24 stundir - 24.05.2008, Blaðsíða 28

28 LAUGARDAGUR 24. MAÍ 2008 24stundir
Heimsferðir bjóða frábært tilboð á síðustu sætunum til
Montreal 30. maí. Þetta er einstakt tækifæri til að njóta lífsins
í þessari stórkostlega spennandi borg sem er önnur stærsta
borg Kanada. Í borginni mætast gamli og nýi timinn, rík
sagan og iðandi nýbreytnin á einstaklega skemmtilegan hátt.
Það er frábært að skoða sig um, versla og njóta lífsins í
Montreal; fallegar byggingar, endalaust úrval verslana og
veitingastaða og mjög hagstætt verðlag. Gríptu tækifærið og
smelltu þér til Montreal og njóttu þess besta sem þessi
spennandi heimsborg hefur að bjóða. Þú getur valið um að
bóka flugsæti eingöngu eða flug og hótel í Montreal.
Skógarhlíð 18 • sími 595 1000 • www.heimsferdir.is
Montreal
30. maí
frá kr. 23.990
báðar leiðir
Allra síðustu sætin!
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Verð kr. 23.990
- báðar leiðir
Netverð á mann. Flugsæti báðar leiðir með
sköttum, sértilboð 30. maí.
Verð kr. 59.990
- flug og gisting
Netverð á mann. Flug, skattar og gisting í
tvíbýli á Hotel Les Suites Labelle *** eða
Hotel Le Roberval *** m/morgunverði í 7
nætur, sértilboð 30. maí.
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson
Það lærði ég ungur að sumu
fólki gerir maður of hátt undir
höfði með því einu að leiða að því
hugann. Þó hefur mér undanfarna
daga öðru hverju orðið hugsað til
Magnúsar Þórs Hafsteinssonar.
Það uppistand sem hann hefur
staðið fyrir á Akranesi vegna þess
að þangað áttu og eiga vonandi enn
að koma palestínskir flóttamenn
frá Írak er þvílík hneisa að ef
Magnús hefði snefil af sjálfsvirð-
ingu ætti hann að skammast sín.
Þetta er þó sennilega ekki nógu
nákvæmlega að orði komist hjá
mér. Því sennilega hefur Magnús
Þór Hafsteinsson einhver ósköp af
sjálfsvirðingu.
Það sem hann virðist hins vegar
skorta nokkuð átakanlega er virð-
ing fyrir öðrum.
Undirbúningi ábótavant?
Magnús heldur því nú statt og
stöðugt fram að andstaða hans við
komu flóttamannanna stafi alls
ekki af nokkurs konar útlendinga-
andúð. Hann hafi bara verið að
gæta hagsmuna bæjarfélagsins með
því að krefjast þess að fá að vita
hvernig bærinn væri í stakk búinn
til að taka við flóttafólkinu.
Hugum þá að því.
Nú má vera að eitthvað sé til í
því sem Magnús heldur fram, að
samþykkja hafi átt að flóttamenn-
irnir kæmu til Akraness án þess
gengið hafi verið frá hvurju einasta
smáatriði í sambandi við hvernig
dvöl þeirra og aðbúnaði yrði hátt-
að. Ég veit það reyndar ekki, en
segjum að það sé rétt.
Það skiptir bara nákvæmlega
engu máli.
Björgunarbátur á sjó
Mér skilst að Magnús hafi migið
í saltan sjó. Má ég þá taka dæmi
þaðan?
Ef skipið hans Magnúsar siglir
fram á björgunarbát fullan af fólk,
nemur hann þá staðar áður en
hann kemur að bátnum og lætur
fara fram nákvæma úttekt á skip-
inu sínu til að vita hvort nóg sé af
kojum um borð, hvort kosturinn
dugi og hvort skipið sé í rauninni í
stakk búið til að taka skipbrots-
mennina um borð?
Og ef það væru börn um borð í
björgunarbátnum, myndi hann þá
til dæmis krefjast þess að fá að vita
hvort þau kynnu stafrófið áður en
hann skyti yfir þau skjólshúsi? –
svo ég snúi nú út úr einni af rétt-
lætingum hans á andstöðunni við
flóttamennina. Ónei. Það mundi
Magnús vitaskuld aldrei gera.
Hann mundi bara eins og hver ær-
legur maður taka fólkið úr björg-
unarbátnum um borð í skipið – og
svo láta vistirnar passa.
Einn reis upp til handa og fóta
Á sama hátt vildi bæjarstjórnin á
Akranesi samþykkja komu flótta-
mannanna án þess að telja þörf á
að vera fyrirfram búin að plana allt
í hinum fínustu smáatriðum.
Allir fulltrúar í bæjarstjórn
Akraness sögðu einfaldlega sem
svo: Já, þarna er fólk í neyð sem við
höfum verið beðin fyrir. Auðvitað
getum við tekið við þeim.
Það er skylda okkar við með-
bræður okkar – og, í þessu tilfelli,
einkum systur.
En einn varabæjarfulltrúi reis
upp til handa og fóta.
Magnús Þór Hafsteinsson.
Ómerkilegar, lágkúrulegar
ástæður
Ástæðurnar sem hann hefur tí-
undað fyrir afstöðu sinni eru allar
ómerkilegar og lágkúrulegar. Það
er engin spurning að Akranes getur
tekið við 30 flóttamönnum og þó
þeir væru 60. Það ríkir ekkert það
neyðarástand á Akranesi að bæj-
arfélagið mundi fara á hvolf við að
veita þessa aðstoð. Hvarvetna þar
sem flóttamenn hafa verið vistaðir
á Íslandi hefur það tekist mjög vel.
Hvergi hefur orðið vandamála
vart.
Og ekkert bæjarfélag hefur séð
eftir þeim peningum sem farið hafa
í aðstoðina við flóttamenn.
Og ekki munu Akurnesingar
verða fyrstir til að láta það spyrjast
um sig.
Því miður hefur Magnúsi tekist
að æsa upp moldviðri á Akranesi
sem ég veit að vísu fullvel að algjör
minnihluti bæjarbúa tekur þátt í –
en þessi minnihluti hefði aldrei
leiðst út á þá glapstigu ef hann
hefði ekki riðið á vaðið.
Ábyrgð hans er því mikil.
Algjörlega upp á sitt eindæmi
hefur hann búið til leiðindaandr-
úmsloft í kringum komu þessara
flóttamanna, atað gestrisni Akur-
nesinga auri og vakið tortryggni í
garð þeirra mæðra og barna sem
héldu að loksins, loksins væru þau
að eignast öruggt og vinalegt skjól.
Ég er reyndar ekki í vafa um að
þegar til kemur verður flóttafólk-
inu tekið opnum örmum á Akra-
nesi og þarf ekki að frétta af leið-
indunum sem Magnús vakti í þeim
eina tilgangi að vekja á sér athygli.
En eftir situr hans skömm.
Fyrir Frjálslynda flokkinn er
skömmin algjör. Ekki aðeins hefur
flokkurinn enn látið líðast að vera
bendlaður við útlendingaandúð,
heldur hefur Magnús með
flumbrugangi sínum valdið því að
flokkurinn missti ítök sín í bæjar-
stjórn Akraness. Ég held að Magn-
ús Þór Hafsteinsson ætti bara að
drífa sig á sjóinn.
Fjárfest
ar
bíða gó
ðra frét
ta
af mörk
uðum.
Skömm Magnúsar Þórs
aIllugi Jökulsson skrifar um flóttamenn
Ég er reyndar
ekki í vafa
um að þegar
til kemur
verður flótta-
fólkinu tekið
opnum örmum á Akra-
nesi og þarf ekki að frétta
af leiðindunum sem
Magnús vakti í þeim eina
tilgangi að vekja á sér at-
hygli. En eftir situr hans
skömm.
Skömm Ég held að
Magnús Þór Haf-
steinsson ætti bara
að drífa sig á sjóinn.