24 stundir - 04.01.2008, Blaðsíða 22

22 FÖSTUDAGUR 4. JANÚAR 2008 24stundir
Eftir Maríu Ólafsdóttur.
maria@24stundir.is
Erla Dögg æfði fimleika frá sex ára
aldri en byrjaði að æfa sund vegna
hvatningar Steindórs Gunn-
arssonar sundþjálfara sem á þeim
tíma var íþrótta- og sundkennari
hennar. Eftir eina sundæfingu varð
ekki aftur snúið og byrjaði Erla
Dögg að æfa með jafnöldrum sín-
um, en var fljótt færð upp um hóp
og var komin upp í elsta hópinn
13 ára gömul. „Ég var snemma far-
in að æfa á fullu og fimleikarnir
nýttust mér sem góður grunnur
þar sem ég gat nýtt mér liðleikann
úr þeim í sundið,“ segir Erla Dögg
sem æfir sund með Sunddeild
Njarðvíkur en keppir fyrir hönd
Íþróttabandalags Reykjanesbæjar.
Hún segist hafa þurft að fórna
ýmsu í félagslífi og með vinum fyr-
ir sundið en á móti komi að gott
og mikið félagslíf sé í sundinu
sjálfu.
Æfir stíft
Erla Dögg segir að í grunninn sé
mest æft skriðsund þar sem það sé
hraðskreiðasta sundið en einnig
séu vikulegar æfingar í aðalsundi.
Þá sé hópnum skipt niður og syndi
hluti baksund, aðrir flugsund og
svo framvegis. Sjálf æfir hún að-
allega fjór- og bringusund og ein-
beitir sér nú að því að ná lágmark-
inu fyrir Ólympíuleikana með
stífum æfingum. Hún hefur nú
náð næsta lágmarki fyrir neðan
Ólympíulágmarkið og á því raun-
hæfan möguleika á að komast
áfram á leikana. „Ef ég næ lág-
markinu fyrir Íslandsmeist-
aramótið í vor þá er öruggt að ég
komist áfram og þá er að halda
áfram og æfa stíft fram að Ólymp-
íuleikunum þar sem þarf auðvitað
að standa sig vel líka. Auk þess að
æfa sig í sundinu sjálfu þarf maður
líka að æfa sig í að keppa. Árið
2004 fór ég til Frakklands til að ná
lágmarkinu í 50 metra laug og var
aðeins 0,14 hundruðustu frá því,
sem var mjög svekkjandi. Þrátt
fyrir það fór ég og horfði á í Aþenu
í tvo daga og heimsótti þorpið, þá
varð ég alveg staðráðin í því að ég
ætlaði að komast áfram næst,“ seg-
ir Erla Dögg.
Gott ár
Erla Dögg hefur verið í mikilli
framför upp á síðkastið en hún
hefur sett tíu Íslandsmet síðan í
október og komst í úrslit í 50
metra bringusundi á opna hol-
lenska meistaramótinu í sundi í
Eindhoven. Hún segir mikilvægt
að borða rétt til að hafa næga orku
á æfingu svo og að nærast vel strax
eftir á. Þá passi hún sig á að sofa í
það minnsta átta tíma á nóttu.
„Maður verður að hlusta á þjálf-
arann, vera einbeittur og ákveðinn
en fyrst og fremst að hafa gaman af
þessu,“ segir Erla Dögg að lokum.
24stundir/Eggert Jóhannesson
Erla Dögg Haraldsdóttir stefnir ótrauð á Ólympíuleikana í sundi
Mikilvægast að hafa
gaman af þessu
➤ Æfir sund með SundfélagiReykjanesbæjar og hefur æft
sund frá tíu ára aldri.
➤ Segir mikinn og góðan fé-lagsskap vera í sundinu.
➤ Æfir nú stíft til að komast áÓlympíuleikana í Kína á
næsta ári.
➤ Hefur sett tíu Íslandsmet síð-an í október.
SUNDKONANErla Dögg Haraldsdóttir
er fædd árið 1988 og hef-
ur æft sund síðan hún var
tíu ára. Hún stefnir nú á
Ólympíuleikana í Kína
sem haldnir verða á
næsta ári.
Mikilvægt Að borða rétt
svo líkaminn hafi nóga orku
og passa upp á svefninn.
Rífðu þig upp úr sófanum,
dragðu börnin öskrandi frá leikja-
tölvunni, klæddu þig og smyrðu
nesti og farðu með fjölskyldunni í
góðan göngutúr. Geðheilsan batn-
ar, börnin sjá dagsljós og líkamleg
hreysti eykst. Sjónin lagast að ein-
hverju öðru en blikkandi sjón-
varpsskjá og blóðið kemst á hreyf-
ingu.
Fjöldi göngustíga
Göngustígar liggja vítt og breitt
um Öskjuhlíð og stöðugt fjölgar
fólki, sem nýtur útivistar í þessari
náttúruperlu í hjarta höfuðborg-
arinnar. Öskjuhlíðin er miðja í
kerfi gönguleiðar frá gamla mið-
bænum um Vatnsmýrina, Foss-
vogs- og Elliðaárdalinn að Elliða-
árvatni og inn í Heiðmörk.
Minjar stríðsára
Nokkrir braggar standa ennþá
við rætur Öskjuhlíðar.
Ýmsar minjar frá stríðsárunum
eru ennþá áberandi, s.s. þrjú skot-
byrgi, stjórnbyrgi, víggrafir úr torfi
og grjóti, loftvarnarbyrgi, varn-
arveggir fyrir eldsneytistanka, neð-
anjarðartankar, bryggjustubbur,
veganet, fjöldi gólfa og grunna
undan bröggum og öðrum bygg-
ingum, og akstursbrautir fyrir
flugvélar.
Þá hafa kanínur hreiðrað vel um
sig í Öskjuhlíðinni. Þær eru fjölda-
margar og börnin hafa gaman af
því að leita að kanínuholum og sjá
glitta í þær þar sem þær skoppa á
milli þúfna.
Frábærir göngutúrar í Öskjuhlíðinni
Útivistarperla í borginni
Hvít kanína Kanínur eru
fjölmargar í Öskjuhlíð.
Auglýsingasíminn er
510 3744
stundir
Sérfræðingar
í saltfiski
Þjónustum verslanir, veitingahús o.fl.
Fyrir verslanir:
Til suðu:
saltfiskbitar blandaðir
gellur
gollaraþunnildi
Til steikingar:
saltfiskbitar blandaðir
saltfiskkurl
saltfiskhnakkar tvær stærðir (lomos)
gellur
Fyrir veitingahús – hótel – mötuneyti:
saltfiskhnakkar tvær stærðir (lomos)
saltfiskbitar blandaðir til suðu og steikingar
saltfiskkurl
Fyrir utan saltfiskinn þjónustum við sitthvað fleira, svo sem:
ýsuhnakka
rækjur
þorskhnakka
steinbítskinnar og bita
Sími: 466 1016
ektafiskur@emax.is
Já nú eftir jólahátíðarnar er buxnastrengurinn óþægilegur hjá mörgum og
sumir ná strengnum alls ekki saman. Með þessu ástandi fylgir oft mikið
orkuleysi og þyngsli. Skoski heilsugúrúinn Gillian McKeith hefur framleitt
ljúffenga náttúrulega hráfæðisbita í mörg ár. Þeir eru bráðhollir og mjög
mettandi og er tilvalið fyrir ykkur sem þurfa að ná meltingunni í form og
minnka mittismálið að borða einn Gillian bita í hádegismat með t.d. stórum
bolla af jurtatei eða bara stóru vatnsglasi. Tyggðu bitann hægt og rólega og
hann mettar þig á við góða máltíð!
Hægt er að fá nokkrar bragðtegundir: Living Food Energy bar, C vítamín bar,
Goji berry bar, Hampfræ bar og Kakó bean bar með 100% kakói.
Móttó fyrir janúar er að eiga nóg að Gillian bitum til að grípa í, leggja
sykurfæðu til hliðar, drekka nóg af vatni og hreyfa sig a.m.k. 20 mín. á dag og
þeir sem hreyfa sig meira eru í góðum málum!
Gillian McKeith hollustubitana færð þú í Heilsuhúsunum, Hagkaupum,
Fjarðarkaup, Yggdrasil, Maður lifandi og fjölda apóteka.
Minnkaðu mittismálið
og náðu upp orkunni með
hollustubitunum frá Gillian McKeith!
STAFG
ANGA
ÁHRIFA
RÍK LE
IÐ
TIL LÍK
AMSRÆ
KTAR
Stafgöngunámskeið hefjast 15. janúar n.k.
stafgönguþjálfi, 616 85 95.
stafgönguþjálfi, 694 35 71.
Þriðjudaga & fimmtudaga, kl. 17:30.
Þriðjudaga & fimmtudaga, kl. 17:30.
SKRÁNING & NÁNARI UPPLÝSINGAR Á: