Morgunblaðið - 30.06.2004, Blaðsíða 16
MINNSTAÐUR
16 MIÐVIKUDAGUR 30. JÚNÍ 2004 MORGUNBLAÐIÐ
LOFTMYNDIR ehf. hafa gefið út
útivistarkort af Reykjanesi. Kortið
er unnið í samvinnu við gönguleiða-
hóp Ferðamálasamtaka Suð-
urnesja. Með stuðningi sveitarfé-
laga og fyrirtækja verður kortinu
dreift inn á öll heimili á Suð-
urnesjum.
Stjórn Ferðamálasamtaka Suð-
urnesja skipaði hóp til að vinna að
gerð gönguleiðakorts fyrir svæðið.
Tekin var upp samvinna við Loft-
myndir ehf. sem tóku að sér að gefa
kortið út og var það kynnt á blaða-
mannafundi í Fræðasetrinu í Sand-
gerði í gær.
Kortið er byggt á loftljósmyndum
af Reykjanesskaganum og færðar
inn á það ýmsar upplýsingar. Þar
eru sýndar 22 númeraðar fornar
gönguleiðir auk Reykjavegarins og
fjölda smærri gönguslóða. Merktir
eru 39 áhugaverðir staðir auk 33
fornra selja og 24 hella. Á bakhlið
kortsins eru hagnýtar upplýsingar
um gönguleiðirnar og staðina auk
jarðfræðiupplýsinga um svæðið.
Kristján Pálsson, formaður Ferða-
málasamtaka Suðurnesja, tók fram
á fundinum að upplýsingarnar væru
allar unnar af fólki sem gengið hefði
þessar leiðir og væru þær því áreið-
anlegar. Kortið er GPS-hnitað og
má fylgja leiðunum með staðsetn-
ingartæki. Að auki verða GPS-hnit
fáanleg á vefnum myndkort.is.
Kortið verður til sölu í verslunum
Pennans og víðar. Ferðamála-
samtökin, Hitaveita Suðurnesja,
Reykjanesbær, Sveitarfélagið
Garður og Sandgerðisbær kaupa
ákveðið upplag og dreifa frítt til sex
þúsund heimila á Suðurnesjum í
næstu viku. Reynir Sveinsson,
varaformaður Ferðamálasamtak-
anna, segir að markmiðið með því
sé að hvetja Suðurnesjamenn til að
ganga um svæðið og upplifa ein-
stæða náttúru þess. Ánægðir
heimamenn muni síðan láta það
spyrjast út.
Nákvæmari og öruggari
Arnar Sigurðsson hjá Loftmynd-
um ehf. segir að fólk fái mun betri
tilfinningu fyrir staðháttum með
korti sem byggist á ljósmyndum
heldur en teiknuðum kortum og þau
séu nákvæmari og því öruggari.
Loftmyndir munu halda áfram að
þróa kortið og upplýsingarnar í
samvinnu við Ferðamálasamtökin.
Sérstakur miðlægur gagnagrunnur
er í vinnslu. Fyrirhugað er að gefa
síðar út undirkort og margmiðl-
unardisk. Þá verður hægt að kalla
fram upplýsingar um einstaka staði
í farsíma. Loftmyndir ehf. hafa gef-
ið út svipuð kort af nokkrum stöð-
um á landinu. Kortið af Suð-
urnesjum er þó unnið í náinni
samvinnu við heimamenn og því
fylgja því meiri upplýsingar. Loft-
myndir eiga ljósmyndir af meg-
inhluta landsins og er fyrirhugað að
gefa út fleiri kort í stíl Reykjane-
skortsins.
Nýtt útivistarkort af Reykjanesi er byggt á ljósmyndum
Sýndar fornar gönguleiðir
og áhugaverðir staðir
Morgunblaðið/Helgi Bjarnason
Nýjung: Kristján Pálsson, Arnar Sigurðsson og Reynir Sveinsson sýna nýtt
útivistarkort af Reykjanesi. Því verður dreift á heimili Suðurnesjamanna.
TENGLAR
.....................................................
www.myndkort.is
SUÐURNES
Keflavíkurflugvöllur | Tekin hefur
verið í notkun viðbót við innrit-
unarsal Flugstöðvar Leifs Eiríks-
sonar. Salurinn er í glerbyggingu og
stækkar um eitt þúsund fermetra.
Unnið er að frágangi bygging-
arinnar.
Svæðið sem afgreiðslufyrirtæki
og farþegar fá eykst til mikilla muna
og á afgreiðslan að verða hraðari,
skilvirkari og þægilegri fyrir far-
þega og starfsfólk. Jafnframt hefur
skipulagi forgarðs verið breytt og
bílastæðum til að greiða aðgang far-
þega til og frá flugstöðinni.
Í síðari áfanga sem á að ljúka að
ári verður móttökusalurinn stækk-
aður á sama hátt til austurs sem og
norðurbygging og gerð ýmis end-
urskipulagning innan dyra.
Morgunblaðið/Helgi Bjarnason
Viðbót við innritunar-
sal tekin í notkun
ÚTLIT er fyrir að sumarið verði
gott fyrir ferðaþjónustufólk á Suð-
urnesjum, jafnvel það besta sem
Suðurnesjamenn hafa fengið. For-
ystumenn í ferðaþjónustu segja að
fleiri hópar og einstaklingar hafi
komið það sem af er sumri en áður.
Kjartan Kristjánsson, ferða-
málafulltrúi í Grindavík, nefnir að
hópar úr skemmtiferðaskipum
sem komi við í Reykjavík hafi nú
bæst í hóp gesta Saltfisksetursins í
Grindavík. Á hann von á verulegri
fjölgun í Grindavík þess vegna og
muni veitingastaðir og fleiri aðilar
njóta góðs af.
Sumarið byrjaði vel í Bláa lón-
inu, segir Magnea Guðmunds-
dóttir markaðsstjóri. Hún segir út-
litið gott.
Útlit fyrir gott ferðasumar
ÞAÐ var slegið á létta strengi þegar
félagarnir Ragnar Sverrisson og
Logi Már Einarsson buðu malbik-
unargengi bæjarins upp á tertur í
blíðunni í gærmorgun. „Við vissum
af því að leggja ætti malbik á göt-
una og að það myndi þýða að ekki
kæmi sála inn í verslunina,“ sagði
Ragnar. „Við tókum því bara út
borð og stóla og keyptum fullt af
tertum og buðum upp á kaffi. Menn
voru bara ánægðir með þetta,“
sagði Ragnar. „Við snerum þessu
bara upp í kæruleysi, skemmtun í
góða veðrinu, enda 18 stiga hiti, sól
og blíða og ekkert við að vera innan-
dyra.“ Þeim sem leið áttu hjá var
umsvifalaust boðið upp á kræsingar
og þáðu það margir með þökkum.
„Það gefur lífinu gildi að gera eitt-
hvað svona skemmtilegt,“ sagði
Ragnar, en ekki var annað að sjá en
strákarnir í malbikinu létu móttök-
urnar sér vel líka.
Morgunblaðið/Skapti Hallgrímsson
Kaffi og kökur: Ragnar Sverrisson, kaupmaður í JMJ, og Logi Már Ein-
arsson arkitekt starfa í sama húsi við Gránufélagsgötuna sem malbikuð var
í gær og þá buðu þeir körlunum í malbikinu upp á kaffi og kökur.
Malbik og kræs-
ingar í blíðunni
Akureyri | Alls sóttu 109 ungmenni
17 ára og eldri um vinnu hjá Ak-
ureyrarbæ, en einkum er um að
ræða skólafólk sem ekki hefur enn
fengið sumarvinnu. Bæjarráð hefur
heimilað ráðningu umsækjenda um
sumarstörf og er það í samræmi
við fyrri samþykktir.
Jónína Kristín Laxdal hjá starfs-
mannaþjónustu bæjarins segir að
umsækjendum verði boðið á at-
vinnu í sex vikur í sumar. „Við
fengum 125 umsóknir í fyrrasumar
og það er mesti fjöldi umsókna frá
því bærinn byrjaði að bjóða upp á
þetta úrræði,“ sagði Jónína, en um-
sóknir nú koma þar á eftir hvað
fjölda varðar. Fæstar hafa umsókn-
irnar verið 30 fyrir nokkrum árum.
Um helmingur umsækjenda er 17
ára, en aðrir eldri, 18 til 20 ára.
Hlutfallið er svipað milli kynja.
Vaninn er sá að einhverjir hafi
fengið vinnu annars staðar, en Jón-
ína bjóst við að um 90 ungmenni,
til viðbótar þeim sem þegar hafa
verið ráðin til ýmissa starfa, myndu
þiggja vinnu hjá bænum nú.
109 sóttu
um sumarvinnu
Skokkað í Þorvaldsdal | Þorvalds-
dalsskokkið verður þreytt í 11. sinn
nú á laugardag, 3. júlí. Skokkið er ætl-
að hlaupurum, en einnig verður boðið
upp á göngu með leiðsögn. Farið er
frá Fornhaga í Hörgárdal og endað á
Árskógsströnd. Sá sem hraðast hefur
hlaupið var 2 tíma og 7 mínútur og
elsti þátttakandinn hefur verið 79 ára.
Þetta skokk er gjörólíkt öllum götu-
hlaupunum sem nú eru í boði. Fram-
kvæmdaaðilar Þorvaldsdalsskokks-
ins eru: Ferðafélagið Hörgur,
Ungmennafélagið Reynir, Björgun-
arsveit Árskógsstrandar (SVFÍ) og
Ferðaþjónustan Ytri-Vík/Kálfsskinni.
VONAST er til að við endurskoðun
vegaáætlunar næsta haust verði
Vaðlaheiðargöngum markaðir fjár-
munir til undirbúningsrannsókna,
en næsta skref er að ráðast í ýmsar
undirbúningsframkvæmdir vegna
gerðar ganganna.
Greið leið ehf., sem er undirbún-
ingsfélag um gerð jarðganga undir
Vaðlaheiði, hélt aðalfund sinn á Ak-
ureyri, en að félaginu standa öll
sveitarfélög sem aðild eiga að Ey-
þingi, samtökum sveitarfélaga í
Eyjafirði og Þingeyjarsýslu auk tíu
fyrirtækja. Tilgangur félagsins er
að standa að nauðsynlegum und-
irbúningi fyrir stofnun félags um
gerð og rekstur jarðganga undir
Vaðlaheiði.
Á fundinum kom fram að Vaðla-
heiðargöng verða blönduð fram-
kvæmd með þátttöku ríkisins, horft
sé til þess að ríkið verði með 40 til
45% eignarhlut og að 55 til 60%
kostnaðar verði fjármögnuð með
veggjöldum.
Næsta skref í undirbúningi
Vaðlaheiðarganga er að ráðast í
jarðfræðikortalagningu á svæðinu,
en velja þarf heppilegustu veg-
línuna sem taka þarf mið af jarð-
lögum sem og tengingu við vega-
kerfið beggja vegna heiðarinnar.
Gert er ráð fyrir að kostnaður við
undirbúning gangagerðarinnar
nemi um 100 til 150 milljónum
króna, sem er 2–3% af áætluðum 5
milljarða heildarkostnaði við gerð
ganganna.
Styttir leið um 15 kílómetra
Vaðlaheiðargöng yrðu um 7,2
kílómetrar að lengd, forskálar um
200 metrar og þá þarf að leggja
nýja vegi að göngunum, um 2 kíló-
metra. Stytting leiðarinnar með til-
komu jarðganga miðað við akstur
um Víkurskarð er um 15–16 kíló-
metrar. Á síðasta ári fóru um 980
bílar yfir Víkurskarð á sólarhring
en umferðin var umtalsvert meiri
yfir sumarmánuðina þegar 1.590
bílar fóru yfir skarðið að meðaltali á
sólarhring. Gera menn ráð fyrir að
með opnun ganga undir Vaðlaheiði
megi búast við fjórðungs aukningu
umferðar.
Gróft áætlað er talið að leiðaval
og jarðfræðirannsóknir vegna
Vaðlaheiðarganga taki um eitt ár,
lokarannsóknir, matsferli, hönnun
og gerð útboðs taki tvö ár og loks
að framkvæmdirnar sjálfar taki um
þrjú ár.
Á aðalfundi Greiðrar leiðar í gær
var kynnt samþykkt stjórnar KEA
um að félagið sé tilbúið að tryggja
100 milljóna króna hlutafé til fram-
kvæmdafélags um gerð Vaðlaheið-
arganga.
Vaðlaheiðargöng kosta um 5 milljarða
55–60% kostnað-
ar fjármögnuð
með veggjöldum
AKUREYRI