Morgunblaðið - 06.01.2005, Síða 33

MORGUNBLAÐIÐ FIMMTUDAGUR 6. JANÚAR 2005 33
MINNINGAR
bljúgar og mjúkar innan í okkur við
minninguna.
Ég var svo rík að eiga þrjár móð-
ursystur, og þegar fór að ganga
verulega á krafta mína við að annast
hann mynduðu þær her hjálp-
arengla, Guðbjörg og Halla skiptust
á um að koma annan hvern dag beint
frá vinnu, og ganga með hann þar til
hann sofnaði að kvöldi, og Elísabet,
sem hugsaði um heimili sitt, var í
baksveit, og veitti móralskan styrk.
Þessar þrjár konur hafa oft verið
eina kjölfesta mín í lífinu.
Litli Pétur, eins og hann var kall-
aður af þessari kynslóð, ólst upp við
að hann gæti treyst á þær alla tíð.
Eftir að við fluttum á Selfoss voru
ófáar ferðirnar sem hann fór með
rútunni til Reykjavíkur til að hitta
þær, stundum til Guðbjargar og
stundum til Höllu, og stundum
meira að segja fór hann með þeim
austur að Kárastöðum. Ég hafði
ekki tækifæri til að veita honum
svona skemmtiferðir og þess vegna
voru þessar heimsóknir einstaklega
dýrmætar í hans uppvexti. Og ég
tala nú ekki um útilegurnar, sem
voru honum hreint ævintýri.
Pétur er allvel lesinn og upplýstur
um kvikmyndir, það þakka ég henni.
Guðbjörg hafði einstaka þekkingu
og unun af mörgum málefnum, svo
sem tónlist og bókmenntum, allt frá
Íslendingasögum til unglinga- og
barnabókmennta sem hún las sér til
ánægju. Áhugasvið hennar var ein-
staklega vítt, hún var meira að segja
vel heima í knattspyrnuheiminum,
þekkti íþróttamennina með nöfnum,
í hvaða liði þeir voru og vissi hvar
þeir voru staddir í deild.
Því verður ekki með orðum lýst
hve Guðbjörg átti mikinn þátt í upp-
eldi Péturs. Það mun endast honum
allt hans líf. Ástúð hennar og um-
hyggja fyrir honum var með henni
alla tíð.
Aðdáun hennar og áhugi á lífi
dóttur minnar var fölskvalaus. Allt-
af fylgdist hún með öllu, af um-
hyggju og ást.
Yngri sonur minn fékk ekki minni
alúð. Þegar hann fótbrotnaði ungur
var hún fljót að koma með bókina
„Dísu ljósálf“ til að lesa hana fyrir
hann og þetta varð upphafið að
áframhaldandi lestrarstundum
þeirra sem honum fannst mikið til
um og hefur samband þeirra verið
gott og náið. Hún fylgdist með
áhugamálum unglinga og var vel
inni í Hringadróttinssögu og Harry
Potter. Þau deildu þessu áhugamáli
sem varð efni í umræður og sameig-
inlegar kvikmyndahúsaferðir.
Hún vann lengst af í Búnaðar-
bankanum, stofnlánadeild. Þar
kynntist hún mörgum úrvals sam-
starfsmönnum, sem hún mat mikils.
Og ekki vantaði nú húmorinn hjá
þessari heimskonu og lífsnautna-
manneskju sem hún frænka mín
var. Ég mun sárt sakna þess að ekki
mun hún hringja aftur til að leyfa
mér að hlæja með sér að einhverjum
brandara, eða limru, sem hún kunni
enn frá dvöl sinni í Búnaðarbank-
anum.
Hún var sjúklingur alla tíð, afleið-
ingar berkla sem hún fékk ung. En
hún lét það ekki buga sig. Oft þegar
við fórum saman í útilegur Guð-
björg, Halla, Litli Pétur og ég kvart-
aði ég meira undan því að liggja
svona á jörðinni en hún, sem þurfti
alltaf að meta hvaða áhrif það hefði á
lungu hennar. Þetta lýsti ást hennar
á náttúrunni og fuglalífi.
Ég get ekki minnst hennar Guð-
bjargar öðruvísi en að minnast á þá
fágætu vináttu sem var á milli henn-
ar og Einars systursonar hennar.
Þeirra vináttta var henni mikils virði
allt lífið. Það stafaði geislum frá
þessari einstaklega fögru vináttu og
kærleika sem á milli þeirra var.
Guðbjörg hafði svo fíngerða og
fallega sál, og mér finnst ég og börn-
in mín hafa fengið svolítið englaryk
af því að hafa notið nærveru hennar
í fjölskyldunni. Ég er barmafull af
þakklæti.
Guð geymi hana.
Fanney Edda Pétursdóttir.
Elsku Guðbjörg frænka, okkur
langar að minnast þín í örfáum orð-
um.
Þó samband okkar hafi ekki verið
mikið nú seinni ár var alltaf ynd-
islegt að hitta þig og þú átt stóran
þátt í okkar æskuminningum.
Við fjölskyldan fórum oft austur
að Kárastöðum og áttum þar góðar
stundir með heimafólki og þér og
Höllu því oft voruð þið systur fyrir
austan.
Guðbjörg og Halla, við nefndum
nöfnin ykkar eins og um eina per-
sónu væri að ræða, svo nánar voruð
þið systur.
Missir Höllu er mikill sem og allra
þeirra sem kynntust þér því þú
varst ótrúleg persóna.
Það var allt gott við þig og kostir
þínir voru miklir og alveg örugglega
ekki margir sem geta stært sig af
þeim svona öllum í einu en það gast
þú.
Þú varst glaðvær, góð, glettin,
hláturmild, vinur allra, gjafmild, ef
þú bara vissir hvað þú gafst fólki
mikið. Það var ekki annað hægt en
hafa gaman þegar þú varst nálæg og
öllum leið svo vel í kringum þig.
Nú ertu farin elsku Guðbjörg og
það hefur örugglega verið tekið vel á
móti þér.
Nú skaltu hvíla þig og láta þér líða
vel og hafðu kæra þökk fyrir allt.
Við söknum þín. Minning þín lifir.
Guðrún, Þóra Björg og
Steinar Bragi Stefánsbörn.
Elsku Guggó mín.
Nú sit ég hér ein, bein í baki og
staðráðin í að skrifa eitthvað há-
fleygt og gáfulegt í þína minningu.
Það er mér ekkert endilega svo auð-
velt, en ef þú sætir hér hjá mér
myndirðu sjá að mér væri fúlasta al-
vara, halla þér aftur í stólinn og
segja: allt í lagi Hegga mín, ég bíð
bara á meðan. Síðan myndir þú
ræskja þig pent og horfa til lofts,
halla síðan undir flatt og kíkja í átt
til mín. Ég lít á móti og sé stríðn-
isglampann í augum þínum og við
skellum uppúr og þar með gáfna-
stundin mín fokin fyrir bí.
Ég kynntist þér þegar ég var lítill
táningur að skjóta mig í Einari
frænda þínum, sem var þér eins og
sonur. Það tókust strax sterk vin-
áttubönd með okkur sem héldust
fram á síðustu stund. Þið Halla voru
mér einstaklega elskulegar og góðar
alla tíð og ég gleymi því aldrei.
Heimsóknir ykkar til London,
göngutúrar í Hyde Park og Holland
Park með lítinn Daða skoppandi í
kring. Tónleikaferðir, pöbbaferðir
og ekki má gleyma yndislegum
ferðalögunum á Íslandi, eins og þeg-
ar við tjölduðum á Vestfjörðum og
sungum undir hlýjum sumarhimni
við stillt kertaljós.
Þegar ég heyrði um fráfall þitt
var mín fyrsta hugsun sú að Guð-
björg fer beint til Guðs! Ég ímynd-
aði mér Lykla-Pétur fyrir framan
Gullna hliðið þar sem hann hefur
skipt nýja hópnum í flokka, sendir
helminginn niðurávið en hópnum
með þig fremst í flokki veifar hann
til og kallar My people, follow me!
Þetta heyrðum við ferðastjóra kalla
í Selfridges-versluninni í London í
einni jólaösinni, þótti það óhemju
fyndið og notuðum oft síðan.
Ég er svo þakklát fyrir að hafa
kynnst þér, elsku Guðbjörg. Ég á
eftir að sakna þín sárt en hef þá
huggun að hver einasta stund okkar
saman var dýrmæt og ógleymanleg.
Þín
Helga.
Það eru sorgarfréttir að hún Guð-
björg ömmusystir mín er dáin. Það
er enn erfitt að trúa því að þessi
mikli persónuleiki og göfuga sál sé
ekki lengur meðal okkar í þessu
jarðneska lífi. Guðbjörg frænka,
ásamt eftirlifandi systrum sínum
Höllu og Betu, voru áhrifaríkur
þáttur í fjölskyldulífinu þegar ég var
að vaxa upp og sýndu ávallt áhuga
og stuðning við litlu fjölskylduna
okkar, mömmu, mig og bræður
mína.
Ég hef verið búsett erlendis síð-
ustu ár í námi, en hlakkaði til að
flytja heim og hafa meiri samskipti
við fjölskylduna. Það veldur mér
mikilli sorg að Guðbjörg verður ekki
hluti af lífinu okkar framar, en end-
urminningarnar eru óteljandi og
ómetanlega dýrmætar að eiga. Guð
blessi hana og varðveiti og styrki
okkur öll í sorginni.
Anna María Jónsdóttir.
Fráfall góðs vinar er ætíð átak-
anleg upplifun og stundum er sú til-
finning óvenju sár. Svo er nú þegar
Guðbjörg Einarsdóttir er öll.
Ég átti því láni að fagna mörg
undanfarin ár að vera gamlárs-
kvöldsgestur hjónanna Elísabetar
systur hennar og Jóhannesar Ara-
sonar á heimili þeirra í Þingholtun-
um. Við Guðbjörg vorum oft síðust
til að kveðja eftir þann góða fjöl-
skyldufagnað og tókum ætíð saman
leigubíl vestur í bæ. Einu sinni gerði
svo mikið óveður að bílar komust
ekki leiðar sinnar og þá var ekkert
annað að gera en ganga. Þetta var
talsverð þrekraun fyrir Guðbjörgu,
en með einbeittum vilja og dæmi-
gerðri kímni, sem var henni ætíð
töm, komumst við heim í stórhríð-
inni. Á hverju ári eftir það brást
ekki að Guðbjörg impraði á því með
glettnisglampa í auga að við gætum
vissulega gengið heim en ættum
kannski að veita okkur þann munað
á nýársnóttu að hringja á bíl svo
fremi sem biðin yrði ekki of löng.
Guðbjörgu þótti vænt um það
besta sem lífið hefur upp á að bjóða,
fjölskylduna, vini, tónlist og bók-
menntir. Oftar en ekki kom í ljós að
við höfðum lesið sömu bækurnar og
komist að svipaðri niðurstöðu um
ágæti þeirra.
Hún talaði kjarnmikla og fallega
íslensku eins og aðrir í nánustu fjöl-
skyldu, nokkuð sem ég naut að
hlusta á og vissi að ég myndi seint
eða aldrei ná. Húmor hafði hún í rík-
um mæli, stundum dásamlega grall-
aralegan, og oft flaug mér í hug að
hún hlyti að koma fólki á óvart, sem
ekki þekkti þessa fallegu og höfð-
inglegu konu náið.
Ég minnist með þökk og elsku í
hjarta nærveru hennar í fimmtugs-
afmæli mínu, tónleikaferða þar sem
við vorum sessunautar, Þorláks-
messuskötunnar heima á Þórsgötu
hjá systursyni hennar, Einari Jó-
hannessyni, og fjölmargra annarra
samverustunda.
Hennar mun verða sárt saknað,
gamlársdag sem og aðra daga.
Alan Rettedal.
 Fleiri minningargreinar um
Guðbjörgu Einarsdóttur bíða birt-
ingar og munu birtast í blaðinu
næstu daga. Höfundar eru:
Guðbjörg Lilja Maríusdóttir.
Atvinnuauglýsingar Starfsmaður óskast
Þjónustufyrirtæki óskar að ráða starfsmann
til ýmissa starfa s.s. sendiferða, aðstoðar á lag-
er, ásamt öðrum tilfallandi verkum.
Áreiðanleiki og stundvísi áskilin.
Umsækjendur þurfa að hafa bílpróf.
Umsóknir sendast auglýsingadeild Mbl. merktar:
„Lager — 16506“ fyrir sunnudaginn 9. jan. nk.
Starfskraftur óskast
í barnafataverslun
eftir hádegi frá kl. 14.00-18.00
Allar nánari upplýsingar gefur Halldóra
í síma 869 2024.
Saltfiskmatsmaður
Fyrirtæki á landsbyggðinni óskar eftir vönum
saltfiskmatsmanni. Upplýsingar sendist til augl-
deildar Mbl., merktar: „Saltfiskur — 1234“.
Heildverslun —
Lager — Útkeyrsla
Óskum eftir að ráða röska menn til útkeyrslu
og vöruafgreiðslustarfa nú þegar.
Æskilegt: hópvinna - vöruþekking - þekking
á umhverfi og verkþekking.
Nauðsynlegt: meirapróf - skilvísi og öryggi
í meðferð tækja.
Umsókn sendist til augldeildar Mbl. sem fyrst
merkt: „Vöruafgreiðsla — 16504“ eða
box@mbl.is .
Kennsla
R A Ð A U G L Ý S I N G A R
2ja herb. íbúð
við Lækjargötu til leigu
Til leigu 62 fm 2ja herb. íbúð á 4. hæð í nýlegu
lyftuhúsi við Lækjargötu. Íbúðin er laus nú
þegar og leigist til lengri eða skemmri tíma.
Búin húsgögnum. Stæði í bílageymslu.
Nánari upplýsingar:
Fasteignamarkaðurinn ehf.,
Óðinsgötu 4, s. 570 4500.
Húsnæði í boði
Fjölbrautaskólinn
í Breiðholti
Kvöldskóli FB
Netinnritun á www.fb.is
130 áfangar í boði
Innritun í FB
Fimmtudagur 6. janúar frá 17:00 til 19:00
Kennsla hefst miðvikudaginn 12. janúar
WWW.fb.is
Elskulegur eiginmaður minn, faðir, tengdafaðir,
afi og langafi,
VALTÝR GUÐMUNDSSON
húsasmíðameistari
frá Nýp, Skarðströnd,
Skólastíg 14a,
Stykkishólmi,
verður jarðsunginn frá Stykkishólmskirkju
laugardaginn 8. janúar kl. 14.00.
Ingunn Sveinsdóttir,
Valgerður Valtýsdóttir, Sæbjörn Jónsson,
Sveinlaug Salóme Valtýsdóttir,
Rut Meldal Valtýsdóttir, Gylfi Haraldsson,
Guðmundur V. Valtýsson, Steinunn Dóra Garðarsdóttir,
Valtýr Friðgeir Valtýsson,
barnabörn og fjölskyldur þeirra.