Morgunblaðið - 10.09.2004, Side 10

FRÉTTIR
10 FÖSTUDAGUR 10. SEPTEMBER 2004 MORGUNBLAÐIÐ
KENNARAR og starfsfólk Ölduselsskóla slepptu
fundarhöldunum á miðvikudag og nýttu starfs-
mannafundartíma sinn þess í stað til að kíkja í
heimsókn á Þjóðminjasafnið. Tilefnið er að nú er
hafið þrítugasta starfsár skólans og að sögn Reyn-
is Daníels Gunnarssonar skólastjóra verður ým-
islegt gert í vetur til að fagna áfanganum, jafnt
fyrir starfsmenn, nemendur og íbúa hverfisins.
Þetta var fyrsti kennarahópurinn sem heimsækir
safnið eftir að það var opnað á nýjan leik.
Að sögn Sigríðar Maríu Tómasdóttur, fræðslu-
fulltrúa Þjóðminjasafnsins, munu skipulagðar
heimsóknir nemenda hefjast 1. október nk. Í
næstu viku verður haldinn fundur fyrir grunn-
skólakennara þar sem kynnt verður fyrir þeim
skipulag og starfsemi Þjóðminjasafnsins og verða
kynningarfundir fyrir leikskóla- og framhalds-
skólakennara haldnir í kjölfarið.
Sigríður María segir að sjö árgöngum verði
boðið að heimsækja safnið í vetur; fjögurra ára
leikskólabörnum, 1., 3., 5., 7., og 9. bekk grunn-
skóla auk menntaskólanemenda. Mjög erfitt sé að
áætla fjöldann en ljóst sé að hann skipti mörgum
þúsundum.
Fræðslan og verkefni sem nemendurnir fái séu
miðuð við hvað þeir séu að fást við í skólanum og
við aðalnámskrá.
Fyrsti kennarahópurinn í Þjóðminjasafnið
Morgunblaðið/Sverrir
Í stað þess að sitja á kennarafundi kíkti starfsfólk Ölduselsskóla í heimsókn á Þjóðminjasafnið. Reiknað er með að fjöldi nemenda skoði safnið í vetur.
HALLDÓR Ásgrímsson utanríkis-
ráðherra segir ummæli sín á alþjóð-
legri ráðstefnu Íslandsbanka þess
efnis að Evrópusambandið geti vel
tekið tillit til aðstæðna fiskveiði-
þjóðanna við Norður-Atlantshaf ef
fyrir því sé pólitískur vilji og að
hægt sé að semja um leiðir sem
báðir málsaðilar geti sætt sig við
vera rökrétt framhald af ræðu sem
hann flutti í Berlín vorið 2002.
Í þeirri ræðu sagði Halldór m.a.
aðlausnin fælist að hluta til í því
hvernig menn túlkuðu hugtakið
„sameiginlegt“ þegar rætt væri um
sjávarútvegsstefnu sambandsins.
Halldór sagði þá að ekki þyrfti að
koma á óvart að í sjávarútvegs-
stefnu ESB væri gengið að því sem
vísu að allir fiskistofnar væru sam-
eign, sameiginleg auðlind. Þetta
væri afleiðing þess hvaða lönd til-
heyrðu sambandinu fyrstu áratug-
ina; þeir sem hefðu mótað hina sam-
eiginlegu sjávarútvegsstefnu hefðu
aldrei leitt hugann að þeim mögu-
leika að tilteknir fiskistofnar gætu
tilheyrt einni þjóð og einni þjóð að-
eins.
Halldór sagði að til að leysa
vanda sem þennan yrðu menn að
sýna hugvitssemi. Slíka hugvitssemi
hefðu menn t.a.m. sýnt við mótun
landbúnaðarstefnu ESB við síðustu
stækkun sambandsins, en í kjölfar
hennar náði sambandið einnig til
landa á norðurheimskautsbaug. „Til
að taka mið af þessari nýju stöðu
voru settar sérstakar reglur um
landbúnað norður af sextugustu og
annarri norðlægri breiddargráðu.
Ég get séð fyrir mér að slík stefnu-
mörkun myndi einnig svara mörg-
um áhyggjuefnum okkar. [–] Mér
sýnist ljóst af þeim reglum sem um
framkvæmd stefnunnar gilda að líta
mætti á íslenska efnahagssvæðið
sem sérstakt fiskveiðistjórnunar-
svæði og að fiskveiðikvótar yrðu
ákveðnir á grundvelli fyrri veiði-
reynslu og þar með verða áfram í
höndum Íslendinga,“ sagði Halldór.
Þá vék hann og að nálægðarregl-
unni og sagði að yrði henni beitt um
sjávarútvegsstefnuna myndi verða
viðurkennt hversu mjög fiskveiðar
við strendur Íslands væru einkamál
Íslendinga. Halldór sagði að sömu
rök giltu fyrir Færeyinga, Græn-
lendinga og Norðmenn.
Utanríkisráðherra segir ræðu sína rökrétt framhald af Berlínarræðunni
Íslandsmið gætu verið sér-
stakt fiskveiðistjórnunarsvæði
KJARTAN Valgarðsson, markaðs-
stjóri Gámaþjónustunnar, segir
ekki rétt að fákeppni ríki í gáma-
flutningum á höfuðborgarsvæðinu
eins og Þórólfur Árnason borgar-
stjóri hélt fram á borgarstjórnar-
fundi á þriðjudag. Tugir fyrirtækja
á landinu keppi á þessum markaði,
sem sé mjög hreyfanlegur. Fyrir-
tæki í Keflavík og á Selfossi taki að
sér verkefni á höfuðborgarsvæðinu
og Gámaþjónustan hafi t.d. unnið
verk á Selfossi.
Ummæli Þórólfs féllu þegar hann
færði rök fyrir því að Reykjavíkur-
borg þyrfti að fara sér hægt í sölu á
Vélamiðstöðinni ehf. Gæta þyrfti að
hagsmunum borgarinnar, því fá-
keppni ríkti í gámaþjónustu og
Vélamiðstöðin efldi þar af leiðandi
samkeppni á þessu sviði. Var m.a.
verið að takast á um þátttöku fyr-
irtækisins, sem er í eigu Reykjavík-
urborgar og Orkuveitu Reykjavík-
ur, í útboði Sorpu á
gámaflutningum fyrir þrjár endur-
vinnslustöðvar. Gámaþjónustan var
eitt þeirra fyrirtækja sem bauð lítið
hærra í verkið en Vélamiðstöðin.
Gámaþjónustan hefur kvartað til
stjórnar Sorpu yfir þátttöku Véla-
miðstöðvarinnar í útboðinu. „Við
erum fyrst og fremst ósáttir við að
fyrirtæki, sem borið er uppi af
skattgreiðendum, með tæpar 400
milljónir króna í hlutafé frá útsvars-
greiðendum í Reykjavík, skuli not-
að til að fara út á almennan markað
og keppa við almenn fyrirtæki,“
segir Kjartan. Skattfé borgaranna
sé notað til að keppa við einkafyr-
irtæki. Borgarfyrirtæki eigi að
sinna almannaþjónustu og leiga á
traktorsgröfum hafi ekkert með al-
mannaþjónustu að gera. Vélamið-
stöðin eigi ekki einu sinni þau tæki
sem þurfi til að leysa verkefni
Sorpu af hendi og þurfi því að fjár-
festa í nýjum tækjum fái hún verk-
ið.
Hann segir þetta sambærilegt
við það ef Fasteignastofa, sem var
búin til til að halda utan um allar
fasteignir borgarinnar og greiða af
þeim gjöld, fari út á almennan
markað og keppi við almenn fyrir-
tæki sem séu í eignaumsýslu.
Ólík samkeppnisstaða
Vélamiðstöðin fær umtalsverðar
greiðslur frá Reykjavíkurborg og
Orkuveitu Reykjavíkur fyrir þjón-
ustu sem veitt er án útboðs, segir
Kjartan. Fari þetta fyrirtæki í
harða samkeppni og lendi í erfið-
leikum geti borgin hreinlega hækk-
að þessar greiðslur. Staða þess og
fyrirtækja í eigu einstaklinga sé því
ekki sambærileg og í því felist
gagnrýni á útþenslu Vélamiðstöðv-
arinnar. Gámaþjónustan hafi starf-
að í 20 ár í Reykjavík og verið byggð
upp fyrir fjármagn eigenda. Skatt-
ar hafi verið borgaðir öll þessi ár og
nú séu þeir notaðir til að fjármagna
fyrirtæki sem keppi við Gámaþjón-
ustuna á almennum markaði.
Kjartan segir það mjög ámælis-
vert og jafnvel siðlaust í þessum
viðskiptum, verði tilboði Vélamið-
stöðvarinnar tekið, að Alfreð Þor-
steinsson sitji beggja vegna borðs-
ins. Hann sé stjórnarformaður
Sorpu, sem taki ákvarðanir um til-
boðin, ásamt því að vera formaður
borgarráðs og OR, sem eigi Véla-
miðstöðina. Þetta snúist ekki um
persónuna Alfreð Þorsteinsson
heldur þau embætti sem hann gegni
í þessu tiltekna máli.
Borgarfyrirtæki keppir við einkafyrirtæki í gámaþjónustu
Segir rangt hjá
borgarstjóra að
fákeppni ríki


 Þriðjudagsfundir | Fyrsti fundur
borgarstjórnar eftir sumarleyfi var
á þriðjudaginn. Verða fundirnir
fyrsta og þriðja þriðjudag hvers
mánaðar en ekki á fimmtudögum
eins og áður. Umræða um almenn-
ingssamgöngur, bíla og gatnagerð
tók drjúgan tíma.
Áfellisdómur | Gísli Marteinn
Baldursson, D-lista, rifjaði upp
Gallup-könnun þar sem fram kom
að 14% borgarbúa töldu almenn-
ingssamgöngur helsta galla borg-
arinnar. „Það er ansi vondur dómur
eftir tíu ár af R-lista, sem hafði það
einmitt að meginmarkmiðunum, að
bæta og efla almenningssamgöngur
í borginni,“ sagði Gísli.
Farþegafjölgun | Sagði Gísli að
eyða ætti 900 milljónum króna til
viðbótar á fimm árum til að fá 2%
fleiri íbúa í Reykjavík og nágrenni
til að nota strætó – úr 4% í 6%. Það
væru um 3.600 manns. „Eigum við
að fara að eyða 900 milljónum til að
3.600 manns fleiri komi í strætó?“
Tekjuaukning | Árni Þór Sigurðs-
son, forseti borgarstjórnar, sagði
aukinn kostnað felast í aukinni tíðni
ferða strætisvagna. Tíðni vagna á
stofnleiðum yrði 10 mínútur á
álagstímum í stað 20–30 mínútna
tíðni í dag. Fjölgi farþegum úr 4% í
5% náist þessi kostnaðarauki aftur
með auknum tekjum.
Ferðatími | Stefán Jón Hafstein,
R-lista, sagði auðvelt að komast á
milli staða í Reykjavík. Þegar hann
ók á álagstíma frá ystu mörkum
borgarinnar, við syðri hluta Elliða-
vatns, niður í miðbæ hefði það tekið
hann innan við 30 mínútur. Það
hefði tekið hann 16 mínútur að aka
úr Grafarvogi í Ráðhúsið. „Er þetta
vond þjónusta við einkabílinn?“
Tímasprengja | Stefán Jón sagði
heilbrigðisvanda samgöngukerfis-
ins tifandi tímasprengju. „Hvað má
það kosta mörg krabbameinstilfelli,
eins og bent hefur verið á, að
nagladekk eru undir bílum í
Reykjavík og losa hér eiturefni sem
fara beint í öndunarfæri borgar-
búa?“
Hamrahlíðin | Gísli Helgason,
varaborgarfulltrúi F-listans, sagði
nýja leiðakerfið ekki gera ráð fyrir
strætóferðum um Hamrahlíð. Þar
væri einn stærsti menntaskóli
landsins og þjónustumiðstöð
blindra fyrir allt landið. Taka ætti
tillit til þeirra sem ekki væru full-
færir um að bjarga sér sjálfir á göt-
um úti.
Vefstrætó | Stefán Jón sagði að
fólk gæti nýtt tímann í strætó til að
lesa blöð eða bækur. Þetta þyrfti að
kynna í markaðssetningu vagn-
anna. „Ég get vísað í eina hug-
mynd, sem komið hefur upp, að
strætisvagnar verði með þráðlaust
net,“ og fólk gæti vafrað um vefinn
í fartölvum sínum á leiðinni.
Söluvara | Vilhjálmur Þ. Vil-
hjálmsson, D-lista, gaf lítið fyrir
það umbreytingaferli sem boðað
var áður en Vélamiðstöðin yrði
seld. Fyrirtækið væri ágætis sölu-
vara í dag með gott starfsfólk. Það
ætti ekki að belgja sig út og kaupa
tæki fyrir milljóna tugi. Spurði
hann hvort það yrði þá gert til að
„kála“ öðrum fyrirtækjum, sem
hefðu verið byggð upp af framsýni
og dugnaði.
Stjórnkerfisnefnd | Dagur B.
Eggertsson greindi frá því að
stjórnkerfisnefnd hefði nú starfað í
tvö ár að umbótum á ýmsum svið-
um borgarinnar og grisjun reglu-
gerðafrumskógarins. Hefur hann
skilgreint þrjár kröfur sem snúa að
stjórnmálum; „Ekki í mínu nafni“,
„Liðið fyrir sunnan“ og „Báknið
burt“. Útskýrði hann svo í hverju
kröfurnar fólust.