Morgunblaðið - 06.02.2005, Síða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 6. FEBRÚAR 2005 VERÐ Í LAUSASÖLU 350 KR. MEÐ VSK.
Heilsukoddar
Heilsunnar vegna
BOLLUDAGURINN er á morgun og bakarar víðs-
vegar um land eru þegar farnir að baka. Óttar
Sveinsson, bakari í Bakarameistaranum í Suð-
urveri, segist baka á bilinu 32–35 þúsund bollur frá
fimmtudegi fram á mánudag.
Mest er keypt á mánudeginum, og virðist þorri
landsmanna kjósa helst hefðbundnar vatnsdeigs-
bollur með rjóma. Óttar segir þó suma meira fyrir
tilraunastarfsemi, og í ár verður boðið upp á nýjar
tegundir fyrir ævintýragjarna, svo sem danskar
vínarbollur með núggati, sólberjasultu og vanillu-
rjóma.
Ruth Ingólfsdóttir, starfsmaður Bakarameist-
arans, naut góðs af því að starfa í bakaríi þegar ljós-
myndari leit inn í heimsókn í gær og úðaði í sig
rjómabollu með bestu lyst.
Morgunblaðið/Þorkell
Flestir vilja vatnsdeigsbollur
Fernt
handtekið
vegna
fíkniefna
LÖGREGLAN á Selfossi hand-
tók í gær þrjá karlmenn og
konu eftir að fíkniefni fundust í
bíl og við húsleit. Lagt var hald
á nokkra tugi gramma af efni
sem talið er vera amfetamín
eða kókaín, og nokkra
skammta af ætluðu LSD.
Tildrög málsins voru þau að
lögreglan stöðvaði ökumann
bifreiðar vegna gruns um að
hann væri undir áhrifum fíkni-
efna. Fíkniefni fundust í bíln-
um, og voru maðurinn og kona
sem var með honum í bílnum
handtekin. Í kjölfarið var gerð
húsleit þar sem meira af fíkni-
efnum fannst, og voru tveir
menn handteknir í húsinu.
Reiknað með
fleiri húsleitum
Fólkið sem var handtekið var
á milli tvítugs og þrítugs, og er
allt þekktir fíkniefnaneytend-
ur, að sögn lögreglu. Lögreglan
á Selfossi var enn að rannsaka
málið þegar blaðið fór í prent-
un, og var reiknað með að fleiri
húsleitir yrðu gerðar síðdegis í
gær í tengslum við rannsókn
málsins.
FÍKNIEFNADEILD lögreglunnar
í Reykjavík kom upp um fjórtán
fíkniefnamál í fyrrinótt í þriggja
klukkustunda aðgerð sem beindist
gegn fíkniefnaneyslu á skemmti-
stöðum í borginni. Til samanburðar
má geta þess að um síðustu versl-
unarmannahelgi, þ.e. frá fimmtu-
degi til mánudags, komu upp um
100 fíkniefnamál á landinu öllu og
var þá um mikla aukningu að ræða.
Ein af skýringunum á málafjöld-
anum um verslunarmannahelgina
er sú að viðbúnaður var með mesta
móti, m.a. voru fíkniefnaleitar-
hundar á stærstu samkomunum.
Engir hundar voru lögreglunni til
aðstoðar í fyrrinótt heldur fólst að-
gerðin einfaldlega í því að níu fíkni-
efnalögreglumenn fóru á milli tíu
skemmtistaða og leituðu á mönnum
sem þeir töldu grunsamlega. Í einu
tilviki var lagt hald á fíkniefni sem
verið var að höndla með í Tryggva-
götu, alls sjö til átta grömm af am-
fetamíni. Í öðrum tilvikum var um
neysluskammta að ræða, ýmist af
amfetamíni, kannabisefnum eða
kókaíni.
Ásgeir Karlsson, yfirmaður fíkni-
efnadeildarinnar, segir það grafal-
varlegt mál að svo mörg mál skuli
hafa komið upp á svo skömmum
tíma og þetta staðfesti að neysla sé
að aukast inni á skemmtistöðunum
og sé orðin hluti af skemmtana-
mynstri margra. Aðgerðin í fyrri-
nótt er sú umfangsmesta af þessu
tagi hingað til. Alls tóku tólf fíkni-
efnalögreglumenn þátt í henni eða
þrír af hverjum fjórum starfsmönn-
um deildarinnar. Ásgeir segir að
ákveðið hafi verið að leita að fíkni-
efnum á skemmtistöðum borgarinn-
ar m.a. vegna upplýsinga sem hafi
komið fram um að fíkniefnaneysla
hafi aukist í tengslum við skemmt-
analíf.
Fíkniefnadeildin hefur haft í
mörg horn að líta undanfarna daga.
Á fimmtudag og föstudag var lagt
hald á samtals um hálft kíló af hassi
eftir að leitað var á heimilum
þriggja manna, annars vegar í
Reykjavík og hins vegar í Mos-
fellsbæ.
Lögreglan leitar að fíkniefnum á skemmtistöðum í Reykjavík
Fjórtán fíkniefnamál á
þremur klukkustundum
Morgunblaðið/Júlíus
 Leitað að/6
ÞAÐ skipulag sem þyrfti til þess að bregðast
kerfisbundið við þörf fyrir áfallahjálp sem
kemur upp ef alvarlegt slys eða náttúruham-
farir verða er ekki fyrir hendi hér á landi.
Brýnt er að bætt verði úr því sem fyrst og
skipulagður viðbragðshópur aðila þjálfaðra í
áfallahjálp í líkingu við hefðbundnar björg-
unarsveitir.
Þetta er mat Ágústs Oddssonar, heilsu-
gæslulæknis á Hvammstanga, en hann sat í
nefnd sem skipuð var eftir snjóflóðið á Súða-
vík árið 1995. Hann rekur í grein í Lækna-
blaðinu hvernig staða áfallahjálpar er á Ís-
landi í dag. Í samtali við Morgunblaðið segir
Ágúst að heildarskipulag á landsvísu skorti
til þess að viðbrögð við áföllum verði kerf-
isbundin og örugg.
Ágúst segir miðstöð áfallahjálpar á Land-
spítala – háskólasjúkrahúsi ekki hafa undir
sinni stjórn skipulagðan útkallshóp af þeirri
stærðargráðu sem þyrfti til. Æskilegt væri
að til væri hópur skipulagður með svipuðum
hætti og björgunarsveitir, þar sem alltaf er
nokkur hópur sem er tilbúinn til að leggja
allt frá sér og fara af stað eftir ákveðnu
skipulagi ef neyð kemur upp.
Ágúst segir að þótt þáverandi heilbrigð-
isráðherra, Ingibjörg Pálmadóttir, hafi tekið
fagnandi hugmyndum nefndarinnar sem
skilaði tillögum sínum árið 1996 og gert til-
lögur hennar að sínum hafi í raun ekkert ver-
ið gert í málinu. Kennir hann peningaleysi
einkum um.
Ekkert sem pískar menn áfram
„Það er eins og oft er, það verða stórslys
og hamfarir, það ríkir ákveðið viðbúnaðar-
stig og reynt er að hlaupa til og gera það sem
hægt er. Svo fara menn að skoða hlutina á
eftir, og svo einhvern veginn sofnar allt aftur
vegna þess að þörfin er ekki fyrir hendi í
nokkur ár og þá dofnar áhuginn og menn
gleyma þessu. Það er ekkert sem pískar
menn áfram í að gera hlutina,“ segir Ágúst.
Hann segist hafa bundið vonir við framtak
Landlæknisembættisins, sem í október 2003
sendi út bréf þar sem fram kemur að nauð-
synlegt sé að efla þjónustu á sviði áfallahjálp-
ar á landsvísu. Rætt hafi verið um að emb-
ættið myndi boða til funda þá um veturinn,
en ekkert hafi orðið úr því.
Erum ekki
búin undir
alvarlegt áfall
Segir heildarskipulagi
áfallahjálpar ábótavant
SÍFELLT verður algengara að
fólk noti Netið til að hringja sín á
milli, ýmist með aðstoð tölvu eða
með svokölluðum netsímum. Með
því móti má hringja ýmist fyrir
nánast ekkert eða á innanlands-
taxta þó talað sé milli landa.
Í Tímariti Morgunblaðsins í dag
lýsir Árni Matthíasson þessari
þróun sem er svo ör að hún er til
þess fallin að kollvarpa símafyr-
irtækjunum ef þau gæta ekki að
sér, gerbreyta tekjustreymi þeirra
og spilla arðbærum rekstri. Þau
ráða enn yfir leiðslunum sem not-
aðar eru til gagnaflutninganna, en
með netsímatækni getur til að
mynda hver sem er stofnað síma-
fyrirtæki með tiltölulega litlum til-
kostnaði.
Alltaf með sama
símanúmerið
Mun ódýrara er að flytja símtal
um Netið en í gegnum símkerfi
símafyrirtækja vegna uppbygging-
ar Netsins og tækninnar sem not-
uð er. Einnig gefur netsímatæknin
kost á mörgum nýjungum, t.d. er
fólk alltaf með sama númerið, flyt-
ur það jafnvel á milli landa, ekkert
kostar aukalega að hafa fjölmörg
símanúmer á sama heimilinu og
svo má telja, en einnig er fram-
undan ýmis tækni eins og radd-
stýring, hægt verður að láta sím-
ann þýða fyrir sig jafnharðan og
talað er í hann, gefa má skipanir
um hvaðeina, kveikja á ofninum,
lækka hita, slökkva útiljós og svo
má lengi telja.
Netsíminn
ógnar hefð-
bundnum
símarekstri
 Tímarit Morgunblaðsins