24 stundir - 04.01.2008, Blaðsíða 29

24stundir FÖSTUDAGUR 4. JANÚAR 2008 29
Flestir strengja áramótaheit en
fæstir halda þau út árið ef marka
má rannsókn breskra sálfræð-
inga. Reykingamenn ætla sér að
drepa í og kyrrsetufólk ætlar í
ræktina, en staðreyndin er sú að
aðeins einn af hverjum tíu nær
settum markmiðum.
Skýr og einföld markmið
Niðurstöður rannsókna á
3.000 breskum körlum og konum
sýndi fram á að karlmenn sem
settu sér skýr og einföld mark-
mið væru líklegri til þess að ná
árangri en hinir og konur sem
sögðu fjölskyldu og vinum frá
markmiðum sínum héldu frekar
áramótaheitin.
Karlmenn eru 22% líklegri til
þess að ná árangri setji þeir sér
einföld markmið, eins og að
ákveða hversu mörg kíló þeir
ætla að missa á ákveðnum tíma í
stað þess að ætla að missa nokk-
ur kíló á árinu. Að segja öðrum
frá markmiðum sínum eykur
einnig líkur á að kona standi við
áramótaheitið um allt að 10%.
Flestum mistekst
Richard Wiseman prófessor
við Háskólann í Hertfordshire
segir að þrátt fyrir að svo fáum
takist að standa við áramóta-
heitin telji rúmlega helmingur sig
vel geta það þegar áramótaheitið
er gefið en ef marka má nið-
urstöður rannsóknarinnar hafa
aðeins 12% náð tilætluðum ár-
angri í lok árs.
Niðurstöðurnar benda einnig
til þess að erfiðasta áramótaheitið
sé að hætta að reykja og 75%
kveikja aftur í á nýja árinu og
aðeins 28% tekst að losa sig við
aukakílóin. „Markmiðin á nýja
árinu eiga að vera ný og fersk
eða þá að þau gömlu sé nálgast
með nýjar leiðir í huga. Annað
gengur ekki,“ segir Wiseman.
Flestir strengja áramótaheit en fæstir uppfylla þau
Tekst hjá einum af hverjum tíu
24 Stundir/Brynjar Gauti
Hreyfing Það taka margir þá ákvörð-
un í byrjun nýs árs að losa sig við
aukakílóin en fæstum tekst vel til.
Handþvottur er þýðingarmesta
einstæða atferlið til að hindra út-
breiðslu sýkinga. Flestir þvo sér
hugsunarlaust en rannsóknir
hafa sýnt að þumalfingur og fing-
urgómar verða helst útundan í
handþvotti, en það eru einmitt
þeir sem allt snerta og gefa þarf
sér tíma til að nudda sápunni vel
á húðina, sérstaklega fyrrnefnda
staði (fingurgóma og þum-
alfingur).
Þvoðu þér
um hendurnar
Um 20% skólabarna í Evrópu eru
yfir kjörþyngd og mataræði
þeirra er ansi slakt samkvæmt
nýjustu rannsóknum. Börn borða
mikið af sælgæti, sætu morg-
unkorni, nasli og drekka sæta
safa og gosdrykki heima hjá sér.
Þrátt fyrir að foreldrar hafi val
um að kaupa holla vöru, til dæm-
is hafragraut og ferskan fisk,
virðast þeir ekki gera það og ala
börn sín á fitu, sykri og salti.
Mamma,
meira nammi!
Þeir sem trúa því að áróður fram-
leiðenda landbúnaðarvara nái til
fæðupíramída sem settir eru fram
af stjórnvöldum almenningi til
fróðleiks geta kynnt sér Harvard-
heilsupíramídann. Ólíkt mörgum
öðrum fæðupíramídum er hvatt
til mikillar hófsemi í neyslu
mjólkurvara og að lítils sé neytt
af rauðu kjöti, smjöri, kartöflum,
pasta og brauði sem er ekki búið
til úr heilu korni.
Harvard-heilsu-
píramídinn
Heilbrigði og almenn hreysti
getur haft stór áhrif á lífsgæði og hamingju.
Grunninn leggur þú í bjartri og glæsilegri
líkamsræktarstöð, Silfur Sporti, þar sem
boðið er upp á einkaþjálfun, ráðgjöf, fullkominn tækjasal,
upphitun og þol, lyftingasal og próteinbar,
svo eitthvað sé nefnt.
Í Silfur Sporti er lögð sérstök áhersla
á persónulega þjónustu og stresslaust umhverfi.
Leggðu grunninn
að heilbrigðri sál í hraustum líkama.
Hátún 12 • 105 Reykjavík • Sími 551 0011
www.silfursport.is • silfursport@silfursport.is
LEGGÐU
GRUNNINN
X
S
T
R
E
A
M
D
E
S
IG
N
S
S
07 01 004