24 stundir - 08.07.2008, Blaðsíða 11

24stundir ÞRIÐJUDAGUR 8. JÚLÍ 2008 11
Árið 2008 gæti orðið þekkt
sem árið sem Frakkland upp-
lifði stóra sniglaskortinn.
Kenna franskir matgæðingar
bættum lífskjörum í Austur-
Evrópu um. Síðan aust-
antjaldsríkin gengu í Evrópu-
sambandið hefur atvinnu-
ástandið batnað stórlega.
Fyrir vikið fást sífellt færri til
að vakna í bítið á votviðr-
isdögum til að skríða með
vasaljós í skóglendi.
Um 25.000 tonn af sniglum
rata á diska Frakka ár hvert.
Það eru um tveir þriðjuhlutar
heimsneyslunnar, eða sem
jafngildir 700 milljónum ein-
stakra snigla. aij
Mikil neysla á tófú og ýmsum
öðrum vörum sem unnar eru
úr sojabaunum er tengd við
aukið minnistap á efri árum í
nýrri rannsókn. Breskir vís-
indamenn könnuðu eldri
borgara á Indónesíu og kom-
ust að því að virkni minn-
isstöðva heilans var allt að
fimmtungi minni hjá þeim
sem borðuðu mikið tófu en
þeim sem lítið sem ekkert
borðuðu. Reyndust soja-
afurðir innihalda nokkuð
magn hormóna með svipaða
virkni og estrógen, sem geta
að sögn rannsakendanna haft
slæm áhrif á heilastarfsemi. aij
Árlegt nautahlaup í Pamplona
á Norður-Spáni var sett á
sunnudag. Samkvæmt heim-
ildum Rauða krossins þurftu
13 að leita aðhlynningar lækn-
is vegna sára sinna, auk þess
sem einn áhorfandi lést eftir
að hann féll af vegg.
Þetta árið voru naut og menn
um fjórar mínútur að hlaupa
825 metra leið um þröng
stræti Pamplona.
Flestir hinna slösuðu mörð-
ust, skárust og hlutu heila-
hristing. Fjórir þeirra eru að
sögn Rauða krossins ferða-
menn. aij
Skjálfti í matgæðingum
Frakka fer að
skorta snigla
Eldra fólk rannsakað
Tófú tengt við
elliglöp
Pamplona á Spáni
Fjöldi sár eftir
nautahlaup
Lengi hefur verið deilt um ástæður þess að
þriðji skýjakljúfurinn á World Trade Center-
svæðinu féll í kjölfar hryðjuverkaárásanna 11.
september 2001. Hafa kenningasmiðir meðal
annars leitt að því líkum að 47 hæða turninn –
sem nefndur var turn sjö – hafi vísvitandi verið
sprengdur niður. Búist er við að niðurstaða ít-
arlegrar skýrslu sem út kemur í mánuðinum
muni hins vegar leiða í ljós að hrun turnsins
hafi stafað af eldum sem geisuðu víða í honum.
Telur hópur arkitekta, verkfræðinga og vís-
indamanna að hrun turnsins geti ekki hafa ver-
ið afleiðing hamfaranna í stærri turnunum
tveimur, sem flugvélar rákust á. „Hvaða 6.
bekkingur sem er getur horft á það hvernig
þessi bygging féll saman nánast í frjálsu falli, al-
gjörlega jafnt, og áttað sig á því að þetta var
ekki náttúrulegt ferli,“ segir Richard Gage, sem
fer fyrir efasemdahópnum, Architects and Eng-
ineers for 9/11 Truth.
Ríflega tvö ár hefur tekið að vinna skýrsluna
um endalok turns sjö. Hafa vísindamenn við
National Institute of Standards and Technology
stuðst við tölvulíkön af ástandi byggingarinnar
til að ráða í orsakir hrunsins.
Telja þeir ýmsa þætti hafa komið saman, til
að turninn yrði fyrsti skýjakljúfurinn til að
hrynja vegna bruna. Fyrir það fyrsta hafi eldur
fengið að loga víða um turninn næsta óáreittur,
þar sem björgunarlið hafi hvorki haft vatn né
mannskap til að berjast við hann. Þetta hafi
veikt burðarvirki turnsins til muna. Jafnframt
hafi hönnun turnsins verið óvenjuleg miðað
við meðalskýjakljúfinn, þar sem jarðlestarstöð
og rafspennuvirki hafi verið undir honum.
andresingi@24stundir.is
Von er á skýrslu um hrun skýjakljúfs í kjölfar árásanna 11. september 2001
Ráðgátan um turn sjö að leysast?
Rústirnar Lítið var eftir af turni sjö haustið 2001
Geislaðu í allt sumar...
Ef þig vantar ferskan
blæ notaðu þá þessar
nauðsynjar sumarsins sem
konur um allan heim hafa
sett í fyrsta sæti