Morgunblaðið - 24.12.2004, Side 6

6 FÖSTUDAGUR 24. DESEMBER 2004 MORGUNBLAÐIÐ
FRÉTTIR
SAMGÖNGURÁÐHERRA hefur falið ráðgjafar-
fyrirtækinu Línuhönnun að meta viðbótarkostnað
sem til kæmi vegna lækkunar á Reykjanesbraut í
gegnum Garðabæ. Bæjarstjórn Garðabæjar
greindi frá því í bréfi til ráðuneytisins 20. desember
sl. að hún teldi ekki unnt að svo komnu að fallast á
beiðni Vegagerðarinnar um framkvæmdaleyfi fyrir
þennan tiltekna kafla Reykjanesbrautarinnar. Ósk-
að var eftir að samgönguráðherra léti þegar fara
fram nýtt mat á kostnaði við lækkun Reykjanes-
brautar og er nú ráðuneytið að verða við þeirri ósk.
Sturla Böðvarsson samgönguráðherra, sem átti
fund með bæjaryfirvöldum í Garðabæ á miðvikudag
sagði í samtali við Morgunblaðið í gær að Línu-
hönnun hefði verið falið að hefja vinnu við kostn-
aðarmatið nú þegar og að reynt yrði að hraða
vinnunni sem framast væri mögulegt. Sagði hann
að í kostnaðarmati Línuhönnunar yrði saman
hversu mikið skattborgarar þurfi að greiða miðað
við báða kosti, þ.e. eins og Vegagerðin leggur upp
með og eins og Garðabær telur nauðsynlegt, til að
lágmarka hávaða frá umferð um
Reykjanesbraut. Hann segir að
ákveðnar kröfur séu gerðar í því
umhverfismati sem nú liggi fyr-
ir og að þær séu uppfylltar, en
að ósk Garðabæjar gangi enn
lengra.
Þrýst á um aukna fjármuni
Í bréfi samgönguráðherra til
bæjarstjóra Garðabæjar kemur
fram að mikill þrýstingur hafi verið frá hendi við-
komandi sveitarstjórna á auknar framkvæmdir við
stofnbrautir á höfuðborgarsvæðinu í kjölfar fjölg-
unar íbúa og aukningar í bifreiðaeign. Við þessu
hafi samgönguyfirvöld brugðist og er nú á ári
hverju veitt meiri fjármunum til umferðarmann-
virkja á höfuðborgarsvæðinu en áður. „Ráðuneyt-
inu er hins vegar vel ljóst að ýmsar aðrar kröfur,
einkum á sviði umhverfis- og umferðaröryggismála,
sem gerðar eru til vegagerðar á höfuðborgarsvæð-
inu hafa stöðugt vaxið og framkvæmdakostnaður
aukist. Ljóst er að ágreiningur er um kostnað við að
lækka veginn,“ segir í bréfi samgönguráðherra.
Einnig kemur fram að nauðsynlegt er að þessi
munur verði skýrður þannig að ljóst sé hver er við-
bótarkostnaður vegna lækkunar vegarins frá nú-
verandi legu.
Með hliðsjón af þeim ágreiningi sem uppi er hef-
ur ráðuneytið ákveðið að fela Línuhönnun að end-
urmeta þennan kostnað miðað við þær forsendur
sem lagðar hafa verið til grundvallar. Jafnframt
verður ráðgjafarfyrirtækinu falið að meta árangur
og kostnað annarrar tilhögunar lækkunar, t.d. ef
vegurinn væri lækkaður minna en gert var ráð fyrir
í áðurnefndum áætlunum. Á það verður lögð
áhersla að Línuhönnun fái aðgang að öllum þeim
gögnum sem fyrir hendi eru og hún óskar eftir.
Jafnframt er lögð áhersla á að ráðgjafarfyrirtækið
kynni sér sjónarmið bæjaryfirvalda og framan-
greindra fulltrúa húseigenda, segir í bréfi sam-
gönguráðherra til bæjarstjóra Garðabæjar.
Falið að meta kostnað við
lækkun Reykjanesbrautar
Sturla Böðvarsson
FJÓRIR sendifulltrúar Rauða kross
Íslands verða við störf erlendis um
hátíðarnar. Þau eru Huld Ingimars-
dóttir, sem er fjármálastjóri Alþjóða-
sambands Rauða krossins (RK) fyrir
sunnanverða Afr-
íku og býr í
Harare í Zimb-
abwe, Frank
Sands, sem ann-
ast skýrslugerð
fyrir Alþjóða-
samband RK á
Haítí, Pálína Ás-
geirsdóttir, en
hún stjórnar fjór-
um sjúkrahúsum
fyrir Alþjóðaráð
RK í Afganistan og Ómar Valdimars-
son, en hann vinnur að innri upp-
bygging landsfélags á vegum Al-
þjóðasambands RK í Indónesíu.
Morgunblaðið náði tali af Pálínu
Ásgeirsdóttur í gær þar sem hún var
austur í Afganistan. Pálína var þá að
skrifa bréf við kertaljós og jólatónlist.
Hún sagði að í Afganistan, sem er ísl-
amskt land, væru föstudagar og laug-
ardagar helgi- og frídagar. Jólahelgin
í ár fellur að þessum reglulegu frí-
dögum. „Þetta verður eins og venju-
leg helgi hjá okkur,“ sagði Pálína.
„Nánast eins og venjuleg vinnuvika.“
En skyldi hún verða vör við mikinn
jólaundirbúning?
„Nei, það er ósköp lítið. Það stafar
af tveimur ástæðum. Annars vegar
erum við í íslömsku ríki og hins vegar
eigum við af öryggisástæðum að fara
lítið um, nema rétt á milli vinnustaðar
og heimilis. Við förum ekki í versl-
unarhverfin og þar af leiðandi sér
maður ekki jólaskraut. Í fyrra var
ástandið öðruvísi og þá gat maður
farið í verslunargöturnar. Þar voru
jólatré og jólaljós. Það var nú meira
gert fyrir útlendingana.“
Fékk lambalæri að heiman
Pálína sagði ýmislegt gert til há-
tíðabrigða um jólin. „Ég er svo hepp-
in að þegar kom hingað flugvél að
heiman í sumar, með friðargæslu-
sveitina okkar, gat fjölskyldan skotið
með pakka til mín. Ég á enn lamba-
læri sem ég ætla að elda og gerir
helgina aðeins jólalegri en venjulega.
Eins á ég ennþá maltöl frá í sumar og
fékk harðfisk sendan. Maður reynir
líka að gera þetta svolítið þjóðlegt.
Það gerist oft þegar maður er erlend-
is með fólki frá mismunandi löndum
að fólk kemur með eitthvað sérstakt
frá sínu landi og menningu. Ég á von
á að sjá eitthvað svipað frá öðrum nú
um helgina.“
Pálína sagði að ekki yrði um eig-
inlega jólafagnaði að ræða, enda talið
óæskilegt af öryggisástæðum að
halda fjölmennar samkomur. Á veg-
um Rauða krossins eru þarna um 40
manns af ýmsu þjóðerni. „Fólk hittist
í smærri hópum. Það er misjafnt hjá
því hvort aðal jólahátíðin fellur á 24.
eða 25. desember. Þeir sem halda upp
á aðfangadagskvöld hittast þá og hin-
ir á jóladag.“
Pálína sagði mikla samkennd ríkja
meðal fólksins og að afganskir ísl-
amskir kollegar þeirra virtu full-
komlega hátíðahöld hinna kristnu,
líkt og hinir kristnu virða íslömsk há-
tíðarhöld. Pálína sagðist ekki vera
óvön því að halda jól fjarri heimahög-
unum.
„Ég var með fjölskyldunni í Aust-
urríki um síðustu jól. Einnig hef ég
haldið jól í Taílandi, Sómalíu, Kenýa,
Austur-Tímor, Pakistan og hér í Afg-
anistan.“ Að sögn Pálínu snjóaði hjá
henni í fyrradag og varð mjög jóla-
legt. „Það fóru allir að humma jóla-
lögin.“ Snjórinn stóð þó ekki lengi
við. Það er snjór í fjöllum og kalt og
má búast við snjókomu á þessum árs-
tíma og eftir áramótin. Pálína bað
fyrir bestu kveðjur til allra heima og
óskir um gleðileg jól.
Fjórir sendifulltrúar Rauða kross Íslands eru við störf erlendis um hátíðarnar
„Það fóru allir að
humma jólalögin“
Pálína
Ásgeirsdóttir
Ljósmynd/Sigríður Víðis Jónsdóttir
Pálína Ásgeirsdóttir, sendifulltrúi Rauða kross Íslands, er yfir fjórum
sjúkrahúsum á vegum Rauða krossins í Kabúl í Afganistan.
UM 2½–3 milljónir jólakorta og
nokkrir tugir þúsunda jólapakka
voru send með Íslandspósti fyrir
þessi jól. Lætur því nærri að hvert
mannsbarn fái að meðaltali tíu jóla-
kort fyrir hátíðirnar.
Að sögn Önnu Katrínar Halldórs-
dóttur, framkvæmdastjóra mark-
aðs- og sölusviðs, hefur dreifing
gengið vel fyrir sig og verður reynt
eftir fremsta megni að koma öllum
jólakortum og -bréfum til síns
heima, áður en hátíðin gengur í
garð. Borið verður í hús fram yfir
hádegi í dag. „Við reynum okkar
besta í að koma öllum pósti út, þó
að hann hafi komið seint,“ segir
Anna. Um 450 viðbótarstarfsmenn,
aðallega skólafólk, voru í vinnu hjá
Íslandspósti í desember við að
dreifa jólapósti. Að sögn Önnu hafa
dagar og kvöld farið í útburð og út-
keyrslu og unnið hefur verið allar
nætur við að flokka póst í póst-
miðstöð Íslandspósts. Hún segist
ekki merkja annað en að jólakortið
haldi velli þrátt fyrir að sífellt fær-
ist í aukana að fólk sendi jólakveðj-
ur á Netinu.
Mest er sent af jólakortum frá 15.
desember og fram til jóla og náði
útburður hámarki 21. desember.
Pósthúsin í Reykjavík Pósthús-
stræti 5, Skipholti 50a, Eiðistorgi
og Grensásvegi 9 og pósthúsin á
Akureyri, Húsavík, Egilsstöðum,
Höfn, Selfossi, Vestmannaeyjum,
Reykjanesbæ, Akranesi, Borgar-
nesi, Ísafirði og Sauðárkróki verða
opin í dag til kl. 12.
Morgunblaðið/Jim Smart
Miklar annir hafa verið hjá starfsmönnum Íslandspósts síðustu daga.
10 jólakort á hvert mannsbarn
Staða jólakorts-
ins virðist vera
nokkuð sterk
HÉRAÐSDÓMUR Reykjavíkur
sýknaði í gær íslenska ríkið af
kröfum um bætur vegna meintra
mistaka við eftirlit meðan á með-
göngu drengs sem fæddist árið
1993. Foreldrar drengsins höfðu
fyrir hönd hans krafist tæplega 25
milljóna úr ríkissjóði.
Drengurinn fæddist með heila-
skaða sem veldur því að hann er
fjölfatlaður, flogaveikur og algjör-
lega hreyfihamlaður. Fjárhagsleg
örorka hans er metin 100%, þ.e.
hann mun aldrei geta aflað sér
tekna.
Móðirin kvaðst hafa kvartað um
minnkandi hreyfingar fósturs í
mæðraskoðun 26. maí 1993 en ekki
hafi verið gripið til neinna aðgerða.
Þegar drengurinn fæddist þremur
dögum síðar kom í ljós að nafla-
strengur var vafinn um háls hans.
Í niðurstöðum dómsins segir að
ætla megi að sá skaði sem dreng-
urinn varð fyrir hafi verið kominn
til löngu áður en móðrin kom inn á
kvennadeild aðfaranótt 29. maí
1993. Þá hafi ekkert verið skráð
um kvörtunina hinn 26. maí en ljós-
móðir hafi borið um að ef móðirin
hefði borið upp kvörtun hefði það
verið skráð og læknir kallaður til.
Sennilega hefði einnig verið brugð-
ist við með ómskoðun eða monitor-
riti.
Skaðinn talinn hafa orðið
fyrr á meðgöngunni
Dómurinn taldi því ósannað að
móðirin hefði kvartað um minnk-
aðar hreyfingar þremur dögum
fyrir fæðingu. Einnig væri ósannað
að önnur viðbrögð hefðu skipt
sköpum þar sem ljóst sé af gögnum
að fullvíst megi telja að sá skaði
sem drengurinn varð fyrir hafi átt
sér stað í móðurkviði fyrr á með-
göngunni. Fötlun hans verði því
ekki rakin til lélegs mæðraeftirlits
eða fæðingarhjálpar. Ríkið var því
sýknað af bótakröfunni.
Málið dæmdu Sigurður H. Stef-
ánsson héraðsdómari og meðdóm-
endur voru Benedikt Ó. Sveinsson
og Konráð Lúðvíksson, sérfræð-
ingar í kvensjúkdómum og fæðing-
arhjálp. Jóhannes A. Sævarsson
hrl. sótti málið f.h. foreldranna og
Einar K. Hallvarðsson hrl. var til
varnar fyrir ríkið.
Héraðsdómur
Reykjavíkur
Skaðinn
ekki rak-
inn til
mistaka