Heimilistíminn - 12.12.1974, Blaðsíða 17

spottar. Að lokum setjið þið smjörklipu og nýmalaðan pipar.
Borið fram með góðu salati og brauði.
Tottis
Þetta er handa 4 til 6 manns. 300 gr bacon, 2 gulrætur, 1 stór
laukur, 2dl. tómatmauk, 3—4dl heitt vatn, salt og pipar. Baconið
er skorið smátt og brúnað i miklu smjörliki. Skerið lauk og gul-
rætur smátt og látið það malla með. 1 sérpott er sett tómatmauk
og vatn og látið malla i hálftima. Blandið loks öllu saman og
saltið og piprið eftir smekk. Sjóðið 1/2 kg spaghetti og berið það
og sósuna fram hvort i sinu lagi.
Nætursnarl úr tómum skápum
Sjóðið eins mikið spaghetti og þörf er á, og bætið i það nokkrum
skeiðum af kjötkrafti (seyði af súputeningum). Borið fram með
smjörklipum og miklu af rifnum osti.
Kartöflur,
oa eitthvað
með þeim
Kryddkjúklingur
á kartöfludýnu
10 meðalkartöflur, 1 stór laukur, 1 tsk. salt, 1 msk. smjörliki, 1
lltill kjúklingur eða kjúklingahlutar i pökkum. Kryddsmjör: 3
msk. smjörliki, 1 tesk. salt. 1 tesk paprikuduft, hvitlauksduft,
hvitur pipar og 2 tesk. soja.
Afhýðið kartöflur og lauk og skerið i þunnar sneiðar. Leggiö i
lög i eldfast fat, stráið salti yfir og setjið inn I ofninn. Skiptiö
kjúklingnum og leggið hlutana ofan á kartöflurnar. Hrærið
smjörlikið saman við kryddið og penslið kjúklinginn með hluta
af þvi. Steikið réttinn 120 minútur við 200 stiga hita, og penslið þá
aftur, en steikið loks i 10 minútur. Berið fram með fint rifnu káli,
blönduðu appelsinubitum.
Ansjósukartöflur
Þetta er skinandi kvöldréttur, sem borðaður er með brauði, og
ef til vill grænu salati að auki. 8 stórar kartöflur, 2 stórir laukar,
1 dós ansjósuflök, 2 dl. rjómi.
Flysjið kartöflur og lauk og snerið i þunnar sneiðar, sem lagð-
ar eru til skiptis i ofnfast fat, og hafið kartöflur efst og neðst.
Blandið rjómann með helmingnum af leginum úr ansjósudósinni
og hellið yfir. Leggið nokkra smjörbita ofan á. Vætið með meiri
rjóma, ef það er nauðsynlegt, eftir hálftima eða svo. Steikið sið-
an áfram i 10-15 minútur. Skreytið með ansjósuflökunum.
Sitt af hverju um kartöflur
Kartöflur eru alls ekki eins fitandi og þið kannski haldið. 1 100
gramma kartöflu eru 76 hitaeiningar, en i 100 grömmum af
franskbrauði eru hvorki meira né minna en 276 hitaeiningar.
Skiptið þvi ekki um og borðið franskbrauð i stað kartaflna. í
kartöflum er bæði c-vitamin og niacin. Skortur á niacini veldur
svefnleysi og pirringi, og maður verður þreyttur og slappur.
1 gamla daga fékk maður skyrbjúg af c-vitaminskorti, en það
var áður en kartaflan kom til sögunnar hérlendis. Allar frumur
likamans þurfa á c-vitamlni að halda. Skortur á þvi getur valdið
þvi, að finustu æðarnar springa og blæðingar verða undir húð-
inni. Þá vill blæða úr tannholdinu, og blóðnasir verða algengar.
Þá er c-vitamin nauðsynlegt til að sár grói vel, og borði maður
nóg c-vitamin, hefur maður meira viðnám gegn sjúkdómum. Svo
segja sumir, að c-vitamin dragi úr matarlystinni, svo ef þið eruð
I megrun, þá er allt i lagi að borða dálitið af kartöflum.
17