Morgunblaðið - 06.02.2005, Blaðsíða 2

2 SUNNUDAGUR 6. FEBRÚAR 2005 MORGUNBLAÐIÐ
FRÉTTIR
NÝTING JARÐVARMA
Hlutfall jarðvarma til raforkufram-
leiðslu gæti farið langt fram úr vatns-
aflinu ef rannsóknir á djúpborunum
ganga að óskum og kostnaðurinn við
þær verður ekki óheyrilegur. Þetta
segir orkumálastjóri. Hann segir að
almennt megi draga þá ályktun að
meiri friður gæti orðið um byggingu
þeirra jarðvarmavirkjana sem koma
til álita en hugsanlegra vatnsafls-
virkjana.
Átta féllu í Írak
Að minnsta kosti átta manns biðu
bana í árásum skæruliða í Írak í gær,
fjórir bandarískir hermenn og fjórir
liðsmenn írösku öryggissveitanna.
Vika er liðin frá sögulegum kosn-
ingum í Írak og hefur enn ekki verið
lokið við að telja atkvæði. Flest bend-
ir þó til að helsta kosningabandalag
sjíta hafi unnið stóran sigur í kosn-
ingunum. Hafði bandalagið hlotið um
tvo þriðju hluta þeirra 3,3 milljóna at-
kvæða sem búið var að telja. Flokkur
Iyads Allawis, forsætisráðherra
írösku bráðabirgðastjórnarinnar,
hafði fengið um 18%.
Neyslan að aukast
Fíkniefnadeild lögreglunnar í
Reykjavík kom upp um fjórtán fíkni-
efnamál í fyrrinótt í þriggja klukku-
stunda aðgerð sem beindist gegn
fíkniefnaneyslu á skemmtistöðum í
borginni. Aðgerðin fólst í því að níu
lögreglumenn fóru á milli tíu
skemmtistaða og leituðu á mönnum
sem þeir töldu grunsamlega. Segir
yfirmaður fíkniefnadeildarinnar að
málafjöldinn staðfesti að neysla sé að
aukast inni á skemmtistöðunum.
Netsíminn sækir á
Stöðugt algengara er að fólk noti
Netið til að hringja sín á milli, ýmist
með aðstoð tölvu eða með netsímum.
Með þessu móti má hringja nánast
ókeypis eða á innanlandstaxta þótt
hringt sé milli landa. Gæti þetta koll-
varpað símafyrirtækjum.
Y f i r l i t
Í dag
Sigmund 8 Hugvekja 36
Hugsað upphátt 17 Myndasögur 44
Listir 26/27 Dagbók 44/46
Forystugrein 28 Krossgáta 45
Reykjavíkurbréf 28/
29
Leikhús 48
Bréf 33 Fólk 49/53
Umræðan 30/33 Bíó 50/53
Minningar 37/40 Sjónvarp 54
Þjónusta 46 Veður 55
* * *
Auglýsingablaðið Sumarsól 2005 frá
Úrvali-Útsýn fylgir Morgunblaðinu til
áskrifenda.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@mbl.is
Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi, orri@mbl.is Skarp-
héðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson
Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
STJÓRN Straums fjárfestingarbanka er heimilt
að hækka hlutafé félagsins um allt að 1.500 millj-
ónir með áskrift nýrra hluta. Var þetta samþykkt
á aðalfundi félagsins á föstudag.
Var Kristinn Björnsson kosinn formaður
stjórnar og Magnús Kristinsson varaformaður.
Auk þeirra gáfu kost á sér í stjórn og voru sjálf-
kjörnir þeir Ingimundur Sigurpálsson, Þorsteinn
Már Baldvinsson og Þór Kristjánsson. Varamenn
voru einnig sjálfkjörnir en þeir eru Finnur Geirs-
son, Guðjón Auðunsson, Gunnar Sch. Thorsteins-
son, Gunnar Jóhann Birgisson og Steingrímur
Pétursson.
Á aðalfundinum var samþykkt að greiða hlut-
höfum 1.890 milljónir króna í arð sem er 35%
arður af nafnverði hlutafjár. Arðgreiðslan miðast
við hlutafjáreign þeirra í lok dags 3. febrúar
2005.
Heildareignir aukist um 298%
Í ársuppgjöri Straums fyrir árið 2004 sem lagt
var fyrir fundinn kemur fram að hagnaður fé-
lagsins hafi verið 6.404 milljónir króna eftir
skatta samanborið við 3.815 milljónir árið 2003
og er það 68% hækkun. Árið 2004 er því það
besta í sögu Straums fjárfestingarbanka hf.
Hreinar rekstrartekjur námu 8.315 milljónum og
jukust um 93% frá fyrra ári. Arðsemi eigin fjár
eftir skatta var 34,5% en var 39% árið 2003.
Heildareignir bankans námu 89.649 milljónum
króna í árslok 2004 en voru 22.530 milljónir í árs-
lok 2003 og hafa því aukist um 298% á tímabilinu.
Á heimasíðu Straums fjárfestingarbanka er
haft eftir Þórði Má Jóhannessyni forstjóra að síð-
asta ár hafi verið mjög farsælt fyrir félagið og
einkennst af uppbyggingu fjárfestingarbanka-
starfseminnar. Góður árangur í rekstri og hag-
stæð skilyrði á fjármálamarkaði skili bankanum
og þar með 4.500 hluthöfum hans góðri afkomu.
Hann segir fjárhagslegan styrk bankans hafa
aukist verulega og eigið fé Straums hafi tvöfald-
ast frá byrjun árs 2004.
Kristinn Björnsson kjörinn formaður á aðalfundi Straums fjárfestingarbanka
Heimilt að hækka hlutafé
um 1.500 milljónir króna
FIMM voru fluttir á slysadeild eftir ofsaakstur á
Miklubraut, sem endaði með árekstri tveggja
bíla við gatnamót Grensásvegar um kl. 3 í fyrri-
nótt. Lögreglan mældi bíl á 190 km hraða á vest-
urleið í Ártúnsbrekku, og var bíllinn eltur en
ekki stöðvaður. Ofsaaksturinn endaði með því að
bíllinn lenti aftan á öðrum sem verið var að aka
af stað á gatnamótum Miklubrautar og Grens-
ásvegar.
Ökumaðurinn, sem lögregla grunar um að
hafa ekið undir áhrifum áfengis, slasaðist nokk-
uð og fjórir sem voru í bílnum sem ekið var á
slösuðust einnig. Slökkviliðsmenn þurftu að
klippa bílana til að ná fólkinu út, og var það flutt
á bráðamóttöku Landspítala – háskólasjúkra-
húss.
Samkvæmt upplýsingum lögreglu virtist eng-
inn alvarlega slasaður, en bílarnir eru mikið
skemmdir. Ökumaður var yfirheyrður hjá lög-
reglu í gær vegna málsins.
Fimm slasaðir
eftir ofsaaksturSIGRÚN Klara Hannesdóttir landsbókavörðursegir að ekki hafi verið tekin nein ákvörðun
um það að hætta útgáfu Ritmenntar hand-
ritadeildar Landsbókasafns – Háskólabóka-
safns, líkt og tólf sérfræðingar á sviði ís-
lenskra fræða héldu fram í aðsendri grein í
Morgunblaðinu í gær. Verið sé að undirbúa út-
gáfu Ritmenntar fyrir árið 2005. „Hins vegar
má velta fyrir sér gagnsemi þessa rits þegar
ekki eru nema milli eitt og tvö hundruð
áskriftir að blaðinu. En það hefur ekki verið
tekin nein ákvörðun um að leggja það niður.“
Sigrún Klara segir að starfsmönnum í hand-
ritadeild Landsbókasafnsins hafi verið fjölgað,
en tveimur hefur nú verið sagt upp. Hún telur
að þrátt fyrir uppsagnirnar geti deildin sinnt
sínu hlutverki sem skyldi. „Ég tel að það sé
fyrst og fremst okkar hlutverk að gera efnið
aðgengilegt svo að aðrir geti stundað rann-
sóknir á þessu sviði.“
Hlutverk safnsins sé því að hafa góðar skrár
yfir handrit. Gömlu prentuðu skrárnar hafi
verið úreltar um leið og þær
komu út og svöruðu ekki
kröfum nútímans. „Þannig að
nú er verið að tölvuskrá
handritakostinn til þess að
bæta aðgengið.“
Það sé því ekki rétt sem
komi fram í grein íslensku-
fræðinganna að verið sé að
hætta útgáfu handritaskrár.
Fullkomnar rafrænar hand-
ritaskrár verði til innan
skamms og því sé bjart framundan í hand-
ritadeildinni.
Sigrún Klara segist hins vegar fagna áhuga
íslenskufræðinga á handritadeildinni. „Það er
rétt sem kemur fram í grein þeirra að sífellt
fleira ungt fólk sæki sér viðfangsefni í sjóði
handritadeildar.“
Hún segir að sífellt fleiri handritagjafir ber-
ist safninu sem geri rannsóknirnar auðveldari
og meira spennandi fyrir ungt fólk.
Útgáfu Ritmenntar hand-
ritadeildar ekki verið hætt
Sigrún Klara
Hannesdóttir
NOKKRAR sveiflur hafa verið í hitastigi á höfuðborgarsvæðinu undanfarna daga. Í vikunni var hiti
oft yfir frostmarki en í gær, laugardag, var átta stiga frost í morgunsárið sem beit í kinnarnar.
Þessi unga stúlka lét þó frostið ekki á sig fá, heldur dúðaði sig vel og hélt niður að Tjörn að gefa
fuglunum sem þar dvelja. Gæsirnar voru eins og sjá má ekkert feimnar við að þiggja brauðbita og
horfðu bænaraugum á stúlkuna sem skammtaði þeim brauðið.
Þó að frostið hafi verið töluvert á höfuðborgarsvæðinu í gær var það þó öllu meira norðaustan til á
landinu. Til dæmis mældist 15 stiga frost á Egilsstaðaflugvelli í gærmorgun. Þá voru 14 stig á Rauf-
arhöfn. Öllu hlýrra var á Vestfjörðum, t.d. aðeins eins stigs frost í Bolungarvík.
Morgunblaðið/Golli
Beðið eftir brauðmolum
DRYKKJUSIÐIR Íslendinga eru íbúum Eng-
lands og Wales hugleiknir þessa dagana, enda
á dagskránni að leyfa lengri afgreiðslutíma á
börum og klúbb-
um, svipað og
gert var hér á
landi árið 1999
þegar lögum um
afgreiðslutíma
skemmtistaða var
breytt og þeim
leyft að hafa opið
lengur fram eftir
nóttu.
Fréttamaður breska ríkissjónvarpsins, BBC,
kom hingað til lands til þess að kynna sér
áhrif lengri afgreiðslutíma, og birtist grein um
niðurstöður hans á vef BBC í gær. Meðal þess
sem fram kemur í greininni er að afleiðingar
þess að leyfa lengri afgreiðslutíma skemmti-
staða, sem fréttamaðurinn kallar „félagslega
tilraun“, sé aukin neysla á örvandi fíkniefnum,
svo sem amfetamíni, kókaíni og e-pillum, og
aukið álag á bráðamóttöku Landspítala – há-
skólasjúkrahúss.
Í greininni er þó einnig minnst á ánægju
lögreglu með breytt ástand í miðbænum, að
ekki sé jafnmikill mannfjöldi samankominn í
miðbænum rétt eftir kl. 3 um helgar með til-
heyrandi slagsmálum og leigubílaröðum.
Drykkjusiðir
Íslendinga fyrirmynd?
AÐALFUNDUR Freyju, félags framsókn-
arkvenna í Kópavogi, var ólöglegur að mati
laganefndar flokksins. Breytingar á lögum fé-
lagsins, sem samþykktar voru á aðalfundi í októ-
ber sl. og snerust m.a. um að flýta aðalfundi og
halda hann að jafnaði í febrúar, voru ekki send-
ar kjördæmasambandi Framsóknarflokksins til
staðfestingar fyrr en eftir aðalfundinn nú í lok
janúar. Að sögn Jóns Sveinssonar, formanns
laganefndarinnar, er það því niðurstaða nefnd-
arinnar að þar sem lögin hafi ekki verið staðfest
fyrr en í byrjun febrúar hafi ekki verið boðað
löglega til fundarins 27. janúar sl.
Aðalfundur
Freyju ólöglegur