24 stundir - 08.07.2008, Blaðsíða 10
10 ÞRIÐJUDAGUR 8. JÚLÍ 2008 24stundir
TB
W
A
\R
E
Y
K
JA
V
ÍK
\S
ÍA
Aukin aðstoð við ríki Afríku var meðal þess sem
rætt var á fyrsta degi ráðstefnu leiðtoga átta helstu iðn-
ríkja heims – hinna svokölluðu G8-ríkja – í gær.
George Bush situr fund G8-ríkjanna í síðasta sinn sem
forseti Bandaríkjanna. Hann hvatti auðugari ríki
heims til að leggja fram moskítónet og aðra aðstoð til
að forða börnum frá því að deyja af völdum mosk-
ítóbita. „Nú er kominn tími til að þær þjóðir sem hafa
komið sér vel fyrir láti til sín taka,“ sagði Bush.
Á fundi leiðtoganna fyrir þremur árum var þróun-
araðstoð eitt meginviðfangsefnið. Þá skuldbundu þeir
sig til að stefna að því að árleg framlög til þróunarmála
næmu 50 milljörðum Bandaríkjadala árið 2010.
Helmingur þess fjár ætti að renna til Afríkuríkja.
Nú eru framlög til Afríku komin upp í 3 af þeim 25
milljörðum sem heitið var, að mati samtakanna DATA,
sem Bono er í forsvari fyrir. Telja samtökin að Banda-
ríkin, Bretland og Þýskaland hafi staðið við skuldbind-
ingar sínar, en enn vanti upp á framlag Frakklands,
Ítalíu, Kanada og Japans.
Á fundinum verða loftslagsmál jafnframt tekin til
umræðu, sem og nauðsyn þess að leysa orkukreppu
heimsins – þar sem í síauknum mæli er litið til kjarn-
orku. andresingi@24stundir.is
Leiðtogar átta helstu iðnríkja heims funda í Japan
Ræða Afríku og loftslagsmál
Fríður flokkur Leiðtogar
átta helstu iðnríkja heims
Eftir Andrés Inga Jónsson
andresingi@24stundir.is
Sjálfsvígsárásarmaður ók bíl hlöðn-
um sprengiefni í gegnum hlið ind-
verska sendiráðsins í Kabúl í gær.
Yfirvöld áætla að 41 hafi látið lífið
og 141 særst. Þetta er mesta mann-
fall í árás innan höfuðborgarinnar
síðan stjórn talíbana var komið frá
völdum.
Innanríkisráðuneyti Afganistans
telur að á meðal fallinna séu sex
lögreglumenn og þrír öryggisverðir
sendiráðsins. Indverjar hafa gefið út
að fjórir landa sinna hafi látist. Jafn-
framt hafi fimm afganskir örygg-
isverðir látist í sendiráði Indónesíu,
sem staðsett er nærri því indverska.
Reynt að skera vináttubönd
Hamid Karzai, forseti Afganist-
ans, fordæmdi árásina. Sagði hann
vígamenn vilja spilla sambandi
landanna tveggja með henni, en
Indland hefur verið dyggur banda-
maður afganskra stjórnvalda.
Utanríkisráðherra Indlands sagði
að árásin myndi ekki draga úr vilja
ríkisstjórnar sinnar til að standa við
skuldbindingar sínar við Afgani.
„Indland og Afganistan hafa djúpt
samband hvort við annað. Slíkar
árásir óvinarins spilla ekki því sam-
bandi,“ sagði Rangeen Dadfar
Spanta utanríkisráðherra, þegar
hann fundaði með starfsmönnum
sendiráðsins.
Aukið ofbeldi
Ofbeldisalda hefur riðið yfir Afg-
anistan að undanförnu. Áætlar AP-
fréttastofan að rösklega 2200
manns hafi fallið í átökum það sem
af er árinu. Höfuðborgin hefur til
þessa sloppið nokkuð vel við
handahófskenndar árásir sem beitt
er gegn herliði stjórnvalda og al-
þjóðaherliðinu í Afganistan. Árásin
á sendiráðið er hins vegar sjötta
sjálfsvígsárásin í Kabúl á árinu.
Það sem einkennir árásir að und-
anförnu er hversu öflugar sprengj-
urnar eru. Þetta er talið ein ástæða
þess að mannfall í hópi NATO-her-
manna hafi verið meira í júní síð-
astliðnum en nokkrum mánuði
síðan ráðist var inn í landið fyrir sjö
árum.
Þótt talíbanar hafi staðið fyrir
mörgum af árásum undanfarinna
mánuða segjast þeir ekki bera
ábyrgð á þessari. Neita þeir almennt
ábyrgð á árásum þar sem flestir
hinna föllnu eru almennir, afgansk-
ir borgarar. „Þegar við gerum sjálfs-
vígsárás göngumst við við henni,“
segir Zabiullah Mujahid, talsmaður
talíbana í Afganistan.
Vígvöllur Ljótt var um að
litast við sendiráðið.
Sprenging
skekur Kabúl
Geysiöflug sprenging í bíl sem ekið var að sendiráði Indlands í
Afganistan Fólk týndi lífi í næstu húsum við sendiráðið
ÁRÁSIR UNDANFARIÐ
© GRAPHIC NEWS
17. júní 2007: Sjálfsvígssprengja í
Kabúl veldur dauða 24 í lögreglurútu
29. sept.: Sjálfsvígsárás gegn herrútu
í Kabúl leggur 28 afganska hermenn og
tvo óbreytta borgara af velli
6. nóv.: Yfir 70 manns látast í
sjálfsvígsárás í Baghlan
17. feb. 2008: Ríflega 100 manns
látast í sjálfsvígsárás í Argandab
18. feb.: Sjálfsvígssprengju er beint
gegn herfylgd Kanadamanna í Spin
Boldak. 37 óbreyttir borgarar látast
7. júlí: Sjálfsvígssprengja í bifreið við
sendiráð Indlands í Kabúl veldur dauða
41 manns og særir 141
Tadsjikistan
Túrkmenistan
Íra
n
AFGHANISTAN
Kandahar
Spin
Boldak
Argandab
Baghlan
Kabúl
160 km
100 mílur
Pakistan Indland
Herat
Bros barns örvar ánægjustöð
heila móður þess, svo taugaboð-
efnið dópamín losnar úr læðingi.
„Það mætti lýsa þessu sem nátt-
úrulegri vímu,“ segir Lane
Strathearn, prófessor sem stýrði
rannsókninni þar sem þetta kom
í ljós.
Fyrir rannsakendunum vakti að
skilja betur samband móður og
barns. Vonast þeir til að öðlast
dýpri skilning á því hvernig sam-
bandið er þegar vel lætur – en
þykir jafnvel mikilvægara að
skilja hvernig samband móður og
ungabarns geti rofnað.
Virkni í heila mæðra var skoðuð
á meðan þeim voru sýndar mynd-
ir af ýmsum börnum. Reyndist
virkni í ánægjustöðinni aukast
þegar konurnar sáu myndir af
börnum sem þær áttu ekki, en
það var ekkert í líkingu við þá
aukningu sem varð þegar þær sáu
myndir af eigin börnum. Lang-
mest var aukningin þegar af-
kvæmin voru brosandi. aij
Barnsbros er
vímugjafi
Sænsk pör sem vilja sem minnst
japl, jamm og fuður í kringum
hjónavígslu sína geta nú gifst
bílalúgubrúðkaupi í Västerås. At-
höfnin tekur rétt um sjö mínútur.
Carola Mård og Torbjörn Jansson
voru á sunnudag fyrst til að nýta
sér þessa þjónustu. „Það var helst
til að geta sagt börnum okkar og
barnabörnum að við höfum
gengið í fyrsta bílalúguhjóna-
band Svíþjóðar,“ hefur Af-
tonbladet eftir Carolu Mård. aij
Bílalúgubrúð-
kaup í Svíþjóð
Tuttugu og fimm kolkrabbar hóf-
ust í gær handa við að leysa ten-
ingaþraut Rubiks. Næsta mán-
uðinn verður Rubiks-teningur –
auk ýmissa annarra leikfanga – til
staðar í kolkrabbabúrum víðs
vegar um Evrópu. Litlar vonir eru
bundnar við að einhver kol-
krabbanna muni leysa þrautina,
enda er það ekki tilgangur til-
raunarinnar.
Munu sjávarlíffræðingar skrá
þrjá fyrstu útlimina sem kol-
krabbar nota til að grípa um
hluti. Vonast þeir til að geta með
þessu séð hvort kolkrabbar eigi
sér uppáhaldsútlim – líkt og
manneskjur eru ýmist rétthentar
eða ranghentar. aij
Leitað að uppá-
haldsútlimnum