Morgunblaðið - 07.02.2005, Blaðsíða 2
2 MÁNUDAGUR 7. FEBRÚAR 2005 MORGUNBLAÐIÐ
FRÉTTIR
LAUS VIÐ STEFNU
Georg Kr. Lárusson, fyrrverandi
forstjóri Útlendingastofnunar,
gagnrýnir stjórnvöld harkalega fyrir
stefnuleysi í málefnum útlendinga
og fjölmiðla fyrir brotakennda um-
fjöllun um málefni útlendinga. Tatj-
ana Latinovic, formaður Samtaka
kvenna af erlendum uppruna, tók
undir þetta. Hún vill að fjölmiðlar
losi útlendinga við fórnarlambs-
ímyndina og endurspegli þann fjöl-
breytta hóp útlendinga sem hér hef-
ur sest að.
Rice hittir Abbas
Condoleezza Rice, utanrík-
isráðherra Bandaríkjanna, hittir
Mahmoud Abbas, nýjan leiðtoga
Palestínumanna, í dag en hún kom
til Mið-Austurlanda í gær. Fundaði
hún með Ariel Sharon, forsætisráð-
herra Ísraels, í gærkvöldi en fyrir
fundinn sagðist hún hafa þau skila-
boð að senda ísraelskum ráðamönn-
um að þeir yrðu að vera reiðubúnir
að taka „erfiðar ákvarðanir“ í þágu
friðar við Palestínumenn. Sharon og
Abbas hittast í Egyptalandi á morg-
un, þriðjudag, en Rice hefur ekki í
hyggju að vera viðstödd þann fund.
Hætta hjá Toyota
Vegna óánægju með að forstjóri
P. Samúelssonar, umboðsaðila
Toyota á Íslands, var látinn hætta
hafa margir af æðstu stjórnendum
fyrirtækisins sagt upp. Níu af þeim
undirrituðu yfirlýsingu þar sem
fram kemur að djúpstæður ágrein-
ingur innan fjölskyldu og meiri-
hlutaeigenda P. Samúelssonar hafi
orðið til þess að forstjórinn, Emil
Grímsson, þurfti að láta af störfum.
Emil hefur keypt meirihlutann í
Arctic Trucks sem sérhæfir sig í
breytingum á jeppum.
Thaksin vann á Taílandi
Thaksin Shinawatra, forsætisráð-
herra Taílands, vann stórsigur í
þingkosningum sem haldnar voru í
landinu í gær. Útgönguspár bentu til
að flokkur Thaksins hefði fengið
hreinan meirihluta á þingi og gott
betur, eða 399 þingsæti af 500.
Kosið í Danmörku á morgun
Skoðanakannanir benda til að rík-
isstjórn Anders Fogh Rasmussen
muni halda velli í þingkosningum
sem fara fram í Danmörku á morg-
un, þriðjudag. Gallup-könnun sem
birt var í gær sýndi stjórnarflokkana
tvo, Venstre og Íhaldsflokkinn, og
Danska þjóðarflokkinn, sem styður
ríkisstjórnina en á ekki aðild að
henni, með 52% fylgi sem þýða
myndi að flokkarnir þrír fengju 92
menn kjörna af 179.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@mbl.is
Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi, orri@mbl.is Skarp-
héðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson
Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Í dag
Sigmund 8 Brids 21
Viðskipti 9 Dagbók 22/24
Vesturland 12 Leikhús 25
Erlent 13 Fólk 26/29
Daglegt líf 15 Bíó 26/29
Umræðan 15 Ljósvakar 30
Forystugrein 16 Veður 31
Minningar 18/20 Staksteinar 31
* * *
SIGURGEIR Jóns-
son, fyrrverandi
hæstaréttardómari,
lést í Reykjavík 26.
janúar sl. Hann var á
83. aldursári.
Sigurgeir fæddist á
Ísafirði 11. apríl 1921,
sonur Jóns Arin-
björnssonar og
Hrefnu Sigurgeirs-
dóttur. Hann varð
stúdent frá Mennta-
skólanum í Reykjavík
árið 1939 og stundaði
nám í viðskiptafræði
og síðar lögfræði og
lauk lögfræðiprófi frá Háskóla Ís-
lands vorið 1945.
Sigurgeir var
fulltrúi í dóms- og
kirkjumálaráðuneyt-
inu frá 1945 til 1955.
Hann var hjá lögreglu
New York borgar fyrri
hluta árs 1949 til að
kynna sér lögreglu-
rannsóknir. Hann var
skipaður bæjarfógeti í
Kópavogi í ágúst 1955
og hæstaréttardómari
árið 1979. Honum var
veitt lausn frá embætti
að eigin ósk árið 1986.
Eftirlifandi kona
Sigurgeirs er Hrafn-
hildur Kjartansdóttir Thors og
eignuðust þau fjögur börn.
Andlát
SIGURGEIR
JÓNSSON
ÍSLENDINGAR virðast duglegir að
sækja þá vinninga sem þeir fá í Lottó,
og frá upphafi sölu á Lottómiðum ár-
ið 1986 hefur það einungis komið átta
sinnum fyrir að fyrsti vinningur
gengi út en eigandi miðans sækti
aldrei vinninginn, og er hlutfall
ósóttra vinninga mun lægra hér á
landi en víða annars staðar.
Hæsti vinningurinn sem aldrei var
vitjað seldist 13. ágúst 1994, og var
hann tvöfaldur fyrsti vinningur að
upphæð um 7,6 milljónir, segir Berg-
sveinn Sampsted, framkvæmdastjóri
hjá Íslenskri getspá og getraunum.
Það sama ár féll fyrsti vinningur að
upphæð um 5 milljónir króna á miða
sem aldrei var vitjað. Sex aðrir sem
hafa unnið fyrsta vinning en ekki gef-
ið sig fram hafa orðið af innan við 3
milljónum króna hver.
Ef vinnings í Lottó er ekki vitjað
innan árs frá því hann er dreginn út
rennur vinningurinn óskiptur til þess
málefnis sem Lottó styrkir, Íþrótta-
og ólympíusambands Íslands, Ör-
yrkjabandalags Íslands og Ung-
mennafélags Íslands. Bergsveinn
segir að það sé innan við 1% vinninga
sem er ekki vitjað, og eru það yfirleitt
smæstu vinningarnir sem ekki eru
sóttir, gjarnan undir 1.000 krónum.
Miðinn í þvottavélina
Bergsveinn segir að erfitt sé að
giska á hvers vegna vinningar séu
ekki sóttir, en það tengist hugsanlega
því að miðar týnist eða fólk hreinlega
átti sig ekki á því að það var með
vinning á miða sínum. Miðarnir þola
annars ýmislegt, og þeir eru í mjög
misjöfnu ástandi þegar vinninga er
vitjað, og meira að segja er dæmi um
miða sem farið hafa í gegnum þvotta-
vél í vasa á einhverri flík, en samt
verið nægilega læsilegir til þess að
eigendurnir fengju vinningana af-
henta.
Þeim tilvikum þegar vinningar eru
ekki sóttir fer þó fækkandi með nýrri
tækni, og sífellt fleiri eru með fasta
áskrift eða kaupa miða í gegnum
Netið, segir Bergsveinn. Í báðum til-
vikum er hægt að hafa uppi á vinn-
ingshöfum og láta þá vita af vinningn-
um ef þeir einhverra hluta vegna
gera sér ekki grein fyrir nýfengnu
ríkidæmi.
Íslendingar duglegir að sækja vinninga í Lottó
Átta aðalvinninga
ekki verið vitjað
RAGNAR Ingi Stefánsson, Íslandsmeistari í mótó-
crossi, vann það afrek í gær að stökkva á torfæruhjóli
jafnlangt og 50 Nashuatec-prentarar náðu á gólfi Reið-
hallarinnar í Víðidal. Stökk hann við hlið vélanna. At-
burðurinn var kvikmyndaður fyrir svæðisskrifstofu
Nashuatec á Norðurlöndum. Stökkið var 25 metra
langt og var erfitt að því leytinu til að ekið var upp
ramp en lent á jafnsléttu í stað þeirrar hæðar sem
stokkið var úr. Um 30 manns fylgdust með stökki
Ragnars Inga.
Morgunblaðið/Árni Torfason
Vélhjólakappi hoppar við hliðina á prenturum í Reiðhöllinni í Víðidal.
Erfitt stökk á torfæruhjóli
Dettifoss til
Rotterdam á
miðvikudaginn
VEL gengur hjá þýska drátt-
arskipinu Primus sem dregur
Dettifoss til Rotterdam, og er
reiknað með því að skipið komi í
höfn þar á miðvikudag. Höskuldur
H. Ólafsson, aðstoðarforstjóri
Eimskips, segir að reikna megi
með því að Dettifoss þurfi að vera
í kringum fjórar vikur í viðgerð í
Rotterdam áður en skipið hefur
siglingar á ný. Stýri þess brotnaði
þegar það var á siglingu aðfara-
nótt mánudagsins 31. janúar.
Mestur hluti farmsins um borð í
skipinu var á leið til Rotterdam,
og er hann enn um borð. Hluti
farmsins var þó á leið til Færeyja,
og var honum skipað upp á Eski-
firði og sendur til Færeyja með
Goðafossi, segir Höskuldur.
BJÖRN Ingi Hrafnsson, aðstoðar-
maður forsætisráðherra, segir að
ákveðið hafi verið að halda reglulega
blaðamannafundi í forsætisráðu-
neytinu. Kom þetta fram í máli hans
í þættinum Silfri Egils á Skjá einum í
gær.
Björn Ingi segir í samtali við
Morgunblaðið að hugmyndin sé sú
að halda annars vegar almenna
blaðamannafundi með forsætisráð-
herra og hins vegar eins konar upp-
lýsingafundi, þar sem farið yrði nán-
ar ofan í þau málefni sem hæst bæri
hverju sinni. „Þetta er liður í bættum
samskiptum okkar við fjölmiðla,“ út-
skýrir hann.
„Þetta er eitt af því sem við vorum
búnir að ákveða áður en við fórum í
forsætisráðuneytið en hefur ekki
gefist tími til að hrinda í fram-
kvæmd.“
Ekki ákveðið hversu oft
Hann segir að enn sé ekki búið að
ákveða hve oft eigi að halda slíka
fundi. „Við munum á næstu dögum
og vikum óska eftir samvinnu um
þetta mál við fjölmiðla og Blaða-
mannafélagið,“ segir hann.
Forsætisráðuneytið
Blaðamanna-
fundir verði
haldnir reglulega
Segja íslenskan
ríkisborgararétt
skipta sköpum
MASAKO Suzuki, lögmaður
Bobbys Fischers, segir í álitsgerð
sinni um málefni Fischers að það
muni skipta sköpum fyrir hann að
fá íslenskan ríkisborgararétt. Í
álitsgerðinni segir að samkvæmt
japönskum lögum eigi að senda
hann til þess lands sem hann hef-
ur ríkisborgararétt í. Álitsgerðin
var send stuðningsmönnum Fisch-
ers hér á landi í gær og verður
einnig send Alþingi.
Að sögn Sæmundar Pálssonar,
vinar Fischers, ríður á að Alþingi
taki fyrir beiðni Fischers um ís-
lenskan ríkisborgararétt og sé
dráttur málsins hjá allsherj-
arnefnd orðinn einkennilegur í
ljósi þess að utanríkisráðherra
hafi tekið frumkvæði að því að
bjóða Fischer hingað til lands.
Málið sé orðið mannúðarmál þar
sem Fischer hafi dvalið í varð-
haldi í tæpa sjö mánuði samfleytt.
Velti bílnum
á þriðja degi
TÆPLEGA þrítug kona slapp án
alvarlegra meiðsla þegar hún
velti bíl sínum á Biskupshálsi, á
mörkum N-Múlasýslu og Þingeyj-
arsýslu síðdegis í gær. Mikil hálka
var á veginum.
Bíllinn valt fyrir utan veg og
stöðvaðist talsvert langt frá veg-
inum. Hann er töluvert skemmdur
og óökufær, að sögn lögreglunnar
á Egilsstöðum. Konan fékk aðstoð
frá vegfaranda sem átti leið hjá
og hafði síðan samband við lög-
reglu. Konan hafði átt bílinn í
þrjá daga þegar hann valt.