Morgunblaðið - 12.03.2005, Blaðsíða 46
46 LAUGARDAGUR 12. MARS 2005 MORGUNBLAÐIÐ
MINNINGAR
✝ Júlíus Helgi Guð-mundsson fædd-
ist í Garðhúsum í
Garði 6. júlí 1932.
Hann lést af slysför-
um 27. mars síðast-
liðinn. Foreldrar
hans eru Guðmund-
ur Friðbjörn Eiríks-
son, f. 1. nóvember
1903, d. 28. mars
1971, og Jenný Kam-
illa Júlíusdóttir, f.
30. október 1906, d.
5. október 1976.
Systkini Júlíusar
Helga eru: Eiríkur,
f. 24. nóv. 1927, Guðrún, f. 24.
maí 1930, Agnes Ásta, f. 26. okt.
1933, d. 30. nóv. 1982, Knútur, f.
31. des. 1935, og Vilhelm, f. 15.
júlí 1937.
Júlíus Helgi kvæntist 5. nóv.
1960 eftirlifandi eiginkonu sinni,
Sólveigu Óskarsdóttur, f. í
Reykjavík 2. júlí 1938. Foreldrar
hennar eru Ólafía Katrín Guð-
mundsdóttir, f. 27. mars 1918, d.
7. apríl 1995, og Óskar Jóseps-
son, f. 19. mars 1907, d. 7. maí
1987. Börn Júlíusar Helga og Sól-
veigar eru: 1) Óskar, f. 12. maí
1960, maki Linda Birgisdóttir, f.
7. maí 1961, dætur þeirra eru
Sólveig, f. 19. ág. 1987, Selma, f.
9. júlí 1990, og Sandra, f. 1. des.
1999. 2) Friðbjörn, f.
12. okt. 1967, maki
Sveinbjörg Gunn-
laugsdóttir, f. 28.
feb. 1969. Börn
þeirra eru Heiður
Björk, f. 19. des.
1987, Gunnlaugur
Helgi, f. 17. nóv.
1992, og Garðar
Helgi, f. 23. des.
1996. 3) Agnar
Trausti, f. 22. mars
1971, unnusta Neli
Traskeviciute, f. 27.
júní 1974, sonur
hennar Povilas
Traskevicius, f. 2. nóv. 1995. 4)
Kjartan Guðmundur, f. 13. nóv.
1971, maki Helena Piechnik, f. 9.
ág. 1966, sonur þeirra Júlíus
Stanislaw, f. 3. maí 1996.
Júlíus Helgi var fæddur og
uppalinn í Garði og bjó þar alla
tíð. Ungur að árum hóf hann að
stunda sjómennsku með föður
sínum. Á þrítugsaldri fór hann í
Stýrimannaskólann í Reykjavík
og að námi loknu varð hann skip-
stjóri á Hólmsteini GK 20 til árs-
ins 1996 og gerði hann út ásamt
bræðrum sínum fram til dauða-
dags.
Útför Júlíusar verður gerð frá
Útskálakirkju í dag og hefst at-
höfnin klukkan 14.
Elsku afi.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
(V. Briem.)
Þínar afastelpur,
Sólveig, Selma og Sandra.
Mig langar að minnast tengdaföð-
ur míns með örfáum orðum. Júlíus
Helgi ólst upp í Garðinum og hugur
hans virðist alltaf hafa leitað til sjáv-
ar og starfaði hann alla tíð sem sjó-
maður. Júlíus, eða Júlli eins og hann
var kallaður, var ekki mikið fyrir að
sitja kyrr og auðum höndum, hann
hafði ávallt þörf fyrir að hafa eitt-
hvað fyrir stafni og hafði ómælda
ánægju af því að dútla eitthvað í
bátnum sínum. Ég hef verið þeirrar
gæfu aðnjótandi að vera mikið í
kringum hann og flesta daga hefur
hann komið við á heimili mínu og
heilsað upp á heimilisfólkið. Júlli var
mikill barnakarl og hændust börnin
mín mjög að honum. Ósjaldan hafa
þau fengið að vera með í viðgerðum
eða öðru því sem hann tók sér fyrir
hendur og margar nætur hafa þau
fengið að gista á Smáraflöt hjá hon-
um. Í gegnum árin hefur fjölskylda
mín farið í sumarbústaðaferðir með
honum og Sólveigu, og unun hefur
verið að horfa á Júlla búa sig á veið-
ar með börnunum því spenningur-
inn var sá sami hjá honum og þeim.
Ég þakka þér fyrir samfylgdina
og kveð þig með söknuði.
Sveinbjörg.
Elsku afi. Lífið hefur komið mér í
opna skjöldu. Á einu kvöldi breyttist
svo mikið, mér fannst allt hafa verið
tekið af mér og heimsins verstu til-
finningar helltust yfir mig. Ég vakn-
aði við rödd þína þegar þú komst í
heimsókn um morguninn og sofnaði
með hugsanir um þig fljúgandi í
kollinum um kvöldið. Það er svo
margt sem ég skil ekki og mun aldr-
ei skilja.
En þó ég kveðji þig með sárum
söknuði leynist veikt bros falið á bak
við tárin. Vegna þess að ég veit að
þú ert ánægður og er viss um að þú
horfir stoltur niður á það sem þú af-
rekaðir í lífinu.
Allar þær stundir sem ég átti með
þér voru mér alla tíð ómetanlegar
og eru orðnar miklu verðmætari
núna. Þetta eru stundir sem ég á
aldrei eftir að gleyma og eiga eftir
að nýtast mér á ferð minni í gegnum
lífið. Ég man svo vel þegar ég var í
grunnskóla og átti að taka viðtal við
gamla manneskju. Auðvitað valdi ég
þig enda mikill viskubrunnur. Við-
talið, sem átti að taka tíu mínútur og
byggjast upp á fimm spurningum,
endaði með því að taka allt kvöldið
því mér fannst svo gaman að hlusta
á þig. Þér fannst auðvitað ekki leið-
inlegt að tala. Ég man líka þegar ég
sat hjá þér í heilan dag og þú kennd-
ir mér að fara með frímerki eða þeg-
ar þú kenndir mér að borða harðfisk
með miklu smjöri.
Síðastliðin ár fórum við að deila
mikið um stjórnmál og var það eitt
það skemmtilegasta sem ég gerði.
Enda vorum við með gjörsamlega
andstæðar skoðanir og bæði frekar
tapsár. Það á eftir að verða tómlegt
að hafa þig ekki til staðar. Núna á
enginn eftir að hringja í mig og
spyrja hvernig hafi gengið að keyra
á milli og hvernig veðrið hafi verið.
Eða biðja mig um að fara inn í Ís-
lendingabók að leita að skyldmenn-
um.
Ég er þakklát fyrir að hafa
kynnst þér svona vel og orðið þeirr-
ar gæfu aðnjótandi að hafa þig í lífi
mínu svo lengi. Ég er stolt af því að
vera afabarnið þitt og er glöð yfir að
þú hafir haft áhrif á líf mitt og skoð-
anir. Mér þykir svo vænt um þig og
ég mun aldrei gleyma þér.
Heiður Björk.
Fallinn er frá með sviplegum
hætti góður og traustur vinur til
margra ára, Júlíus Guðmundsson
skipstjóri. Kynni okkar Júlíusar hóf-
ust fyrir um þrjátíu og sex árum
þegar ég tók að mér bókhald og
uppgjör útgerðarfyrirtækisins
Hólmsteins en hann og bræður hans
höfðu tekið við rekstri þess eftir lát
föður þeirra. Júlíus var lengst af
skipstjóri á m/b Hólmsteini en fór í
land fyrir um tíu árum af heilsufars-
ástæðum. Hugurinn var þó alltaf
bundinn við sjómennsku og útgerð,
því hann hafði veg og vanda af út-
gerð bátsins eftir að hann kom í
land og sá um uppgjörin við áhöfn-
ina eins og hann hafði ávallt gert áð-
ur. Af þeim sökum hittumst við
reglulega, oftast tvisvar í hverjum
mánuði, öll þessi ár því ég sá um
pappírsmálin og því kynntist ég
þessum heiðursmanni vel.
Júlíus var ekki allra, en hafði góða
nánd og var einstaklega traustur.
Það segir sína sögu um Júlíus að um
langt árabil var hann alltaf með
sömu áhöfn og það á tímum þegar
yfirleitt var mikið um breytingar í
áhöfnum netabáta sem ekki voru í
tísku þá. Hann hafði sína sérvisku í
ýmsu er laut að útgerðinni eins og
títt er um þá sem sjóinn stunda og
vakti það oft kátínu mína að kynnast
þeirri hlið hans. Tók hann því ætíð
með jafnaðargeði þegar ég reyndi
að stríða honum með þessari hátt-
semi hans.
Við Júlíus höfðum báðir áhuga á
stangveiði og áttum saman nokkrar
góðar stundir við þá iðju en þar var
Júlíus einnig mikil aflakló.
Við félagarnir í Lionsklúbbnum
Ásbirni í Hafnarfirði stöndum ávallt
í mikilli þakkarskuld við Júlíus fyrir
rausnarsemi hans. Á sínum tíma
fórum við félagarnir ekki alltaf hefð-
bundnar leiðir í fjáröflun til að
standa straum af framlögum til
mannúðarmála. Eitt sinn fórum við
þess á leit við Júlíus hvort við kæm-
umst í svo sem einn róður í þeim til-
gangi að selja aflann ef einhver yrði.
Tók hann þessari málaleitan ákaf-
lega vel og fór með okkur félagana í
einn róður á ári nokkur ár í röð og
sá til þess að vel aflaðist. Hann hafði
gaman af þessum landkröbbum en
leiðbeindi okkur á allan hátt bæði
við veiðar og meðferð aflans. Munu
ávallt fylgja góðar minningar og
þakklæti okkar fyrir þessar sam-
verustundir með Júlíusi og áhöfn
hans.
Við samferðamenn Júlíusar mun-
um varðveita minningu góðs drengs
og söknum hans sárt en sárari er
söknuður ástvina. Ég sendi Sól-
veigu, strákunum og fjölskyldum
þeirra, svo og ástvinum öllum, mín-
ar innilegustu samúðarkveðjur.
Gylfi Gunnarsson.
JÚLÍUS HELGI
GUÐMUNDSSON
Morgunblaðið birtir minningargreinar alla útgáfudagana.
Skil Minningargreinar skal senda í gegnum vefsíðu Morgunblaðsins: mbl.is (smellt
á reitinn Morgunblaðið í fliparöndinni – þá birtist valkosturinn „Senda inn minn-
ingar/afmæli“ ásamt frekari upplýsingum).
Skilafrestur Ef birta á minningargrein á útfarardegi verður hún að berast fyrir
hádegi tveimur virkum dögum fyrr (á föstudegi ef útför er á mánudegi eða þriðju-
degi). Ef útför hefur farið fram eða grein berst ekki innan hins tiltekna skilafrests
er ekki unnt að lofa ákveðnum birtingardegi. Þar sem pláss er takmarkað getur
birting dregist, enda þótt grein berist áður en skilafrestur rennur út.
Lengd Minningargreinar séu ekki lengri en 2.000 slög (stafir með bilum - mælt í
Tools/Word Count). Ekki er unnt að senda lengri grein. Hægt er að senda örstutta
kveðju, HINSTU KVEÐJU, 5-15 línur, og votta þeim sem kvaddur er virðingu sína
án þess að það sé gert með langri grein. Ekki er unnt að tengja viðhengi við síð-
una.
Formáli Minningargreinum fylgir formáli, sem nánustu aðstandendur senda inn.
Þar koma fram upplýsingar um hvar og hvenær sá, sem fjallað er um, fæddist,
hvar og hvenær hann lést, um foreldra hans, systkini, maka og börn og loks hvað-
an útförin fer fram og klukkan hvað athöfnin hefst. Ætlast er til að þetta komi að-
eins fram í formálanum, sem er feitletraður, en ekki í minningargreinunum.
MinningargreinarÁstkær eiginmaður minn, faðir okkar, tengda-
faðir, afi, langafi og langalangafi,
ÓLAFUR GUÐMUNDSSON
frá Naustum,
Akureyri,
sem lést á Fjórðungssjúkrahúsinu á Akureyri
laugardaginn 5. mars, verður jarðsunginn frá
Akureyrarkirkju mánudaginn 14. mars kl. 13.30.
Sveinbjörg Baldvinsdóttir,
Aðalheiður Ólafsdóttir, Ari Erlingur Arason,
Magnús Ólafsson, Anna Þóra Baldursdóttir,
Lilja Rósa Ólafsdóttir, Þorvaldur Benediktsson,
Herdís Ólafsdóttir, Torfi Sverrisson,
Þórey Ólafsdóttir, Benedikt Sigurbjörnsson,
Helga Steinunn Ólafsdóttir,
barnabörn, barnabarnabörn
og barnabarnabarnabörn.
Innilegar þakkir til allra sem sýndu okkur
samúð, hlýhug og vináttu við andlát og útför
móður okkar, tengdamóður, ömmu, langömmu
og langalangömmu,
DAGMARAR AÐALHEIÐAR JÚLÍUSDÓTTUR,
Lindarsíðu 2,
Akureyri.
Gunnar Öxndal Stefánsson, Áslaug Jónasdóttir,
Viðar Öxndal Stefánsson,
Reynir Öxndal Stefánsson, Þorbjörg Ágústsdóttir,
ömmubörn, langömmubörn
og langalangömmubarn.
Innilegar þakkir fyrir samúð og hlýhug við and-
lát og útför móður okkar,
SIGURLAUGAR KRISTÍNAR
JÓHANNSDÓTTUR,
Sóltúni 2,
Reykjavík.
Jóhann Scheither,
Leifur N. Dungal,
Ragnar Ólafsson
og fjölskyldur.
Hjartans þakkir til allra þeirra, sem sýndu okkur
samúð, hlýhug og vináttu við andlát og útför
föður okkar, tengdaföður, afa, langafa og langa-
langafa,
BJÖRNS GUÐMUNDSSONAR,
áður til heimilis
í Miðtúni 2.
Sérstakar þakkir starfsfólks á hjúkrunarheim-
ilinu Eir fyrir góða umönnun.
Guðmundur Hlíðar Björnsson, Anna Hlín Guðmundsdóttir,
Birna G. Björnsdóttir, Björn Karlsson,
Stefanía G. Björnsdóttir, Jón Helgason,
Haraldur Björnsson, Ingibjörg Gísladóttir,
barnabörn og langafabörn.
Pantanir í síma 562 0200
Á fallegum og notalegum
stað á 5. hæð Perlunnar.
Aðeins 1.250 kr. á mann.
Perlan
ERFIDRYKKJUR
Ástkær móðir okkar, tengdamóðir, amma
og langamma,
AÐALHEIÐUR KRISTJÁNSDÓTTIR,
Hamraborg 18,
lést fimmtudaginn 3. mars.
Útförin fer fram frá Hafnarfjarðarkirkju þriðju-
daginn 15. mars kl. 13.00.
Guðrún Sigurðardóttir, Kristinn Vermundsson,
Sigurborg Sigurðardóttir, Sigurður Sigurðsson,
Oddný Sigurðardóttir, Ólafur B. Guðmundsson,
Jóna Gunnarsdóttir,
Ófeigur Sigurðsson, Linda Garðarsdóttir,
Þorbjörg Sigurðardóttir, Guðmundur Guðmundsson,
Þór Sigurðsson,
ömmubörn og langömmubörn.