fyrir bassaklarinett og Kammersveit
Reykjavíkur, sem verður frumflutt á
Myrkum músíkdögum næsta vetur.
Þannig að það stendur mikið til,“
segir Tryggvi að síðustu.
Tryggvi ásamt stjórnanda og einleikara klarinettukonsertsins. Frá vinstri:
Dirk Brossé, Eddy Vanoosthuyse og Tryggvi M. Baldvinsson.
Klarinettukonsert
Tryggva tekinn
upp í Belgíu