Morgunblaðið - 06.09.2004, Síða 13

VIÐSKIPTI/ATHAFNALÍF
MORGUNBLAÐIÐ MÁNUDAGUR 6. SEPTEMBER 2004 13
– kraftur til flín!
VI‹
GERUM
GOTT
BETRA
KB ÍBÚ‹ALÁN
LÆKKUM Í 4,2%
FASTA VEXTI
AFTURVIRKIR




   
    




 


   



 
 

 
   

 
 


   



   



 
 

  
 





 

  

 



  "




    

 


  

 

 #

 SÍFELLT færist í vöxt að íslensk fyrirtæki nýti
sér aðstöðu og vinnuafl í Kína, sem eru miklum
mun ódýrari en gerist og gengur hér á landi. Var
þetta meðal þess sem kom fram á fundi viðskipta-
fulltrúa og -ráðgjafa, sem haldinn var á vegum
Viðskiptaþjónustu utanríkisráðuneytisins (VUR)
og Útflutningsráðs. Á fundinum var kynntur nýr
upplýsingabæklingur fyrir íslensk fyrirtæki sem
eru í útrásarhugleiðingum, en VUR og Útflutn-
ingsráð bjóða slíkum fyrirtækjum upp á ráðgjöf
um inngöngu á mismunandi markaði erlenda.
Pétur Yang Li, viðskiptafulltrúi í sendiráði Ís-
lands í Kína, sagði í samtali við Morgunblaðið að
fundinum loknum að nú þegar væru tvö íslensk
fyrirtæki með skrifstofur í Kína og þeim færi
fjölgandi. Þá fjölgaði einnig þeim fyrirtækjum,
sér í lagi í fiskiðnaði, sem sýndu því áhuga að
hagnýta sér það ódýra vinnuafl sem í boði er í
Kína og láta framleiða vörur sínar þar í landi.
Í samtali við Morgunblaðið sagði sendiherra
Íslands í Kína, Eiður Guðnason, að sem dæmi
mætti nefna að Sölumiðstöð hraðfrystihúsanna
væri með skrifstofu í hafnarborginni Quingdao,
sem hefur umsjón með þeirri vinnslu sem fer
fram á vegum SH í Kína, og líklegt væri að fleiri
fyrirtæki í fiskvinnslu sæktu til Kína í framtíð-
inni. „Það eru ekki bara stór fyrirtæki sem hafa
hag af því að láta framleiða fyrir sig vörur í Kína,
heldur gætu millistór og smærri fyrirtæki íslensk
grætt á slíku samstarfi við Kínverja,“ segir Eið-
ur. „Launakostnaður þar í landi er um 8–10% af
því sem gerist hér, og flutningskostnaður land-
anna á milli er ekki svo hár að hann éti upp ávinn-
inginn, sérstaklega ef varan er sæmilega verð-
mæt.“
Menning og viðskipti
Þá segir Eiður of algengt að íslensk fyrirtæki
eigi viðskipti við Kínverja í gegnum milliliði, t.d. í
Danmörku. „Þetta er óþarfi og leifar af gömlu
kerfi. Yfirleitt eru kínversk fyrirtæki reiðubúin
að eiga viðskipti við íslensk fyrirtæki þó að pant-
anir séu ef til vill í smærra lagi,“ segir Eiður.
Á áðurnefndum fundi VUR og Útflutningsráðs
kynntu viðskiptafulltrúar í hinum ýmsu löndum
starfsemi sína. Melchior Lippisch, sem er á suð-
urströnd Frakklands, hefur einkum unnið með ís-
lenskum fyrirtækjum á heilbrigðissviði og að-
stoðað þau við að koma vörum sínum á markað í
Frakklandi. Þeirra á meðal eru Focal ehf., sem
þróað hefur gæðastjórnunarkerfi fyrir heilbrigð-
isstofnanir, og Kine ehf., sem hannað hefur fyrsta
tækið sem mælt getur rafboð í vöðvum líkamans
með þráðlausum hætti.
Þá sagði Unnur Orradóttir Ramette, viðskipta-
fulltrúi við sendiráð Íslands í Frakklandi, frá því
að síðar í þessum mánuði verður haldin Hálfs-
mánaðarhátíð íslenskrar menningar þar í landi.
Hafa íslensk fyrirtæki sýnt verkefninu mikinn
áhuga og kom fram á fundinum að áhrifa- og ár-
angursríkt geti verið að blanda saman viðskiptum
og menningu á þennan hátt.
Steve Dillingham, einn stjórnenda ráðgjafafyr-
irtækisins Strategro í Bandaríkjunum, sem ný-
lega hóf samstarf við VUR og ræðisskrifstofu Ís-
lands í New York, sagði í samtali við
Morgunblaðið að bandaríski markaðurinn gerði
afar miklar kröfur til fyrirtækja sem þangað
vildu sækja, sérstaklega á sviði líftækni og ann-
arra tæknisviða. Viðskiptahugmyndir þyrftu að
vera vel útfærðar og rannsakaðar og vísindin að
baki þeim vörum sem selja ætti á markaði þyrftu
að vera traust. Fyrir þau fyrirtæki sem uppfylltu
þessar kröfur, og hefðu upp á að bjóða áhuga-
verðar og sérstakar vörur, væri bandaríski mark-
aðurinn afar gróðavænlegur.
Borgar sig að framleiða í Kína
Reuters
Hagkvæmt Kínverskt starfsfólk við saumaskap í Shenzhen. Eiður Guðnason, sendiherra í Kína, segir
að það séu ekki bara stór fyrirtæki sem hafi hag af því að láta framleiða fyrir sig vörur í Kína.
SEM dæmi um ís-
lenskt útrásarfyr-
irtæki, sem nýtt hef-
ur ráðgjafarþjónustu
Viðskiptaþjónustu
utanríkisráðuneyt-
isins og Útflutnings-
ráðs, er Primex ehf.,
sem framleiðir kítín
og kítósan úr rækju-
skel, en kítósan-
sáraumbúðir eru
m.a. notaðar í
sjúkrakassa George
W. Bush, Banda-
ríkjaforseta.
Steve Dillingham
hefur átt í samstarfi
við fyrirtækið og
sagði frá því að meðal þess sem
kítósan er notað í eru sárabindi sem
framleidd eru fyrir bandaríska her-
inn. Primex er í samstarfi við fyr-
irtækið Hemcon í Bandaríkjunum,
sem hefur einkaleyfið á framleiðslu
umbúðanna. Kítósan hefur hvetj-
andi áhrif á storknun blóðs og hef-
ur bandaríski herinn
sýnt efninu mikinn
áhuga.
Framtíðin er björt
Dillingham nefndi
sem dæmi um þann
áhuga að eftir hryðju-
verkaárásina ellefta
september 2001 hafi
mönnum verið ljóst að
stefndi í vopnuð átök.
Þá hafi efnið verið sett á
svokallaða hraðbraut í
gegnum vottunarkerfi
lyfjaeftirlitsins í Banda-
ríkjunum, og hafa kítós-
anumbúðir verið not-
aðar í Afganistan, Írak
og víðar. Þá séu engar sáraumbúðir
í sjúkrakassa Bandaríkjaforseta
nema kítósanumbúðir frá Primex
og Hemcon. Dillingham segir það
ljóst að náist samningar við Banda-
ríkjaher sé um afar háar upphæðir
að ræða og að framtíðin sé því björt
fyrir Primex.
Nógu gott fyrir
forsetann
Plásturinn tilbúinn?
George W. Bush
● MARGMIÐLUNARKERFI nýopnaðs
Þjóðminjasafns var keypt frá Ný-
herja. Í kerfinu eru m.a. upplýs-
ingastandar, myndvarpar, netspil-
arar, flatskjáir, hljóðkerfi og
stjórnbúnaður.
„Á fjölmörgum stöðum í safninu
gefst gestum kostur á að stjórna, í
gegnum gagnvirka upplýs-
ingaskjái, kynningum eftir eigin
höfði án þess að þær trufli aðra
gesti þar sem hljóðið frá þeim er
einangrað við staðsetningu stand-
anna. Einnig verður hægt að velja
með gagnvirkum hætti hljóð-
skilaboð frá ólíkum tímum. Þá
munu fjölmargir skjávarpar og
flatskjáir sýna myndefni frá netspil-
urum sem stjórnað verður frá skrif-
stofu safnsins,“ segir í tilkynningu
frá Nýherja. „Á tveimur stöðum í
safninu, annars vegar í kirkju og
hins vegar í baðhúsi, verður kynn-
ingum stjórnað með hreyfiskynj-
urum. Þannig fer í gang kynning
með hljóðskilaboðum þegar gestir
skoða viðkomandi svæði og verður
lýsing í takt við skilaboðin.“
Safnið hefur samið við Nýherja
um alla þjónustu við tæknibúnað
safnsins.
Margmiðlunarkerfi
Þjóðminjasafns
frá Nýherja
ÞETTA HELST ...
VIÐSKIPTI