Morgunblaðið - 10.09.2004, Page 4

FRÉTTIR
4 FÖSTUDAGUR 10. SEPTEMBER 2004 MORGUNBLAÐIÐ
Borgartúni 23 · 105 Reykjavík · Sími: 512 7575 - www.heimur.is
Tölvuheimur er framsækið tímarit um allt sem viðkemur tölvum og tækni. Í nýjasta
blaðinu er til dæmis fjallað ítarlega um nýjustu fartölvurnar sem í boði eru hér á
landi og fartölvukaupendum leiðbeint. Einnig eru valdar bestu græjurnar, íslenska
Windows-útgáfan prófuð, lesendum kennt að nýta tölvuna betur við vinnu sína
og margt fleira. Nánari upplýsingar á www.heimur.is eða í síma 512 7575.
Tölvuheimur
á frábæru áskriftartilboði
Nýir áskrifendur Tölvuheims fá
fimm blöð á verði tveggja.
Þeir sem gerast áskrifendur
fyrir 5. október fá hálfs
árs áskrift á
einungis
1.500 krónur
STEINUNN Birna Ragnarsdóttir,
píanóleikari og tónlistarkennari, segir
það ánægjulegt ef efla eigi tónlistarlíf
í grunnskólum borgarinnar. Þau
áform skjóti hins vegar skökku við
þegar borgin sé á sama tíma ekki að
uppfylla skyldur sínar varðandi lög-
boðið nám í tónmennt, sem öll börn
eigi rétt á.
Haft var eftir Stefáni Jóni Haf-
stein, formanni fræðsluráðs, í Morg-
unblaðinu á þriðjudag að stefnt væri
að því að bjóða upp á tónlistarnám í
grunnskólum borgarinnar á næstu
misserum fyrir nemendur í for- og
grunnnámi tónlistar. Vilji til þess
væri innan fræðsluráðs að breyta
reglum í þessa veru. Stefnt hefði verið
að því í vor en ekki tekist.
Steinunn Birna sat þar til seint á
síðasta ári í menningarmálanefnd og
fræðsluráði fyrir Reykjavíkurlistann,
og stýrði starfshópi fræðsluráðs um
bættan hlut tón-
menntar í grunn-
skólum borgarinn-
ar. Sagði Steinunn
Birna m.a. af sér
vegna óánægju
með stefnu R-
listans varðandi
tónlistarnámið og
túlkun borgarinn-
ar á kjarasamningi
við tónlistarkenn-
ara.
Tónlistarskólar beri faglega
ábyrgð á hljóðfærakennslu
„Ég get ekki séð hvernig borgin
getur tekið á sig meiri kennslu í tón-
list á meðan lágmarkskröfur eru ekki
uppfylltar varðandi tónmenntina,
sem víða er ekki til staðar í grunn-
skólum borgarinnar. Ef auka á fjár-
magn til grunnskólanna til að bjóða
upp á tónlistar-
kennslu þá er það í
sjálfu sér gleðilegt.
Það má hins vegar
ekki taka þá fjár-
muni frá tónlistar-
skólunum. Þeir
verða að bera fag-
lega ábyrgð á
hljóðfærakennsl-
unni í grunnskól-
unum, annars týn-
ast þau faglegu gæði sem við höfum
byggt upp og er undirstaða þess tón-
listarlífs sem við þekkjum í landinu og
getum verið stolt af,“ segir Steinunn.
Stefán Jón Hafstein, formaður
fræðsluráðs, segir Steinunni Birnu
vera að misskilja ummæli sín í Morg-
unblaðinu. Hann hafi aldrei talað um
að flytja alla hljóðfærakennslu inn í
grunnskólana, heldur ætti að stefna
að auknu samstarfi grunnskólanna og
tónlistarskólanna, m.a. í þeim skólum
sem illa hafi gengið að koma á
kennslu í tónmennt. Tónlistarskól-
arnir myndu þá bera faglega ábyrgð á
hljóðfærakennslu, samkvæmt þeim
stöðlum sem settir væru hverju sinni.
„Ég sé fyrir mér að fornám, for-
skóli og hluti af grunnámi geti verið í
skólunum en með þjónustu tónlistar-
skólanna. Þannig fyrirkomulag er í
Landakoti og er að byrja í Víkurskóla
í Grafarvogi og víðar. Uppi er rík
krafa foreldra um að þessi þeytingur
með börnin úr grunnskóla í tónlistar-
skóla minnki. Við höfum verið opin
fyrir því að börn séu tekin úr tímum
til að fara í hljóðfæraleik, þar sem því
er við komið,“ segir Stefán Jón.
Spurður hvort rætt hafi verið við
eða samið við tónlistarskólana um
aukið samstarf segir Stefán Jón svo
ekki vera. Um langtímaáætlun
fræðsluyfirvalda sé að ræða.
Ánægjuefni ef Reykjavík
uppfyllti skyldur sínar
Steinunn Birna
Ragnarsdóttir
Stefán Jón
Hafstein
„STAÐA sjávarútvegs á Íslandi
breytist hratt. Verkefni okkar nú er
að sækja fram til nýrrar sóknar. Ís-
lenskt efnahagslíf aðlagar sig ekki
lengur sjávarútveginum með sama
hætti og áður. Áhrif sjávarútvegs í
íslensku þjóðfélagi hafa verið að
minnka. Ekki vegna þess að um-
fangið hafi verið að minnka heldur
vegna þess að aðrar atvinnugreinar
hafa verið að sækja í sig veðrið og
því er einungis um hlutfallslega
minnkun að ræða. Sjávarútvegur
ræður gengisskráningunni ekki
lengur og ef að líkum lætur mun
hann ekki gera það í framtíðinni
vegna aukins umfangs annarra
greina.“
Þetta sagði Árni M. Mathiesen
sjávarútvegsráðherra á opnum
stjórnmálafundi á Höfn í Hornafirði
í gær. Á fundinum hvatti hann til
þess að settar yrðu niður deilur um
sjávarútveginn og menn sameinuð-
ust um að gera styrkja hann í því að
gera sem mest úr því sem á land
kæmi.
Hann nefndi að Kjell Inge Rökke,
eigandi norska útgerðarfélagsins
Norway Seafood,
teldi að Norð-
menn gætu lært
margt af Íslend-
ingum þegar
kemur að sjávar-
útvegi. Það sama
hefði sjávarútvegsráðherra Bret-
lands, Ben Bradshaw, sagt og að
norski sjávarútvegsráðherrann ven
Ludvigsen hefði komið til landsins í
þeim tilgangi að kynna sér íslenska
fiskveiðistjórnunarkerfið.
Skilað miklum árangri
„Hér eru aðeins þrjú dæmi nefnd
til sögunnar en ég hef enga tölu á því
hversu margir erlendir gestir hafa
komið til fundar í ráðuneytinu til
þess að kynna sér kerfið okkar. Ekki
vegna þess hversu slæmt það er,
heldur vegna þess að það hefur skil-
að miklum árangri út frá flestum
þeim mælikvörðum sem menn setja
á slík kerfi, það gerir það einstakt.
Það er dálítið merkilegt svo ekki
sé dýpra í árinni tekið, að á meðan
umræðan hefur oft á tíðum snúist
um að níða skóinn af íslenska kvóta-
kerfinu þá hafa staðreyndirnar blas-
að við. Ég veit ekki um neina þjóð
þar sem útgerð er rekin sem alvöru-
atvinnugrein, undirstöðu atvinnu-
grein í okkar tilviki sem stendur á
eigin fótum og er rekin með hagnaði.
Með kvótakerfinu geta útgerðar-
menn hagrætt í sínum rekstri eins
og Kjell Inge benti á, jafnframt því
gerir kerfið útgerðarmönnum kleift
að koma til móts við síauknar kröfur
markaðarins. Kröfur um það að hafa
jafnt framboð yfir árið, kröfur um að
geta afhent þann fisk sem beðið er
um, kröfur um gæði aflans, kröfur
um rekjanleika aflans og svo mætti
lengi telja. Það eru líka fáar þjóðir ef
nokkur sem státar af jafnmiklum ár-
angri í líffræðilegri stjórnun. Þrátt
fyrir að ekki hafi allt gengið eftir ná-
kvæmlega eins og við vildum höfum
við staðið skrambi vel, ekki síst í
samanburði við aðra. Við verðum að
fara að tala tæpitungulaust um þetta
og hætta að mála skrattann á vegg-
inn. Það verður ekki horfið aftur til
fortíðar heldur munum við leggja
áherslu á að sjávarútvegsfyrirtæki
geti í framtíðinni verið rekinn sem
öflug fyrirtæki á alþjóðavísu og hvað
sem hver segir þá eigum við ekki
annan kost í stöðunni,“ sagði sjáv-
arútvegsráðherra.
Sjávarútvegsráðherra hvetur
til sátta um sjávarútveginn
Árni M. Mathiesen
Sjávarútvegur ræður
ekki genginu lengur
LÁSASMIÐUR í Reykjavík kallaði
til lögreglu eftir atvik við íbúðar-
hús í miðbænum í gær og hyggst
leggja fram kæru á hendur manni
fyrir að hringja í sig og láta hann
opna fyrir sér íbúð á ólögmætan
hátt. Lásasmiðurinn bað manninn
árangurslaust að sýna sér skilríki
til að fá staðfest hvort hann ætti
heima í húsinu og hringdi upp úr
því á lögregluna, sem kom á vett-
vang og tók skýrslu. Lögreglan
segir að eigandi hússins hafi verið
erlendis þegar atvikið átti sér stað.
Lögreglan í Reykjavík segir nán-
ast engin dæmi um það að innbrots-
þjófar reyni að komast inn í hús
með því að reyna að plata lásasmiði
á þennan hátt.
Lásasmiður
kærir ólögmæta
aðstoðarbeiðni
MÁLFLUTNINGI lauk í Hæstarétti
í gær í þjóðlendumálinu í Blá-
skógabyggð, gamla Biskupstungna-
hreppnum. Áfrýjaði ríkið nið-
urstöðu Héraðsdóms Suðurlands,
þar sem staðfestir voru úrskurðir
óbyggðanefndar um mörk þjóð-
lendna og eignarlanda á svæðinu.
Höfðaði ríkið mál gegn ein-
staklingum, Bláskógabyggð og
einni kirkjusókn til að fá kröfum
sínum framgengt. Dóms er að
vænta í Hæstarétti á næstu vikum.
Gæti niðurstaða Hæstaréttar verið
fordæmisgefandi um önnur þjóð-
lendumál.
Málflutningi um
þjóðlendur lokið
HÆSTIRÉTTUR hefur staðfest
gæsluvarðhaldsúrskurð Héraðs-
dóms Reykjaness yfir hálfþrítugum
manni sem grunaður er um árás
með öxi á gest veitingahúss í Hafn-
arfirði í byrjun september.Varir
gæsluvarðhaldið þar til dómur
gengur í máli hans, þó ekki lengur
en til 15. október. Jafnframt stað-
festi Hæstiréttur úrskurð héraðs-
dóms um tveggja daga einangr-
unarvist hins grunaða í
gæsluvarðhaldinu.
Staðfestir
gæsluvarð-
haldsúrskurð
BUSAVÍGSLA fór fram í Mennta-
skólanum í Reykjavík í gær, en þar
eru nýnemar tolleraðir af eldri
nemum samkvæmt gamalli hefð í
skólanum. Á þessu hausti eru í
kringum 250 nýnemar að hefja nám
í MR, en að sögn Jóns Bjarna Krist-
jánssonar, inspector scholae, gekk
vígslan fljótt og skipulega fyrir sig
og tók ekki nema um klukkustund
að tollera allan fjöldann. Hann
sagði vígsluna hafa mikið fé-
lagslegt gildi. „Enda gaman fyrir
nýnema að vita að þeir eru nú
komnir í skóla hefða og hollra siða.
Busavígsla í þessu formi á sér langa
hefð og það er afar ánægjulegt að
geta fylgt þannig í fótspor þeirra
sem áður voru í skólanum.“
Að vanda klæddust 6. bekkingar
togakuflum úr lökum einum saman
meðan á vígslunni stóð.Morgunblaðið/Golli
Busar
tolleraðir
inn í MR