Eintak - 01.11.1993, Síða 39

Sigurður Gísli Pálmason, stjórnarformaður Hagkaups
„Það sem hefur verið að gerast á undanförn-
um tveimur árurn hjá Hagkaup vil ég kalla einka-
væðingu fyrirtækisins, jafnvel þótt það kunni að
hljóma mótsagnakennt í eyrum þar sem um
gamalgróið einkafyrirtæki er að ræða,“ sagði Sig-
urður Gísli Pálmason, stjórnarformaður Hag-
kaups, er hann var tekinn tali á skrifstofu Ragn-
ars Atla í Skeifunni 15.
Sigurður Gísli fetar í fótspor
föður síns í því að hann hefur
enga einkaskrifstofu í öllum þeirn
þúsundum fermetra sem eru í
eigu hans og systkina. „Hagkaup
var farið að vasast í ýmsu sem
ekki hafði beinlínis með kaup og
endursölu á vöru að gera. Við
höfum því búið til sérstakar
rekstrareiningar um þá þætti. Þá
höfum við fært vald og ábyrgð út
til starfsfólksins í auknum mæli,
en um leið sett fjármálaumsýslu
undir embætti fjármálastjóra."
BILUÐ PERA ELUR
AF SÉR FYRIRTÆKI
Til að skýra mál sitt tekur Sig-
urður dæmi um viðhaldsdeildina,
sem áður sá um viðhald þar sem
nauðsyn krafði, en hefur nú verið
gerð að sérstöku fyrirtæki, Þarfa-
þingi hf. „Áður var það þannig að
ef pera bilaði vestur á Eiðistorgi
var hringt í viðhaldsdeildina,
maður kallaður út sem kom ak-
andi á sínum bíl og skipti urn
peru. Enginn vissi í raun hvað
þetta kostaði. Nú er hins vegar
skrifaður reikningur fyrir verkinu
og það sem gerist er að þeir á Eið-
istorgi ná sér í stól og skipta um
peru sjálfir, því annars kemur
þetta fram sem kostnaður í þeirra
bókhaldi. Þannig að aðhald eykst.
Það sem meira er, við gefum
viðhaldsdeildinni, það er Þarfa-
þingi eitt til tvö ár í aðlögunar-
tíma og eftir það verða þeir að
standa sig í samkeppni á opnunr
markaði. Þannig að ef Þarfaþing
er ekki ódýrast í þeirri þjónustu
sem þeir bjóða okkar fyrirtækj-
um, þá leita þau annað. Þetta er
gagnkvæmt, Þarfaþing getur sóst eftir verkefnum
annars staðar.“
KYNSLÓÐASKIPTIN TRYGGÐ
„Með þessum skipulagsbreytingum er í raun
verið að tryggja kynslóðaskiptin og urn leið er
verið að skilja milli eigenda og stjórnenda. Sá
stjórnunarstíll sem dugði vel meðan Pálmi
stjórnaði fyrirtækinu á ekki lengur við. I fræðun-
urn er talað um „founders-trap“ eða „family-
trap“ og til að forðast þá gildru þarf að gera sér-
stakar ráðstafanir. Rétti tíminn til að gera breyt-
ingar í fyrirtæki er einmitt þegar allt leikur í
lyndi, ekki þegar allt er kornið í óefni, eins og oft-
ast er gert. Nú er tími þessara umbreytinga hjá
okkur og þær hafa forgang.
Á þessu tímabili höfurn við ekki farið út í
neinar stærri framkvæmdir, en nú sér fyrir end-
ann á því.“
Sigurður Gísli segir að umbreytingatímabilinu
ljúki þegar Óskar Magnússon, nýskipaður for-
stjóri, tekur við stjórnartaumunum unr mánað-
armótin, en Sigurður taldi að allar breytingar
yrðu ekki komnar í höfn fyrr en að sex til tólf
mánuðum loknum.
„Með þessu er stefnt að því að fyrirtækið verði
sjálfstæðara gagnvart eigendunum og skilin
þannig skerpt á rnilli eigenda og stjórnenda."
MANNASKIPTIN í FORYSTUSVEITINNI
Óskar er ráðinn til starfa hjá Hagkaup í kjöl-
far þess að Jón Ásbergsson hætti. Segir Sigurð-
ur Gísli að Jón hafi hætt að eigin frumkvæði og
tekur frarn að það hafi allt farið fram í besta
bróðerni.
Viðmælendur höfunda hafa
rætt um að Jón stefni í pólitík og
hann hafi metið það svo að ný
staða hans hjá Útflutningsráði
væri hentugri stökkpallur út á þá
braut, en væri hann um kyrrt hjá
Hagkaup.
Sigurður Gísli vildi ekki tjá sig
um þessar bollaleggingar. En hvað
segir hann urn skyndilega brottför
annars lykilmanns úr fyrirtækinu,
Þorsteins Pálssonar, sem hætti
í byrjun októbermánaðar og tók
að sér framkvæmdastjórastöðu
hjá Örtölvutækni?
„l’orsteinn hætti nrjög óvænt.
Ástæða fyrir brottför hans er sú
að hann undi því einfaldlega ekki
að annar fengi forstjórastarfið,
þrátt fyrir að honum mætti vera
ljóst að leitað yrði út fyrir fyrir-
tækið eftir manni. Það var
óheppilegt og tímasetningin
slæm, en ég fylli í það skarð sem
hann skildi eftir þar til aðrar ráð-
stafanir hafa verið gerðar.“
ÞRIGGJA PRÓSENTA
GRÓÐIAF VELTU
Miklar sögur hafa ætíð gengið
um Hagkaup, þær síðastar að þeir
tapi miljón á dag og skuldi 12 mil-
jarða erlendis. Sigurður Gísli segir
að þessar sögur hafi komist á
skrið þegar ráðist var í byggingu
Kringlunnar. Þá hafi þeir ýmist
átt að hafa verið komnir á haus-
inn eða grætt stórfé.
„Við töpuðum reyndar á
Kringluframkvæmdinni sjálfri.
En það hefur skilað sér og tryggði
okkur ákveðna forystu og stöðu á
markaðnum. Ég hef ekki viljað tjá
mig um stöðu fyrirtækisins, en get þó sagt það
hér að eignastaðan er góð og verulega umfram
skuldir. Síðast var tap á rekstrinum árið 1988. En
afkoman er ágæt og ég er óánægður ef ekki er
þriggja prósenta hagnaður af veltu án virðis-
auka.“
Miðað við veltu fyrirtækisins eru 3 prósentin
270 milljónir króna. Það er sú upphæð sem þarf
til að gera Sigurð Gísla ánægðan.
SlGURÐUR GÍSLI PÁLMASON, STJÓRNARFORMAÐUR HAGKAUPS
„...eignastaðar er góð og verulega umfram skuldir. Síðast var tap á rekstrinum
árið 1988. En afkoman er ágæt og ég er óánægður ef ekki er þriggja prósenta
hagnaður af veltu án virðisauka."
E I N T A K
39