Morgunblaðið - 06.01.2005, Blaðsíða 4
4 FIMMTUDAGUR 6. JANÚAR 2005 MORGUNBLAÐIÐ
FRÉTTIR
Söfnunarsíminn er 907 2020
Með því að hringja í söfnunarsímann leggur þú fram 1.000 kr. til hjálparstarfsins
í Asíu. Einnig er hægt að leggja fram fé með kreditkorti á www.redcross.is,
eða millifærslu á bankareikning 1151-26-000012, kt. 530269-2649.
M
Á
T
T
U
R
IN
N
&
D
Ý
R
Ð
IN
kostar birtingu auglýsingarinnar
„VIÐ getum ekki gert annað en tekið
þessu bara vel,“ segir Jónmundur
Guðmarsson, bæjarstjóri Seltjarnar-
ness, um þá ákvörðun Skipulags-
stofnunar að óska eftir frekari upp-
lýsingum varðandi fyrirhugaðar
breytingar á aðalskipulagi Seltjarn-
arness. „Ég er að vona að álit Skipu-
lagsstofnunar geti verið ákveðin
vatnaskil í þessu máli, að menn fari
að tala betur saman og leiti skyn-
samlegra lausna,“ segir Sigurður J.
Grétarsson prófessor, íbúi á Sel-
tjarnarnesi og einn þeirra sem mót-
mælt hafa framkomnum tillögum
bæjaryfirvalda.
„Mér finnst þetta ágætis tíma-
punktur til að staldra aðeins við og
fara yfir sviðið og velta upp þessum
hlutum sem þarna hafa komið upp á
yfirborðið í þeim tilgangi að uppfylla
allar þær kröfur sem til okkar eru
gerðar og leitast við að skapa eins
mikla sátt og mögulegt er í við-
kvæmum málaflokkum eins og í
skipulagsmálum,“ segir Jónmundur.
Aðspurður segist Jónmundur telja
viðbrögð Skipulagsstofnunar vera
jákvæð. „Þau staðfesta að ferillinn
hefur verið samkvæmt öllum lögum
og reglum, þ.e. að við höfum haldið
rétt á málum og gert allt það sem
skipulagslöggjöfin uppáleggur bæj-
aryfirvöldum að gera. Til að mynda
kemur fram að okkur er fyllilega
stætt á því að gera breytingar á að-
alskipulagi með þeim hætti sem við
höfum verið að huga að, en hefur
reyndar verið gagnrýnt. Á hinn bóg-
inn óskar Skipulagsstofnun eftir
frekari upplýsingum um framtíðar-
stefnu bæjarfélagsins, auk þess sem
hún kemur með þau vinsamlegu til-
mæli að við í væntanlegu aðalskipu-
lagi gerum nánari grein fyrir húsa-
gerðum á skipulagssvæðinu,“ segir
Jónmundur.
Þess krafist að gerð sé skýrari
grein fyrir öðrum kostum
Aðspurður segir Sigurður niður-
stöðu Skipulagsstofnunar mikilvæg-
an áfanga fyrir þá sem mótmælt hafa
áformum bæjaryfirvalda á Seltjarn-
arnesi. „Þó að skipulagsstjóri telji að
tæknilega myndi slík afmörkuð
breyting á aðalskipulagi standast lög
telur embættið að það hafi verið til-
efni til að tengja breytingarnar við
heildarendurskoðun skipulagsmála.
Ein okkar helsta ábending hefur ein-
mitt verið að gera þurfi þessar
skipulagsbreytingar í heildarsam-
ræmi og helst í samræmi við nýtt að-
alskipulag, en forsendur núgildandi
aðalskipulags eru frá 1981. Bæjaryf-
irvöld hljóta að hugsa sinn gang þeg-
ar Skipulagsstofnun tekur undir
þetta umkvörtunarefni hundraða
Nesbúa.“
Að mati Sigurðar felast sérstök
tíðindi í því að skipulagsstjóri skuli
telja það slíka frágangssök að emb-
ættið geti ekki afgreitt tillögu yfir-
valda fyrr en fram hafi komið skýr-
ari greinargerð Seltjarnarnesbæjar
varðandi aðra uppbyggingarkosti.
„Skipulagsstjóri krefst þess beinlín-
is að gerð verði skýrari grein fyrir
öðrum uppbyggingarkostum. Mér
þykir augljóst að bæjarbúar, ekki
bara Skipulagsstofnun, eigi að fá að
meta slíka kosti. Loks beinir skipu-
lagsstjóri þeim eindregnu tilmælum
til bæjaryfirvalda að útfæra betur
framkomnar tillögur skipulagsyfir-
valda, t.a.m. hvað varðar hæð húsa,
húsagerð og annað yfirbragð svæð-
isins. Ég vona heilshugar að þetta
viti á nýtt og betra samráð við íbúa
um gott skipulag á þessu viðkvæma
og mikilvæga svæði,“ segir Sigurður.
„Vonandi ákveðin vatnaskil í málinu“
Sigurður J.
Grétarsson
Jónmundur
Guðmarsson
SKIPULAGSSTOFNUN hefur vís-
að breytingartillögu á aðalskipulagi
Seltjarnarnesbæjar vegna Hrólfs-
skálamels aftur til sveitarfélagsins
og óskað eftir frekari skýringum og
umfjöllun á athugsemdum sem stofn-
unin hefur þegar gert við tillöguna.
„Við afgreiddum málið aftur til
Seltjarnarnesbæjar núna fyrir
helgina. Þar sem við teljum enn vera
ósvarað og brugðist við þeim athuga-
semdum sem stofnunin gerði við til-
löguna fyrir auglýsingu og varðaði
umfjöllun um aðra uppbyggingar-
kosti og samanburð kosta,“ segir Ás-
dís Hlökk Theódórsdóttir, starfandi
skipulagsstjóri.
Í bréfi sem sent hefur verið Sel-
tjarnarnesbæ kemur fram að á kynn-
ingartíma tillögunnar hafði Skipu-
lagsstofnun borist talsvert af
athugasemdum við að ekki hefði ver-
ið gerð grein fyrir öðrum uppbygg-
ingarkostum í sveitarfélaginu. At-
hugasemdunum hefði ekki verið
svarað af hálfu sveitarfélagsins og
óskaði Skipulagsstofnun eftir ítar-
legri greinargerð um þessi atriði.
Skipulagsstofnun barst 51 athuga-
semdabréf á auglýsingatíma, af þeim
lýstu þrír stuðningi við tillögurnar.
Einnig bárust undirskriftalistar þar
sem um 1.100 manns mótmæltu til-
lögunum og einn undirskriftalisti þar
sem 10 manns lýstu yfir stuðningi við
tillögurnar. Í þessari afgreiðslu
Skipulagsstofnunar voru tekin fyrir
bæði þau bréf sem bárust við aðal-
skipulagstillöguna og deiliskipulags-
tillöguna þar sem athugasemdirnar
varða í mörgum tilvikum báðar til-
lögurnar. Í niðurstöðum Skipulags-
stofnunar kemur fram að ljóst sé að
talsverð andstaða hafi komið fram
við þær tillögur sem auglýstar hafi
verið. Seltjarnarnesbær hafi gert
breytingar á aðalskipulagstillögunni
í kjölfar athugasemda sem virðast
hafa komið óverulega á móts við þær
athugasemdir.
Skipulagsstofnun felst á að unnt
hafi verið að fara með málið sem
breytingu á aðalskipulagi, eins og
gert hafi verið og að málsmeðferð
hafi verið í samræmi við skipulags-
og byggingarlög. Að því undanskildu
að Seltjarnarnesbær hafi ekki með
fullnægjandi hætti sinnt þeim kröf-
um sem Skipulagsstofnun gerði til
tillögunnar fyrir auglýsingu hennar
né brugðist við athugasemdum sem
bárust á kynningartíma tillögunnar
og vörðuðu kröfur um mótun heild-
stæðrar stefnu fyrir sveitarfélagið og
samanburð uppbyggingarkosta í
sveitarfélaginu.
Áður en Skipulagsstofnun getur
afgreitt tillöguna til staðfestingar
umhverfisráðherra þarf umsögn Sel-
tjarnarnesbæjar um athugasemd
Skipulagsstofnunar varðandi aðra
uppbyggingarkosti. Auk þess leggur
stofnunin til að sveitarfélagið taki til
skoðunar að setja ítarlegri ákvæði í
aðalskipulagið um einkenni byggðar
á skipulagssvæðinu, þannig að fyrir
liggi ítarlegri bindandi forsendur
fyrir deiliskipulagi svæðisins. Þá
þurfi einnig að gera grein fyrir
breikkun Suðurstrandar í aðalskipu-
lagsbreytingunni, séu áform um
hana.
Athugasemdum
Skipulagsstofnun-
ar enn ósvarað
Breytingartillaga á aðalskipulagi Seltjarnarnesbæjar aftur til sveitarfélagsins
ÍBÚUM Hvolsvallar brá í brún
þegar þeir litu á Hvolsfjall að
morgni gamlársdags því á upp-
lýstu ártali, sem er efst á brún
fjallsins, blasti við ártalið 2001 í
stað 2004. Þegar betur var að gáð
kom í ljós að skemmdarvargar
höfðu gert það að leik sínum að-
faranótt gamársdags að skera á
ljósaslöngur sem mynduðu ártalið
2004 og skemma stóran hluta af
ljósabúnaðinum.
Á vefsvæði lögreglunnar á
Hvolsvelli má lesa að ártalið hefur
verið í brún Hvolsfjalls í áraraðir
og sé að því mikill sómi og stað-
arprýði þar sem það er upplýst
frá byrjun jólaföstu og fram yfir
þrettándann ár hvert, en ártalið
breytist sjálfvirkt á miðnætti um
áramót.
Félagar í Björgunarsveitinni
Dagrenningu á Hvolsvelli, sem
höfðu veg og vanda af ártalinu,
brugðust skjótt við og færðu ártal-
ið til fyrra horfs með umtalsverðri
vinnu og kostnaði. Lögreglan bið-
ur alla þá, sem búa yfir einhverri
vitneskju um skemmdarverkin, að
hafa samband í síma lögreglunnar
488 4111.
Við blasti 2001
í stað 2004
ÞESSI ólánssami og fremur horaði skarfur
kom röltandi inn í Kaupfélag Héraðsbúa um
hádegisbil í gær. Svo virðist sem hann hafi
komið af Lagarfljótinu og sást fyrst til hans
á krossgötunum við þjóðveg 1 og Egilsstaði.
Fylgdust menn með honum ramba upp að
kaupfélagi, sjálfsagt í ætisleit og skirrðist
hann ekki við að koma nálægt fólki. Guð-
mundur Bjarnason tók skarfinn traustataki
í fordyri verslunarinnar. „Hann hefur auð-
vitað verið að leita að hinum skörfunum í
kaupfélaginu,“ sagði Guðmundur við for-
vitna sem söfnuðust um fuglinn.
Ólafur Karl Níelsen vistfræðingur hjá
Náttúrufræðistofnun Íslands segir að um
ungan dílaskarf sé að ræða. Dílaskarfar sækja
nokkuð inn á ferskvatn á vetrum og sjást á stöð-
um eins og Mývatni og Þingvallavatni. Lag-
arfljótið er ísilagt að mestu og líklegt að fuglinn
hafi hafst við á vök nálægt Lagarfljótsbrúnni og
svo flæmst eftir ísnum. Dílaskarfar eru fiski-
ætur og kafa eftir æti. Ólafur Karl segir að þeir
sæki upp með ám og sjáist reglubundið þar.
„Það er ekki óalgengt að þeir leiti á ferskvatn,“
segir Ólafur Karl. „Stofnstærð dílaskarfs á Ís-
landi er á bilinu 4000-5000 pör og verpa þau öll
fyrir vestan, við Breiðafjörð og Faxaflóa. Fugl-
arnir, einkum ungfuglarnir, dreifast hringinn í
kringum landið á vetrum.“ Skarfurinn var
merktur og honum að því búnu sleppt.
Morgunblaðið/Steinunn Ásmundsdóttir
Skarfur kemur í kaupfélagið
Egilsstöðum. Morgunblaðið.
Guðmundur brá á það ráð að halda fuglinum þétt-
ingsfast uns honum var komið í skjól til merkingar.
HJÖRLEIFUR Jakobs-
son, forstjóri Olíufélags-
ins ehf., segir að fleiri
þættir hafi áhrif á útsölu-
verð eldsneytis á Íslandi
en eingöngu heimsmark-
aðsverð. „Í stórum drátt-
um má segja að u.þ.b. 2⁄3
hlutar útsöluverðs séu
fastir í krónum per lítra
en aðeins um 1⁄3 hluti út-
söluverðs geti tekið sveifl-
um heimsmarkaðsverðs. Þannig má
segja að ef heimsmarkaðsverð
hækkar um 15% þá sé nauðsynlegt
að hækka útsöluverð hér um 5% og
ef það lækkar um 15% sé svigrúm til
lækkunar útsöluverðs um 5%,“ segir
Hjörleifur.
Hjörleifur segir að þeir kostnaðar-
liðir sem eru fastir og óháðir
heimsmarkaðsverði séu t.d.
flutningskostnaður til lands-
ins, vörugjöld til hafna,
geymslu- og dreifingarkostn-
aður og hluti af álagningunni.
„Stærsti hlutinn sem er fastur
er þó tollar og veggjald sem
með virðisaukaskatti er sam-
tals tæpar 53 krónur per
lítra,“ segir Hjörleifur. „Olíu-
félagið ehf. hefur markvisst
skilað öllum breytingum á heims-
markaðsverði til neytenda að und-
anförnu og sé horft til dæmisins sem
tekið var í Morgunblaðinu í gær þá
hefði sú lækkun átt að leiða til 5,3
krónu lækkunar en Olíufélagið lækk-
aði verð um 5,9 krónur í desember,“
sagði Hjörleifur Jakobsson.
2⁄3 hlutar olíuverðs eru
fastir kostnaðarliðir
Hjörleifur
Jakobsson
Forstjóri Olíufélagsins
SAMFYLKINGIN er ósátt við skip-
unarbréf nýrrar stjórnarskrár-
nefndar sem takmarkar verksvið
nefndarinnar umfram það sem
ástæða var til að ætla í byrjun. Í
skipunarbréfinu kemur m.a. fram að
endurskoðunin verði einkum bundin
við I., II. og V. kafla stjórnarskrár-
innar og þau ákvæði í öðrum köflum
hennar sem tengjast sérstaklega
ákvæðum þessara þriggja kafla.
Ingibjörg Sólrún Gísladóttir,
varaformaður Samfylkingarinnar,
segir að forsætisráðherra hafi slegið
taktinn í stefnuræðu sinni 4. október
og í ræðu við lok hátíðarhalda vegna
afmælis heimastjórnarinnar 6. des-
ember, þegar hann ræddi um að end-
urskoðun stjórnarskrárinnar yrði al-
menn. Nú sé hins vegar, samkvæmt
skipunarbréfinu, fyrst og fremst
horft til þriggja kafla hennar, sem
Samfylkingin telur þrengingu á
verksviði nefndarinnar umfram það
sem ástæða sé til.
Ekki hægt að skilyrða á hverju
almenningur hefur skoðanir
„Hér er um að ræða grundvallar-
lög íslenska ríkisins og mikilvægt að
menn reyni eins og kostur er, bæði
við afmörkun vinnunnar og í allri
skipulagningu, að ná eins víðtækri
samstöðu og hægt er. Það hlýtur að
þurfa að leita til almennings í þessari
vinnu, það er ekki hægt að skilyrða
það með þessum hætti á hvaða þátt-
um stjórnarskrárinnar almenningur
hefur skoðanir. Þetta lofar ekki góðu
í byrjun,“ segir Ingibjörg Sólrún.
Forsætisráðherra hafi í ræðum sín-
um um endurskoðun stjórnarskrár-
innar bent réttilega á að þeir sem
stóðu að stofnun lýðveldisins hefðu
eftirlátið framtíðinni það verkefni að
endurskoða stjórnarskrána og því
verkefni væri ólokið.
Samfylkingin ósátt
við skipunarbréf
stjórnarskrárnefndar
Takmark-
ar verk-
svið nefnd-
arinnar
TVEIMUR höggbrotvélum, einni
höggborvél og fræsara var stolið í
fyrrinótt úr nýbyggingu sem verið
er að reisa við Katrínarlind í
Reykjavík. Tilkynnt var um þjófn-
aðinn til lögreglu klukkan hálftíu í
gærmorgun. Brotist var inn í læst
herbergi og verkfærunum stolið
þaðan.
Verkfærum stolið