Morgunblaðið - 24.12.2004, Qupperneq 12

12 FÖSTUDAGUR 24. DESEMBER 2004 MORGUNBLAÐIÐ
FRÉTTIR
SAMKOMULAG ríkis og Reykja-
víkurborgar um byggingu og
reksturs tónlistarhúss og ráð-
stefnumiðstöðvar við Reykjavík-
urhöfn kveður á um að framlag
þeirra vegna verkefnisins verði að
hámarki 595 milljónir á ári á
samningstímanum, frá 2009–2044,
samkvæmt upplýsingum frá Aust-
urhöfn-TR sem er einkahlutafélag
í eigu ríkisins og Reykjavíkur-
borgar.
Framlagið er tengt neysluvísi-
tölu og hækkar því samhliða
henni. Hámarksframlag ríkis og
borgar á þessum 35 árum er tæp-
lega 21 milljarður króna. Fram-
lagið skiptist þannig að ríkið
greiðir 56% en borgin 46%. Nú-
virði þessa framlags ef það væri
greidd út í hönd, en ekki greiddir
vextir í 35 ár, væri 11 milljarðar.
Að auki fellur kostnaður við und-
irbúning verkefnisins á Austur-
höfn-TR, og þar með á ríki og
borg, en áætlaður undirbúnings-
kostnaður er 680 milljónir króna á
árunum 2001–2008.
Kostnaður við byggingu tónlist-
arhúss og ráðstefnumiðstöðvar er
áætlaður 7,3 milljarðar króna. Þá
mun einkaaðili fjármagna bygg-
ingu og rekstur hótels sem talið er
að muni kosta annað eins. Rekst-
urinn verður í höndum einkaaðila
að byggja.
Miðað er við að framkvæmdir
við tónlistarhúsið og ráðstefnu-
miðstöðina hefjist um mitt ár 2006
og að húsið verði tekið í notkun
þremur árum seinna eða um sum-
arið 2009.
Kostnaður ríkis og Reykjavíkur-
borgar við tónlistarhúsið
21 milljarður
á 35 árum
680 millj. í undirbúningskostnað
STJÓRN Læknafélags Íslands hvetur
alla hlutaðeigandi, starfsfólk BUGL,
læknadeild Háskóla Íslands, Landspít-
ala – háskólasjúkrahús, menntamála-
yfirvöld og heilbrigðisstjórnina að taka
höndum saman um að bæta úr því, sem
miður kann að hafa farið í málefnum
barna- og unglingageðlækninga á Ís-
landi.
Í yfirlýsingu frá stjórn Lækna-
félagsins segir að hún hafi á fundi sín-
um 7. desember sl. rætt barna- og ung-
lingageðlækningar á Íslandi. Tilefni
þess var viðtal sem birtist í Lækna-
blaðinu við nokkra barna- og unglinga-
geðlækna og viðtal Morgunblaðsins við
Helgu Hannesdóttur lækni. Í viðtölum
þessum hafi komið fram áhyggjur við-
mælenda blaðanna um viðgang barna-
og unglingageðlækninga á Íslandi,
endurnýjun sérmenntaðra lækna á
þessu sviði væri ófullnægjandi og að-
búnaður stofnanaþjónustu í greininni
ekki eins og best verður á kosið.
Efla þarf sjálfstæði BUGL
Stjórn LÍ hafði fjallað um sama mál-
efni á fundi 11. nóvember 2003, þar
sem Helga Hannesdóttir, barna- og
unglingageðlæknir, rakti stöðu sér-
greinarinnar á Íslandi að sínu áliti og
þau vandamál, sem greinin stendur
frammi fyrir að hennar mati. Í kjölfar
þess fundar var það álit stjórnar LÍ
bókað, að efla þyrfti sjálfstæði barna-
og unglingageðlækninga innan Land-
spítala – háskólasjúkrahúss, að sér-
grein þessa þyrfti að efla innan lækna-
deildar HÍ með sérstökum kennara-
stóli í faginu og að brýn þörf væri fyrir
fleiri sérfræðinga í þessari grein hér á
landi.
„Stjórn LÍ vill ítreka þau sjónarmið,
sem hún setti fram í nóvember á fyrra
ári. Hún telur eðlilega viðkomu í sér-
greininni grundvallarforsendu fyrir
viðgangi hennar. Það hefur mikil áhrif
á starfsval lækna, hvernig þeir kynn-
ast sem læknisefni hinum ýmsu sér-
greinum og þá fyrst og fremst fyrir
vandaða akademíska kennslu og klín-
íska vinnu á deild, þar sem jákvæður
starfsandi og teymisvinna um við-
fangsefnin eru ríkjandi. Leita þarf
skýringa á, að þrátt fyrir faglega öfl-
uga þjónustu og rannsóknarstarfsemi í
sérgreininni undir forystu barna- og
unglingageðlækna á BUGL skuli ný-
liðun ekki vera meiri.
Ítrekað hefur komið fram hjá starfs-
hópum, sem um málefni BUGL hafa
fjallað, að það stjórnunarfyrirkomulag
sem verið hefur á BUGL undanfarin
20 ár sé ein helsta ástæðan fyrir því, að
ekki hefur orðið eðlileg uppbygging í
sérhæfðri geðheilbrigðisþjónustu fyrir
börn og unglinga. Stjórn LÍ telur því
eðlilegt að athugað verði, hvort heppi-
legra sé og í þágu þeirra, sem njóta
þessarar þjónustu, að barna- og ung-
lingageðdeildin verði sjálfstæð rekst-
urseining á Landspítala háskóla-
sjúkrahúsi eða sjálfstæði hennar
aukið, hvort sem henni verður fyrir
komið innan barna- eða geðsviðs,“ seg-
ir í yfirlýsingu stjórnar félagsins.
Hvatt til átaks í barna-
og unglingageðlækningum
FRIÐARSINNAR settu sinn svip á
miðbæ Reykjavíkur líkt og undan-
farin ár þegar þeir gengu með
kyndla í hönd niður Laugaveginn í
gærkvöldi. Þetta var 25. árið sem
blysförin var farin og eru margir
farnir að líta á hana sem ómissandi
hluta jólaundirbúningsins.
Samstarfshópur friðarhreyfinga
stóð að blysförinni sem hófst klukk-
an 18 við Hlemm og flutti Eva Líf
Einarsdóttir, nemi í verkefnis-
stjórnun og mannréttindamálum,
ávarp Samstarfshóps friðarhreyf-
inga í tilefni göngunnar. Kór
Menntaskólans við Hamrahlíð auk
Hamrahlíðarkórsins tóku þátt í
göngunni og sungu hátíðarsöngva
og komu gestum og gangandi í há-
tíðarskap.
Að sögn lögreglu fjölgaði jafnt
og þétt í göngunni eftir því sem
neðar dró niður Laugveginn og
bjóst hún við fleiri þátttakendum í
ár en í fyrra, en þátttakendur þá
voru um 5.000 talsins.
Friðargöngur voru einnig farnar
á Akureyri og á Ísafirði í gær-
kvöldi. Á Ísafirði var gengið frá
Ísafjarðarkirkju niður á Silfurtorg
þar sem stutt dagskrá tók við.
Á Akureyri var gengið frá
Menntaskólanum á Akureyri niður
á Ráðhústorg.
Morgunblaðið/Jim Smart
Margir gengu til friðar
á Þorláksmessukvöldi
MARGT var um manninn í Bóka-
búð Máls og menningar á Lauga-
veginum í gærkvöldi, líkt og gjarn-
an er á Þorláksmessukvöldi.
Haraldur Blöndal lögmaður, sem
lést á þessu ári, var fastur gestur í
bókabúðinni, ekki síst að kvöldi
Þorláksmessu, og var hans minnst
með mínútuþögn í versluninni í
gærkvöldi. Meðal viðstaddra voru
bróðir Haralds, Halldór Blöndal,
forseti Alþingis, Davíð Oddsson
utanríkisráðherra og Össur
Skarphéðinsson, formaður Sam-
fylkingarinnar. Við hlið Halldórs
stendur Sveinn, sonur Haralds, og
móðir hans og fyrrverandi eigin-
kona Haralds, Sveindís Þórisdóttir,
fyrir framan hann. Ragnhildur
Blöndal, systir Haralds, er fremst
fyrir miðri mynd.
Morgunblaðið/Jim Smart
Minningarstund á Þorláksmessukvöldi
VESKI með ómetanlegum læknis-
gögnum ungs barns var stolið af
móður barnsins í Bónusi við Hellu-
hraun í Hafnarfirði um klukkan hálf
fjögur í fyrradag. Í veskinu eru
læknisgögn sem varða langveikan
son hennar en hann þarf á þeim að
halda er hann leitar sér læknishjálp-
ar í Bandaríkjunum. Gagnanna er
sárt saknað og biður lögreglan í
Hafnarfirði þjófinn að skila þeim.
„Við viljum höfða til samvisku
þjófsins nú á jólunum og biðjum
hann að vera svo vænan að skila
gögnunum,“ segir Gissur Guð-
mundsson, rannsóknarlögreglumað-
ur í Hafnarfirði.
Vitað er að þjófurinn er kona, sem
sást í eftirlitsmyndavél Bónuss. Lög-
reglan hefur leitað ítarlega í ná-
grenni við Bónus í þeirri von að þjóf-
urinn hefði fleygt frá sér því sem
hann teldi ekki verðmæti í en allt
kom fyrir ekki.
Ómetanlegum
læknisgögnum
barns stolið
FRANK Úlfar Michelsen úrsmíða-
meistari á Laugavegi fékk óvænta
heimsókn í gærmorgun þegar þröst-
ur flaug inn í verslun hans og gerði
sig þar heimakominn. „Það var alveg
yndislegt að byrja daginn á því að fá
svona jólaboða,“ sagði Frank.
Að sögn Franks var hann ásamt
syni sínum að klára að þvo rúður
búðarinnar að utan. „Skyndilega
flaug þrösturinn hér inn eins og her-
foringi. Hann tyllti sér á mynd-
bandsupptökutækið okkar, færði sig
síðan yfir í blóm í búðinni áður en
hann flaug niður á gólf.“ Eitthvað
virðast úrin í búðinni hafa heillað
fuglinn því hann spásseraði inn í sér-
stakt Rolex-herbergi búðarinnar þar
sem viðskiptavinum er boðið að sitja
í ró og næði til að skoða úrin. „Því
næst labbaði hann út eins og fínn
maður.“
Þrösturinn í úraversluninni.
Yndislegur
jólaboði
MATSNEFND eignarnámsbóta
hefur vísað frá máli þar sem Lands-
virkjun fór þess á leit við nefndina að
hún mæti hæfilegar bætur vegna
landnotkunar og efnistöku úr jörð-
inni Laugavöllum á Norður-Héraði
vegna framkvæmda við Kárahnjúka-
virkjun. Er Landsvirkjun gert að
greiða 5,6 milljónir í málskostnað,
þar af 4,6 milljónir til landeigenda.
Matsnefndin telur ágreining máls-
aðila þess eðlis að hún hafi ekki úr-
skurðarvald um, rekstur málsins
hafi t.d. ekki byggst á fyrirliggjandi
eignarnámi heldur á samkomulagi
sem Landsvirkjun og landeigendur
gerðu sín á milli í október árið 2002.
Telur matsnefndin sig ekki hafa
lagaheimildir til að túlka þetta sam-
komulag, en á því byggðist mats-
beiðni Landsvirkjunar.
Sögðu samkomulagið
fela í sér afnot af landi
Samkvæmt samkomulaginu heim-
iluðu landeigendur Landsvirkjun
notkun á landi sínu vegna fram-
kvæmda við Kárahnjúkavirkjun.
Náði heimildin til efnistöku, rann-
sókna, umferðar, uppsetningar og
stöðu vinnubúða og vatnstöku vegna
vinnubúða, mannvirkjagerðar og til
annarra nota í þágu virkjunarfram-
kvæmda. Í samkomulaginu kom
fram að hefðu samningar ekki tekist
fyrir 15. janúar árið 2003 um af-
mörkun og tilgreiningu allra rétt-
inda á jörðinni og greiðslur fyrir þau
myndi Landsvirkjun leita eignar-
náms. Hefur þetta mál af ýmsum
ástæðum tafist í meðförum mats-
nefndar, en það var fyrst tekið fyrir í
júní árið 2003.
Landsvirkjun krafðist þess að
land sem notað yrði undir mannvirki,
stöðulón o.fl. yrði metið sem um
eignarnumið land væri að ræða, með
öllum gögnum og gæðum. Landeig-
endur Laugavalla héldu því á hinn
bóginn fram að fyrrnefnt samkomu-
lag fæli aðeins í sér heimild til notk-
unar landsins, í því fælist ekki afsal á
eignarrétti landsins. Því bæri mats-
nefndinni aðeins að meta bætur fyrir
efnistöku og afnot landsins meðan
virkjunin væri starfrækt.
Deilur Landsvirkjunar og land-
eigenda vegna Kárahnjúkavirkjunar
Matsnefnd vísar
málinu frá