Morgunblaðið - 11.03.2005, Side 31

MORGUNBLAÐIÐ FÖSTUDAGUR 11. MARS 2005 31
UMRÆÐAN
NÚ KEMUR í ljós hvort Þorgerð-
ur Katrín Gunnarsdóttir er mennta-
málaráðherra eða bara réttur og
sléttur þjónn gamla tímans. Póli-
tísku samráði flokkshesta er beitt til
að niðurlægja Ríkisútvarpið með
þeirri aðferð sem notuð var til að
ráða fréttastjóra. Ríkisútvarpið er
þjóðargersemi. Menningarstofnun
sem almenningur hefur ríka hags-
muni af að sé varðveitt og vel við
haldið. Þessi ráðning
er aðför að öllu því sem
slík stofnun stendur
fyrir. Útvarpsstjóri af-
salar stofnuninni sjálf-
stæði með þeim orðum
að álit fulltrúa al-
mannavaldsins vegi
þyngra en umsagnir
annarra. Mennta-
málaráðherra er æðsti
yfirmaður Rík-
isútvarpsins og þar
með hæstsetti fulltrúi
þeirra almannahags-
muna sem útvarps-
stjóri vísar til. Hvað
gerir mennta-
málaráðherra? Ég skal
játa að ráðherra er
vandi á höndum. Sjálf-
stæðisflokkurinn hefur
haft 20 ár til að efla al-
menningsútvarp,
tryggja sjálfstæði þess
og koma í veg fyrir
svona hneyksli með því
að setja réttar leik-
reglur um RÚV. Þetta síðasta tilvik
er hins vegar, því miður, í rökréttu
samhengi við það sem áður hefur
tíðkast undir forystu Sjálfstæð-
isflokksins í menningarmálum. Í því
felst vandi ráðherrans: Að brjótast
undan ofurvaldi hefðarinnar um
pólitíska íhlutun, eða koðna niður
sem stjórnmálamaður og láta yfir
sig ganga. Er Þorgerður Katrín
Gunnarsdóttir leiðtogi eða þjónn?
Stefán Jón Hafstein fjallar um
ráðningu fréttastjóra RÚV
Stefán Jón Hafstein
’Þetta síðasta tilviker hins vegar, því
miður, í rökréttu
samhengi við það
sem áður hefur tíðk-
ast undir forystu
Sjálfstæðisflokksins
í menningarmálum.‘
Höfundur er formaður framkvæmda-
stjórnar Samfylkingarinnar.
Hvað gerir menntamálaráðherra vegna RÚV?