Morgunblaðið - 16.10.2004, Blaðsíða 10
10 LAUGARDAGUR 16. OKTÓBER 2004 MORGUNBLAÐIÐ
FRÉTTIR
Þrátt fyrir að Alþingi sé líf-legur og oft á tíðumskemmtilegur staður ermargt sem þar fer fram að
nokkru leyti fyrirsjáanlegt. Utan-
dagskrárumræður eru til dæmis
fremur hefðbundnar að því leyti að
stjórnarandstæðingar tala í þá veru
að allt sé í kalda kolum en stjórn-
arliðar halda því, þvert á móti, fram
að allt sé í himnalagi.
Í slíkum umræðum er þingmaður,
þá oftast stjórnarandstæðingur, máls-
hefjandi, en ráðherra er til andsvara.
Stjórnarandstaðan gagnrýnir ráð-
herrann harðlega en sá síðarnefndi
vísar allri slíkri gagnrýni á bug.
Stjórnarliðar taka síðan upp hansk-
ann fyrir hann.
Það vakti því óneitanlega athygli í
vikunni þegar öllu þessu var snúið á
hvolf í utandagskrárumræðu um mál-
efni heyrnarlausra. Stjórnarandstæð-
ingar hófu að hrósa ráðherra og það í
hástert og undir lokin féllust máls-
hefjandi og ráðherra í faðma! Öðruvísi
mér áður brá!
Málsatvik voru þau að Rann-veig Guðmundsdóttir, þing-maður Samfylkingar, hafði
óskað eftir umræðu utan dagskrár um
fjárframlög til túlkaþjónustu fyrir
heyrnarlausa. Eftir framsögu Rann-
veigar, þar sem hún gagnrýndi harð-
lega áralanga óvissu í málaflokknum,
kom Þorgerður K. Gunnarsdóttir
menntamálaráðherra í pontu og lýsti
því yfir að ríkisstjórnin hefði fyrr um
morguninn samþykkt þá tillögu sína
að auka árleg framlög til túlkaþjón-
ustunnar úr fjórum milljónum í tíu
milljónir. Semsé hækkun um sex
milljónir.
Eftir þessa yfirlýsingu breyttist
andinn skyndilega í þingsalnum og
þeir stjórnarandstæðingar, sem
mættu með harðorðar skamm-
arræður, gátu ekki lengur haldið sig
við textann. „Þetta er skörulega að
verki staðið hjá hæstvirtum mennta-
málaráðherra,“ sagði Kolbrún Hall-
dórsdóttir, þingmaður Vinstri
grænna. „Og hún [menntamálaráð-
herra] er að sjálfsögðu búin að eyði-
leggja fyrir mér ræðuna, því það sem
stendur hér á blaðinu er náttúrulega
ekki viðeigandi, því þar er allt skamm-
ir varðandi seinagang og doða rík-
isstjórnarinnar í málefnum heyrn-
arlausra sl. tíu ár.“
En ráðherra „skemmdi“ ekkibara ræðu Kolbrúnar. „Þaðer búið að eyðileggja fyrir
manni ræðuna heldur betur,“ játaði
einnig Gunnar Örlygsson, þingmaður
Frjálslynda flokksins. Hann sem og
aðrir þingmenn, stjórnarliðar og
stjórnarandstæðingar, fögnuðu tíð-
indum ráðherra. Stjórnarandstæð-
ingar bættu því þó við, sumir hverjir,
að ýmislegt væri enn ógert í mál-
efnum heyrnarlausra. Þeir gátu auð-
vitað ekki bara hrósað – enda í stjórn-
arandstöðu.
En aftur að fögnuðinum. Stærstu
fagnaðarorðin komu nefnilega frá
Rannveigu Guðmundsdóttur undir
lok umræðunnar. „Þorgerður Katrín
Gunnarsdóttir, þú ert maður dagsins.
Takk fyrir þig í dag. Og til hamingju“.
Síðan féllust þær í faðma! Það er
nokkuð sem undirrituð hefur aldrei
séð ráðherra og stjórnarandstæðing
gera að lokinni utandagskrárumræðu.
Að öðru leyti hefur flest veriðmeð hefðbundnu sniði á þingisíðustu vikuna. Á yfirborðinu
að minnsta kosti. Ýmislegt kraumar
nefnilega undir niðri. Í því sambandi
má til dæmis nefna mistök, já tákn-
ræn mistök, ef svo má segja, sem urðu
þegar forseti þingsins, Halldór Blön-
dal, las upp tilkynningu um kjör
þingmanna í alþjóðanefndir fyrr í vik-
unni.
Þegar hann las upp nafn þess fram-
sóknarmanns sem valinn hafði verið
sem varamaður í Íslandsdeild Evr-
ópuráðsþingsins sagði hann öllum að
óvörum: Kristinn H. Gunnarsson!
Enda hefur þingflokkur framsókn-
armanna, eins og kunnugt, er útilokað
Kristin frá setu í nefndum á vegum
þingsins.
Ónefndur þingmaður í salnum var
hins vegar fljótur að átta sig og kallaði
eitthvað á þessa leið: „Á þetta ekki að
vera Siv Friðleifsdóttir en ekki Krist-
inn?“ Jú, mikið rétt. Og mistökin voru
leiðrétt. Þau komu til af því að Krist-
inn hefur síðustu misserin verið vara-
maður í Íslandsdeildinni. Nafn Sivjar
átti eftir að setja inn í hans stað.
Kannski er þetta ágætt dæmi um
ólguna undir niðri, í flestum þing-
flokkum, sem á eftir að koma upp á yf-
irborðið, með einum eða öðrum hætti
á Alþingi í vetur.
Öllu snúið á hvolf …
EFTIR ÖRNU SCHRAM
ÞINGFRÉTTAMANN
arna@mbl.is
ÞESS verður vart langt að bíða að Stjórnartíð-
indi og Lögbirtingablaðið hætta að koma út á
prenti því með frumvarpi sem nú liggur fyrir
Alþingi verður dómsmálaráðherra veitt heim-
ild til að birta þau eingöngu á rafrænan hátt,
þ.e.a.s. á Netinu. Þeir sem þess óska geta þó
keypt prentuð eintök en verða að greiða kostn-
að af prentun og sendingu.
Önnur helstu nýmæli í frumvarpinu er að
heimilt verður að birta eingöngu erlendan
frumtexta milliríkjasamnings ef samningurinn
„varðar afmarkaðan hóp manna sem með sann-
girni má ætlast til að skilji hið erlenda mál
vegna menntunar sinnar eða annarrar sérhæf-
ingar“. Heimilt verður að beita þessu ákvæði
við birtingu á EES-reglum.
Verði frumvarpið samþykkt er um að ræða
mikil tímamót í útgáfusögu þessara miðla. Í
greinargerð sem fylgir frumvarpinu kemur
fram að með lögum sem tóku gildi árið 1878
varð skylt að gefa út Stjórnartíðindi en fyrir
þann tíma voru lög birt með upplestri í heyr-
anda hljóði á Alþingi og síðar í Landsyfirrétt-
inum. Auk þess tíðkaðist sérstök lýsing laga á
þingum í héruðum. Lögbirtingablaðið hefur
verið gefið út allar götur frá 1908.
Aðgengi landsmanna að Netinu gott
Bæði Stjórnartíðindi og Lögbirtingablaðið
hafa verið á Netinu frá febrúar 2002 á slóðinni
www.lagabirting.is. Í greinargerðinni segir að í
ljósi góðrar reynslu sé nú ráðgert að leggja af
hina prentuðu útgáfu Lögbirtingablaðsins.
Lög verða ekki að fullu bindandi fyrr en þau
hafa verið birt í Stjórnartíðindum og birtingin
verður að vera með þeim hætti að allir geti
kynnt sér lögin. Í greinargerðinni segir að að-
gengi landsmanna að Netinu sé gott og bent er
á að samkvæmt könnun frá 2002 hafi 78%
heimila aðgang að Netinu. Auk þess séu net-
tengdar tölvur á flestum almenningsbókasöfn-
um. Þar sem almenningur eigi þess ávallt kost
að fá prentuð eintök komi ekki að sök þótt
nokkur hluti þjóðarinnar geti ekki enn nýtt sér
upplýsingatækni til að kynna sér birtingu laga.
Ennfremur er lögð rík áhersla á að öryggi
birtingar Stjórnartíðinda og Lögbirtingablaðs-
ins á Netinu verði fyllilega tryggt.
Frumvarp heimilar að hætta
prentun Stjórnartíðinda
ALDÍS Olga Jóhannesdóttir, starfsmaður
fyrirtækisins Forsvars á Hvammstanga, vinn-
ur við það að gera tölvutæk öll skjöl frá 53.
þingi Alþingis árið 1938, ef frá eru taldar
ræður úr Alþingistíðindum sem skannaðar
eru inn af þremur starfsmönnum Fjarvinnslu
Alþingis á Ólafsfirði. Felst vinna Aldísar í því
að skrá upp gagnagrunn fyrir þingið, nefnd-
ir, framlögð mál og afgreiðslur þeirra.
Tölvuskráning eldri þingskjala hefur verið
unnin sem fjarvinnsluverkefni á Hvamms-
tanga allt frá árinu 1993, að sögn Karls Sig-
urgeirssonar, framkvæmdstjóra Forsvars.
Umfangsmikið verk bíður Aldísar og hennar
starfsfélaga, eða 52 löggjafarþing frá árinu
1874 og 15 ráðgjafarþing árin 1845–1874.
Skönnun og frágangur á ræðunum á Ólafs-
firði er kominn aftur til 107. þings árið 1984.
Þar bíður ekki síður mikil vinna, segir Sig-
urður Jónsson á skrifstofu Alþingis. Alls eru
til nærri 473 þúsund blaðsíður úr Alþingistíð-
indum frá 1845–2001, þar af eru óunnar í
tölvuformi ríflega 100 þúsund blaðsíður yfir
þann tíma sem eftir er hjá Forsvari og vel yf-
ir 300 þúsund blaðsíður bíða starfsmanna
Fjarvinnslu Alþingis á Ólafsfirði.
Morgunblaðið/RAX
Gerir gömul þingskjöl tölvutæk
JÓN Kristjánsson, heilbrigðis- og trygginga-
málaráðherra, lagði fram frumvarp til laga um
græðara á ríkisstjórnarfundi á miðvikudag.
Samþykkti ríkisstjórnin að senda frumvarpið
þingflokkum ríkisstjórnarflokkanna og að
frumvarpið yrði lagt fram á Alþingi. Meg-
inþáttur frumvarpsins er að komið skal á
frjálsu skráningarkerfi fyrir græðara sem
leggja stund á heilsutengda þjónustu utan hins
almenna heilbrigðiskerfis. Er í frumvarpinu
lögð rík áhersla á neytendavernd og að efla
ábyrgð þeirra sem veita heilsutengda þjónustu
eins og hún er skilgreind í frumvarpinu. Þeir
sem veita þjónustu samkvæmt frumvarpinu
eru nefndir græðarar.
Samkvæmt upplýsingum frá ráðuneytinu er
forsaga málsins sú að vorið 2002 samþykkti Al-
þingi þingsályktunartillögu um stöðu óhefð-
bundinna lækninga. Þingmenn allra flokka
báru tillöguna upp, en fyrsti flutningsmaður
var Lára Margrét Ragnarsdóttir. Að tillög-
unni samþykktri skipaði heilbrigðis- og trygg-
ingarmálaráðherra nefnd í árslok 2002 og var
henni falið að gera úttekt á stöðu óhefðbund-
inna lækninga á Íslandi og bera saman við
stöðu mála annars staðar á Norðurlöndunum, í
Evrópusambandinu og Bandaríkjunum.
Brugðist við vaxandi umsvifum
Samkvæmt þingsályktunni fólst verkefni
nefndarinnar m.a. í því að gera tillögu um
hvernig brugðist skyldi við vaxandi umsvifum
á sviði óhefðbundinna lækninga og að taka af-
stöðu til þess hvort viðurkenna skyldi nám í
óhefðbundnum lækningum með því að veita
mönnum starfsréttindi til að stunda þær. Í
áfangaskýrslu nefndarinnar sem lögð var fram
á Alþingi í fyrra kom fram að nefndarmenn
töldu æskilegt að þeim sem sinntu óhefð-
bundnum lækningum yrði gefinn kostur á við-
urkenningu að uppfylltum ákveðnum mennt-
unarlegum og faglegum kröfum, án þess að um
löggildingu væri að ræða.
Frumvarp um
græðara samþykkt
í ríkisstjórnÁGÚST Ólafur Ágústsson og fimm aðrir þing-menn Samfylkingarinnar hafa lagt fram á Al-
þingi þingsályktunartillögu um starfrækslu
fastanefndar framkvæmdastjórnar Evrópu-
sambandsins á Íslandi. Meginefni tillögunnar
er að Alþingi álykti að fela utanríkisráðherra
að óska eftir því við framkvæmdastjórn Evr-
ópusambandsins að skrifstofa fastanefndar
framkvæmdastjórnarinnar gagnvart Íslandi
verði færð til Íslands í þeim tilgangi m.a. að
efla tengsl Íslands við Evrópusambandið.
Í greinargerð tillögunnar er útskýrt að
fastanefndir framkvæmdastjórnar ESB séu
fulltrúar hennar gagnvart viðkomandi ríki og
starfi sem sendiráð ESB. „Fastanefndirnar
eru starfræktar í tæplega 130 ríkjum og al-
þjóðastofnunum. Meðal helstu verkefna þeirra
er að veita upplýsingar um starfsemi og
stefnumál sambandsins og miðla upplýsingum
til ESB varðandi samstarf þeirra ríkja þar
sem þær eru.“
Starfsmenn 20 talsins
Fastanefnd framkvæmdastjórnar Evrópu-
sambandsins gagnvart Íslandi og Noregi er
staðsett í Osló. Hjá fastanefndinni starfa að
jafnaði 20 einstaklingar, þar af einn íslenskur
starfsmaður
Í greinargerð segir jafnframt: „Burtséð frá
hugsanlegri aðild Íslands að ESB er alveg
ljóst að það myndi þjóna hagsmunum Íslands
ef fastanefnd ESB gagnvart Íslandi væri hér á
landi en ekki í Noregi. Með því fengju fulltrúar
ESB meiri nálægð við íslenskt samfélag og ís-
lenska hagsmuni. Slíkt eykur skilning sam-
bandsins á íslenskum aðstæðum.“
Fastanefnd ESB
verði á Íslandi
SKRIFSTOFUSTJÓRI forsætisráðuneytisins
segir það skipta miklu máli að umsækjendur
um embætti skrifstofustjóra á skrifstofu upp-
lýsingasamfélagsins, sem ráðuneytið hefur
auglýst, hafi háskólamenntun í tölvunar-
fræðum. Spurður hvort hér sé ekki um að
ræða þrönga skilgreiningu á upplýsinga-
samfélaginu, þ.e. að það snúist eingöngu um
tölvuvæðingu, segir Halldór Árnason skrif-
stofustjóri miklu máli skipta að viðkomandi
hafi tölvunarfræðigrunn vegna þess að stór
hluti starfsins felist í að ræða við ýmsa sér-
fræðinga, erlenda sem innlenda, á því sviði.
Tölvunarfræðimenntun skrifstofustjóra hafi
reynst mjög vel hingað til og vilji ráðuneytið
því hafa hlutina þannig áfram. Halldór segir
þó allar umsóknir verða skoðaðar hvort heldur
er um að ræða umsóknir frá tölvunarfræð-
ingum eða öðrum en tekur fram að síðastliðin
6–8 ár hafi starfið verið í þróun hjá ráðuneyt-
inu og hafi tölvunarfræðimenntun komið vel út
í því sambandi. „Ef skrifstofustjóri hefur ekki
þessa þekkingu þá þarf að kaupa hana að,“
segir Halldór og bendir á að það kosti sitt.
Forsætisráðherra skipar í starfið til fimm
ára og er krafist reynslu af opinberri stjórn-
sýslu og á sviði upplýsingatækni, auk háskóla-
menntunar í tölvunarfræði eins og fyrr var
getið.
Umsóknarfrestur er til 27. október.
Tölvunarfræði-
menntun hefur
reynst vel