24 stundir - 23.02.2008, Qupperneq 63

24stundir LAUGARDAGUR 23. FEBRÚAR 2008 63
KONUKAKA ÁRSINS
FRÁ SANDHOLT
DÁSAMLEGA GÓÐ OG FÖGUR
Ljúffengur möndlubotn með
hindberja-, sítrónu- og vanillu-skyrmousse,
hjúpuð með hindberjahlaupi og skreytt
með hindberjamarengs og
ferskum hindberjum.
F
A
B
R
I
K
A
N
Jennifer Lopez og Marc Anthony
eru sögð í skýjunum eftir að þau
eignuðust tvíbura sína í fyrradag.
„Jennifer og Marc eru yfir sig
ánægð. Algjörlega í skýjunum yf-
ir þessu,“ sagði Simon Fields,
umboðsmaður Jennifer, í viðtali í
gær. Fæðingin mun hafa átt sér
stað á lúxus-spítalasvítu þar sem
ekkert var til sparað og heill her
af aðstoðarfólki til taks. Heim-
ildir herma að parið hafi hug á að
skíra börnin Max og Emme. hþ
Í skýjunum eftir
fæðinguna
Þær sögur ganga nú fjöllunum
hærra að hjartaknúsarinn George
Clooney vilji ólmur eignast barn
með kærustu sinni, Söruh Lar-
son. Clooney hefur sem kunnugt
er verið þekktastur fyrir ærsla-
fullt piparsveinalíf síðustu árin,
en hefur nú afráðið að venda
kvæði sínu í kross og stofna fjöl-
skyldu. hþ
Clooney vill
stofna fjölskyldu
Ef marka má nýjasta afrek Amy
Winehouse er lítið til í sögum
þess efnis að hún sé edrú. Starfs-
fólk Plaza hótelsins í London rak
í rogastans eftir síðustu helgi, en
þar hafði hún setið að sumbli
með vini sínum og var aðkoman
vægast sagt slæm. Allt var þakið
sígarettustubbum og áfeng-
isflöskum auk þess sem laga
þurfti gólfið í herberginu. hþ
Amy rústar
hótelherbergi
Að sögn Colins Firth fær hann
ekki frið fyrir eldri konum. Leik-
arinn, sem nú er 47 ára, segist
ánægður með vinsældir sínar
meðal eldri kvenna og líkar vel að
eiga aðdáendur á sjötugsaldri.
„Ég veit um veika konu sem var
bannað að horfa á myndir með
mér á spítalanum af ótta við
blóðþrýstinginn. Hún var 103
ára,“ sagði Colin. hþ
Með aðdáendur
á sjötugsaldri
Unnar Arnalds er partíspilari með mikla sér-
stöðu því að auk gítars spilar hann líka á Havaí-
hljóðfærið úkúlele. Hann heldur úti heimasíð-
unni Dvergatuddinn á slóðinni www.raun-
vis.hi.is/~uba/tuddinn/ sem er söngbók með
gítar- og úkúlelegripum sem verður að teljast
fengur fyrir alla partíspilara. Fjölbreytnin í laga-
vali mikil, en þar eru Britney Spears, Bubbi og
allt þar á milli.
„Ég byrjaði með þessa síðu árið 2000, og það
var svona mest fyrir mig því ég var að æfa mig á
gítar,“ segir Unnar. „Ég safnaði lögum með gít-
argripum og ákvað að setja þau upp í bók-
arformi sem hægt væri að prenta. Svo keypti ég
mitt fyrsta úkúlele fyrir um ári og þá bættust
úkúlelegripin við. Ég setti úkúlelegripin líka inn
til að auglýsa það hljóðfæri því það eru allt of
fáir sem hafa heyrt um það. Allir eiga nátt-
úrulega að spila á úkúlele.“
Áhuginn vaknaði þegar Unnar fékk að prófa
hljóðfærið og fannst létt og skemmtilegt að
spila á það. „Það er miklu auðveldara að grípa í
úkúlele en gítar. Það heyrist lægra í því, og svo
eru bara fjórir strengir.“ Þegar Unnar er spurð-
ur hvort hann spili Bubba-lögin á úkúlele í
partíum, segist hann meira gera það fyrir sjálfan
sig. „Úkúlele er fyrir lágstemmd partí, en þegar
allir eru orðnir sjóðandi fullir þarf hávaða og þá
er gítarinn nú betri.“ Að lokum verður Unnar
að svara því hvað í ósköpunum dvergatuddi sé.
Þá kemur í ljós að „Fleskmangarinn og dverga-
tuddinn“ hafi verið lag með hljómsveitinni Bag
of Joys, en Unnar var einmitt í henni.
heida@24stundir.is
Gítar- og úkúlelegrip fyrir Eurovision-partíið
Allir eiga að spila á úkúlele
Árvakur/Sigurður Jökull
Unnar Hér er hljómsveitin Bag of Joys á góðri stundu
en Unnar spilaði á bassa og hljómborð