Morgunblaðið - 06.01.2005, Blaðsíða 17
Skógarhlíð 18, sími 595 1000
www.heimsferdir.is
Heimsferðir kynna nú bein flug til Forli/Rimini og Trieste í allt sum-
ar á hreint frábærum kjörum og opna þér dyrnar að töfrum Ítalíu.
Tryggðu þér fargjöld frá aðeins 24.180 krónum og tryggðu þér
jafnframt bestu bílaleiguverðin á Ítalíu í sumar.
Munið Mastercard
ferðaávísunina
Ítalíuveisla
Heimsferða
frá kr. 24.180
í sumar
Verð kr. 24.180
Flusæti með sköttum
í valdar brottfarir,
sjá www.heimsferdir.is
Vikuleg flug í sumar
Höfuðborgin | Akureyri | Austurland
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Jafnréttisuppeldi drengja | Karl-
mennska og jafnréttisuppeldi heitir ný bók
eftir Ingólf Ásgeir Jóhannesson, prófessor
við Háskólann á Akureyri. Í bókinni skoð-
ar hann stöðu drengja í skólum „en und-
anfarin misseri hefur þeirri skoðun vaxið
fiskur um hrygg að drengir eigi þar undir
högg að sækja,“ segir í frétt á mennta-
vefnum. Ingólfur ræðir um goðsagnir og
veruleika sem endurspeglast sitt á hvað í
þessum umræðum og nýtir fræðilegar
kenningar og fjölmargar rannsóknir, inn-
lendar og erlendar, m.a. eigin viðtalsrann-
sókn við íslenskar grunnskólakennslukon-
ur, til þess að leggja fram raunhæfar
tillögur um jafnréttisuppeldi drengja.
Á vefnum segir að bókin sé tímabært
innlegg í íslenska skólamálaumræðu, ekki
síst með tilliti til niðurstöðu Pisa-
rannsóknarinnar sem nýlega var kynnt í
fjölmiðlum. „Ingólfur telur að slakan
námsárangur drengja megi ekki síst rekja
til áhrifa hefðbundinna og skaðlegra karl-
mennskuímynda á drengi.“
Útgefandi er Rannsóknastofa í kvenna-
og kynjafræðum við Háskóla Íslands.
Úr
bæjarlífinu
HÉÐAN OG ÞAÐAN
Afnot af menningarsal | Menning-
arnefnd Sveitarfélagsins Árborgar hefur
lýst sig fylgjandi því að gengið verði til
samninga við Lista- og menning-
arverstöðina Hólmaröst á Stokkseyri um
föst afnot
sveitarfé-
lagsins og
stofnana þess
af menning-
arsal hússins.
Bæjarráð fól af
því tilefni bæj-
arstjóra að láta
taka saman yf-
irlit um menn-
ingarhópa í Ár-
borg sem hefðu
möguleika á að
nýta sér húsnæði og semja drög að sam-
starfssamningi.
Í greinargerð með bókun menningar-
nefndar um málið kemur fram að á síð-
ustu misserum hafi verið margvíslegir
menningarviðburðir í Hólmarastarhúsinu
á Stokkseyri. Menningarsalurinn taki 600
manns í sæti og sé einn fárra sala í sveit-
arfélaginu af þeirri stærð. „Vaxandi
ásókn er í að nýta salinn á vegum sveitar-
félagsins og stofnana hans. Eðlilegt er að
gerður verði rammasamningur um nýt-
ingu þeirra á salnum,“ segir í bókuninni.
BaðstofukvöldHrunamannaverða endurvakin
á morgun, föstudag.
Feðginin Ólafur B. Ólafs-
son tónlistarmaður og
Ingibjörg Aldís sópr-
ansöngkona halda tón-
leika í Félagsheimili
Hrunamanna á Flúðum
kl. 21. Flytja þau fjöl-
breytta dagskrá með inn-
lendu og erlendu efni.
Á eftir verður Bað-
stofukvöld í þjóðlegum
anda með uppákomum að
hætti heimamanna þar
sem kvæðamenn verða í
öndvegi ásamt hópsöng
og harmónikkuleik. Bað-
stofuandinn verður
ríkjandi eins og á
skemmtikvöldum með
þessu heiti sem voru í
nokkur ár á Flúðum.
Baðstofukvöld
Sparisjóður Húnaþings og Stranda veitti nýleganokkra styrki til hinna ýmsu málefna. Skólabúð-irnar á Reykjum hlutu styrki til að endurnýja
„bátaflota“ sinn en einnig voru veittir fjölmargir styrkir
til annarra félaga í héraðinu. Félag um Riishúss á Borð-
eyri, Tónlistarfélag Vestur-Húnavatnssýslu, Héraðs-
skjalasafn Vestur-Húnavatnssýslu, Skógræktarfélag
Vestur-Húnavatnssýslu, Hvammstangadeild Rauða
kross Íslands, Krabbameinsfélag Hvammstangalækn-
ishéraðs, Húsfreyjurnar á Vatnsnesi, Ungmennafélagið
Grettir í Miðfirði, Ungmennasamband Vestur-Húna-
vatnssýslu vegna „íþróttamanns ársins“, Kvennabandið í
Vestur-Húnavatnssýslu og Snorraverkefnið. Auk þess
var Heilbrigðisstofnun Hvammstanga veitt vilyrði fyrir
styrk til kaupa og uppsetningar á hljóðkerfi í dagstofu.
Morgunblaðið/Karl Á. Sigurgeirsson
Fjölmargir fá styrki
Jakob Sigurjónssonkom úr messu í Ból-staðarhlíð snjóugur
upp að hnjám. Það rifj-
aðist upp að Einar Kol-
beinsson hefði komist í
náð hjá almættinu fyrir
að moka að kirkjunni:
Ekki kanntu á sköflum skil,
skafið var í hlöðin.
Þú ferð niður fjandans til,
fennt var aftur tröðin.
Séra Hjálmar Jónsson tók
upp hanskann fyrir Ein-
ar, það væri ekki hans
mál þó snjóað hefði eftir
að hann mokaði fyrir
kirkjugesti:
Mörgum verður um og ó
af Adams breyska kyni
því Jakob er að ösla snjó
í yfirbótarskyni.
Einar svaraði Jakobi:
Örugglega af því hlýst,
ógnarmikið gaman,
því við getum vinur víst
verið áfram saman.
Fagnaðarfundir
pebl@mbl.is
Akureyri | Menn beita ýmsum
aðferðum við að losa ökutæki
úr snjósköflum. Þessi ungi
ökumaður sem ók forláta Benz
tók beygjuna á Hlíðarfjalls-
vegi að Síðubraut ofan við Ak-
ureyri heldur snemma og lenti
í skafli og pikkfesti bílinn.
Ökumaðurinn og félagi hans
voru svo heppnir að maður á
dráttarvél með ámokst-
urstækjum var í nágrenninu
og varð góðfúslega við beiðni
þeirra um að lyfta bílnum upp
með skóflunni og ýta honum
upp úr skaflinum. Þeir gátu
því haldið för sinn áfram, en
ekki leið þó á löngu þar til
annað snjómoksturstæki sást
ýta bílnum eftir snjóþungum
og torfærum veginum.
Morgunblaðið/Kristján
Pikkfastur í snjóskafli
Hjálplegur
Grundarfjörður | Bæjarstjórn Grundar-
fjarðar telur ekki tímabært að ganga til
kosninga um sameiningu sveitarfélag-
anna á Snæfellsnesi. Kemur þetta fram í
umsögn sveitarstjórnar um tillögur sam-
einingarnefndar félagsmálaráðuneytisins
sem samþykkt var samhljóða á bæj-
arstjórnarfundi í fyrrakvöld.
Sameiningarnefnd hefur lagt til að
íbúum Snæfellsbæjar, Grundarfjarðar-
bæjar, Stykkishólmsbæjar, Helgafells-
sveitar og Eyja- og Miklaholtshrepps
verði gefinn kostur á að kjósa um sam-
einingu sveitarfélaganna fimm þann 23.
apríl næstkomandi. Í umsögn bæjar-
stjórnar Grundarfjarðarbæjar er lýst yf-
ir vonbrigðum með það að ekki skuli
liggja fyrir niðurstöður úr viðræðum
ríkis og sveitarfélaga um verkaskiptingu
og endurskoðun tekjustofna sveitarfé-
laganna.
Fram kemur að vinna á vegum sam-
starfsnefndar sveitarfélaganna á Snæ-
fellsnesi bendi ekki til þess að augljós
fjárhagslegur ávinningur sé af samein-
ingu en væntanlega faglegur. Jafnframt
sé verkefna- og skuldastaða sveitarfé-
laganna ójöfn. Þá segir að nefndin hafi
ekki lagt drög að skipulagi stjórnsýslu,
staðsetningu stofnana eða rekstrarfyr-
irkomulagi sameinaðs sveitarfélags en
það sé eindregið mat bæjarstjórnar að
slík atriði þurfi að liggja fyrir áður en
greidd eru atkvæði um sameiningu.
Þótt bæjarstjórn telji ekki tímabært
að gefa íbúunum kost á að greiða at-
kvæði um sameiningu vekur hún athygli
á því að sveitarfélögin á Snæfellsnesi
hafi verið að auka samstarf sitt á und-
anförnum árum og leggur áherslu á að
áfram verði unnið markvisst að sameig-
inlegum hagsmunamálum Snæfellinga,
jafnframt því að tryggður verði grund-
völlur fyrir samruna samfélaganna, eins
og það er orðið í bókuninni.
Telja ekki
tímabært að
sameinast
Umsögn bæjarstjórnar
Grundarfjarðar